Për Sky Sport, Zaneti tha: “Ka shumë entuziazëm te Interi, ne jemi të vetëdijshëm që kemi një mundësi të jashtëzakonshme tani. Kam folur shumë me Antonion dhe mund të garantojmë se skuadra do të ringrihet”.

Interi tashmë ka filluar të përforcojë skuadrën përpara fillimit të sezonit të ri, me mbrojtësin e Atletiko Madridit, Diego Godin, i gatshëm të transferohet si një lojtar i lirë. Mesfushori i Kaljarit Nikolo Barella dhe sulmuesi i Romës, Edin Xheko, duket të jenë dy blerjet e ardhshme, ndërsa Konte ka ende shpresë për firmën e Romelu Lukakut.

Ikardi ka kaluar shumë ditë të trazuara te zikaltrit. Çështja e rinovimit është zgjatur shumë, me sulmuesin dhe drejtuesit e klubit që nuk kanë gjetur ende akordin. Për më tepër, Ikardit iu hoq dhe shiriti i kapitenit. Këto zhvillime të fundit, kanë bërë që e ardhmja e argjentinasit të vihet në dyshim.

Shumë zëra e çojnë ish-kapitenin e Interit te Juventusi, një lëvizje që mund të jetë më e bujshmja në verë. Bisedimet e para mes dy klubeve priten të nisin shumë shpejt dhe me Anjelin që është gati të paguajë, Interi thjesht duhet të vendosë së sa para mund të përfitojë.