Zyrtare | Zamparini i jep fund, Palermo kalon në duart e anglezëve

Sport Ekspres — Thu, 22 Nov 2018 14:08:05 +0000

Mbas 16 vitesh në krye të Palermos, presidenti “ikonë” i klubit sicilian, Mauricio Zamparini ka hequr dorë nga karrigia e presidentit. Në një komunikatë të nxjerrë ditën e sotme në sajtin e klubit, është njoftuar shitja e të gjithave aksioneve të italianit.

Pronarët e rinj të Palermos janë një grup investitorësh anglezë, të cilët kanë premtuar se do investojnë shuma të mëdha parash për ta kthyer skuadrën në një ekip stabël në elitën e futbollit italian, Serie A.

Në 16 vite si president i Palermos, Zamparini shkarkoi 44 trajnerë, një rekord ky më vete për futbollin italian, por edhe më gjerë. Nën “mbretërimin” e 77-vjeçarit, arritja më e lartë e klubit sicilian ishte renditje në vendin e pestë të Serie A në sezonet: 2005/2006, 2006/2007 dhe 2009/2010.

Zamparini gati t’i japë fund, trajnerët italianë marrin frymë lehtësisht

Sport Ekspres — Tue, 20 Nov 2018 17:01:08 +0000

Futbolli italian mund të humbasë një ndër presidentët më të veçantë. Bëhet fjalë për presidentin e Palermos, Mauricio Zamparini. Mesa duket 77-vjeçari e ka kuptuar se nuk i ka më energjitë që duhen për të administruar një klub futbolli në “xhunglën” e futbollit italian.

Sipas “Rai Sport”, pronarët e rinj të klubit sicilian do të jenë një grup biznesmenësh anglez të cilët i kanë premtuar Zamparinit se do të investojnë shuma të mëdha parash për ta rikthyer klubin në Serie A.

Gjatë 16 viteve në krye të Palermos, Zamparani ka “ngrënë kokat” e 45 trajnerëve, një rekord ky që s’ka të afërt. Për të kuptuar çmenduritë me trajnerë mjafton të përmendet një statistikë mjaft interesante nga futbolli anglez. Pesë ndër klubet më të më mëdha në Angli kanë pasur më pak trajnerë gjatë ekzistencës së tyre më shumë se 100-vjeçare sesa Palermo nën “regjimin” 16-vjeçar të Zamparinit. Ato janë si më poshtë

Klubi Viti i themelimit Numri i trajnerëve

Mançester Siti – 1887 –                                             38
Totenhem – 1882 –                                             33
Liverpul – 1892 –                                             22
Arsenal – 1886 –                                             21
Mançester Junajtid – 1878 –                                             20