“Do të doja të kisha një kombëtare si ajo e Italisë, me kaq lojtarë të aftë dhe të fortë, por si është e mundur që japin 50-60% të asaj çfarë japin me klubet e tyre? Mos të harrojmë, që ishte dhe një futbollist me 15 kg mbi peshë. Baloteli? Nuk e di… Diskutuam me Sakin mbas ndeshjes dhe ishim të dy dakord që Baloteli nuk ishte i përgatitur.

Në aspektin fizik, ai nuk ishte gati për një ndeshje të tillë. Jam dakord me fjalët e Sakit, por bëhet fjalë për inteligjencë futbollistike. Më vjen keq për Marion, por unë e pashë të papërgatitur dhe është faji i tij që nuk është akoma gati. Një profesionist nuk mund të jetë në këto kushte dhe nuk i hyn në punë askujt.

Ndeshja me Italinë? Nuk jemi plotësisht të kënaqur. Mund të dyfishonim rezultatin, por erdhi ajo penallti dhe më mirë dy të plagosur sesa një i vdekur, meqë kam shumë miq në Itali. Nuk e di nëse ajo penallti do të akordohej në kohën time, por me rregullat e sotme ndoshta është penallti”, përfundon kreu 62-vjeçar i futbollit polak.

“Juvja ka kapur “Bingo” me blerjen e portugezit. Në Torino dinë t’i bëjnë llogaritë dhe Ronaldo është pjesë e projektit të ndërkombëtarizimit të produktit dhe nuk është një kosto, por një fitim, sepse ai paguan vetën e tij. Një goditje e jashtëzakonshme. Ronaldo bën që të gjithë të shohin edhe një Juventus-Fiorentina, ose një Empoli-Juventus.

Diçka e tillë do i bëjë mirë dhe federatës italiane, e cila kërkon të organizojë Europianin e 2028. Jam anëtar i komunitetit ekzekutiv dhe mund t’ju them që Italia ka shumë shanse ta sigurojë organizimin e kompeticionit”, shpjegon polaku 62-vjeçar.