Zamer: Keqardhje për Ançelotin, por ja që ky është futbolli

Sport Ekspres — Sat, 30 Sep 2017 20:43:08 +0000

Ish-drejtori sportiv i Bajernit, Matias Zamer, ka shprehur keqardhjen e tij për shkarkimin e Karlo Ançelotit, por ka theksuar se futbolli ky është. “Personalisht nuk e prisja kështu, por ja që ndodh. Më vjen keq, në fund e pëson gjithmonë trajneri. Me thënë të drejtën, prej javësh ishte krijuar ideja që te Bajerni nuk ishin më një trup i vetëm dhe, kur ndodh kjo, duhen marrë vendime. Drejtuesit Rumenige dhe Hënes nuk duhen diskutuar, pasi kanë arritur gjëra të mëdha dhe vazhdojnë ta bëjnë. Kanë ndërtuar një ekip të qëndrueshëm, por duhet të gjejnë sërish gjuhën e përbashkët. Skuadra ka nevojë të ndjejë se gjërat po shkojnë mirë nga lart”.

Zamer: Myler nuk luan? Ai është kampion bote!

Sport Ekspres — Tue, 29 Aug 2017 14:51:49 +0000

Matias Zamer ka komentuar situatën e vështirë në të cilën gjendet aktualisht sulmuesi i Bajernit, Tomas Myler. Sipas legjendës së futbollit gjerman, fakti që Myler nuk e ka të sigurt vendin e titullarit e ndihmon skuadrën, ashtu si edhe trajnerin Karlo Ançeloti. Ai iu referua lënies në stol të 27-vjeçarit në ndeshjen e fundit në kampionat me Verder Bremenin.

“Duhet të shohim edhe performancën e Tomasit gjatë karrierës së tij. Ai është kampion bote, fitues i Champions League, kampion i Bundesligës, fitues i Kupës. Ai do të zëvendësojë Miro Klozen në Botërir si golashënues. Kjo është kontradikta e momentit. Një skuadër ka disa faktorë të qartë dhe shumë të rëndësishëm për qëndrueshmërinë e saj. Nëse ka liderë, siç ka ndodhur në vitet e Jup Hajnkesit dhe Otmar Hicfeldit, ata nuk diskutohen. Gjithsesi, kjo temë e bën interesant sezonin. Trajneri është përgjegjësi. Askush nuk reagon për temat e nxehta. Rumenige dhe Hënes kurrë nuk kanë ndërhyrë në territorin e trajnerit”, – është shprehur 49-vjeçari.