Raportohet se drejtuesit e Juventusit u takuan me Klaudio Vigorelin, agjentin e Zaniolos, në Milano. Zaniolo aktualisht po fiton vetëm 150 mijë euro në vit te Roma dhe po kërkon një rritje page të paktën 2.5 milionë euro. Roma mund të përdorë fondet që do të merrnin nga shitja e Zaniolos për të investuar në emra si Mauro Icardi, Huan Kuadrado dhe Matia Perin.

19-vjeçari ka shënuar 6 gola dhe ka asistuar dy herë këtë sezon në Serie A dhe ka treguar një potencial të jashtëzakonshëm. Vetë italiani ka dëshirë të luajë në kampionatin anglez të futbollit dhe Totenhemi shihet një dëstinacion ideal për të.

Roma është në një dilemë të madhe, pasi nuk duan ta lënë të lirë mesfushorin, por ofertat faraonike po tundojnë jo pak drejtuesit verdhekuq. Vetë Zaniolo nuk ka nënshkruar ende një kontratë të re, pasi kushtet e tij nuk po plotësohen nga skuadra e Romës.

Si gjithmonë, pas paraqitjeve të mira, fillon interesimi në merkato dhe për Zaniolon, Juventusi po insiston me ngulm. Sipas “TuttoSport”, drejtori sportiv i Juventusit, Fabio Paratiçi, është takuar me agjentin e Zaniolos sot, Klaudio Vigoreli.

Me shumë gjasa, një marrëveshje mes Romës dhe Juventusit është arritur dhe tashmë, duket se “Zonja” duhet vetëm të bindë lojtarin dhe agjentin e këtij të fundit. Sezonin e ardhshëm, talenti italian mund të veshë fanellën bardhezi të kampionëve të Italisë.

Ky “shpërthim” i italianit, sigurisht që ka sjellë interesimin e agjentëve elitarë, të cilët duan ta kenë në menaxhim. Njëri prej tyre është dhe agjenti më i famshëm italian, Mino Raiola, i cili është një emër i njohur që nuk ka nevojë për prezantim.

Sipas “Gazzeta dello Sport”, oferta e Raiolës është refuzuar kategorish nga futbollisti. Në një prononcim për gazetën italiane, i ati i Zaniolos, ish-futbollisti i Xhenoas, Igor Zaniolo, ka thënë se i biri i tij do të vazhdojë bashkëpunimin me agjentin Klaudio Vigoreli.

“Është e pabesueshme.  Kam ngelur pa fjalë. Kurrë nuk e prisja se ndodhte diçka  e tillë”, tha 19-vjeçari para mikrofonit të “Sky Sports”.

“Gjithsesi kemi ende ndeshjen e dytë. S’duhet ta kishim pësuar golin. Tani po luajmë si një grup i bashkuar. Nuk i lamë Portos asnjë mundësi, prandaj e dimë shumë mirë se çfarë duhet të bëjmë në ndeshjen e kthimit. Tani ndihem i sfilitur, por jam shumë i lumtur ta bëj këtë për skuadrën. Të festoja me tifozët është një ndenjë e jashtëzakonshme, s’mund ta përshkruaj shpresoj të shënoj më shumë gola dhe të festoj sërish me ta”, përfundoi Zaniolo.

NGJASHMËRIA E ME TOTIN ? – “Janë lojtarë të ndryshëm. Një gjë që kanë të përbashkët është se ai është fjalëpakë dhe kërkon gjithmonë topin. Nëse bën një gabim, ai e rimerr topin. Kjo është një virtyt i tij. Ka shumë skuadra që e duan atë, por ai duhet ta dijë se ai ndodhet në një klub të madh që po i ka dhënë mundësi të shkëlqyera”.

“Ai është një lojtar shumë i rëndësishëm. Luan shumë mirë si mesfushor krahu në një mesfushë me tre lojtar, por në këtë moment që gjendemi nuk dua të bëj ndryshime në sistemin e lojës. Është një lojtar që di si të ushtrojë presion, ndërsa bën mirë edhe në fazën sulmuese. Ç’mund të them më shumë ka shpejtësi dhe forcë fizike. Duhet të përmirësohet në situata afër portës, pasi shpeshherë luan topin në qendër në situata ku mund të bëjë zgjedhje më të mira”, përfundoi tekniku i Romës.

Roma baraspeshon rezultatin pak sekonda pas fillimit të pjesës së dytë me anë të Zaniolos. Verdhekuqtë marrin kontrollin e lojës, por nuk arrijnë të çajnë mbrojtjen e Milanit dhe portierin Donaruma. Në minutat e fundit të takimit, djemtë e Gatuzos rimarrin veten dhe testojnë në disa momente portierin Olsen.

Qui il VAR non si poteva consultare?? #RomaMilan pic.twitter.com/4zsj7bN8ok

— Haris Mrkonja N1 (@harismrkonjan1) February 3, 2019

Një ndër episodet më të diskutueshëm të ndeshjes ishte një ndërhyrje e Kolarov ndaj Susos, por pavarësisht protestave të lojtarëve të Milanit, gjyqtari i takimit nuk përdor sistemin “VAR”. Me siguri polemikat për këtë vendim do të jenë të shumta në Itali.

Gazeta italiane “Corriere Dello Sport”, ka zbuluar listën e pagave te Roma dhe Zaniolo mban vendin e parafundit të listës me një pagë bazë prej 250 mijë eurosh që me anë të bonuseve të ndryshme mund të kapë deri në 700 mijë euro . I vetmi futbollist që paguhet më pak se 19-vjeçari është portieri i tretë i verdhekuqve, Daniel Fuzato, i cili ka një pagë sezonale prej 500 mijë eurosh.

Për t’i dhënë të riut atë që i takon, drejtuesit e Romës i kanë përgatitur një kontratë të re me lojtarin. Me marrëveshjen e re, Zaniolo do të përfitojë 1 milionë e gjysmë euro në sezon, çka do ta bëjë të ndihet i barabartë me pjesën tjetër të lojtarëve

Quarto episodio: rigore non dato a Zaniolo in #RomaInter pic.twitter.com/Othw2QwT9L

— Edoardo (@_Edoar8) December 2, 2018

Lojtarët e Di Françeskos protestuan dhe kërkuan shikimin e VAR-it, por një gjë e tillë nuk ndodhi. Roki nuk u sinjalizua nga Fabri (arbitri në dhomën e VAR-it), i cili i ka patur të qarta pamjet.

“Të gjithë e pamë çfarë ndodhi, nuk është nevoja të flasim më shumë për atë rast. Dua të marr vesh se përse arbitrat e dhomës së VAR-it, nuk e panë atë rast. Është e turpshme”, reagoi Françesko Toti, ish-kapiteni legjendar i Romës.

Për episodin e ndodhur ka reaguar dhe Marçelo Niki, presidenti i shoqatës së arbitrave në Itali. Ky i fundit ka mbetur i befasuar nga një gabim i tillë dhe ka paralajmëruar masa për personat përgjegjës.

“Nuk arrij ta kuptoj se si ndodhi një gabim i tillë, një mbikëqyrje e pakonceptueshme. Ricoli do të merret me këtë që ka ndodhur, le të kthejmë faqe dhe të rikthehemi të flasim për futboll”, sqaron shkurt Niki, duke pranuar gabimin e Fabrit. Ky i fundit duhet të sinjalizonte Rokin dhe pamjet do të detyronin arbitrin kryesor të akordonte penallti për Romën. Direkt mbas këtij episodi, Interi shënoi gol me anë të një aksioni shumë të bukur, ndërsa ndeshja u mbyll në barazim 2-2.

“Të gjithë e pamë çfarë ndodhi, nuk është nevoja të flasim më shumë për atë rast. Dua të marr vesh se përse arbitrat e dhomës së VAR-it, nuk e panë atë rast. Është e turpshme”.

“Ju gazetarët duhet t’i bëni një zile atyre që të marrim vesh se si nuk e panë. Kjo është arsyeja përse u implementua VAR-i. Gjyqtari Roki, ndoshta nuk e ka parë, por kjo nuk ka rëndësi, pasi VAR-i duhet ta kishte parë. Mesa duket, Fabri (gjyqtari në dhomën e VAR-it)  ka qenë duke parë një ndeshje tjetër”.

“Nuk dua të justifikohem, por një rast i tillë e ndryshon krejtësisht lojën. Mund të kishim shënuar, ndërsa pak sekonda më vonë Interi na ndëshkoi. Një ndeshje mund të vendosë fatin e një sezoni”, tha Toti, dukshëm i përfshirë nga emocionet.

https://youtu.be/m8Z9rbzIjts