“Swiftsportsug” shkruan se Sentamu do të nënshkruajë një kontratë për një vit me klubin që garon e elitën e futbollit në Ugandë. Te Tirana nuk e kishin në plane dhe drejtuesit ia bënë të ditur diccka të tillë dhe shtrënguan duart.

Sezonin e fundit në Superiore ai arriti të shënonte vetëm pesë gola, ndërkohë që në Kategorinë e Parë kishte bërë më mirë, duke shënuar 12 gola. Tani ai do të mendojë të ndihmojë ekipin e tij të ri në realizimin e objektivave.

SportEkspres.com mëson se tre prej lojtarëve të cilëve u përfundojnë kontratat, nuk do të jenë në sezonin e ardhshëm pjesë e Tiranës. Konkretisht, Toni Mauexhe, Junus Sentamu dhe Namdi Oduamadi janë ata të cilët duhet të shohin për ekip tjetër.

I pari është lojtari që ka qenë më konstant te Tirana, duke luajtur rregullisht si titullar në të Parën dhe në Superiore. Sentamu është bërë çështje shpesh, kryesisht kur vinte koha për t’u kthyer në shtëpi. Nëse ndalemi tek Oduamadi, pritshmëritë për të kanë qenë të larta dhe nuk ka bindur. Për më tepër që edhe paga e tij ishte e konsiderueshme.

Veç këtyre tre lojtarëve, edhe Vinsent Atinga mund të shohë të gjejë një tjetër ekip. Ai është nën kontratë, por të dyja palët janë të interesuara të ndahen. Pritet vetëm që klubi të zyrtarizojë largimin e mbrojtësit, i cili do të ishte largimi i katërt te Tirana.

Në pamundësi për të luajtur ndeshje zyrtare Tirana përfitoi për të zhvilluar një miqësore. Bardheblutë e Memës do të përballen sot (e premte) me Korabin, ndeshje që do të zhvillohet në stadiumin “Selman Stërmasi”, ora 14:00.

Klubi kryeqytetas ka marrë një tjetër lajm të mirë, pas mbërritjes së Namdi Oduamadit në Tiranë gjatë ditës së mërkurë. Nigeriani ka pesë muaj pa luajtur dhe ka nevojë për kohë për të kapur ritmin e shokëve.

“Sportekspres.com” mëson se është rikthyer edhe Junus Sentamu. 24-vjeçari nga Uganda ka mbërritur pasditën e së enjtes në kryeqytet. Ai është parë në ambientet e vilës “Gold”, ndërsa pritet që nesër t’i bashkohet ekipit në miqësoren kundër ekipit dibran.

Sentamu, i cili ka shënuar 7 gola gjatë këtij sezoni, ishte mungesa e madhe e bardhebluve në këtë vit, pasi lojtari e vonoi shumë rikthimin e tij në kryeqytet. Ky është një lajm i mirë për trajnerin Mema, i cili tashmë do të ketë më shumë alternativa për repartin ofensiv.

Deri më tani nuk është se ka pasur ndonjë gjobë për sulmuesin, por absolutisht vonesa e tij nuk është pritur mirë nga drejtuesit e Tiranës. Kështu, duke parë situatën e krijuar, në kampin bardheblu po mendojnë të  shkojnë edhe në FIFA nëse Sentamu do ta shtyjë gjatë rikthimin e tij.

Durimi e ka një kufi dhe absolutisht sulmuesi, apo kushdo qoftë, nuk mund të vihet para objektivave të klubit. E mërkura e rikthen Tiranën në fushën dhe përballja e parë në Kupë me Flamurtarin është shumë e rëndësishme.

Trajneri Mema nuk do e ketë Sentamu në fushë, ndërkohë që gjatë fazës edhe pjesa tjetër e afrikanëve kanë mbërritur disi më vonesë. Kjo normalisht nuk është diçka e mirë, por është bërë si është bërë dhe të gjithë po punojnë të jenë në maksimum për pjesën e dytë të sezonit.

Sentamu nga ana tjetër duhet të kthehet sa më parë, ndryshe do të duhet që gjithçka të zgjidhet përmes gjyqeve. Në këtë rast Tirana nuk ka asnjë faj, madje është palë e dëmtuar.

Megjithatë, jemi në Shqipëri dhe probleme të tilla nuk janë të veçuara. Në mënyrë ironike një rast të ngjashme po vuan edhe Tirana. Duket se pas mbylljes së çështjes Ngo, te 24 herë kampionët Shqipërisë ka dalë problematika e radhës. Sulmuesi nga Uganda Junus Sentamu nuk i është bashkuar ende klubit dhe në këtë moment ndodhet në vendlindje, prej thuajse një muaji. Ndërkohë, bashkëkombësi dhe kolegu i tij Antoni Mauexhe, ka mbërritur në kryeqytet prej më shumë se një jave.

Futbollisti 24-vjeçar është sulmuesi me më shumë gola i Tiranës me katër finalizime në 13 ndeshje. Kryeqytetasit po mundohen ta kalojnë në heshtje mungesën e lojtarit, por Sentamu nuk është në koordinim me klubin, pasi mjafton të hedhësh një sy në rrjetet sociale, ku lojtari i bardhebluve është ndër më aktivit.

Situata është krejtësisht e papranueshme për një klub që ndodhet shumë pranë zonës së “ftohtë” dhe që pas vetëm dy ditësh ka një ndeshje vendimtare në kompeticionin e vetëm ku Tirana mund të pretendojë ende për një trofe.