Ymeraj

Rënia e Kastriotit, mesazhe nga mesfushori dhe shefi i klubit

Sport Ekspres — Thu, 30 May 2019 19:01:08 +0000

Skuadra e Kastriotit nuk do të jetë pjesë e elitës së futbollit shqiptar sezonin e ardhshëm, pavarësisht se në vitin 2019, ishte një nga skuadrat më të mirë në Superiore. Me në krye Devollin, krutanët provuan gjithçka, por në fund nuk ia dolën të qëndronin në Superligë.

Pas ndeshjes së fundit të sezonit kundër Kukësit, mesazhet nga lojtarët dhe drejtuesit e klubit nuk kanë munguar. Shefi i klubit, Gazmend Vogli, shkroi në faqen e tij në “Facebook”: Falëminderit! Falëminderit me qindra herë për ju çuna bashkë me profesor Devollin dhe gjithë stafin teknik të KS Kastriotit. Falëminderit që sakrifikuat kaq shumë. Falëminderit që dhatë përtej mundësive tuaja. Kokën lart ta mbani. Krenar për ju që djersitët gjak për këtë fanellë e këtë objektiv. Ju jemi mirënjohës sa të kemi jetën.”

Ndërsa mesfushori Ersil Ymeraj, shkroi: “Krenar për këtë grup që dha maksimumin për ta shpëtuar nga rënia, krenar për këta çuna që luftuan çdo sekondë dhe çdo centimetër të fushës. Ekipi që i dha bukurinë Superligës shqiptare, por fati s’ishte në krahun tonë. Urime të gjithëve për ç’ka arritën këtë sezon. Falenderime për gjithë tifozët që na mbeshtetën në çdo ndeshje.”

Ymeraj: Te Kukësi nuk u ndjeva mirë, kundër tyre akoma më i motivuar

Sport Ekspres — Tue, 26 Feb 2019 19:32:25 +0000

Eksperienca e parë e Maldin Ymerajt në kampionatin shqiptar ka qenë me Kukësin, ku u transferua gjatë janarit të vitit të kaluar. Gjatë gjashtë muajve ku ishte pjesë verilindorëve, hapësirat për 23 –vjeçarin qenë të pakta.

Në një intevistë për “RTSH Sport”, futbollisti i Luftëtarit është shprehur se takimi i fundjavës ndaj ish-ekipit e gjen atë akoma më të motivuar.

“Çdo gjashtë muaj në futbollin shqiptar ndërrohen lojtarë, por filozofia që fillon që nga presidenti ngelet e njëjta. Nej jemi çuna me shumë motivim dhe na kanë ardhur djem të mirë me shumë kualitet”.

“Unë personalisht kam një motivim më shumë për ndeshjen me Kukësin. Nuk u ndjeva mirë tek ajo skuadër, më mungonte motivimi, pata disa probleme personale. Kam besim se do të marrim një rezultat pozitiv”, tha Ymeraj.

Luftëtari mendon për Laçin, “përforcime” për Ahmatajn

Sport Ekspres — Sat, 02 Feb 2019 19:15:42 +0000

Luftëtari do të përballet në transfertë me ekipin e Laçit, një sfidë shumë e rëndësishme për bluzinjtë. Skuadra e Ahmatajt është përforcuar me një afrim dhe me disa rikthime nga dëmtimet dhe pezullimet.

Dimitris Kotsonis është zyrtarisht futbollist i Luftëtarit. Me anë të një njoftimi në Instagram, klubi ka zyrtarizuar firmën me futbollistin grek. Po ashtu, në dispozicion për Ahmatajn do të jenë dhe Maldin Ymeraj, që është rikthyer nga dëmtimi, si dhe kapiteni Ramadani, që do të rikthehet në fushë pas pezullimit.

Njoftimi i klubit të Luftëtarit

Klubi njofton arritjen e marrëveshjes me lojtarin Dimitris Kotsonis. Qendërmbrojtësi nga Greqia është një tjetër përforcim për ekipin,pasi ka arritur akordin me drejtuesit tanë. Kotsonis ka luajtur për ekipe të njohura në Greqi, si Pas Lamia, Apollon Smyrnis, Paniliakos, Aris Saloniki, Panachaiki dhe Trikala. Ai pritet të debutojë nesër në ndeshjen kundër Laçit.

Java e sulmuesve, por komandojnë të huajt!

Sport Ekspres — Tue, 18 Sep 2018 09:03:28 +0000

Për një sulmues është shumë e rëndësishme që të zhbllokohet sa më parë. Ana psikologjike ndonjëherë mund të jetë një problem më vete për disa lojtarë dhe veçanërisht për sulmuesit. Java e katërt duket se ishte shumë pozitive për lojtarët që luajnë në repartin e avancuar, pasi një pjesë prej tyre mundën që ta bënin sefte.

Ajo që bie në sy është fakti se ka dominim nga lojtarët e huaj sa i përket shënimit të golave dhe shumë pak futbollistë nga Shqipëria kanë qenë produktiv. Tek Kamza shënuan malazezi Roloviç dhe japonezi Fukui. I pari shënoi golin e parë në Shqipëri, ndërsa Fukui realizoi golin e parë sezonal me Kamzën, pasi luan prej disa edicionesh në Shqipëri.

Në Durrës vendosi sulmuesi nga Mozambiku, Rexhinaldo. 28-vjeçari kishte shënuar dhe më parë, por e rëndësishme është që golat vijën nga sulmuesit. Edhe në Tiranë serinë e golave e hapi Blazhevski. Maqedonasi shënoi një gol me shumë peshë. Pas tij realizuan dhe mbrojtësi turtulli si dhe sulmuesi Greca.

Edhe Skënderbeu gëzon se sulmuesit gjetën golat e parë. Krasniqi realizoi golin e parë ndaj Flamurtarit, ndërsa vendin e tij e zuri më pas Oto Xhon. Edhe nigerianit ju deshën pak minuta për të gjetur golin e parë në Shqipëri.