SHKARKIMI- “Klubi përdori rezultatet e dobëta si arsyen e shkarkimit tim, por unë e çova Romën në finalen e kupës. Bëmë një ndeshje të madhe kundër Milanit, ku arritëm t’i shënonim katër gola. Ajo sfidë më ka dhënë emocione të mëdha. Jam natyrë që punoj shumë, por kishte shumë njerëz brenda klubit që nuk e kishin me qejf këtë. Drejtuesit më shkarkuan sepse thashë publikisht se duheshin vendosur rregulla të rrepta.”

DE ROSI- “De Rosi nuk po luante mirë në atë periudhë. Nuk e di nëse ishte faji im apo i atij. Në vend të trajnimit kalonte kohë në shtretërit e masazhit. Nuk isha mësuar me këtë sepse mendoja se profesionistët stërviten në fushë. Megjithatë, është një problem i përgjithshëm. Toti stërvitej vazhdimisht. Nuk e di, ndoshta masazheri personal i tij ishte më i mirë. Mendoj se De Rosi kishte probleme dhe jashtë fushës. Ai nuk ishte një person paqësor”, përfundoi Zeman.

RTSH Sport raporton se drejtori sportiv i Partizanit, Olsi Rama, ndodhet në Itali dhe do të takohet me Zeman dhe synohet një marrëveshje me të. Çeku, tashmë 72 vjeç, konsiderohet si alternativa kryesore për të marrë vendin e lënë bosh nga Skënder Gega.

Një lëvizje e tillë padyshim që do të ishte e bujshme. Më interesantja është fakti që te Partizani mendojnë të afrojnë në ekip një personazh që për vite të tëra ka qenë armik me Luçiano Moxhin, i cili provoi të bashkëpunonte me “demat” dhe nuk pati sukses.

Çeku i famshëm për stilin e tij ultra ofensiv ka folur për një mundësi të tillë, duke komentuar deklaratën e Paulo Souzës, i cili ka shprehur gatishmërinë për të drejtuat Romën, problemet e Pastores në lidhje me skemën 4-3-3, kampionatin dhe çështjen e titullit, si dhe një koment për Shik, Dagllas Kostën dhe Lorenco Insinjen, të cilin e zbuloi vetë te Peskara, bashkë me Marko Verratin dhe Çiro Imobilen.

ROMA – “Souza do të shkonte me kënaqësi te Roma? Nuk është i vetmi, të gjithë duan të shkojnë, por problemi është të qëndrosh aty. Roma është një pjacë e rëndësishme, edhe tani që gjërat nuk po shkojnë ashtu siç pritej. Për një trajner është problem të qëndrojë gjatë në stolin e Romës. Çdo vit verdhekuqtë shesin lojtarë të rëndësishëm dhe kur vepron kështu, nevojitet kohë për të integruar lojtarët e rinj në ekip. Nuk është një problem cilësie, por ambientimi. Pastore? Është një lojtar i aftë, por vështirë ta vendosësh të luajë me skemën 4-3-3: nëse e vendos në treshen e mesfushës, ekipi vuan shumë në aspektin difensiv. Shik? Ai është një qendërsulmues, por aty është Xheko.”

“Sa i përket kampionatit, Juventus nuk ka rivalë. Napoli dhe Interi po e ndjekin, por në fund bardhezinjtë nuk do të kenë probleme për të fituar titullin e radhës. Dagllas Kostën e kam ndjekur dhe në Gjermani dhe është një lojtar, i cili më impresionon. Teknikisht është shumë i aftë dhe mund t’i shërbejë Ronaldos, ndryshe nga Manxhukiç, i cili bën një punë tjetër në të gjithë fushën. Insinje? Është rritur shumë. Me mua shënoi 20 gola në dy sezone. Po luan mirë me Ançelotin dhe për faktin që Karlo nuk i jep shumë detyra mbrojtëse”, përfundon Zdenek Zeman.

DYSHJA – “Lorenco dhe Marko e kanë traguar që në moshë të vogël, që ata kishin diçka më shumë. Ata janë rritur shumë në vitet e fundit dhe nuk duhet të ndalojnë sepse kanë akoma për të mësuar dhe për t’u përmirësuar. Verrati prej dy vitesh është lojtari më i mirë në Francë dhe e njëjta gjë shkon dhe për Insinjen, i cili është sulmuesi më i mirë në Serinë A”.

VERRATI – “Për mua, Verrati është më i mirë se Modriç. Në rolin e tij, ai është më i miri në botë. Unë e thërras Verratin, “Markolino” sepse ai është i vogël, gjithashtu dhe Insinjen e thërras “Lorencolo”, si një nga shtatë xhuxhat. Ata, së bashku me Imobilen, merreshin vesh në fushë më sytë mbyllur. Unë u mundova t’i mësoja sa më shumë dhe më pas ata bënë çdo gjë më sakrificë dhe me punë”.

INSINJE – “Në vitet e para te Napoli, Insinje merrte përsipër dhe të kthehej prapa e të mbronte, por kjo ishte diçka e gabuar. Ai është një sulmues dhe duhet të jetë gjithmonë pranë zonës, pasi ka një goditje të frikshme. Sipas mendimit tim ai mund të shënojë çdo sezon më shumë se 20 gola. Në kohën kur ishim te Peskara ai shënoi 18 gola dhe dhuroi 14 asist. Pyesni Imobilen se sa herë e ka bërë të shënojë në atë vit. Ishte lojtari më i mirë në kampionat, pavarësisht se Seria B është e ndryshme nga Seria A. Me Sarrin ai bëri shumë mirë, por loja e Sarrit me një pasim nuk është ajo që parapëlqen Insinje. Atij i pëlqen që të luajë pak me topin dhe ta driblojë kundërshtarin e tij. Te kjo pjesë Lorenco është fenomenal. Me Ançelotin ka më shumë liri dhe më duket më në formë.”

Trajneri i famshëm për stilin e tij ofensiv të lojës e kishte përkufizuar më parë blerjen e Shok si: “Blerja e vetme e gabuar e Romës”, ndërsa tashmë jep opinionin e tij për mos aktivizimin me verdhekuqtë.

“Roma luan me tre sulmues, por duke parë që sulmuesi qendror është Edin Xheko, Shik nuk ka hapësira dhe nuk e ka gjetur akoma pozicionin e tij në fushë. Më duket sikur Di Françesko nuk e ka dashur në ekip dhe nuk po di se çfarë të bëjë me të. Për këtë arsye, mendoj që Roma nuk është klubi i duhur për lojtarin. Kur luante me Sampdorian ishte një lojtar i mirë dhe aktivizohej si qendërsulmues”, përfundon bohemi Zeman, i cili ka drejtuar më parë ekipin e Romës.