Z Mobile Prishtina

Fitore historike e Prishtinës, “pret biletën” për në raundin e 1/16-ave

Sport Ekspres — Wed, 06 Feb 2019 21:03:07 +0000

Skuadra e basketbollit Z Mobile Prishtina ka arritur një fitore historike ndaj ekipit të njohur turk Pinar Karshijaka me rezultatin përfundimtar 82:78. Fitorja në ndeshjen e fundit të fazës së grupeve i mundëson skuadrës nga kryeqyteti i Kosovës, kalimin në fazën me eliminim direkt të “FIBA Europe Cup”.

Skuadra turke dominoi në çerekun e parë, duke regjistruar një rezultatin 16:26, por në çerekun e dytë dhe të tretë Prishtina mori epërsinë duke fituar të parin me rezultat 22:16 dhe të dytin 20:18. Në çerekun e katërt, të zotët e shtëpisë regjistruan rezultatin 23:18 .

Belgu Khalid Bukishu ishte lojtari që regjistroi më shumë pikë. Basketbollisti 208 centimetra i gjatë shënoi 16 pikë dhe regjistroi 5 asiste dhe 2 marrje topi. Ndeshje të mirë bën dhe Dardan Berisha dhe amerikani Kajli Anderson, të dy me nga 15 pikë secili.

Prishtina zuri vendin e tretë në tabelën përfundimtare të grupit I, por klubit nga Kosova i vjen në ndihmë rregulli i “humbësve me fat” (lucky loser) i vendosur nga FIBA, për shkak të refuzimit të disa klubeve të “Champions League” për të kaluar në fazën 1/16-ave të “FIBA Europe Cup”.

Prishtina mundet nga kampionët e Danimarkës, por objektivi arrihet

Sport Ekspres — Wed, 21 Nov 2018 21:23:43 +0000

Z-Mobile Prishtina është mundur në shtëpi nga kampionët e Danimarkës Bakken Bears me rezultatin e përgjithshëm 77 – 100. Ndeshja u zhvillua në kuadër të fazës së grupeve të “FIBA Euro Cup”.

Prishtina e filloi në mënyrë të përkryer takimin, duke fituar pjesën e parë me rezultatin 27:16, por danezët përmbysën gjithçka në të dytën me rezultat 12:29. Vizitorët më pas thelluan diferencën duke dominuar dhe në pjesën e tretë dhe të katërtën.

Pavarësisht humbjes Kosova ia ka dalë të kalojë në fazën tjetër të “FIBA Euro Cup”, duke u renditur në vendin e dytë në Grupin E.

Festa e bardhekaltërve, Z Mobile Prishtina mposht kampionët e Holandës

Sport Ekspres — Thu, 20 Sep 2018 20:14:51 +0000

Z Mobile Prishtina ka fituar ndeshjen e parë të fazës së kualifikueseve të Ligës Kampionëve në basketbollit. Ekipi i kryeqytetit të Kosovës ka mposhtur kampionët e Holandës, Donar Groningen, me rezultatin 84-64. Një fitore e madhe për fituesit e kupës dhe Superkupës së Kosovës.

Ndeshja u zhvillua në pallatin e rinisë dhe sporteve në Prishtinë në një atmosferë të zjarrtë të tifozërisë vendase. Miqtë fituan periodën e parë më rezultatin (19-20), ndërsa Prishtina reagoi në periodën e dytë, duke e mbyllur atë me rezultatin (26-14) dhe shkoi në pushim me avantazhin e 13-të pikëve (46-33).

Prishtina vazhdoi lojën e mirë duke fituar dhe dy periodat e tjera dhe e mbylli ndeshjen me 20 pikë avantazh (84-64). Fitore e rëndësishme për Prishtinën, që do të zhvillojë ndeshjen e kthimit në Holandë pas dy ditësh.