“Shpresoj qe më këtë stërvitje që po bëj, të jem gati për ndeshjen e parë. Ende nuk e kam kapur formën 100%”, shprehet Shameti për RTSH Sport, ndërkohë që vlerëson pozitivisht faktin që ekipi nuk ka pësuar shumë ndryshime.

“Këtë vit kemi pasur më pak lëvizje dhe është gjë e mirë, pasi duhet më pak kohë që të koalidohet ekipi”, shtoi gjirokastriti i mbrojtjes, i cili më tej edhe në lidhje me të ardhmen e tij. “Për momentin jam i fokusuar të kap gjendjen maksimale dhe të ndihmoj ekipin të kalojmë turin e parë të paktën. Dëshira është e dyanshme për të arritur një marrëveshje, që as nuk e diskutoj”, deklaron Shameti.

Në fund ai flet edhe në lidhje me shanset e kalimit në turin e dytë të Europa League. Debreceni shikohet si një kundërshtar normal nga kapiteni: “Duhet të jemi të gatshëm që të mbajmë presionin, të jemi në maksimumin ton, të qetë në kokë dhe të fortë në këmbë. Uroj të kemi edhe fatin me vete, që ta kalojmë këtë tur. Ky objektiv nuk është as shumë i lehtë, por as shumë i vështirë”.

Shameti gjatë këtyre viteve ka qenë një nga shtyllat e skuadrës së Kukësit dhe jo më kot është graduar edhe kapiten. Pjesa e dytë e këtij sezoni ka qenë e pafat për gjirokastritin, i cili është dëmtuar disa herë.

Shpesh ka ndodhur prej faktit që i është dashur të jetë në fushë, për shkak të mungesave të mëdha në ekip. Këto sakrifica e kanë penalizuar Shametin, i cili në fakt që në fillim të kampionatit ka pasur një problem në gju dhe pa u rikuperuar plotësisht ka luajtur.

SHIFRAT E SHAMETIT – Qendërmbrojtësi ka fituar gjithçka me fanellën e Kukësit, Kupë, kampionat dhe Superkupë. Shameti është pjesë e sukseseve të verilindorëve në kupat e Europës. Pas gjashtë sezonesh ai e mbyll me Kukësin, në moshën 34-vjeçare.

Në Superiore ai numëron plot 143  ndeshje, ndërkohë që Kupë ka zbritur 27 herë në fushën e blertë. Shameti ka luajtur edhe 16 takime në kupat e Europës. Qendërmbrojtësi në çdo sezon tijin me Kukësin ka arritur të shënojë dhe në llogarinë e tij janë plot 9 gola në gjashtë sezonet në Superiore me verilindorët.

Qendërmbrojtësi u rikthye të luante, teksa pati minuta me Luftëtarin. Gjithsesi ai sërish ka pasur probleme gjatë javës dhe fillimisht u mendua se e kishte mbyllur sezonin. Shameti po bën përpjekjet maksimale për të qenë i gatshëm në finalen e Kupës së Shqipërisë kundër Tiranës.

Ajo përballje është e programuar të zhvillohet më datë 2 qershor, ndërkohë që mbetet të përcaktohet stadiumi se ku do të zhvillohet ndeshja. Shameti nuk do për asnjë arsye ta humbë atë takim, që është shumë i rëndësishëm për objektivat e Kukësit këtë sezon.

RROCA – Numri 10 i Kukësit, para ndeshje ndeshjes me Skënderbeun ka pasur një problem. Gjithsesi ai luajti kundër korçarëve, por u aktivizua në fillimin e pjesës së dytë. Rroca ka ndjerë dhimbje gjatë ndeshjes dhe nuk e përfundoi takimin.

Tashmë mjekët do të shohim me kujdes fantazistin dhe shpresohet që të mos ketë probleme dhe të jetë gati për ndeshjet e fundit të këtij sezoni. Trajneri Gjoka është në pritje të një mesazhi pozitiv nga stafi mjekësor, jo vetëm për Rrocën, por edhe për Shkurtajn që e ndoqi ndeshjen me Skënderbeun nga tribuna.

Ka ndodhur në vitin 2008, kur vlonjatët me ekipin e 19-vjeçarë kanë fituar titullin kampion në kampionatin e të rinjve. Idrizaj, atëherë kapiten i Flamurtarit, e kujton përmes një fotoje të postuar në “Instagram”. Telushi e ka shpërndarë gjithashtu, ndërkohë që mbrojtësi ngacmon: “U19 kampion 2008. Historia përsëritet, por jo modeli i flokëve”.

Ylli Shameti është një tjetër lojtar që është bërë nostalgjik. Gjirokastriti në të shkuarën ka qenë pjesë e Kastriotit dhe ka postuar një foto me krutanët, ku shfaqet ai dhe disa prej lojtarëve qerosë. Kapiteni i Kukësit me shaka shkruan: “Shkëputur nga filmi ‘Lulëkuqe mbi mure’, 10 vite më parë”.

Fatmirësisht te Kukësi nuk ka lojtarë të pezulluar për këtë javë, ndërkohë që mbetet për t’u parë gjendja e kapitenit Ylli Shameti. Ai ka nisur stërvitjen me skuadrën, por prej disa kohësh ka kryer terapi dhe sigurisht do i duhet kohë për të kapur ritmin e shokëve të skuadrës.

Sigurisht prania e tij në fushë është e rëndësishme, pasi gjirokastriti është një lider. Gjithashtu në ndeshjen e fundit me Flamurtarin u panë gabime në prapavijë, që duhet të eliminohen menjëherë. Kundër Tiranës është një ndeshje e vështirë dhe në kampin verilindor e dinë mirë këtë. Humbja në fazën e tretë, ende djeg te Kukësi.

Tashmë vëmendja është te ndeshja e radhës, që zhvillohet shumë shpejt. Kukësi do të udhëtojë drejt Laçit dhe i duhet me çdo kusht të fitojë, ndryshe edhe vendi i dytë në renditje do të vihej në diskutim. Sidomos nëse humbet.

Shqetësimi i Kukësit tanimë është mbrojtja. Gëzim Krasniqi u dëmtua dje në takimin me Kastriotin dhe e ka mbyllur sezonin, ndërkohë që në sfidat e fundit ka munguar edhe kapiteni Ylli Shameti. Gjirokastriti është një nga pikat më të forta të verilindorëve dhe rikthimi i tij është shumë i rëndësishëm.

Mbrojtësi ka folur për SportEkspres.com, ku ka deklaruar se Kukësi do të besojë deri në fund: “Objektivat tona janë në fushën e lojës në çdo ndeshje deri në mbyllje të sezonit, në Kampionat dhe në Kupë. Ne jemi Kukësi dhe deri në fund do të jemi në luftë në garën për kreun e renditjes”.

Për sa i përket ndeshjes së sotme ndaj Kastriotit, Shameti shprehet se Kukësi vlerëson çdo kundërshtar dhe kërkon gjithmonë maksimumin, pavarësisht pozicioneve në renditje. “Me çdo kundërshtar luajmë për synimet tona. Edhe pse Kastrioti kërkon mbijetesën dhe luan në fushën e tij, ne shkojmë në “Redi Maloku” vetëm për tri pikët. Për këtë do bëjmë maksimumin”, përfundoi 34-vjeçari.

AGRON KAJA

E njëjta gjë ndodhi edhe me Ardian Cuculin. Dy mungesa “big” për Kukësin në takimin me Kamzën. Gjithsesi alternativat nuk mungojnë. Gëzim Krasniqi është i gatshëm për lojë, ndërkohë që ka shlyer pezullimin edhe Olsi Teqja.

Ky i fundit, pas rikthimit të Edis Malikit, i krijon mundësinë trajnerit Cungu ta vendosë në qendër të mbrojtjes. Kjo ishte edhe arsyeja pse të Kukësi ngulmuam ta merrnin në ekip. Teqja luan në dispozicion pozicione dhe sigurisht ka edhe cilësi, veç të qenurit “xhol”.

Teuta nga ana tjetër nuk do të ketë kapitenin Tefik Osmani në transfertën e vështirë me Luftëtarin. Mbrojtësi qendror u ndëshkua me karton të kuq, por mungesën në Gjirokastër e kishte siguruar edhe me të verdhin e marrë më parë. Bicaj e Shkalla janë gati ta zëvendësojnë korçarin.

“Unë mendoj se në verë nuk janë bërë goditjet e duhura, prandaj stafi teknik dhe presidenti kanë menduar të bëjnë këto afrime për të mbuluar ato vende ku kemi pasur probleme. Prandaj kemi marrë dy, tre lojtarë që e njohin kampionatin shqiptar, gjë kjo që ndihmon në kolaudimin me ekipin”.

VALDET RAMA – “Ai ka vetëm dy ditë në stërvitje, nuk mund të flas për gjendjen e tij fizike. Loja është ajo që do e tregojë parametrat që ka dhe sa do të mund të në shërbejë, kjo është më e rëndësishmja”

DUELI PËR TITULL – “E rëndësishme është që në vazhdimësi. Të pesta ekipet e kreut do luftojnë për pikë të pIota në çdo ndeshje. I vetmi avantazh që ka Partizani ndaj nesh është pesë pikëshi i diferencës, që iu heq presionin për një hap fals të mundshëm, diçka që ne nuk e kemi, por ata mund të vihen në këtë pozitë në të ardhmen. Këtë diferencë pikësh ne duhet ta rikuperojmë rrugës. Padiskutim do ta bëjë hapin fals”, përfundoi kapiten i Kukësit.

Ylli Shameti ka folur me nota pozitive për fazën përgatitore, ndërsa komenton dhe afrimet e dyshes Shkurtaj-Rroca nga Luftëtari për “SuperSport”. Kapiteni ndalet dhe te Rexhinaldo, merkato e ekipit, që ka të mirat dhe të këqijat e veta, dhe e mbyll me objektivin e klubit verilindor që dihet, është titulli kampion.

FAZA PËRGATITORE – “Mendoj se kemi bërë një 12-ditësh fazë përgatitore në kushte optimale. Nuk është viti i parë që shkojmë, por mendoj që Turqia të ofron shumë fusha të mira, por dhe miqësore me ekipe shumë të forta, siç kemi bërë dhe këto tre miqësore. Logjikisht miqësoret nuk janë në nivelin e ndeshjeve zyrtare, por shpresoj që kjo të na shërbejë për kolaudimin e ekipit dhe fillimin sa më të mirë të dy fazave të mbetura të kampionatit.”

SHKURTAJ-RROCA – “Çdo lojtar ka nevojë për t’u përshtatur, aq me tepër kur vijnë nga një ekip tjetër. Gjëja e mirë është që janë lojtarë shqiptarë, e njohin kampionatin dhe besoj se do të na ndihmojnë shumë me cilësitë e tyre. Shpresoj të integrohen me ekipin sa më shpejt dhe mendoj se do të jenë dy blerje të goditura, të cilët do të na ndihmojnë në fund në realizimin e objektivave.”

REXHINALDO – “Ne jemi lojtarë dhe askush nuk e pranon stolin. Kjo është një gjë e mirë, pasi, nëse një lojtar pranon stolin, do të thotë që nuk mund të presësh shumë nga ai. Rexhinaldo ka bërë mirë në dy fazat e para, nuk ka patur një sulmues tjetër në krah që të rritet konkurrenca, por ardhja e Shkurtajt ka rritur konkurrencën. Mendoj se i përket stafit teknik se kush do të zbresë në fushë, por ai ka bërë një fazë përgatitore shumë të mirë, korrekte, serioze dhe mendoj se të dy do të jenë të nevojshëm për ekipin me cilësitë e tyre. Nuk ka çështje Rexhinaldo, por e rëndësishme është që të gjithë të bëjmë maksimumin për të ndihmuar ekipin dhe për të shprehur më të mirën në fushën e lojës.”

MERKATO – “Sa më shumë lojtarë të kesh aq më mirë është, por ndonjëherë të kthehen dhe kundër. Nëse merr lojtarë të mirë ata duan të luajnë, por edhe të mos kesh lojtarë prapë është keq. Nëse deri në minutat e fundit të merkatos do të vijë ndonjë lojtar që stafi apo presidenca e kanë menduar se do të na shërbejë akoma më mirë, mirë se të vijë.”

OBJEKTIVI – “Kukësi gjithmonë ka bërë investime për titullin kampion, të paktën në 3-4 vitet e fundit. E kam diskutuar dhe me çunat që të gjithë lojtarët që kanë ardhur ose do të vijnë, duhet të dinë se ku po vijnë. Duhet të njohin se Duhet të njohin se çfarë presidenti dhe çfarë objektivash ka te Kukësi. Po të jesh lart, presioni është më i madh. Padyshim që kemi bërë shumë gabime në dy fazat e para, por kemi rikuperuar në ndeshjet e fundit. Objektivi nuk ka ndryshuar në momentin që kemi bërë gabime nga ana e klubit apo ana jonë, por thjeshtë jemi fokusuar më shumë në fushën e lojës për të marrë pikët dhe për të rikuperuar. Dihet se objektivi i titullit shkon sinkron dhe paralelisht me investimet, që janë bërë në mënyrën e duhur. Besoj dhe shpresoj që në maj titulli të kthehet pas një viti pushim në Kukës. E ardhmja? Duhet parë hap pas hapi. Nuk është vështirësi e madhe për të diskutuar për çështjen e vitit tjetër.”

Qendërmbrojtësi Shameti është protagonisti i lojës zbavitëse, pasi është lojtari në qendër të lojtarëve, i cili kalon topin nga një lojtar në tjetrin e më pas në kosh. Video edhe pse e postuar ditën e djeshme, i takon një date të mëparshme, pasi në të shihen edhe lojtarë si Ebipi, Harba e Shkodra, që nuk janë më pjesë e kuksianëve.

MOTIVIMI – “Duhet të futemi me idenë për të fituar. Kastrioti ka bërë lojëra të mirë, edhe pse nuk ka fituar. Nuk duhet të shohim më larg se ndeshja e fazës së parë, që patëm vështirësi në fushën e tyre. Duhet të jemi tepër të mobilizuar, pasi të luash kundër Partizanit dhe Skënderbeut mobilizohesh vetë. Më këto ekipet e fundit duhet mobilizim edhe më tepër. Duhet përkushtim në fushë që të marrim tre pikët, që të jetë vazhdimësi e rezultateve të fundit. Kemi gabuar më parë dhe duhet të marrim pikët maksimale. Kjo do bënte që vazhdimësia do të ishte me moralin e duhur”.

LUAJTJA JASHTË FUSHE – “Jemi mësuar që në Kukësi të kishim mbështetje të madhe nga tifozët dhe ekipet e tjera e ndjenin se po shkonin në Kukës. Tani mësuar në njëfarë mënyre nga halli. Kjo nuk duhet të jetë diçka negative, apo pengesë për t’i parë gjërat ashtu si duhet dhe për t’i marrë maksimumin  ndeshjeve që bëjmë”.

SKEMA ME TRE NË MBROJTJE – “Mendoj se edhe më parë kemi luajtur mirë, edhe me 4 mbrojtës apo pesë. Nuk ka rëndësi sistemi, por përkushtimi i të gjithëve në fazën mbrojtëse. Në këto ndeshjet e fundit ekipi ka funksionuar në sulm dhe në mbrojtje, jo vetëm një repart i veçuar. Të gjithë duhet të japin maksimumin në çdo repart”.

RROCA DHE SHKURTAJ – “Për momentin kemi këto lojtarë. Nëse do të vijnë, mirë se të vijnë. Ata janë lojtarë të mirë. Nëse japin maksimumin që të arrihen objektivat e Kukësit, mirë se të vijnë. Nuk ka ndikuar aspak në ekip, secili ka vendin e vet. Futbolli nuk është me vetëm 11 lojtarë, janë më shumë se 18 lojtarë. Secili të japë maksimumin dhe më pas vendos stafi teknik se kush luan”.

Gjirokastriti u shpreh se gjyqtari u kursye disi për kundërshtarët, sa i përket ndëshkimit me kartonë të verdhë, por në anën tjetër nuk mund të mos komentonte dhe një takim të tillë, që u luajt në një stadium të zbrazur.

Sa të zhgënjyer jeni që nuk arritët që të dilnit me pikë të plota nga ky takim?
E kishim përgatitur mirë ndeshjen dhe them se bëmë një ndeshje shumë të mirë. Dominuam për 90 minuta, kishim rastet tona, por nuk i kemi shfrytëzuar ashtu siç duhet. Besoj se kjo ndeshje mund të ndahej me një gol. Edhe barazimi është mirë, pasi vjen në transfertë, por dhe në një momenti pozitiv. Ruajmë vazhdimësinë pas atyre tre fitoreve. Ne i luajmë të gjitha ndeshjet jashtë. Kur luan ndaj një rivali direkt edhe një barazim nuk duhet ta mendojmë zhgënjyes. Është e rëndësishme nga ana psikologjike kjo pikë, por nuk vlen absolutisht asgjë, nëse nuk e mbyllim me fitore javën e ardhshme.

Si ishte ky takim pa tifozë?
Ndeshjet pa tifozë janë si ndeshje të vdekura. Ata jo vetëm që ndikojnë në ekipin vendas, por dhe në ekipin kundërshtar, në ritmin e lojës, në agresivitetin sportiv pa diskutim, në impulsin që mund të jepet një moment të caktuar, por them se nuk ka ndikuar shumë as për ne dhe as për Partizanin.

Ju pamë mjaft agresiv sot në fushë…
Janë disa ndeshje që, përveç anës taktike dhe sportive, duan edhe agresivitetin e duhur, por dhe përplasjet fizike t’i ofron terreni. Mendoj se i kemi fituar të gjitha duelet me kundërshtarin. Më e mira do të ishte ta mbyllnim ndeshjen me një tre pikësh.

Mendoni se gjyqtari u kurseu një karton të verdhë?
Mendoj që jo. Besoj se ai i ka kursyer kartonët e verdhë për ekipin kundërshtar. Për disa i kursen, për disa jo, por për mua personalisht, jo. Kam humbur dy ndeshje këtë fazë dhe nuk kam nevojë që të pushoj.

Po Shkodrës?
Nuk e di! Duhet të pyesni gjyqtarin!

“Sigurisht që çdo ndeshje është e rëndësishme. E dimë se përballë kemi një kundërshtar të organizuar mirë, por ne do të shkojmë atje për të marrë tre pikët. Skuadra është në presion të vazhdueshëm para çdo ndeshjeje, por i tillë është futbolli dhe veçanërisht kur luan për një klub si Kukësi pretendent për titullin kampion. Tani kemi ndeshjen e radhës dhe e respektojmë Luftëtarin. Megjithatë shkojmë vetëm për fitore”.

“Distanca me kreun? Nuk besoj se kemi mbetur prapa me rivalët, jemi vetëm 7 pikë larg dhe në dy ndeshje situata përmbyset. Ne duhet të gjejmë mënyrën se si ta minimizojmë këtë diferencë dhe besoj se do t’ia dalim”.

“Dëshira ime është të shënoj në çdo ndeshje dhe të jem sa më afër portës, por e rëndësishme është të fitojë skuadra. Në fund qëllimi im është të shënoj më shumë se 18 gola. Dua ta tejkaloj sezonin e shkuar”.

RIKTHIMET – Ylli Shameti është bashkuar me grupin dhe mendohet se do të jetë gati për ndeshjen me Luftëtarin. Po ashtu edhe mbrojtësi Simo Rrumbullaku. Ky i fundit madje edhe ka folur para takimit ndaj skuadrës së origjinës.

“Kam punuar shumë individualisht, rikuperimi ka shkuar shumë mirë. Shpresoj të jem gati për këtë ndeshje. Normal është një ndeshje në transfertë, një ndeshje e vështirë. Duhet të luftojmë si në ndeshjen me Kamzën. Kishim një formë të mirë javën e shkuar, shpresoj që edhe këtë javë do jemi të përqendruar që të marrim tre pikët”.

“Ata morën zemër në fillim, por nuk kishin raste. Pjesa e parë u luajt në mesfushë, portat nuk u rrezikuan. Bëmë një ndeshje të mirë në aspektin taktik. Nuk e lamë kundërshtarin të na rrezikonte. Pjesën e dytë bëmë një nga ndeshjet më të mira, si në raste, ashtu edhe në realizimin e golit. Janë tre pikë në transfertë dhe na japin motivim”.

“Mbrojtja? Nuk i ndaj repartet. Cuculi ka eksperiencë, dihen vlerat e tij. Të gjithë luajtëm mirë. kur luajmë kompakt, rezultati është më i thjeshtë. Me rëndësi është t’i shfrytëzojmë rastet”.

“Dëmtimi? Kam pasur një dëmtim me Tiranën, një zgjatje ligamenti. Nuk i kam lënë kohë sa duhet. Sot pata nja ngacmim të lehtë. Shpresoj të jem për ndeshjen e radhës”.

“Partizani-Skënderbeu? Barazimi mes tyre na vlen ne. Fakti që luajmë jashtë ne penalizon. Shpresoj  të ketë sa më pak transferta. Ky kampionat është i fortë, merr pikë kudo. Por edhe mund të të marrin maksimumin edhe të tjerët në fushën tënde”.

“Po u përsëriten disa ndeshje që ndëshkohesh me një episod dhe të mos shënosh në rastet e krijuara, pa diskutim që nuk është më çështje fati. Është faji jonë dhe duhet të marrë secili përgjegjësitë e veta. Padyshim janë dy ndeshje që dhembin, me dy rivalë direkt. Në këtë lloj rruge, në këtë lloj mënyrë nuk shkohet për titull kampion. Duhet të punojmë shumë, të gjejmë urgjent gabimet në pësimin e golave dhe në rastet e humbura”.

Atmosfera në dhomat e zhveshjes normalisht që nuk është më e mira dhe në intervistën që Shameti ka dhënë në “Top Channel” e ka pranuar.

“Nëse do të kesh një vazhdimësi pozitive që të arrish objektivat nuk duhet të qëllojë që të humbësh dy ndeshje radhazi me rivalët direkt. Pa diskutim që kemi fituar ndeshjet e tjera dhe kemi qarë rastet e humbura, kurse në këto momente i kemi qarë edhe më shumë sepse kemi humbur. Zymtësia logjikisht vjen paralelisht me humbjen. Duhet të gjejmë forcat, pasi ka akoma ndeshje. Këto pikë të lëna do ndikojnë jashtëzakonisht shumë në vazhdimësi”.

Në fund ai thekson se mungesat e Musollit dhe Rrumbullakut nuk janë shkaku kryesor për rezultatet e fundit, pasi në ekip ka edhe lojtarë të tjerë që duhet të tregojnë se janë të denjë për t’i zëvendësuar këta dy titullarë.

“Nuk mendoj se dy lojtarë bëjnë diferencë kaq të madhe në ekipin. Pa diskutim që Musolli dhe Rrumbullaku janë pjesë bazë e Kukësit, por çfarë duhet të bëjmë ne? Të kthejmë kokën prapa e të qajmë? Ata që kanë qenë zëvendësues dhe kanë pritur momentin për të luajtur tani duhet të shfrytëzojnë mundësinë, të thonë ‘këtu jemi, ne e meritojmë formacion’. Në këtë mënyrë ecet përpara. Nuk ecet përpara as me deklarata e as me mërzi të tipit pse loz unë, pse loz ai tjetri. Dy vende janë vakante tani, ata që kanë luajtur në vend të tyre logjikisht duhet të japin akoma më shumë që të plotësojnë jo vetëm boshllëkun e lojtarëve të dëmtuar, por t’i japin edhe një shtysë më të madhe ekipit”.

Për takimin me gjirokastritët ka folur kapiteni Ylli Shameti, i cili është shprehur: “Çdo ndeshje e kampionatit është e vështirë dhe kjo u pa edhe në fushën e lojës, ku Luftëtari na vendosi në vështirësi. E kishim vlerësuar ashtu siç duhet dhe e rëndësishme është që në fund morëm tre pikët. Ato mangësi që patëm do i rikuperojmë gjatë javës për të bërë më mirë në vazhdim”.

Më pas qendërmbrojtësi e ka zhvendosur vëmendjen te sfida e së enjtes me korçarët: “Skënderbeu dhe Kukësi këto vite kanë pasur një rivalitet në kornizën sportive, një rivalitet shumë të fortë dhe të bukur pa diskutim. Për më të tepër atyre u kthehen këtë javë edhe tifozët dhe do të jetë një ndeshje akoma më e bukur. Ne do përgatitemi këto ditë dhe do ta vlerësojmë ashtu siç duhet. Nuk diskutohet që do të shkojmë për një rezultat pozitiv, pasi vetëm kështu mund të mbajmë pozicionin që kemi në tabelë”.

“Lideri? Është diçka e mirë. Pa se lideri ka kënaqësinë e vet dhe detyrat e tij, kështu që shpresoj t’i bëj deri në maksimum. Deri tani ia kemi arritur dhe uroj ta ndihmoj ekipin sa më shumë, si dhe të arrijmë objektivat e klubit”, është shprehur për “RTSH Sport” Shameti.

“Në radhë të i uroj Musollit shërim sa më të shpejtë dhe rikthim të shpejtë në fushën e lojës. Ai është prej atyre kolegëve që unë e kam si vëlla, pasi prej 6 vitesh luaj me të. Kemi luajtur afër njëri-tjetrit në fushë dhe merremi vesh me sy. Do na mungojë shumë në fushë, por janë gjëra që ndodhin në jetë. Lojtarët e tjerë do të mbushin si duhet hapësirën e lënë bosh nga ai”, u shpreh gjirokastrite fillimisht.

Më pas si flet për rikthimin e tij pas mungesës në ndeshjen kundër Teutën në transfertë. “Shpresoj që rikthimi im të ndikojë pozitivisht dhe të jem në 100% ta kapacitetit tim. Duhet që ekipi të jetë mirë dhe fusha e lojës do të tregojë gjithçka”.

Shameti vlerëson kundërshtarin e radhës: “Ky kampionat është i vështirë dhe duhet mobilizim ndaj çdo kundërshtari. E kemi provuar dhe vjet me Kamzën dhe na ka nxjerrë probleme. Do ta vlerësojmë në maksimum dhe padyshim që do të futemi në fushën e lojës për të marrë tre pikët. Teuta? Nuk kam luajtur në ndeshjen kundër Teutës. Ekipi shkoi shumë mirë, përveç disa momenteve të veçanta. Shpresoj se këtë javë t’i reduktojmë gabimet që kemi bërë. Do të japim më të mirën në fushën e lojës”.

Të dy për shkak dëmtimesh u detyruan ta ndjekin takimin nga tribuna, por së fundmi ka lajme të mira. Ata janë përgatitur me grupin në seancën e fundit stërvitore dhe pritet që të jenë në dispozicion të trajnerit Cungu për ndeshjen e radhës.

Verilindorët presin Kamzën e drejtuar nga Klodian Duro. Synimi është fitorja, pasi edhe objektivat e Kukësit janë madhore. Atmosfera në kampin blu është mjaft e mirë, ndërkohë që tanimë edhe grupi është më i plotë. Mbetet për t’u parë shkalla e dëmtimit të Musollit, që u zëvendësua që në pjesën e parë kundër Teutës.