Zefi

Merr fund bashkëpunimi, Bylis ndahet me mesfushorin

Sport Ekspres — Mon, 08 Jul 2019 21:40:19 +0000

Bylis ka bërë të ditur mbylljen e bashkëpunimit me mesfushorin Alfred Zefi. Në njoftimin e bërë nga klubi mallakastriot në rrjetet socialë është bërë e ditur se pas mbarimit të kontratës së lojtarit të dyja palët kanë rënë dakord që rrugët e tyre të ndahen.

Futbollisti kurbinas iu bashkua skuadrës së Bylisit një vit më parë. 27-vjeçari ishte një ndër lojtarë me të aktivizuar të ballshiotëve me 22 aktivizime, ku pjesa dërrmuese e të cilave ishin si pjesë e formacionit titullar.

NJOFTIMI I KLUBIT

Faleminderit Alfred Zefi!

Nga sot klubi dhe mesfushori mjaft punëtor dhe profesionist Alfred Zefi nuk do të bashkëpunojnë më. Përfundimi i kontratës së Zefit, sigurisht që ka gjetur konsensusine klubit për ta mbyllur bashkëpunimin!

Klubi e falenderon për kontributin maksimal dhe do të mbahet mend si një lojtar fjalë pak e punë shumë!

Suksese të mëtejshme Alfred Zefi!

Gjashtë ndeshje dënim, apeli i bën një nder të vogël Zefit

Sport Ekspres — Wed, 17 Oct 2018 18:51:32 +0000

Alfred Zefi u ndëshkua me karton të kuq në datën 30 shtator dhe u në subjekt i Komisionit të Disiplinës. Mesfushori u dënuar me 6 ndeshje pezullim për sjellje antisportive, por 27-vjeçari e kishte apeluar vendimin.

Kërkesa e lojtarit është pranuar në mënyrë të pjesshme, pasi nga 6 ndeshje pezullim, janë falur 2 prej tyre. Zefi mungoi në ndeshjen e fundit me Elbasanin dhe tani i duhet të shlyej dhe tre ndeshje. E sigurt është se mesfushori nuk do të jetë në fushë dhe në ndeshjen ndaj Lushnjes. Zefi mund të shlyej me gjobë 2 ndeshje të tjera, ose në të kundërt do të humbasë dhe përballjet me Pogradecin dhe Tomorin.

VENDIMI I PLOTË I KOMISIONIT TË APELTI

Vendimet e Komisionit të Apelit në FSHF, datë 17 tetor 2018

Ndryshimin e vendimit nr.07 datë 01.10.2018 (pika 13) të Komisionit të Disiplinës pranë FSHF si

mëposhtë:

Lojtari i KF “Bylis”, Alfred Zefi, për sjellje jo sportive ndaj zyrtarit të ndeshjes, në bazë të nenit

49/1/a) të KDS, dënohet me 4 (katër) ndeshje pezullim nga aktiviteti.

Kundër këtij vendimi lejohet ankim në Gjykatën e Arbitrazhit Sportiv (CAS/TAS) Lozanë Zvicër.

Alfred Zefi qëndron në Superiore, i bashkohet Kamzës

Sport Ekspres — Fri, 28 Jul 2017 08:47:56 +0000

Kamza mbetet në kërkim të lojtarëve cilësorë për të përforcuar skuadrën në prag të sezonit të ri futbollistik dhe deri më tani ka zyrtarizuar afrimin e Bruno Arrabal, brazilianit që luan si mesfushor qendror. Bisedimet vijojnë edhe me lojtarë të tjerë, por duhet që më parë palët të gjejnë akordin për të nënshkruar kontratën. Ditën e djeshme, nën urdhrat e trajneri Ramadan Ndreu, është paraqitur një tjetër futbollist dhe bëhet fjalë për mesfushorin Alfred Zefi, i cili vjet ishte pjesë e skuadrës së Korabit. 25-vjeçari njihet mirë nga trajneri Ndreu, pasi ka bashkëpunuar më parë me futbollistin kur ka qenë pjesë e Laçit, aty edhe Zefi ka spikatur, duke u aktivizuar aty për gjashtë sezone. Ai plotëson një nga kushtet kryesore të teknikut krutan, pasi e njeh mirë kampionatin dhe numëron 140 ndeshje në Superiore, duke luajtur në nivele të larta. Dalja në stërvitje tregon në njëfarë mënyre edhe dakordësinë mes palëve. Për Zefin interesohej edhe skuadra e Kastriotit të Krujës, por ai dëshironte të vijonte të luante në Superiore, gjë që ia mundëson skuadra e Kamzës.

MIQËSORJA

Të mërkurën ishte programuar të luhej një ndeshje miqësore ndaj ekipit të Laçit, por duke qenë se trajneri Ndreu nuk kishte në dispozicion një grup të plotë futbollistes, pasi kishte larguar një pjesë të mirë të atyre që kishin a ardhur në provë, ajo u shty dhe do të luhet nesër pasdite. Të dyja skuadrat do të përballen mes tyre në Kamzë. Për skuadrën e financuar nga presidenti Naim Qarri kjo do të jetë ndeshja e parë miqësore.