Zahavi

Kinën nuk e bëjnë as paratë, ja 5 yjet që duan largimin

Sport Ekspres — Fri, 11 Jan 2019 18:50:45 +0000

Kampionati kinez i futbollit ka qenë një nga risitë më të çuditshme në futbollin botëror dhe paratë e investuar te ekipet aziatike kanë qenë stratosferike.

Investimet e mëdha kanë parë yje të futbollit botëror të transferohen në kampionatin kinez, ku janë mbuluar me ar. Por jo çdo gjë ka shkuar mirë për yjet e futbollit, pasi tashmë kërkojnë me doemos largimin.

Ky muaj janar mund të shohë shumë futbollistë të njohur të rikthehen në Evropë, madje disa nga ta janë të gatshëm të ulin ndjeshëm kërkesat e tyre dhe të pranojnë edhe rroga më të ulëta.

Karrasko është emri më i përfolur, me Milanin dhe Arsenalin që janë në garë për shërbimet e sulmuesit belg. Përveç Karraskos, edhe braziliani Hulk, Zahavi, Paulinjo dhe ish-ylli i Çelsit, Oskar janë gati të rikthehen në Evropë dhe kanë vënë në lëvizje agjentët e tyre që t’iu gjejnë skuadër. Duket se kampionati kinez do të humbasë shumë yje gjatë kësaj merkatoje.

Janik Karrasko kërkohet nga Milani dhe Arsenali

Zahavi: Shqipëria e meritoi, pas një muaji ndryshojmë

Sport Ekspres — Fri, 07 Sep 2018 21:13:25 +0000

Sulmuesi i Izraelit Eran Zahavi nuk arriti që të shnote rastin më të mirë që ju krijua miqve. Në prononcimin për “Supersport” sulmuesi i cili luan në Kinë e pranoi se Shqipëria mori një fitore të merituar.

“Ne humbëm këtë ndeshje, por u paraqitëm mirë. Nuk arritëm të shënonim, Shqipëria fitoi dhe pas një muaji do të tentojmë që të marrim maksimumin në shtëpi”.

“Ne nuk shënuam dhe nuk arritëm të shfrytëzonim ato raste që kishim. Shqipëria u mbroj mirë dhe ishte rrezikshme në kundërsulme. Shqipëria ka lojtarë me cilësi, por ne edhe pse humbëm sot do tentojmë që të përmirësohemi dhe të bëjmë mirë në ndeshjen e kthimit. Shqipëria e meritoi këtë fitore”.

“Eksperienca në Kinë? Ka dy vite e gjysmë atje, më pëlqen jeta dhe kampionati po përmirësohet shumë. Ndihem shumë mirë”.

Izraeli rikthen “armikun” e Berishës, gjendet gjuha përbashkët

Sport Ekspres — Tue, 28 Aug 2018 15:46:59 +0000

Kombëtarja e Izraelit sapo ka siguruar një përforcim shumë të rëndësishëm për ndeshjen ndaj Shqipërisë më datë 7 shtator në “Elbasan Arena”. Bëhet fjalë për sulmuesin dhe ish-kapitenin e kombëtares Eran Zahavi.

31-vjeçari kishte dhënë dorëheqjen nga kombëtarja 1 vit më parë pas një incidenti në humbjen 1-0 ndaj Maqedonisë në qytetin e Haifas, ku Zahavi hodhi në fushë shiritin e kapitenit. Lojtari i cili luan në kampionatin kinez me Guangzhou R&F do të jetë një titullar i padiskutueshëm për kombëtaren e drejtuar nga austriaku Andreas Herzog.

Sulmuesi është lojtari më i paguar i kombëtares izraelite, pasi në kontratën e tij aktuale që skadon pas dy sezonesh ai përfiton një shumë marramendëse prej 10 milionë eurosh në sezon. Zahavi u bë protagonist i ndeshjes midis Shqipërisë dhe Izraelit në 12 nëntor të 2016-ës, ku pas një debati me portierin e kombëtares tonë, Etrit Berisha, nga arbitri gjerman Deniz Aitekin.