View this post on Instagram

 

Ex-jogador Zé Maria chega para ser o novo técnico da Lusa. Confira notícia no link da bio! #VamosàLuta

A post shared by Portuguesa de Desportos (@portuguesaoficial) on May 2, 2019 at 8:25am PDT

Potugesa është një klub, i cili luan vetëm në kampionatin krahinor të Sao Paolos, me Ze Marian që është një ish-lojtar i këtij ekipi. Kujtojmë Ze Maria drejtoi Tiranën për një sezon e gjysmë.

“Nuk është se ka qenë ndonjë gjë e madhe, thjesht për stërvitjen… Ishim grupe çunash që nuk ishim shumë, le të themi u prish grupi dhe ndikoi te skuadra. Pranova vendimin e trajnerit. Me ardhjen e profesor Ardian Memës sikur ka ardhur një frymë e re dhe jemi bërë të gjithë së bashku. Rezultatet po e tregojnë vetë”, tha mes të tjerash mbrojtësi.

DERBI – Prej pesë vitesh Tirana nuk arrin ta mundë Partizanin në derbi dhe normalisht kjo nuk përjetohet mirë në kampin bardheblu. Në derbin e dytë këtë sezon, skuadra e Ardian Memës shënoi e para me Grent Halilin. Gjithsesi gabimet në prapavijë sollën humbjen e Tiranës.

Në lidhje me derbin e fundit, Doka u shpreh: “Kemi gjithë këto vite që nuk fitojmë. Është ndjesi e veçantë kur e bën diçka të tillë. Kur shënuam në derbin e fundit, edhe unë vetë ë isha në fushë thashë që e fituam”.

“Tifozët? Nëse humb një derbi, nuk del sot në rrugë. Nuk i sheh dot tifozët”, u shpreh mbrojtësi i djathtë, i cili duhet i sigurt që ndeshjen e radhës me Partizanin do e fitojë Tirana. Madje Doka nuk ngurron edhe të ngacmojë moderatoren e emisionit, Joana Grabollin. “Jam shumë i sigurt që këtë herë do të fitojmë. Joana do qajë pas derbit (qesh)”, tha futbollisti i Tiranës.

KAMPIONATI DHE E ARDHMJA – Doka u pyet edhe në lidhje me skuadrat më të vështirë të këtij sezoni. “Skuadra për t’u mundur? Normalisht që vendi i parë dhe vendi i dytë, Partizani dhe Kukësi”, u shpreh mbrojtësi.

“Sezoni i fundit në Shqipëri? Çdo lojtar do të luajë jashtë, por unë jam nën kontratë me Tiranën. Klubi e di të ardhmen time. Nëse luan në Superiore, nuk e kap dot kombëtaren. Për shembull Uzuni ishte me Laçin dhe nuk e grumbullonte kombëtarja. Sapo shkoi në Kroaci u grumbullua direkt”, përfundoi Doka.

“Njerëzit kur nuk dinë ç’të thonë, flasin broçkulla. Mema? Nuk e di fare kush është ky. Nuk e kam dëgjuar asnjëherë të përmendet në botën e futbollit. Ai duhet të mendojë të bëjë punën e tij. Nëse di vërtetë ta bëjë punën…”, reagoi braziliani për “Panorama Sport”, ndërkohë që Mema ka mohuar të ketë thënë një gjë të tillë. Megjithatë, ai i kërkon ndjesë Ze Marias dhe insiston që ai ka folur vetëm për probleme psikologjike të Tiranës dhe jo fizike.

Maria i është përgjigjur fjalisë tuaj se skuadra ka probleme fizike. A keni ndonjë koment për këtë?
– E para, ku e kam thënë? (gazetari: – E keni thënë konferencën e kaluar.) Atëherë nëse e kam thënë diçka të tillë, që nuk besoj ta kem thënë, sepse i mbaj mend shumë mirë gjërat që them, do t’i kërkoj ndjesë publike Ze Marias. Nëse, gjithmonë. Unë e para nuk kam sfidë me atë, apo me dikë tjetër. Ze Marian dhe gjithë ish-trajnerët e Tiranës i respektoj sepse kanë punuar për këtë klub. Jam pjesë e Tiranës që fëmijë dhe parimi im është që të respektoj gjithë trajnerët që kanë punuar. Pjesa tjetër më duket e tepërt të flas. M’u duk një lajm artificial. Çdo njeri do të bëjë punën sa më mirë, si Ze Maria, si Ard Mema, si dikush tjetër që ka qenë më parë këtu. Kjo është çështje e mbyllur, nuk më intereson kjo pjesë. Nëse merrem është gabim i imi dhe nuk do e bëj kurrë.

Përgatitja fizike si ishte, që të qartësohen gjërat?
-Kam folur që në fillim për aspektin psikologjik. Në pozicionin që ishte Tirana, normalisht që do ketë probleme psikologjike. në këtë aspekt kam dashur të punoj. Sa i takon anës fizike, në futboll nëse nuk punon paketa elektronike, futbollisti do të ketë probleme sa do i fizikshëm të jetë. Fillimisht duhet të stërvitim mendjen, pastaj trupin. Nuk mendoj se ekipi ka qenë keq fizikisht, pasi ekipi është shprehur në lojë. Pati një rënie të lehtë në pjesën e dytë me Flamurtarin, kurse me Kamzën pati ngritje. Nuk ka pasur probleme fizike te lojtarët. Dua të shoh para, jo prapa. Më erdhi keq, mendoj se ka rënë në një grackë Ze Maria. Do i kërkoj ndjesë publike nëse dikush më tregon se unë kam folur për anën fizike publikisht. Në këto kushte të kem përmendur edhe Ze Marian. Problemet në një ekip janë të gjithanshme, jo vetëm fizike. Nuk mbrohem. E thashë, nëse truri është i ngarkuar, ka edhe probleme fizike. Nuk kam për qëllim të prek ish-trajnerin. Ai ka thënë ato fjalë që ka thënë dhe nuk ia marr fare në konsideratë sepse unë kam sfidën me veten time. Nuk kam sfidë me Ze Marian. Është çështje e mbyllur.

“E bëra atë lëvizje sepse kisha nevojë të ekspozohesha në një ligë të re, të paktën për të mësuar disa gjëra në karrierën time”, është shprehur mesfushori. Është “ngacmuar” shumë kohët e fundit se nuk mori vendimin e duhur për të shkuar te Tirana, por ai nuk është penduar.

Më tej ka folur edhe për arsyen e largimit, por nuk jep detaje konkrete. Gjithsesi falënderon klubin kryeqytetas, si dhe ka fjalë të mirë për ish-trajnerin e Tiranës, brazilianin Ze Maria. Për Mugunën ai është ndër më të mirë teknike me të cilët ka punuar deri më tani.

“U largova nga Tirana për shkak të disa problemeve personale. Para se të largohesha nga KPL (Kenya Premier League), kisha pësuar disa dëmtime. Por ndoshta gjërat nuk shkuan sikur unë prisja dhe me gjithë respektin mund të them që kam fituar shumë. Nëse e sheh mirë, në aspektin e ambientit, si lojtar, mentaliteti ka ndryshuar. Kështu që unë dua t’i falënderoj ata për kohën që isha pjesë e tyre. Trajneri Ze Maria është një nga trajnerët më të mirë me të cilët kam punuar deri më tani”, është shprehur Muguna.

Për këtë arsye ai zgjidhi marrëveshjen me mirëkuptim dhe tashmë pret ofertën e duhur për të drejtuar një tjetër skuadër. Ish-mbrojtësi i Interit, së fundmi nuk ka ngurruar të tregojë ndjenjat e tij për Tiranën dhe tifozët e saj.

“Ishte nder i vërtetë të isha pjesë dhe të mbroja këto ngjyra për një periudhë kohe, si dhe të shihja pasionin e vërtetë të këtyre tifozëve! Faleminderit shumë dhe forca TIRONA! Unë gjithmonë do të jem një  tifoz i juaji”, shkruan Ze Maria në llogarinë e tij në “Facebook”.

Sa i takon raportit me lojtarët, fjalët kanë qenë të shumta për raport të ftohtë. Gjithsesi ka edhe nga ata që e falënderojnë, sikurse edhe ndodh me Junus Sentamu. Sulmuesi anësor, përmes faqes së tij në “Facebook” shkruan fjalë të mira për brazilianin.

“Pasion, respekt, sukses… Kjo është e gjitha rreth Ze Marias. Faleminderit për çfarë keni bërë për ne te Tirana dhe për çfarë keni bërë në botën e futbollit. Ju jam mirënjohës për gjithçka më keni mësuar dhe për gjithë besimin e dhënë, pa marrë parasysh se sa e vështirë ishte situata. Faleminderit Ze Maria”, janë fjalët e Junus, i cili ka postuar edhe disa foto.

“Një vit e gjysmë më parë e nismë këtu punën dhe është e drejtë të largohem. Dua të falënderoj klubin, analistët dhe të gjithë ata që kanë qenë përreth nesh. Ka qenë një periudhë rritjeje për mua. Kam njohur njerëz të mirë, të cilët duan të mirën e klubit dhe jam i kënaqur që kam bërë pjesë tek kjo familje. Si të gjitha familjet ka probleme, gjëra atë mira dhe më pak të mira, si puna e martesës kur jemi në muajin e mjaltit”.

“Kur nuk shkon mirë një martesë provojmë që ta mbajmë, por ka momente që divorci është i domosdoshëm dhe ka ardhur momenti që të ndahemi këtu për shkak të rezultateve negative dhe besoj se është e drejtë që të largohet trajneri, duke arritur në një marrëveshje, për ta çuar skuadrën në nivelet që i takon. Ju kërkoj falje tifozëve dhe më vjen keq që nuk kam pasur kënaqësinë që t’i kem, pasi vjet ishin të mërzitur me skuadrën, por e kam paerë pasionin dhe dëshirën e tyre dhe dua t’u kërkoj falje. Uroj që të shihemi në të ardhmen, nuk e di se ku, por uroj të kem lënë diçka pozitive”.

“Kemi pasur një takim me presidentin. Nuk më ka pëlqyer të largohem asnjëherë në këtë mënyrë, pasi rezultate nuk kanë paraqitur atë çka ne kemi dhënë në këto javë. Nuk doja që të kisha këtë përfundim”.

“Shpresoj që problemi të jem unë dhe skuadra të marrë rezultate të mira në vazhdim. Më vjen keq”.

“Problemet i kam diskutuar me presidentin dh ai është në dijeni të gjithave. Nuk preferoj që t’i nxjerr jashtë shtëpisë problemet e mia. Të gjithë i dinë problemet, që të ikë trajneri dhe të hedhë baltë ,mbi situatën dhe nuk do ta bëj”.

Nuk do ndryshoj asgjë nga ato që kam thënë. Skuadra ka pasur një lloj bllokimi, që lidhet me rënien nga kategoria dhe nuk ishte e lehtë të ringrihesh. E kam parë që grupi e vuan psikologjikisht të luajturit në Superiore dhe të rinjtë duhet ta kuptojnë peshën e fanellës, historinë e këtij klubi. Është fanella më e rëndësishme në Shqipëri, me gjithë respektin për ekipet e tjera, ndaj lojtarët duhet të japin gjithnjë diçka më shumë në krahasim me atë që kërkon trajneri”.

Presioni është normal. Kur drejton Tiranën, apo Partizanin, këtu në Shqipëri, është si të drejtosh Juventusin në Itali. Kam folur me presidentin dhe le të themi që mbase unë nuk kam qenë ta çoj skuadrën aty ku duhej.

Kisha kërkuar disa lojtarë cilësorë që nuk erdhën, për arsye të ndryshme, ndoshta për arsye financiare. Erdhën disa të tjerë që ndoshta nuk ishin ata që doja dhe nuk kishin karakteristikat që kisha në mendje, ndaj disa vështirësi i kam hasur. Këto janë probleme serioze për një trajner, por pasi nisi kampionati nuk mund të ankohesha. Jam i zhgënjyer nga rezultatet, jo nga puna e përjavshme që kemi bërë, sepse gjatë javës gjërat ndoshta ishin perfekte, por në ndeshje nuk ndodhte ashtu. Aty pyesja veten ku ishte problemi, ku gabuam. Ky është zhgënjimi, do të thotë që trajneri nuk diti të fuste në mendjet e lojtarëve që ato që bëhen gjatë javës duhen zbatuar në fushë.

“Nuk mund të jap asnjë këshillë, unë kam gabuar dhe nuk kam të drejtë të flas. Pasuesi im duhet të bëjë detyrën e tij”.

“Kam refuzuar më parë klube të tjera të mëdha në Shqipëri, para Tiranës. Edhe tani kam refuzuar disa oferta sepse nëse do të qëndroja në Shqipëri, do të tregoja mungesë respekti për Tiranën. Uroj mos kem armiq në klubet e tjera, por unë identifikohem me ngjyrat bardheblu, ndaj është shumë e vështirë që të shkoj në ndonjë klub tjetër në Shqipëri”.

“E vështirë të gjej vetëm një fjalë. Emocionuese, do thosha. Këtu duhet të vrasës një luan çdo ditë, është si në Afrikë. Nëse nuk e bën një ditë, ditën tjetër ke dy luanë përballë. Gjithsesi, është një eksperiencë që më ka rritur, si person dhe si trajner”.

Presidenti Halili ka zyrtarizuar vendimin e marrë, duke u shprehur qartë që në fillim: “Këtu bëmë prezantimin e Ze Marias, sot po bëjmë mbylljen e marrëveshjes që kishim bërë. Do flasë trajneri dhe pastaj do të flas unë.”

Rezultatet e dobëta, me vetëm 8 pikë në po kaq javë, janë shkaku kryesor i këtij vendimi, ndërsa konferenca vazhdon dhe palët do të sqarojnë më shumë situatën e krijuar.

Ze Maria arriti që t’i ngjiste bardheblutë në Superiore një edicion më parë, por ecuria në elitë la shumë për të dëshiruar, kjo pasi mori vetëm 8 pikë në 8 ndeshje. Braziliani është përshëndetur me lojtarët ditën e sotme dhe do të lërë vendin tonë.

40-vjeçari i ka drejtuar 24-herë kampionët e vendit në plot 46 ndeshje zyrtare, duke përfshirë këtu që në sfidat në Europa League ndaj Makabit të Tel Avivit deri tek humbja e fundit në javën e tetët të Superiores me Laçin. Braziliani mori 30 fitore, 7 barazime dhe 9 humbje, por duhet të theksohet se pjesa më e madhe e rezultateve pozitive u regjistruan në Kategorinë e Parë.

Para zgjedhjeve në FSHF u tha se do të bëhej auditivi dhe Ahmetaj iu përgjigj Braçes, i cili më parë solli shembuj ku lojtarë me emër në botë që janë dënuar për fshehje të të ardhurave, madje Uli Hënes (president i Bajernit të Mynihut) u dënua me dy vite burg dhe pagoi 18 milionë euro.

PËRGJIGJA PËR FEDERATËN – “FSHF dikur ishte një institucion pa zë. FSHF deklaron në organin tatimor tvsh për veprimtaritë e shitjeve, të ardhurat e shpenzimet. Në 2014, 835 milionë lekë, shpenzime 930 milionë lekë. Në 2015, 2.4 milionë lekë dhe ka harxhuar 2.6 milionë lekë. Në 2016 3.92 milionë lekë dhe shpenzime 2.6 milionë lekë”.

KLUBET – “Ka një problematikë me klubet. Ekipi i Skënderbeut, një klub dinjitoz, por Kristi Vangjeli paguhet 100 mijë lekë të reja, ndërsa ekonomistja e klubit merr 130 mijë lekë në muaj. Në vitin 2014 e me këto listë pagesa këto futbollistë e kanë pasur të vështirë të hanë për të qëndruar në këmbë. Lëre pastaj të luajnë futboll! Futbollistët paguhen 22 mijë lekë të reja në muaj. Me kaq para, një futbollist nuk ka fuqi të japë spektakël në fushë. Këtu ka nevojë për formalizim.

Pastaj Tirana, Bujar Lubani, trajner, merrte 36 mijë lekë në muaj. Gugash Magani, punonte me zero lekë, nuk merrte pagë, sepse e bënte nga pasioni për futbollin. Klodian Dervishi, trajner, edhe ky me zero para. Ze Maria, merr vetëm 90 mijë lekë. Pastaj kemi Ilion Likën, futbollist i madh, 90 mijë lekë. Rafael Kosa, trajner, 60 mijë lekë. E kuptoni sa larg janë klubet e futbollit nga formalizimi. Astrit Nallbani, paga bruto 1 lek.

Pastaj kemi listëpagesën e Vllaznisë. Armando Cungu, 544 mijë lekë. Për hir të së vërtetës, Vllaznia është më afër formalizimit. Pastaj Partizani, kemi Alban Hoxha, 100 mijë lekë të reja. Ka edhe futbollistë që kanë një reflektim më të afërt me realitetin. Formalizimi është emergjencë. Po të krahasosh vitin 2014, kur futbollistët merrnin pagë 22 mijë lekë, në vitet e fundit kanë filluar të reflektojnë dhe pagat janë afër reales. Sigurisht që ka një avancim në drejtimin e duhur. Besoj që me ligjin e sportit, atë të riun që po kalojmë në vendimmarrje, jam i bindur që situata do bëhet akoma më pozitive”.

REPLIKA E BRAÇES – “Unë nuk pyeta se sa paguhen lojërat apo ekipet, pyeta prej muajit shkurt në mënyrën më të qartë, sa është tatimi mbi të ardhurat personave që paguhet nga FSHF dhe së dyti sa është 10%  që i takon buxhetit nga e drejta televizive që federata ka fituar 10 vitet e fundit.

Që në muajin shkurt, i kam kërkuar Ministrisë së Financave dhe Ekonomisë informacion për tatimet që paguhen nga FSHF për çdo të punësuar në 5 vitet e fundit, pas konsumimit të përgjigjeve, përgjigjeve nuk kam marrë ende, kërkesa ime është germë për germë ligjore. Ca ka ndodhur që nuk jepet përgjigje? Ligji e thotë qartë, për tatimet mbi të ardhurat personave dhe shpërblimet. FSHF ka paguar 91 milionë për personelin, 230 milionë lekë për paga jashtë federatës.  Sa tatim është paguar për pagat jashtë federatës, se vlera është shumë më e madhe se pagat për personelin, apo për heronjtë nuk ka tatim, për këtë pyes unë, pse.

Nuk e toleroj dot talljen që është konsumuar kur unë ju kam drejtuar këtë letër. Për 10 vjet ku ka vajtur 10% i të drejtës televizive E kuptoj unë qe buxheti nuk ka nevoje për 300 mije dollarët e FSHF, po ligjshmëria fiskale është detyruese. Nuk mundet të ketë imunitet FSHF nga detyrimet tatimore. Pse duhet të pranojmë alibinë e një njeriu që nuk heq dorë nga një karrige atje. Pse i jepni imunitet atij institucioni, kur bëni detyrën dhe trokisni në çdo dyqan, kafenenë dhe qebaptore të këtij vendi. Nuk ta solla Ronaldon ta krahasoje me Kristi Vangjelin, por për barazinë për detyrimet”.

Lojtarë të rëndësishëm shpesh përfundojnë edhe në tribunë, por rezultatet nuk flasin në favor të bardhebluve. Kur janë luajtur tetë ndeshje Tirana ka vetëm 8 pikë, çka tregon krizën e tyre. Humbja e fundit me Laçin ka ngritur pikëpyetje të mëdha.

Ze Maria turfullonte pas ndeshjes, ndërkohë që presidenti Halili nuk di çfarë të bëjë: ta largojë apo të vazhdojë me brazilianin. Pas humbjes së derbit, trajneri i Tiranës ia bëri të qartë numrit një të klubit se kërkon të qëndrojë prej egos dhe dëshirës për t’i bindur të gjithë.

Nuk ia ka arritur deri më tani, por gjithçka është në dorë të presidentit Halili. Takimi në pushim me ish-trajnerin e Laçit, Besnik Prengën, ka bërë që të ketë fjalë për një bashkëpunim, por në ato momente Tirana nuk po humbiste dhe as kreu i klubit bardheblu nuk po kërkonte trajner.

Pas humbjes e ardhmja e Ze Marias është dilema më e madhe e Halilit. I duhet të ndajë mendjen sa më shpejt…

Me humbjen e pësuar sot gjërat mund të jenë krisur më shumë. Vetë Ze Maria bëri me dije se te Tirana qëndron prej projektit dhe objektivave që ka, jo prej parave. Tanimë mbetet për t’u parë nëse qëndron.

Fitorja e një jave më parë me Kastriotin ishte detyrim, ndërkohë që tetë pikët në tetë ndeshje janë shumë pak për bardheblutë. Para disa javës Ze Maria tha se janë për titull, por ecuria e deritanishme lë për të dëshiruar. kështu që e ardhmja e tij në krye të Tiranës është me siguri në dyshim.

FITORJA – “Fitorja ishte e rëndësishme sot, vuajtëm pak, por morëm atë çka deshëm. Duhet të kujtojmë se të gjithë duhet të mundin Tiranën, për shkak të historisë tonë. Pas derbit, që e humbëm dhe që është ndeshja më e rëndësishme e vitit, ne duhet të fitonim”.

NDRYSHIMET NË FORMACION – “Ishte zgjedhja ime ta lija Mauexhen pushim, sikurse Hoxhallarin dhe Hasanin. Doja të pushonin pak, pasi i kanë luajtur gati të gjitha ndeshjet”.

EKIPI – “Skuadra nuk ka qenë e qetë, kemi vendosur të lëmë gjithçka. Nga sot të nisim një start të ri. Blazhevski luajti mirë dhe më bëhet qejfi që bëri atë gjest”.

KARABECI – “Ai është kapiteni ynë, kur nuk luan i shpjegoj pse. Është i rëndësishëm për grupin, ia them këtë shpesh”.

Tekniku i bardhebluve ndërkohë pafolur në lidhje me takimin që ka pasur me presidentin Refik Halili, por edhe me lojtarët e tij. “E kërkonin shumë vetë që unë të largohesha, por besoj që jemi sqaruar me presidentin gjatë paradites dhe në mesditë jemi sqaruar si staf teknik me lojtarët. Kemi nxjerrë në pah problemet tona si staf dhe të lojtarëve, duke i premtuar njëri-tjetrit që të ndryshojmë nga sot e tutje”, ka deklaruar fillimisht Ze Maria për “Top-Channel”.

Më tej braziliani ka shtuar: “Kam dashur që të dëgjoj nga të gjithë lojtarët, nga kapiteni, atë çfarë kishin për të thënë dhe cili ishte mendimi i tyre. I premtova presidentit një impenjim maksimal, kjo nuk diskutohet, nuk ka ndodhur më parë dhe nuk do të ndodhë asnjëherë. Unë nuk jam këtu për të humbur kohë dhe për t’iu humbur kohë njerëzve. Nuk duam të na fyejnë e as të fyejmë njeri. Folëm për këto gjëra me presidentin dhe për momentin do të vazhdojmë, më pas të shohim çfarë do të ndodhë. Jam shumë i kënaqur që qëndrova, pasi asnjëherë nuk e kam fshehur faktin që ndihem shumë mirë këtu në Tiranë”.

ÇËSHTJA E KONTRATËS – Gjithsesi Ze Maria ka dashur të sqarojë se nuk qëndron te Tirana për paratë, madje zbulon se ka refuzuar një ofertë më të mirë gjatë verës. “Më vjen shumë keq për disa njerëz që mendojnë se unë këtu qëndrova për paratë, pasi këtë vit kam refuzuar një kontratë shumë të majme financiare dhe klubi e di. Unë jam një njeri që dua ta mbyll një projekt që filloj. 5000 eurot që marr nuk më ndryshojnë jetën, kjo është pak, por e sigurt”, u shpreh në mbyllje trajneri i bardhebluve.

45-vjeçari ka drejtuar sot seancën stërvitore dhe u tregua shumë i rezervuar me gazetarët , duke thënë vetëm : “U takova me presidentin dhe diskutova disa çështje, por me falni se tani duhet te drejtoj stërvitjen”.

Nuk do shumë mend për të kuptuar se arsyeja e takimit midis dy palëve është prishja me marrëveshje e kontratës. Në ditë në vazhdim pritet të ketë të tjera të reja nga kjo situata në kampin bardheblu.

Si çdo i huaj që vjen në Shqipëri kërkon një kontratë të rregullt, ku të parashikohen të gjitha detajet, madje dhe një dëmshpërblim i majm në rast shkarkimi. Ze Maria nuk pranon që të japë dorëheqje, ndërsa klubit nuk ja mban xhepi që të paguajë shifrën që parashikohet në kontratë.  Ze Maria ka kontratë deri në fund të këtij edicioni dhe nëse klubi e largon është i detyruar që ta paguajë plot 56 mijë euro.

45-vjeçari ka nënshkruar një kontratë ku përfiton 7 mijë euro në muaj dhe praktikisht bardheblutë duhet ta paguajnë deri në qindarkën e fundit dhe nëse e largojnë. Palët po negociojnë që ta gjejnë një shteg që të arrijnë një konsensus, por deri më tani ka qenë e vështirë. Një situatë aspak e mirë dhe Tirana duhet të mendojë shpejt, pasi takimi i radhës është të mërkurën dhe nuk ka kohë për t’u shpërqendruar.

“Sport Ekspres” mëson nga burime të sigurta se drejtuesit e Tiranës kanë vendosur që trajneri brazilian të mos jetë më trajner i bardhebluve dhe tashmë pritet vetëm zyrtarizimi nga klubi.

Gjithçka është pezull vetëm për shkak të kontratës, sepse Ze Maria refuzon prishje kontrate pa marrë dëmshpërblim, që do të thotë se nëse nuk gjen punë të re, duhet të paguhet deri në fund të kontratës, në mungesë të marrëveshjes.

Krisja është bërë përfundimtare pas derbit, sepse humbja ka qenë një “thikë” në zemër për tifozët dhe drejtuesit e Tiranës, aq më shumë që tashmë bardheblutë kanë vetëm 5 pikë në 6 ndeshje, një bilanc mediokër, me zonën e ftohtë që është vetëm një pikë larg dhe një përballje tepër delikate në mesjavë në Fushë-Krujë, kundër Kastriotit.

Te Tirana prej verës së vitit 2017, Ze Maria rinovoi në qershor të këtij viti, duke qenë trajneri më i paguar në Superiore, ndaj Tirana kërkon të heqë qafe një shpenzim kolosal, duke përfshirë edhe stafin e huaj që braziliani ka me vete.

Ndonëse arriti të rikthente Tiranën në Superiore, që ishte minimumi për çdo trajner normal, Ze Maria nuk ka lënë gjurmë në sezonin e ri dhe tifozët janë totalisht të zhgënjyer, ndërsa edhe në merkato klubi është i pakënaqur me kërkesat e Ze Marisë, pasi lojtarët e ardhur prej Afrika me këshillën e tij kanë rezultuar të panevojshëm në shumicën e rasteve dhe ka pasur edhe shpenzime shumë të mëdha, si në rastin e mesfushorit Muguna, i cili nuk rezultoi goditja e shkëlqyer që shpresohej.

Pse humbi Tirana? – “Pyetje e mirë. Humbëm, sepse ata shënuan në të vetmin rast që kishin. Ne nuk shënuam në rastin që kishim përpara pësimit të golit, ndërsa ata e bënë dhe ky është futbolli.”

A rrezikon Ze Maria?– “Pozicioni im është gjithmonë në rrezik siç e kam thënë para ndeshjes. Edhe para dy sezonesh skuadra bëri një nisje të keqe. Nuk është rezultati më i keq në histori. Tani mbaroi dhe të shohim se çfare do të ndodhe.”

Loja e ekipit – “Nuk luajtëm mirë, me duhet të tregohem i sinqertë dhe i ndershëm. Nuk e meritonim të fitonim, por as të humbnim ndeshjen. Ky është opinioni im.”

A i keni lojtarët e duhur për të bërë lojën që kërkoni të bëni? – “Kishim një problem përpara ndeshjes, sepse Oduamadi kishte një dëmtim dhe nuk e nisi në formacion. Ndoshta kam parë një tjetër ndeshje, sepse nuk pashë ndonjë rast të shpëtuar nga Lika, por ju mund te keni parë një tjetër ndeshje. U përpoqëm të fitonim, me lojtarët që kisha në dispozicion. Nuk dua të qahem për lojtarët që kam. Do të punoj me këta deri në janar dhe do të vazhdojmë punën.”

Do të mendoheni për pozicionin tuaj apo për të ndryshuar diçka në ekip? – “Nuk e kuptoj çfarë ndodh me ju. Pse gjithmonë kjo pyetje Sa herë që Tirana humbet duhet të shkarkohet trajneri? E kam përsëritur gjithmonë që rrezikoj nëse humbas dhe duhet të përmirësohemi. Nëse fitojmë do shkojë mirë. Do duhet të mendojmë, të analizojmë ndeshjen, gabimet tona. Për këtë do të mendojmë.”

Mjafton vetëm rasti i Hasanit në pjesën e parë? – “Sigurisht, që nuk mjafton. Në provojmë mënyra të ndryshme për të shënuar në stërvitje. Pas rastit të Hasanit, ishte një ndeshje normale.”

 E di rëndësinë e kësaj ndeshje për tifozët? – “E di, por pas përfundimit të ndeshjes nuk mund të bëjmë më gjë. U përpoqëm, por gjërat nuk shkuan në mënyrën e mirë për ne. Më vjen keq për tifozët dhe për rezultatin. Bisedova me lojtarët para ndeshjes por nuk kam çfarë t’iu them. Duhet të vazhdojmë të japim maksimumin në stërvitjet e radhës dhe të vazhdojmë punën.”

Si është situata në skuadër pas ndeshjes me Skënderbeun?
Situata është e mirë, jemi stërvitur dhe kemi luajtur një ndeshje që e fituam. Atmosfera është e mirë. Për ju nesër ndeshja më e rëndësishme nesër, për ne është një ndeshje që vlen tre pikë. E kuptoj gjithçka ndodh përreth, por është ndeshje e radhës dhe synojmë maksimumin.

Shumë ndeshje pa fituar derbin…
–E dashuroj presionin, kam luajtur për 20 e ca vite. Kam luajtur shumë derbi në karrierë. E di që kemi 13 ndeshje pa fitore në derbi. Jam këtu për ta thyer këtë situatë. Jam i sigurt që jemi gati për ndeshjen. Rezultatin do ta shihni në fushë.

Ku ndryshon i Milanos me atë të kryeqytetit? Po si trajner dhe lojtar?
–Kam luajtur shumë derbi, në Brazil, në Spanjë Valencia-Levante, apo në derbin e Milanos. Atmosfera është e bukur. Është një mundësi për të treguar kush është më i miri në qytet. Por për ne, që jemi profesionistë, duhet të jemi të përqendruar te ndeshja. Duhet menduar për atë që ndodh në fushë, jo për atë që ndodh përreth. Edhe ju sot jeni më shumë këtu.

Kë ka frikë Ze Maria më shumë në derbi, kundërshtarin, apo ekipin e tij?

Frikë? Për çfarë? Nuk ka frikë në këtë punë. Ne e dimë çfarë mund të bëjmë, kemi bërë ndeshje të mira. Nuk ka frikë, respekt për kundërshtarin që është një ekip i madh si ne.

Nëse nuk keni frikë, premtoni fitoren?
-Unë kurrë nuk premtoj fitoren. Kam premtuar se lojtarët do japin maksimumin në çdo ndeshje. Kjo vlen edhe për nesër. Në mentalitetin tonë është të luajmë për fitore, jo për barazime.

Humbja ju rrezikon pozicion?
-Gjithmonë pozicioni im është në rrezik, jo vetëm nesër. Fituam vjet shtatë ndeshje dhe më pas humbëm një e barazuam dy. Rrezikoja edhe atëherë.

E keni zgjedhur formacionin për nesër?
-Kemi disa probleme për nesër. Duhet të pres deri para ndeshjes. Mund të ndryshojë një lojtar, ndërsa pjesa tjetër do të jetë pak a shumë.

Titullin, apo derbin?
Mund t’i zgjedh të dyja. Unë dua titullin, tifozët janë të kënaqur po fitove kampionatin. Derbi të mërzit për një ditë, por dua t’i fitoj të dyja.

Sulmin për nesër e keni zgjedhur? Janë gati Sentamu dhe Ngo?
Majkëll luajti ndeshjen e parë para dy ditësh, ai duhet të përmirësohet nga dita në ditë. Sentamu është gati. Ndoshta luan nesër. Duhet të prisni për ta mësuar.

Ju ka ndihmuar fakti që nuk keni një histori personale me derbin? Kjo vlen edhe për disa lojtarë të tjerë…
-Ju duhet të nisni të shkruani emrin tonë në histori. Është shumë e rëndësishme të shkruajmë emrin tonë në histori. Çdo ditë i shikoj fotot historike, para disa ditësh pati edhe një ceremoni dhe shpresojmë të jemi edhe ne pjesë e historisë.

A është gati Tirana?
-Jemi gati të luajmë dhe të fitojmë këtë ndeshje. Shumë njerëz në qytet dhe në këtë vend duan tre pikët. Ne do të luftojmë për to.

Cilat janë pikat më të forta të kundërshtarit?
-I kam parë disa ndeshje. Janë ekip i mirë, kanë lojtarë të mirë. Nuk mund të flas për këtë tani, do të flas me lojtarët e mi. Do tentojmë të bllokojmë disa lojtarë të tyre.

Sa rëndësi ka eksperienca në një ndeshje derbi?
-Sigurisht është një ndeshje jo normale. Por disa lojtarë nesër luajnë lojtarë që kanë disa ndeshje në këtë kampionat. Derbi do të jetë i njëjtë, ata do të nisin nga nesër të luajnë në derbi. Kam folur me lojtarët dhe ky është futboll. Duke luajtur kudo rritesh.

A e keni frikën gjykimin? Çfarë mund të thoni për deklaratën e Devi Mukës, që ka thënë se unë do ikja po të më linte në stol?
-Është opinioni i tij. Erandi është profesionist dhe e kupton situatën. Hasani, Daja dhe Toni po luajnë mirë. Ai kishte rastin, tani e kanë të tjerë. Nuk më intereson çfarë mendojnë të tjerët. Lojtarët duhet të ndalen se menduari se nëse nuk luan ikën. Nuk është sjellje profesioniste në mendimin tim. Sa i takon gjykimit, duhet të jetë më i vëmendshëm. Në ndeshjen e fundit kishte dy kartonë të kuq dhe një penallti. Të jenë të ndershëm dhe të bëjnë punën e tyre.

Derbi i fundit ka ardhur nga Gilberto, një brazilian. Mendoni se tani do vijë nga ju, një tjetër brazilian?
–Jemi këtu për të fituar. Unë nuk mund të luaj, por kam lojtarë që mund të bëjnë mirë. Unë besoj tek ata dhe gjithçka është e mundur.

Fitorja në derbi, mund të jetë një pikë kthese?
-Na mungojnë disa pikë. Pas tre ndeshjesh kemi luajtur mirë, morëm pikë në Korçë dhe fituam me Luftëtarin. Ekipi po rritet dhe jemi gati. Shpresoj të fitojmë dhe ta lëmë pas atë nisje jo të mirë. Çdo ndeshje ka rëndësinë e vet.

FORMACIONI – “Sot ishte një formacion ndryshe nga ai i kampionatit, pasi vendosa që t’u jap më shumë kohë lojtarëve që kanë luajtur në ndeshjet e fundit, si dhe t’u jap minuta lojtarëve që nuk kanë pasur shumë hapësira. Nga ky moment e pas do të mendojmë në çdo moment për takimin me Partizani. Mendojmë për atë ndeshje në mëngjes, në drekë dhe në darkë, në çdo moment. Duhet të jemi të përqendruar tek ajo sfidë maksimalisht.”

SENTAMU- “Jam i lumtur që shënoi pas shumë muajsh që në ndeshjen e parë si titullar. Sentamu është një sulmues dhe detyra e tij është që të shënojë. Është një lojtar i rëndësishëm për skuadrën tonë. Nëse do të ketë mundësi të premten do të jetë i gatshëm për të dhënë maksimumin.”

HISTORIKU I DERBIT – “Janë shumë ndeshje pa fitore. Është tepër për një klub si Tirana. Mendoj se derbi është ndeshja më e rëndësishme e sezonit. Jemi të përqendruar dhe do vijojmë punën tonë të qetë. Në ndeshjet e fundit jemi paraqitur mirë dhe jemi me moralin lart, por do të rregullojmë dhe gabimet e bëra gjatë këtyre ndeshjeve.”

“Në derbi duhet shumë përqendrim shumë balancë, pasi është një ndeshje me specifikë të veçantë. Besoj se do ja dalim dhe do arrijmë fitoren duke qenë të përqendruar.”

“Do ta shoh gjendjen e Ngos dhe këto tre ditë. Do të flas dhe me të dhe do të vendosa.”

“Ne do ta luajmë derbin për ta fituar dhe pak rëndësi ka nëse shënojmë një, dy apo tre gola. E rëndësishme në këtë ndeshje është të marrim fitoren.”

Sigurisht që motivimi është maksimal para këtij takimi. Do të jetë një ndeshje e vështirë, ndaj një ekipi që ka moralin e lartë pas fitores së fundit me Flamurtarit. Tiranës i duhet për shumë arsye fitorja.

Kryesorja ka vlera të shumëfishta kur merret në derbi, tifozët e duan se s’bën dhe nuk mund të presin më. Prej vitesh nuk e mundin dot Partizanin, ndaj edhe e sigurt që në fushë do të ketë luftë të fortë sportive.

NDRYSHIMI – Për ndeshjen me të kuqtë trajneri Ze Maria do të ketë të gatshëm edhe Erjon Hoxhallarin. Lojtari i linjës së majtë e ka shlyer dënimin prej kartonit të kuq të marrë me Luftëtarin dhe tanimë do të jetë gati.

Brazilianit të bardhebluve i duhet të vendosë për qendrën e prapavijës. Hoxhallari do të marrë vendin e tij, ndërkohë që Turtulli dhe Doka e kanë të sigurt vendin në formacion. Berisha e nisi nga minuta e parë në Korçë.

Ai pësoi një dëmtim në pjesën e dytë dhe gjendja e tij duhet parë. Opsion për qendrën janë edhe Eni Imami, Atinga dhe Cake. Gjetja e pacientit të Turtullit është synimi kryesor i trajnerit të Tiranës.

“Kishim frikë për ta fituar ndeshjen. Në natyrën time nuk është barazimi një rezultat i pranueshëm, sidomos në një ndeshje të tillë ku dominuam për gjatë gjithë lojës. Filozofia ime është që të luajmë në sulm, çka duhet ta bënim dhe në pjesën e dytë. Ekipi u tërhoq dhe më duhet të flas dhe me futbollistët”.

“Do të flas me lojtarët se pse u tërhoqën pas në pjesën e dytë. Pas kësja do të marr dhe vendimet e mia. Derbi në gjithë botën është sfida më e lehtë për t’u luajtur, pasi lojtarët janë të motivuar dhe të karikuar për të dhënë më të mirën e tyre në fushën e lojës”.

“Nuk mund ta pranoj këtë mentalitet të së shkuarës me topin e gjatë. Problemi ynë ishte në fraksionin dytë, pasi në pjesën e parë bëmë shumë mirë mu mund të kishim shënuar dhe disa gola të tjerë. E theksoj se duhet të flas me lojtarët, pasi në stërvitje kemi praktikuar gjithnjë sulme me pasime”.

“I kam provuar të gjithë lojtarë dhe jam i gatshëm që të kem të njëjtin formacion në ndeshjen e ardhshme. Të tjerët duhet të presin”.

“Sa i përket mentaliteti të vjetër, flas për periudhën para se të vija unë. Flas për skuadrën që un mora në drejtim”.

“Nuk mund të flas për gjykimin, pasi ka mbaruar ndeshja. Janë raste flagrante në çdo vend tjetër. Rasti i Radas? Është karton i kuq, pasi ka ndalur topin me dorë, po ashtu dhe rasti i Imamit ishe penallti. Edhe Blazhevski në fund ishte në pozicion të rregullt”.

A e kishit menduar një fitore të tillë?
Kisha imagjinuar një fitore, ishte një fitore shumë e rëndësishme për ne. Pak rëndësi ka rezultatin 1-0 apo 3-1. Kisha parashikuar që do të vinte fitorja.

Imami…
Eni Imamin e kam ndjekur në miqësore. Kam folur me të dhe e vlerësoj shumë. Ja kam thënë këtë gjë, pasi luan në disa pozicione. E kam pasur gjithnjë në konsideratë.

A ishte ky formacioni më i mirë i Tiranës?
Do të punojmë për ndeshjet e ardhshme. Ndo është rikthyer dhe i dhashë pak minuta, por nuk e përdorëm më parë për mënyrën se si shkuan gjërat. Do të kemi mundësi që të përdorim dhe lojtarë të tjerë. Do të ketë hapësira për të gjithë. Diku që mund të ketë probleme mund të mos jetë në fushë.

Ishit mjaft i tensionuar pas daljes së Hoxhallarit me të kuqe?
Hoxhallari është i rëndësishëm për ne si në mbrojtje dhe në sulm. Skuadra u fut në stres kur shënoi gol, për shkak të ekzaltimit të golit. Duhet të jenë të qetë dhe të luajmë në mënyrën tonë dhe kur skuadra shënon.
Karabeci sërish në stol…

Kapiteni është profesionist dhe serioz. Kam folur me të dhe i kam thënë që në futboll është normale që të bëjmë zgjedhje. Kemi lojtarë në gjendje më të mirë dhe janë preferuar ata. Do të ketë mundësitë e tij gjatë këtij sezoni.

Sulmi…
Sulmi ka bërë mirë, megjithatë Ngo ende nuk mund të luajë një ndeshje të plotë dhe nuk mund të rrezikonim. Do të luajnë ata lojtarë që janë në formë. Ai do të jetë një alternativë cilësore më shumë.

Trajneri i bardhebluve foli për shumë ccështje gjatë konferencës, teksa për herë të parë zbuloi edhe formacionin që do të zbresë në fushë ditën e nesërme kundër Luftëtarit. Sentamu jashtë, ashtu sikurse edhe Karabeci.

MUÇA – “Fillimisht jam i lumtur që ai kthehet pas problemeve personale që ka pasur. Si unë ndihet të gjithë këtu, është një rikthim i rëndësishëm. Sa i takon aspektit sportiv nuk mund të them gjë, i duhet edhe një muaj apo një muaj e gjysmë për të parë më mirë gjendjen e tij. Ai po bën aq sa mundet. Është një rikthim i rëndësishëm, pasi ndikon edhe në moralin e djemve të tjerë, pasi është një lojtar me eksperiencë. Ai ka qenë kapiten dhe zëvendëskapiten dhe është i rëndësishëm”.

NDESHJA E KUPËS – “Fitore e rëndësishme për skuadrën, pavarësisht se ishte në Kupë. Mund të them që edhe në tre ndeshjet e para kemi luajtur mirë, por na kanë munguar rezultatet. Fitorja me Ilirinë është e rëndësishme për grupin dhe shpresoj të ndikojë në vazhdimësi”.

SENTAMU – “Oduamadin e futa ndeshjen e fundit sepse i duhet të luante për të fituar formën. Nesër do të luajë. Sa i takon Sentamu, ai është rikthyer vonë dhe nuk do të luajë. Ju e dini se nuk më bëhet vonë nëse lojtarët janë të huaj apo shqiptarë, nuk bëj dallime.

MOMENTI I TIRANËS SË VËRTETË – “E kam thënë që do shihni Tiranën e vërtetë pas javës së tretë. Jemi stërvitur shumë mirë. Mund t’ua jap sot formacionin. Nesër do të shihni të Tiranën e vërtetë, ua premtoj”.

DEKLARATA E FANATICS – “Jam i kënaqur për rikthimin e tifozëve, ata kanë treguar se ccfarë mund të bëjnë për këtë klub. Mendoj se janë të rëndësishëm për ne dhe e them me bindje se nesër të gjithë do japin maksimumin. Edhe fushën e kemi në kushte perfekte. Të gjithë faktorët janë mbledhur bashkë për të fituar”.

KRIZA E MUNDSHME – “Nuk e mendoj humbjen. Unë mendoj pozitivisht, mendimi negativ nuk përfshihet në mentalitetin tim”.

NDRYSHIMET E SHUMTA – “Lika, Doka, Turtulli, Hoxhallari, Imami, Daja, Mauxhe, Hasani, Kobinah, Blazhevski, Oduamadi. Ky është ekipi për nesër. Të gjithë kanë luajtur në pesë ndeshjet e para, të gjithë duhet të jenë gati. Të gjithë kanë luajtur, disa më pak, disa më shumë. Të gjitha ata që e nisin nesër kanë luajtur. Mucci përshembull luajti 45 minuta dhe shënoi, të gjithë duhet të jenë gati”.

BINDJA PËR FITORE – “Kemi pasur shanse shënimi në tre ndeshjet e para, por kemi shënuar vetëm një herë. Kishim dhjetë ditë kohe, kemi patur mundësi të punojmë me të gjitha repartet. Ndaj e them me bindje se do të bëjmë më mirë se në tre ndeshjet e para. Siguyrisht që kemi krijuar edhe raste, por na ka munguar goli. Nesër duhet të jemi më t ëkujdesshëm para portës.

KAPITENI – “Daja do të jetë kapiteni. Kam folur me Likën dhe kam vendosur Asionin prej pozicionit në fushë. Ilioni është kapiteni, por ai nuk e lë dot portën për të biseduar me gjyqtarin. Kemi gjetur mirëkuptimin”.

DIFERENCA MES KATEGORIVË – “Superiorja ka më shumë kualitet. Kjo situatë është sepse kemi shumë lojtarë të rinj, të huaj dhe shqiptarë. E them me bindje se nuk pranojmë rezultat tjetër vecc fitores. Kemi lojtarë me kualitet në skuadër, që i përgjigjen Superiores”.

KONKURRENCA NË SULM – “Jam i lumtur për probleme të tilla. E nisëm kampionatin pa sulmues, Majkëll Ngo nuk ishte dhe u përpoq Sentamu ta bënte atë rol.  Tani kushtet janë më të mira, Blazhevski është rritur. Ngo kthehet pas 5 muajsh dhe mendoj se nuk mund të luajë më shumë se 30 minuta. Më pas mund të luajë më shumë”.

“Ishte fitorja e parë për këtë sezone. Një sukses i rëndësishëm, sepse kemi ambicie në Kupë, por që na jep besim se do të gjejmë fitoren e parë në kampionat”, tha trajneri bardheblu.

“Patjetër që pauza na shërbeu. Jemi gati për kampionatin, nuk na lejohen më gabime dhe nuk ka më justifikime. Duhet të marrim gjithçka të mirë që bëm në ndeshjen e fituar 4-1 për Ilirinë dhe ta përdorim në kampionat, për të arritur fitoren e parë”.

“Tirana është një skuadër e madhe dhe duhet të mendojë si e tillë. Objektivi ynë i radhës është ndeshja e fundjavës. Megjithë respektin që kemi për Luftëtarin, do të hyjmë në fushë për të fituar”.

“Përse aktivizova titullarët? Kemi bërë tre hapa fals në tre ndeshjet e para. Nuk kemi kohë të eksperimentojmë me lojtarët, por maksimumi me skemat e lojës. Duhet të jemi gati për të rikuperuar në kampionat”.

– Kërkuat kohë për të parë Tiranën më të mirë, por një tjetër humbje e rëndë?

– Luajtëm në mënyrë naive, e pabesueshme, nuk mund t’ia lejojmë vetes të pësojmë gola të tillë. I pari në kundërsulm, me ne në kundërsulm, i dyti me një gabim në mbrojtje dhe i treti kur po sulmonim për të barazuar. Tani e tutje është e qartë që koha dhe durimi morën fund, nuk mund të bëjmë asnjë gabim dhe unë duhet të bëj zgjedhjet, pa menduar më për asnjë justifikim.

– Cilat zgjedhje do të bëni?

– Zgjedhjet i kam bërë gjithmonë, por tashmë kemi luajtur tre ndeshje, i kam parë të gjithë lojtarët dhe do të luajnë vetëm më të mirët, pa justifikime për formën fizike, ardhjen me vonesë e gjëra të tilla.

– Fitore e Kukësit, apo humbje e Tiranës?

– Kur fiton 3-1, ke meritë, absolutisht. Kukësi tregoi që është një shkallë mbi Tiranën, por edhe ne gabuam shumë dhe e ndihmuam. Duhet të ndryshojmë dhe të rritemi sa më shpejt, duke menduar për ndeshjet e ardhshme në kampionat e kupë.

– A kanë luajtur gjithnjë më të mirët, meqë thoni që tani e tutje do luajnë vetëm ata?

– Kam dashur t’u jap të gjithëve shansin për të treguar se mund të luajnë te Tirana. Nuk i gjykoja dot pa luajtur, tani kanë pasur mundësi të tregojnë veten dhe do të luajnë vetëm ata që më kanë bindur.

– Cila skuadër të pëlqeu sot, e pjesës së parë apo e të dytës?

– Nëse ndalemi vetëm te ndeshja e sotme, pjesa e parë ishte e dobët, por edhe në të dytën bëmë disa gabime. Kemi bërë ndryshime në vendosje taktike, duke provuar jo pak. Tani vjen edhe një sulmues i ri, Oduamadi, të shohim si do jetë fizikisht dhe mund të bëjmë ndryshime.

– A i keni të qarta idetë tani e tutje për lojtarët që do të luajnë?

– Po, tani kam një ide të qartë si duhet të luajmë dhe cilët duhet të luajnë. Ishin shumë lojtarë që nuk e njohin Superioren dhe as unë nuk i njihja mirë, ndërsa tani mund të vendos me saktësi.

– Goli i parë sezonal, ndaj një djalosh 17-vjeçar si Muçi.

– Këtë i thashë edhe ndihmësit e mi, më ka bërë përshtypje, është diçka e bukur që një lojtar i ri tregon dëshirë dhe arrin të shënojë, duke treguar se e meriton të luajë. Unë nuk shoh moshën e lojtarit, nëse ai do të luajë kështu, do të jetë shpesh në fushë.

– Çfarë do të ndodhë nëse skuadra nuk ndryshon ritëm?

– Do të duhet ndryshim trajneri, është e thjeshtë. Nuk bëj lojëra fjalësh, është më e lehtë të iki një person, sesa 25. Duhen rezultate, përndryshe unë iki, e di mirë.

– Ndërruar tre lojtarë gjatë ndeshjes, ka disa lojtarë që duken të pakënaqur dhe ka probleme, e konfirmoni?

– Jo, ne nuk varemi nga një apo dy lojtarë. Dolën kapiteni apo Doka, por skuadra luajti mjaft mirë në pjesën e dytë. Doka është lënë jashtë për arsye teknike dhe taktike, por nuk ka asnjë problem brenda skuadrës.

Gjithashtu braziliani ka sqaruar se nuk ka asnjë dënim për Albi Dokën, i cili në momentin e zëvendësimit në ndeshjen me Teutën, shfaqi shenja nervozizmi. Trajneri i bardhebluve konfirmon Ilion Likën në portë, ndërkohë që i paralajmëron të gjithë se po vjen Tirana e vërtetë.

VËSHTIRËSIA –“Të gjitha ndeshjet janë të vështira për të gjithë në Superiore, veçanërisht këtë herë kur kundërshtari vjen pas një humbje dhe do tentojë të fitojë ndaj nesh. Kjo është normale, ndaj duhet të jemi të përqendruar. Shpresojmë të marrim rezultat pozitiv”.

NDRYSHIMET NË FORMACION – “Ndoshta do të ketë, por nuk mund t’i them tani. Nuk flas dot për çështje taktike, jemi stërvitur njëlloj si për ndeshjen e fundit. Do shohim nesër se cili sistem na përshtatet”.

TIRANA E VËRTETË – “Grupi ka qenë i plotë gjatë javës, por presim javës tjetër një futbollist me kualitet. Mund të them që kemi punuar mirë dhe pas ndeshjes së tretë do jemi gati të përballemi dhe të luftojmë me çdo kundërshtar pa frikë”.

AFRIMI I FUNDIT – “Po kërkoja një lojtar krahu në atë pozicion, djali (Oduamadi) ka shumë eksperiencë, ka luajtur prej vite në Itali. Ka nivel të mirë. Duhet edhe një sulmues, por kthehet Ngo. Deri në janar do punojmë me këta lojtarë. Ndonjëherë do të luajmë me një numër 9, ndonjëherë jo”.

KENI FRIKË NGA HUMBJA –  “Jo, kur bën këtë punë, si trajner apo si lojtar, nuk ke frikë. Punon fort çdo ditë të gjesh zgjidhje kur bëhen gabime. Gjithmonë punon për tre pikët”.

ILION LIKA TITULLAR– “Ju e dini më mirë se unë (qesh). Sigurisht do të luajë, ai është portieri i parë. Për shumë arsye ai do të luajë, na duhet eksperiencë në këtë moment. Do kthehet të marrë vendin e tij. Edhe Alesio ka bërë paraqitje të mira në dy ndeshjet e para”.

SENTAMU – “Është normale, edhe Ronaldo nuk ka shënuar me Juventusin në Serinë A. Është lojtar që kur nis të shënojë nuk ndalet. Vjet, Greca, Sentamu dhe Ngo kanë shënuar më shumë se 30 gola”.

DOKA – “Është vendim taktik, do shohim nesër nëse luan apo jo. Formacioni vendoset para ndeshjes. Nuk i ndëshkoj lojtarët, nesër do mësoni formacionin”.

AFRIMI I ODUAMADI – “Patjetër që kam një bisedë me drejtorin Çomo dhe Laçin, patjetër që është vendosur në grup. Do zgjidhë disa probleme personale deri të martën në Itali, ndërsa më pas do të bashkohet me ne”.

Para lojtarëve keni thënë që Teuta është ekipi më i fortë.
Teuta është një skuadër shumë e mirë. Kanë lojtarë shumë cilësor, si pjesa më e madhe e ekipeve të Superiores. Ndaj Teutës duhet që të gjejmë golin.

Humbja ndaj Kamzës, çfarë mund të na thoni?
Ishte një situatë e vështirë, pasi ishte një ndeshje ku skuadra ishte shume e emocionuar, pasi bëhej fjalë për rikthimin në Superligë. Tani duhet të fillojmë të fitojmë ndeshjet. Jemi Tirana, i respektojmë kundërshtarët, por fitorja është detyrim për ne në çdo aspekt.

A do të ketë ndryshime ndaj Teutës?
Patjetër që nesër do të ketë ndryshime. Po pres lajme për dëmtimin e Hasanit. Ai ka një shqetësim të vogël. Nëse do jetë gati, ai do të luajë. Ndoshta mund të ketë dhe 1 ose 2 ndryshime të tjera. Të shohim.

Kundër Kamzës luajtët me 9 lojtar të sezonit të mëparshëm, pse kaq pak ndryshime?
Isha disi i kushtëzuar për këtë, pasi lojtarët e rinj nuk janë gati 100%. Me kalimin e kohës ata do jenë gati. Ndoshta mund ta konsideroni si një dhuratë për lojtarët e vjetër për punën e bërë vjet. Gjithsesi ata mbeten lojtarë cilësorë dhe për Superioren.

A jeni i kënaqur nga grupi?
Më mungon një sulmues krahu dhe një pykë. Objektivi jonë këtë sezon është Europa. Vendi i tretë është minimumi, sigurisht po punojmë për vendin e parë, por për këtë më duhen këto dy blerje nga klubi, si dhe rikthimi i Ngosë dhe Likës. Të dy do të jenë gati shumë shpejt.

I kënaqur nga prurjet e verës?
Klubi me afroi lojtar cilësorë si Hasani, Kobinah dhe Blazhevski. Por përshtatja e tyre në lojën tonë do të jetë e vështirë, pasi sezonin e kaluar nuk luanim me mesfushorë me tipare sulmuese, si ata të dy. Blazhevski është një sulmues i dytë me cilësi shumë të mira, por duhet kohë për përshtatjen. Prandaj them që Tiranën e vërtetë do ta shihni pas ndeshjes së tretë. Tani na duhen me patjetër pikët, më pas forma do të vijë në rritje.

A është larguar Muguna?
Duhet të flisni me drejtorin për këtë. Mund të them se ligjërisht është akoma i joni, por është një situatë që duhet zgjidhur nga drejtuesit e klubit dhe ai.

Akuzat e Muhamed Musa, për pagesat e vonuara.
Me aq sa di unë, Musa i ka marr të gjitha paratë qe i takonin. Sigurisht nuk e mohoj që ka pasur vonesa, por  janë gjëra që ndodhin dhe në Europë. Më ka ndodhur mua në Itali tek Interi dhe Peruxhia.

Ai tha qe nuk ishte paguar nga Janari ne Prill?
Nuk është e vërtetë, këtë e them me siguri. Shiko, në Kenia kur kam punuar atje, paga i është vonuar vetëm njëherë dhe zgjati vetëm një javë. Mentaliteti i tyre është që nëse rroga vonohet qoftë dhe një javë, ata fillojnë e bojkotojnë stërvitjen. Nuk është e lehtë për ta.

Presidenti ndoqi stërvitjen e djeshme. Cila ishte arsyeja?
Presidenti ishte dje në stërvitje, pasi e ftova unë. Është e rëndësishme që presidenti të jetë pranë ekipit. Ai nuk vinte prej muajsh dhe mendova se do të ishte më mirë për të shikonte stërvitjen para ndeshjes për të pasur një ide më të qartë për skuadrën.

FLORIAN ALLA

Por para ndeshjes me Kamzën ka një problem për bardheblutë. Portieri Ilion Lika me shumë mundësi nuk do të jetë i gatshëm për shkak të një dëmtimi. Në takimin miqësor me Prishtinën luajti nga minuta  e parë Alesio Abibi dhe trajneri Ze Maria pas ndeshjes ishte i qartë: “Dua edhe një portier”.

Shpëtim Moçka u zyrtarizua një ditë më parë dhe ka nisur stërvitjen. Vlonjati është një opsion për ndeshjen me Kamzën, pasi Lika zor se do të jetë i gatshëm. Problemet me shpinën e pengojnë dhe braziliani duhet të vendosë se kush do të mbrojë katërkëndëshin.

“A pres ndonjë dhuratë? E mora sot një. Tani pres që ekipi të jetë sa më shpejt i plotë”, u shpreh Ze Maria për mediat pas takimit me fierakët. Ai e pranon se kanë punë për të bërë: “Normalisht që jemi prapa pas gjithë kësaj periudhe pushim. Dy javët e fundit kanë qenë intensive në aspektin fizik. Dallohet që kemi kualitet”.

Blazhevski dhe Hasani shënuan dy golat e ndeshjes dhe Ze Maria komenton rreth tyre: “Janë lojtarë me kualitet. Hasani ka kryer vetëm një seancë, kurse Blazhevski është që në fillim me ekipin dhe është impenjuar shumë gjatë përgatitjeve. Nuk është as në karakteristikat e tij të luajë me intensitetin që kemi ne. Është e rëndësishme t’i shohësh duke sakrifikuar”.

Trajneri i bardhebluve foli edhe për gjendjen e lojtarëve të tjerë: “Kobinah dhe Atinga kanë tre seanca me ne. Të gjithë janë mbrapa me përgatitjet. Mauxhe po stërvitet mirë, pasi e njeh mënyrën tonë të punës. Lojtarët e sezonit të shkuar kanë nivel disi më lartë”.

SULMI – “Na duhet një sulmues qendre, sot vjen Junus Sentamu. Majkëll Ngo po punon, por po presim edhe një tjetër. Edhe me këto që mungojnë, mendoj se jemi një ekip që mund të luftojmë. Luftë apo titull? Do bëjmë më të mirën, për skuadrën, për historinë, për tifozët, do luftojmë gjithmonë për fitore në çdo ndeshje. Barazimi nuk është opsion për ne, por nuk do të jetë e lehtë. Jemi në një kategori tjetër”.

-Arritët që të ktheni Tiranën në Superiore. Si ju duket Shqipëria?

Jam duke u përshtatur. Duhet ta pranoj se në Kategorinë e Parë ishte e vështirë dhe nuk rezultoi një shëtitje. Përgëzime djemve, që ia dolën. Ishte e vështirë sepse të gjithë donin ta mundin Tiranën. Mendonin se do ishte e lehtë, por ishte e vështirë kur shkoje në fushat jashtë. Ia dolëm mbanë dhe për këtë duhet të përgëzoj djemtë. Shumë prej tyre luajtën në një kategori që nuk e njihnin. Shpresoj se ishte diçka e mirë dhe lamë një shenjë të mirë. Jam i kënaqur për atë që kemi arritur këtë sezon. Kemi plotësuar dy nga tre objektivat që kishim si skuadër.

-Mister, përse nuk folët pas ndeshjes? Cila është e vërteta?

Duhej të shkoja në shtëpi, për të bërë gati darkën, ndaj e kisha pak me ngut. Në ato çaste ishte momenti i lojtarëve. Trajneri flet pak kur humbet dhe kur fiton, flet edhe më pak. Ishte e natyrshme që të flisnin lojtarët me gazetarët pas 8 muajsh të mundimshëm. Unë do kem kohë të flas. Isha pak i zëmëruar me disa gjëra që ndodhën gjatë javës, por do t’i diskutoj me ata që duhet dhe s’dua t’i bëj publike.

-Si ju duket futbolli në Shqipëri?

Unë vij nga një botë si Italia, që nga pikëpamja futbollistike ka një mentalitet ndryshe. Atje gjërat janë më të përpikta. Atje secili ka rregullat e tij. Në Itali, vetëbesimi futbollistik është i lartë dhe këtë doja t’ua bëja të qartë lojtarëve të mi. Më pas, problemi janë gjërat e jashtme. Unë do të flas me presidentin dhe do të vendos nëse do të qëndroj apo jo.

-Një mendim për presidentin Refik Halili. Thuhet se keni probleme me të…

Nuk kam probleme me presidentin Halili. Duhet të ulemi dhe të diskutojmë disa gjëra me qetësi. Kemi edhe një 1 muaj kohë deri në fund të kampionatit, të fitojmë finalen e Kategorisë së Parë dhe më pas të mendojmë për kontratën. Shpresoj që të vazhdoj te Tirana. Këtu kam gjithçka që më duhet, sepse edhe shtëpia ime është afër Shqipërisë, pasi jetoj në Itali. Duhet të caktojmë, nëse do të vazhdojmë apo jo sezonin e ardhshëm, apo do të mbyllim gjithçka. Pas 19 majit duhet të flasim për të ardhmen, dua ti dhuroj klubit trofe dhe të festojmë së bashku me tifozët tanë një sezon pozitiv.

-Kjo skuadër që keni tani është gati për në Superiore?

Skeletin e kemi. Sigurisht që duhet të marrim lojtarë të rinj dhe të mirë. Lika, Karabeci, Daja, Toni e Junus përbëjnë boshtin e ekipit. Nëse afrojmë lojtarë të mirë do të bëjmë gjëra të mëdha. Sigurisht, ne kemi fituar barazuar dhe humbur me skuadra të Superiores. E them me plot gojën. Ne, me këtë skuadër kemi bërë mirë dhe do të bënim shumë mirë, por nuk do të ishim në garë për trofe. Me këtë skuadër në Superiore, nuk mund të garojmë për trofe dhe ky është thelbi i diskutimit tim me presidentin për rinovimin e kontratës dhe sezonin e ri.

-Superiorja?

Të them të vërtetën nuk shoh ndonjë diferencë të madhe, mes Partizanit dhe Kukësit. Në fund është një lojtar që bën dhe bëri diferencën, siç është Guri. Nëse rritet edhe më shumë, duhet të bëjë gjëra të mëdha. Guri është një lojtar që e kërkon ndëshkimin, sepse kërkon të bëjë gjëra të mëdha. Kundër Partizanit i bëri vet gjërat në fushën e lojës. Nëse do të jetë gjithmonë në “këmbë në këmbë” do të bëjë diferencën. Ai arrin ta mbajë të gjallë skuadrën. Këtë e bënte edhe kur ishte Bakaj. Kështu bëri ndaj nesh. Praktikisht bëri çfarë deshi.

Skënderbeu është botë tjetër dhe realisht e bën diferencën. Nëse do të fitojë ndeshjet e bën. Është skuadra më e fortë në Superiore. Gjithçka duhet ta mbyll me një batutë që e thoshte një trajner imi. “Një lojtar që shtrihet në tokë është “i vdekur”. Një lojtar në këmbë bën mrekullira.

Trajneri i Tiranës, Ze Maria, ishte i ftuar dje në emisionin “Rubrika Sportive” në “RTSH”, ku foli në lidhje me performancën e Tiranës, me “sigurimin” e kalimit të bardhebluve në Superiore dhe shumë tema të tjera, duke përfshirë ndeshjet e Superiores shqiptare, aty ku Tirana do të kthehet sezonin e ardhshëm. Braziliani e nis me buzëqeshje, pasi e nis duke folur për gjuhën shqipe, që nuk e flet ende. “Besoj se një trajner duhet të komunikojë me lojtarët në gjuhën e tyre. Sot sapo erdha nga një kurs i gjuhës shqipe. Kam mësuar ca gjëra të vogla”.

– Si iu duk Flamurtari-Skënderbeu?

– Shikoj skuadrat që janë të përgatitura. Nuk është e lehtë t’i mbash lojtarët e karikuar dhe të fitosh kundër një ekipi që fitoi në Kupë, para pak ditësh. Kjo është forca e grupit dhe grinta e ekipit. Skënderbeu është i ndërgjegjshëm për forcën e tij dhe kur do i fiton ndeshjet”.

– Flamurtari në krizë, një mendim për këtë situatë?

– E ndërlikuar, duhet parë nëse ka ndonjë diskutim ndërmjet lojtarëve dhe stafit. Ka shumë gjëra që sjellin situata të tilla. Duket e pabesueshme se si një ekip që luftonte për titullin kampion dhe Kupën të mos fitojë prej kaq shumë kohë. Trajneri thotë që nuk e di se ku është problemi. Ndonjëherë duhet që lojtarët të zgjidhin problemet mes tyre, pasi ndonjëherë nuk e di as trajneri, por grupi”.

– Si e komentoni dënimin e Skënderbeut nga UEFA?

– Çështje shumë e fortë. Nuk është rasti i parë në Evropë. UEFA është shumë e drejtë në këto raste. Erdhi në një moment të keq për Skënderbeun, pasi u paraqit shumë mirë në Evropë. Ekipin e ka të mirë, trajnerin po ashtu dhe mund të bënte mirë këtë sezon, por tashmë nuk mund të marrë pjesë për shkak të problemeve të mëparshme. E rëndë për vendin dhe futbollin shqiptar”.

– Kukësin e keni hasur disa herë këtë sezon.

– Kukësi ka lojtarë shumë të mirë. Më pëlqejnë disa lojtarë të Kukësit, kam folur me presidentin. Ka lojtarë të një niveli të lartë në çdo pozicion. Ata kanë futbollistë që bëjnë keq në çdo kohë dhe këtë e bënë dhe në ndeshjen kundër Kamzës. Fituan me 1 apo 2 raste. Ky është futbolli modern, ku fiton me pak shanse. Skuadra verilindore është shumë e organizuar.  

– Partizani, që ka bërë kthesë?

– Kam parë shumë ndeshje të tyre, pasi banoj afër stadiumit. Kur nuk luajmë ne, luajnë ata. Na kanë prishur fushën dhe gjithmonë e kemi të vështirë të luajmë. Janë shumë të fortë fizikisht dhe kanë shumë dëshirë. Nuk e nisën mirë me Julianon, patën vështirësi në fillim, por po e marrin veten. Po luajnë mirë nga krahët dhe ndihmuan sulmuesit kryesor. Ata gjetën mundësi të tjera dhe tashmë po marrin rezultate.
– Ka ekzistuar një ide për një derbi miqësor.

– Derbi është e vështirë të quhet miqësore. Nuk mund ta organizojmë tani, por të shpresojë vitin e ardhshëm. E rëndësishme është të marrim 3 pikët. Vjet nuk kemi fituar, ndërsa shpresojmë që këtë vit të thyejmë rekordin negativ të derbit.

– Një vit mungesë, por duket se Tirana u kthye në Superiore.

– Duhen dhe 3 pikë për t’u ngjitur në Superiore. Kemi filluar të përgatitemi për ndeshjen e radhës. U kërkova djemve seriozitet maksimal para ndeshjes të së shtunës, pasi duam të kapim Superiorjen që në këtë sfidë.

– A i arritët objektivat e vendosur?

– E filluam vitin me 3 objektiva. Ishin Superkupa, kampionati dhe Kupa. Nga Kupa dolëm për shkak të një shtylle dhe një gabimi në fund. Kemi luajtur 65 minuta me një lojtar më pak. Mendoj se skuadra ka plotësuar 2 objektivat kryesorë.

– Si ishte Kategoria e Parë?

– E vështirë. Tirana duhet të fitojë, por kur je Tirana, në kushte të tilla të gjitha mobilizohen kundër nesh. Ekipet e tjera na krijuan vështirësi, por gjithçka varet nga sjellja jonë. Nëse ne ecim në ritmin maksimal gjërat shkojnë në rrugën e duhur.

– Ekziston një problem me tifozët, prej shumë kohësh.

– Përpara se të vija dëgjoja se tifozët e Tiranës ishin më të nxehtit e Superiores. Fatkeqësisht nuk e pata këtë kënaqësi dhe më ka ardhur shumë keq për këtë. Doja të shihja tifozët që na ndihmon të fitonim dhe ne të luanim jo vetëm për vete, por dhe për tifozët. Fatkeqësisht i kam parë pak herë në stadium, shpresoj të jenë vitin tjetër.

– Ku do të renditej Tirana këtë sezon, nëse luante në Superiore me këtë kontingjent?

– Nuk e di ku do të renditeshim. Mendoj se mund të bënim një figurë të mirë në Superiore. Nuk e di a do të luftonim për kampionatin, por do t’i bezdisnim të gjitha ekipet e tjera. Këtë e them për atë çfarë kam parë nga këto dy kategori.

– Rinovimi juaj, ende pezull.

– Kushti im janë objektivat. Çfarë do të bëjë Tirana? Tirana duhet të luftojë për të fituar gjithçka duhet të ketë një organikë që të luajë dhe të përballet me këdo. Tirana nuk duhet të luajë vetëm për të qëndruar në Kategori. Tifozët nuk e meritojnë. Presidenti i di mirë kërkesat e mia. Ndonjëherë nuk fitohet vetëm në fushë, por duhet një organizim komplet për të luajtur futboll të mirë. Jemi në negociata, nuk ka firmë ende. Nuk janë paratë problemi kryesor, por disa gjëra të tjera.

– Raporti me Halilin, a ka ndërhyrë në punën tuaj?

– Presidenti nuk ka ndikuar fare te unë, gati zero. Ia kam bërë të qartë. Nuk kam ardhur këtu për të trajnuar djalin e tij. Ai ka luajtur se është stërvitur mirë, jo se quhet Halili. Kam folur me të, i kam thënë se nëse sillesh mirë dhe ndjek rregullat do të luash. Kjo është mënyra ime e punës. Kam qenë i qartë duke i parë njerëzit në sy. Nuk është vetëm emri që ke në shpinë, është skema që ke përpara që duhet respektuar.

– A jeni i informuar mbi problemet e Tiranës këto vitet e fundit?
– Nuk e di se çfarë ka ndodhur në vitet e mëparshme. Di që vetëm vitin e kaluar ka shkuar shumë keq, nga një skuadër që ishte në vendin e 3-të ra nga Kategoria. Kur erdha unë, kam bërë një diskutim me presidentin dhe kapitenin dhe nuk mendoj se ka dalë ndonjë problem nga skuadra. Do ta zgjidhim çdo problem brenda dhomave tona të zhveshjes. Në asnjë moment lojtarët e mi nuk kanë reshtur së luftuari, dhe kur kanë qenë të lodhur. Nuk kemi lënë kurrë hapësira, pasi e dinim se nëse i jep një mundësi të dytë gjarprit të kafshon”.

– Si u kalua ngërçi i rënies nga kategoria?

– Herën e parë që jam ulur në Tiranë më pyetën për aspektin psikologjik. Unë u dhashë shembullin e Juventusit që ranë nga Kategoria dhe lojtarët dhe drejtuesit u bashkuan. U kthyen në Seria A dhe pas 3 vitesh fituan titullin kampion. Historia e Tiranës është shumë e madhe dhe duhet respektuar. Kur të jesh në fushë duhet të kuptosh se përfaqëson këtë fanellë dhe duhet të bësh maksimumin. Nuk ishte e lehtë, pasi tifozët kishin probleme me presidentin. Fola shumë me skuadrën dhe me këtë mënyra eca përpara. Vetë skuadra duhej të kthehej në Superiore, ata kishin përgjegjësinë e rënies dhe duhej të kthenin nderin aty ku duhej. E dija se duhej t’u jepja besim Karabecit dhe Likës, dhe së bashku me disa lojtarë të tjerë të rinj dhe të krijonim grupin dhe rikthenim besimin. Ne kishim objektiv që të ktheheshim në Superiore dhe të garojmë me ekipet e Superiores”.

– Këtë sezon Tirana ka evidentuar edhe disa talente.

– Nuk marr merita. Them se u dhashë atyre mundësi. Shkoj të shoh ndeshjet e 17-vjeçarëve dhe 19-vjeçarëve, apo ekipit të dytë. Shoh si stërviten ata dhe si sillen trajnerët e tyre. Puna e Akademisë del në pah kur i marr unë futbollistët e tyre.

“Kemi dy objektivë, kampionati është i pari. E dimë formulën, ai mbetet objektivi kryesor. Gjithsesi, objektiv është dhe Kupa, përballë është Kukësi, një skuadër shumë e fortë. Ne do tentojmë në të dyja rastet”.

“Kam folur dhe me gjyqtarin. Nuk ishte karton i kuq. Ishte përplasje shpatull me shpatull. Është normale që sulmuesi të rrëzohet. Na vjen keq që nuk është VAR në Shqipëri. Nuk ishte as faull jo më karton i kuq. Tani ka përfunduar gjithçka dhe asgjë nuk kthehet pas”.

“Skuadra nuk është një skuadër që mbron. Pësuam një gol me dy sulmues të kishim vetëm një do të ktheheshim të gjithë në mbrojte. Nuk mendoj për të ndryshuar strategji apo rreshtim. Ne nuk mundemi vetëm të mbrojmë. Goli ishte një goditje standarde që dhe mund të evitohej, mund t’i ndodhet të gjithëve, nuk kishte lidhje me faktin se ishim me 10 lojtarë”.

Do të luajnë të gjithë lojtarët të cilët kanë qenë titullarë në ndeshjet e fundit. Duke filluar që nga mbrojtja e me radhë, të gjithë futbollistët që janë aktivizuar së fundmi do të jenë sot në fushën e lojës. Dyshime ka në disa pozicione dhe në faktin nëse do të jenë apo jo afrikanët në fushë. Gjithsesi, duke llogaritur çdo mundësi, mund të themi që formacioni nuk do të ketë ndonjë ndryshim të madh.

Kështu në portë do të jetë i zakonshmi Ilion Lika. Në mbrojtje, dihet mungesa e Albi Dokës dhe në krahun e djathtë do të luajë Kërçiku.

Në qendër të mbrojtjes, luan dyshja Turtulli-Cake me këtë të fundit që mund t’i lërë vendin Muhamedit, gjithmonë nëse vendos Ze Maria.

Në mesfushë, gjërat janë edhe më të thjeshta me Sentamun e Grecën nga krahët si mesfushorë dhe sulmues të fshehur. Në qendër Daja do të jetë së bashku me Karabecin e Mauexhen, e ndoshta Mugunën në vend të ugandezit.

Në sulm, i vetëm Majkëll Ngo. Gjithsesi, mund të ndodhë, që Ze Maria të lërë në stol Ngonë, të aktivizojë Çelhakën majtas dhe të kalojë Grecën në sulm. Po kështu është mësuar se drejtuesit e skuadrës, dje kanë inkurajuar ekipin para një ndeshje kaq të rëndësishme siç është ajo e sotmja me Kukësin.

Formacioni i mundshëm i Tiranës

Lika – Kërçiku, Turtulli, Cake, Hoxhallari – Sentamu, Daja, Mauexhe  – Karabeci, Greca – Ngo

Olsi Avdiaj

Trajneri i Tiranës, Hoze Ferreira Ze Maria, nuk është shfaqur i kënaqur me lojën e skuadrës. Ai u ka kërkuar djemve që të luajnë më mirë dhe të mos bien pre e qetësisë në këtë kategori. Sipas brazilianit, skuadra po e bën rrugë nisjen e ndeshjes me ritëm të ulët dhe kjo situatë duhet të ndryshojë. Fjalë pozitive për rezultatin, që sipas konsolidon skuadrën në krye të renditjes së grupit B.

-Një tjetër fitore.

Një tjetër fitore e vështirë, sepse gjetëm një kundërshtar të fortë që u mbyll mirë. Në pjesën e parë ishim shumë të avashtë. Patëm probleme dhe ishim të parashikueshëm. Të gjitha këto defekte duhet t’i përmirësojmë. Të gjitha ndeshjet i nisim me të njëjtin ritëm. U japim shumë liri kundërshtarëve për të luajtur dhe për t’u mbrojtur.

-Asnjëherë nuk kënaqesh?

Kur një trajner ulet dhe kënaqet, atëherë për të ka mbaruar gjithçka. Unë duhet të ndryshoj gjërat, duke filluar që nga gabimet. Duhet të kërkoj më të mirën, sepse e di se çfarë mund të më japin këta djem. Prandaj jam gjithmonë i pakënaqur. Sigurisht më lumturon rezultati. Kemi fituar një tjetër takim. Jemi të parët, kemi marrë gjithë pikët dhe nuk kemi pësuar gol, por skuadra jonë me atë kualitet duhet të bëjë më shumë.

-Keni një objektiv për dy fazat e para?

Objektivi ynë është që në dy fazat e para, ku janë 18 ndeshje të marrim një sasi të caktuar pikësh. Dimë sa pikë mund të grumbullojmë dhe ku mund të lëmë pikë. Djemtë e dinë gjithë panoramën e situatës dhe duhet të jemi në renditje sa më lart të mundemi, që të luajmë fazën e tretë sa më të qetë.

-Sa pikë dhe ku mund të lërë pikë Tirana?

Ky është një sekret skuadre. Duhet të arrijmë sa më shumë maksimumin që kemi si objektiv. Maksimumi që mund të marrim është 54 pikë. Kemi marrë 30 % të pikëve, kështu që jemi të qetë nga njëra anë dhe duhet të punojmë nga ana tjetër. Jemi në rrugën e duhur edhe pse duhet të arrijmë objektivin që u kemi vënë djemve.

-Krahët nuk është se po shtyjnë?

Krahët jo se nuk shtyjnë, por duhet të kërkojnë, kohën. Shtyjnë dhe krosojnë, por ndonjëherë nuk gjejmë kohën e duhur. Këto janë detaje të vogla që duhet t’i përmirësojmë.

-Pas këtyre javëve, Tirana e ka treguar se nuk është për këtë kategori?

Na takon neve për të vërtetuar që jemi një skuadër jo për këtë kategori. U kam thënë edhe sot djemve që ne jemi në këtë kategori. Duhet ta fitojmë që të tregojmë se jemi larg kësaj kategorie, kështu që është ende shpejt për të treguar veten tonë. Kemi fituar vetëm pesë ndeshje, por duhet të luajmë edhe 16-të të tjera. Ne duhet të mundim kundërshtarët, kjo është ajo që na kërkohet.

-Si e sheh klubi këtë Tiranë?

-Komentet janë pozitive nga ana e shoqërisë. Kemi fituar të gjitha ndeshjet. Për veten duhet të pyes presidentin, gjithsesi janë pozitive. Puna e trajnerit matet nga rezultatet. Kemi fituar tetë ndeshje nga tetë takime. Ky ishte objektivi ynë i madh. Unë nuk mund të mendoj se çfarë mund të ndodhë pas dy muajsh. Kemi një ndeshje tjetër të shtunën dhe mendojmë vetëm për të.

-Mund të luajë Tirana me skuadrën e dytë në një ndeshje të Kategorisë së Parë?

Nuk kam një skuadër titullare dhe një rezervë. Kam një ekip ku luajnë të gjithë. Zgjedh gjithmonë më të mirët, por shumica e tyre luan. Të gjithë futbollistët kanë luajtur, sigurisht jo bashkë, por kanë zbritur të gjithë në fushën e lojës.

-Mauexhe e Binguila?

Mauexhe ishte vetëm të premten në stërvitje. Është gati për këtë ndeshje që do të luajmë të shtunën tjetër. Binguila mund të kthehet në stërvitje pas javës së Tomorit. Për të luajtur duhet pritur nëntori më saktë mesi apo fundi i muajit nëntor. Për kupë mund të jetë gati.

– Trajner, ndeshje miqësore, por pa disa lojtarë si Doka, Nuriu e Halili. Sa iu bindi ndeshja?

– Jam i kënaqur për lojtarët e grumbulluar në kombëtare, ai duhet të jetë objektivi i çdo lojtari. Shpresoj të dërgoj lojtarë të tjerë në kombëtare, sepse do të thotë që Tirana po bën një punë të mirë. Ndeshja ishte miqësore, është normale që nuk është i njëjti mobilizim, e njëjta grinte e vendosmëri, por shërben si një stërvitje e mirë, sepse përballë kishim 21-vjeçarët më të mirë në vend.

-Përshtypjet nga Kategoria e Parë, pas ndeshjeve të para?

– Është një futboll më fizik sesa Superiorja. Skuadra të vogla, që ndonjëherë mbyllen pas për periudha të gjata dhe që mundohen të na godasin në kundërsulm, me një top të gjatë apo një kundërsulm. Duhet të jemi të vëmendshëm për 90 minuta dhe të jemi Tirana. Nuk është e lehtë, por duhet të fitojmë dhe të bindim. Kemi luajtur mirë në disa raste, jo dhe aq në disa raste, por duhet të kërkojmë të luajmë bukur.

– Vllaznia është përpara në kupë. A keni frikë se skuadra mund të ketë një handikap me ekipe të Superiores?

– Nuk besoj se ka handikap. Është normale që të luash kundër një skuadre të Superiores është më entuziazmuese, sepse dëshiron të tregosh se duhej të ishte pjesë e Superiores. Duhet përqendrim, kemi 25-26 lojtarë të aftë të luajnë në çdo ndeshje dhe mendoj se mund ta përballojmë kalendarin e ngjeshur. Kemi një javë kohë për të punuar, ndërsa më pas do të luajmë çdo tre ditë. Skuadra është e përqendruar për të dyja kompeticionet dhe e kam thënë që pas Superkupës, kampionati dhe kupa janë objektiva me rëndësi të njëjtë, edhe pse në kupë përballemi me rivalë të një niveli pak më të lartë se ne.

– A mendoni se e njihni sa duhet tashmë Superioren?

– Kam ndjekur kryesisht Partizanin, sepse është stadiumi ynë dhe për faktin se banoj afër stadiumit. Kam parë ndeshje të mira, lojtarë të mirë dhe më ka habitur niveli i lartë i garës. Edhe disa lojtarë, edhe pse vendos Panuçi, më janë dukur të aftë për të luajtur në Kombëtare dhe besoj se ai po i vëzhgon.

– Skënderbeu, e keni ndjekur në Europa League?

– Po, e kam parë. Skuadër e shkëlqyer, me karakter, që ka fituar edhe në Kukës, nuk është aspak e lehtë. Është një skuadër që e di sa vlen dhe jo rastësisht Skënderbeu kryeson, duke luajtur mirë kudo, fryt i eksperiencës ndërkombëtare. Kur luan në ndeshje ndërkombëtare, rritesh dhe fillon ta tregosh edhe në kampionat sa je rritur. Skënderbeu ka mësuar të rritet dhe po e tregon edhe në kampionat.

– Një këshillë për Julianon?

– Jo, nuk do t’ia lejoja kurrë vetes që të ndërhyja në çështjet teknike e taktike të kolegëve. Juliano ka nevojë për kohë, vjen nga jashtë, duhet të njohë lojtarët dhe mentalitetin, por uroj me gjithë zemër që të arrijë të dalë nga kjo situatë dhe të përshtatet, duke i nxjerrë potencialin maksimal skuadrës që ka në dispozicion.

-Fitore e lehtë dhe jeni në kuotën e nëntë pikëve?

Nuk është kurrë e lehtë. Lika mori një ndëshkim, sepse kundërshtari kundërsulmoi dhe atij iu desh që të mbyllte sulmin për të mos pësuar gol. Ishte një kundërsulm që ne e dhuruam. Ishte një ndeshje sa e lehtë dhe aq e vështirë. Them kështu, sepse kur luan me hope, apo pjesë, atëherë do të na hapen probleme nga kundërshtari. Duhet të jemi të përqendruar 90 minuta 100 për qind dhe nëse duhet ta mbyllim një ndeshje, duhet ta bëjmë sa më shpejt të jetë e mundur.

-Si mund të motivosh djemtë në këtë moment. Humbin raste dhe nuk përqendrohen?

Kjo është diçka e vështirë të ndryshohet. Është mentalitet, por që duhet të ndryshojë pak nga pak. Këtë po bëjmë me djemtë. Po u tregojmë se çfarë duhet të bëjnë. Gjithmonë u them se sa më seriozisht luajmë aq më shumë rezultate marrim. Sot luajtëm një ndeshje të lehtë dhe të vështirë. Kur ndeshja ishte e lehtë, patëm shumë raste për gol. Kjo është pjesa pozitive, pra që po prodhojmë raste. Portieri i tyre, madje bëri pritje të rëndësishme dhe të bukura që mund ta thellonin rezultatin. Në fillim sulmuesit ishin të bllokuar, tani kanë shënuar pesë gola. Këtë aspekt e kemi rregulluar. Duhet të konkretizojmë më shumë. Diferenca me gola në fund mund të jetë vendimtare. 

-Po ama kundërshtarët nuk janë në nivelin tuaj?

Unë mendoj për ekipin tim dhe jo për kundërshtarët. Ne luajmë për të fituar. Nëse skuadra kundërshtare do të na hapë apo jo probleme për mua s’ka rëndësi. Do të jetë forca jonë për të zgjidhur takimin ashtu siç do të vijë.

-Ndonjë dhuratë për djemtë?

Do të jenë pushim deri të martën e ardhshme. Janë pushime të merituara. Djemtë janë stërvitur shumë dhe e meritojnë këtë dyditësh.

-Vendi i parë ju rri mirë?

Ne punojmë dhe luftojmë për të qenë në krye të kampionatit. Jam shumë i kënaqur për këtë pozicion, jam i kënaqur edhe për djemtë. Tani duhet të administrojmë këtë vend të parë, duke punuar më shumë.

-Lika përse doli jashtë?

Për t’u qetësuar pak. Ka muaj që nuk pushon dhe i ka zhvilluar të gjitha ndeshjet. Një shans edhe për Shehrin që të ingranohet me ekipin.

-Tifozët u larguan në minutën e 19-të të lojës. Një koment për ta?

I pashë! Më vjen keq, unë do të doja që ata të ishin në stadium me ne. Është e rëndësishme që të luajmë me stadiumin plot dhe me tifozët që na mbështesin. Janë të hidhëruar për atë që ka ndodhur sezonin e shkuar. Plaga është e shumë e madhe. Ne si skuadër do të mundohemi që ta mbyllim këtë plagë vetëm duke fituar e luajtur mirë. Ne do të bëjmë pjesën tonë. I takon tifozëve dhe klubit të bëjnë të tyren për të mbështetur skuadrën. Fundja tifozët vinë për skuadrën që është e të gjithëve. Kemi nevojë për tifozët sa më shpejt dhe një shoqëri të fortë. Të gjithë duhet të bëjnë pjesën e tyre.     

Kritika dhe vetëm kritika nga trajneri Ze Maria. Trajneri brazilian nuk mbetet kurrë i kënaqur. Edhe pas fitores që skuadra e tij arriti me Ilirinë, sërish ai ka mbajtur ekipin për një kohë të gjatë në dhomat e zhveshjes. Si e hënë që ishte, trajneri zhvilloi analizën e pasndeshjes, meqë të dielën ishte pushim për ekipin. Dhe takimi i djeshëm nuk ka qenë dosido. 40 minuta analizë ka zhvilluar Ze Maria në dhomat e zhveshjes së “Skënder Halilit”, aq sa stërvitja ka nisur në orën 16:30 edhe pse ishte paralajmëruar që përgatitjet nisin në orën 16:00, duke bërë për ujë të ftohtë skuadrën.

Kritikat – Kritikat edhe këtë pasndeshje kanë qenë të mëdha për ekipin. Trajneri dhe stafi kanë mbetur jo të kënaqur nga loja e skuadrës dhe individët në veçanti. Mësohet se Ze Maria është shprehur se nuk do të tolerojë më një gjendje të atillë, siç u pa në “Selman Stërmasi” ditën e shtunë. Loja sipas tij ka qenë përtokë, por kjo nuk duhet të ndodhë më, pasi rrezikohet rezultati sidomos në ndeshjet në transfertë.

Krahët nuk funksionuan – Një pjesë të kritikave të tij Ze Maria ia ka adresuar lojtarëve të krahëve. Sipas tij, këta futbollistë nuk e kanë bërë mirë punën e tyre. Ata duhet të jepnin sa më shumë topa në qendër për sulmuesit që këta të fundit të kishin sa më shumë raste për gol. Sipas Ze Marias lojtarët duhet të jenë më ofensivë dhe të jenë pjesë e manovrës sulmuese. Kritika ka pasur edhe për qarkullimin e topit, që në këtë ndeshje çaloi. Po kështu gjendja e skuadrës nuk është nga më të mirat përsa i përket anës fizike.

Kritikat pas Besës – Ze Maria e tha hapur pas ndeshjes me Besën se loja nuk i ka pëlqyer, ndërkohë që këtë gjë ua ka bërë të ditur edhe futbollistëve të tij na analizën e zhvilluar të enjten e kaluar. Pas ndeshjes me Besën braziliani tha mes të tjerash: “Kemi luajtur si në një ndeshje miqësore. Fituam e ky është një hap që vlen. Por nuk jam i kënaqur me paraqitjen e skuadrës. Tirana e vërtetë që unë dua ishte ajo e finales së Superkupës”. Me kavajasit Tirana fitoi me rezultatin 1-2 dhe autor i të dy golave ishte kapiteni Karabeci, që golin e barazimit e realizoi me penallti. Praktikisht Ze Maria nuk mbetet asnjëherë i kënaqur, edhe pse skuadra e tij e ka nisur mbarë në të tri frontet.

3 fitore ka arritur Tirana në sezonin zyrtar nga 9 shtatori deri më sot

15:00 është orari kur do të luhet ndeshja mes Pogradecit dhe Tiranës. Takimi është caktuar të zhvillohet ditën e diel

Karabeci tre ditë pushim

Erando Karabeci ishte i vetmi nga futbollistët e Tiranës, i cili nuk zhvilloi dje stërvitje me skuadrën. Shkaku është i thjeshtë. Futbollisti ka bajamet e zmadhuara dhe do të qëndrojë disa ditë pushim. Sipas asaj që është mësuar, futbollisti ka nisur kurën me antibiotikë dhe në këto kushte ai s’mund të stërvitet. Atij i duhet të qëndrojë edhe dy ditë të tjera pushim, për t’u kthyer me të gjitha gjasat në stërvitje të mërkurën. Karabeci është nga të vetmit lojtarë që këtë sezon që sapo ka startuar ka luajtur të tria ndeshjet. Madje për momentin Karabeci me dy golat në Kupë është golashënuesi i bardhebluve. Erando si kapiten i ekipit është një nga lojtarët më të mirë të skuadrës. Edhe pse pati oferta nga çdo skuadër e Superiores, futbollisti vendosi që të qëndrojë te Tirana ku ka nëntë vite që vesh këtë fanellë.

Trajneri u nxjerr shkumën lojtarëve

Ka qenë një e hënë “e egër” stërvitore për Tiranën. Pas fitores jo bindëse të ditës së shtunë, trajneri Ze Maria për gati dy orë është stërvitur në “Skënder Halili”. Dhe stërvitja e djeshme ka qenë nga ato që të “bie në kokë”. Për rreth 40 minuta, lojtarët kanë zhvilluar stërvitje të rëndë me vrapime të forta. Grupit nuk i kanë rezistuar Greca që ka mbetur pak mbrapa dhe portieri Abibi. Pjesa tjetër e skuadrës është munduar të bëjë maksimumin në stërvitje, sepse në të kundërt e sheh veten jashtë 11-shes. Ze Maria nuk ka kursyer askënd. Madje as veten dhe të birin që e ftonte të stërvitej me ekipin e parë, ndonëse djali i vogël i tij nuk ia ka dalë dot të jetë me ritmin e më të mëdhenjve. Më pas trajneri ka vendosur që të ndajë ekipin në disa grupe për të punuar në kuadrat. Në fund si zakonisht luhet edhe ndeshja brenda grupit, por për të folur për formacionin është shumë shpejt, sepse e djeshmja ishte vetëm stërvitja e parë e javës.

Mauexhe që tani lider në mesin e fushës

Tirana gjen zëvendësuesin e Ruben Akuasë. Problem mbetet goli i sulmuesit

Toni Mauexhe po konfirmohet dita-ditës te Tirana si i huaji më i mirë i ardhur këtë verë. Futbollisti nga Uganda ka zëvendësuar plotësisht Ruben Akuanë. Me paraqitjen e tij, mesfushori ka treguar vlera në fushën e lojës, duke qenë titullar në tri ndeshjet zyrtare. Po kështu ugandezi është autori i golit të vetëm në takimin me Ilirinë. Shkurt, mesfushori është ngjitur në katedër dhe drejton mesfushën e Tiranës së bashku me Dajën e Karabecin. Është lider para mbrojtjes, madje lojtar më cilësor se Akuaja, sidomos në manovrën sulmuese.

Problemi te Tirana mbeten sulmuesit. Në tre ndeshje zyrtare, por edhe ato miqësore sulmuesit akoma nuk kanë shënuar gola që mund t’u vlejnë skuadrës. Ngo, Halili, Sentamu, Levendi ende nuk kanë tundur rrjetat e skuadrave kundërshtare, por kjo shpresohet të ndodhë në ndeshjet në vazhdim të kampionatit dhe Kupës

“Fitore e rëndësishme, ndeshja e parë, sidomos në shtëpi, ndaj duhej fituar patjetër. Ishte e vështirë, edhe për faktin se Ilirinë nuk e njihja dhe nuk e dija çfarë na priste”.

A është Tirana ajo që dëshironte Ze Maria, me 1000 km/orë? “Jo, nuk është ende Tirana që dua, të gjitha skuadrat do të luajnë shumë fort nsaj nesh dhe duhet të bëjmë shumë më tepër se kaq”.

Nuk mund të mos preket çështja Doka, me Ze Marinë që zbulon pse talenti nuk ishte fare sot: “Mungesa e Dokës? Ai duhet të mësojë çfarë është disiplina dhe ajo është shumë e rëndësishme për mua. Vendimi që Doka të mos luante u mor në unanimitet me klubin”.