Klaus Gjasula ishte titullar në takimin miqësor midis Paderborn dhe baskëve të Atletik Bilbao. Mesfushori i lindur në Tiranë po bëhet gati për sezonin e tij të parë në elitën e futbollit gjerman.

Një takim miqësor interesant ishte ai midis Suonsit dhe Atalantës, ku në fushë nga minuta e parë ishin Bersant Celina për uellsianët dhe Berat Gjimshiti tek ekipi bergamask. Në fund të 90 minutave ekipi uellsian përmbysi italianëet duke fituar me shifrat 2 – 1.

Trajneri italian tregohet i sinqertë duke shpjeguar se si filloi krisja midis tij dhe drejtuesve të klubit danez, të cilëve nuk u kursen një kritikë në fund, duke thënë se i krijuan përshtypjen e dorëzimit të parakohshëm.

“Niveli i futbollit në Danimarkë është i lartë, pavarësisht se çfarë mund të mendojnë njerëzit nga jashtë. Atje ka shumë skuadra me lojtarë të mirë. Në të shumtën e rasteve ka futboll cilësor. Këtë sezon pritej shumë prej nesh. Unë mendova se drejtuesit do të mbanin të pandryshuar boshtin e skuadrës, por nuk ndodhi kështu. Pati shumë ndryshime dhe këtu filluan pakënaqësitë e para. Në mars vendosa të largohesha. Mu krijua përshtypja se drejtuesit nuk donin që klubi të luftonte për mbijetesë”.

“Në Danimarkë kanë një sistem “play-out” me rregulla shumë të komplikuar, ku luhet njëkohësisht për mbijetesën, por edhe për Europa League. Në Itali ky format është i papërfytyrueshëm, ne kemi një strukturë kampionati tradicionale. Në Danimarkë janë të interesuar që të bëjnë sa më shumë interesante garën. Në Itali Juventusi po dominon prej tetë vitesh radhazi, këtu s’ka garë për vendin e parë, lufta deri në fund ka vetëm për mbijetesë dhe vendin e katërt, pjesa tjetër është formalitet”.

E ARDHMJA  – “Dëshira ime është që të vazhdoj të punoj jashtë Italisë. Dua një skuadër që ka dëshirë të përmirësohet vazhdimisht dhe që të jetë pjesë e një kampionati cilësor”.

LARGIMI I JUVENTUSIT DHE SARRI – “Do të jetë interesante ta shohim Sarrin te Juventusi. Them se kemi të bëjmë me një ndërrim epokash. Alegri ka pasur pikën e tij më të fortë pragmatizmin. Ai ndiqte shprehjen e Bonipertit: “Fitorja nuk është e rëndësishme, por është gjëja e vetme që vlen”. Tani pritet që të shohim një futboll të bukur, ndoshta kjo gjë do t’i bëjë mirë futbollit italian në tërësi”.

Direkt pas ndeshjes ai ka folur i emocionuar dhe dedikimet për golin e shënuar nuk munguan: “Nuk e gjuajta fanellën, ishte gëzim për mua. Ta fillosh me gol në kualifikuese për mua është ndjenjë e veçantë. Golin ia dedikoj familjes time, gjithë stafit, fansave dhe gjithë atyre që ishin prezent në stadium”.

NUMRI I ÇUDITSHËM – Ramadani e pranon vetë, numri 9 e ka befasuar. Magazinieri, Tosi, sa duket e ka ndjerë se mesfushori do shënonte. “(Qesh) U çudita kur e pashë,  besoj se Memushaj më solli fat. Ma dhanë këtë numër, sa duket e kishin menduar që do shënoja (qesh)”, shprehet Ramadani me buzën në gaz.

PARTIZANI – Gjatë kësaj periudhe është përfolur shumë për një kalim të mesfushorit te Partizani. Ramadani, pas ndeshjes pranoi se kishte pasur bisedime dhe tregon se ka edhe dy vite kontratë me danezët e Vejle BK. Kështu transferimi nuk është krejtësisht në dorën e tij, edhe pse një rikthim te Partizani ai nuk do ta konsideronte një hap prapa.

“Flet menaxheri im

për këto gjëra, nuk i diskutoj unë. Nuk ka pasur gjëra konkrete. Kanë biseduar me menaxherin tim dhe thjesht kanë qenë biseda. Nuk do ishte një hap prapa kthimi në Shqipëri, sepse Partizani luan në Champions League. Besoj se do të qëndroj në Danimarkë, por edhe mund të lëvizim. Të shohim se çfarë do të ndodhë. Kam edhe dy vite kontratë te Vejle BK”, përfundoi Ramadani.

VLADIMIR PRENGA

“I falënderoj të gjithë, trajnerin, lojtarët dhe publikun. As në ëndërr nuk e kisha menduar këtë gol.  Të jem i sinqertë nuk e prisja të isha në formacion. Sot në mëngjes trajneri më takoi dhe më tha: “A je gati? Gjithmonë gati i thashë”.

GOLI –“Nuk mendova për të gjuajtur topin. Thjesht e mora për ta lëvizur më pas pashë një hapësirë dhe provova goditjen”,

E ARDHMJA – “Për të ardhmen time mendon menaxheri im. Tani kam nevojë për pak pushime”.

Lilaj e Adeniji nuk luajtën në finalen e fituar 1-0 ndaj Sumkajit, pasi ishin të pezulluar. Gjithsesi, kupa është edhe meritë e tyre, sepse kanë zhvilluar një sezon të shkëlqyer.

Zhvendosemi në Danimarkë, ku ekipi i Ylber Ramadanit, Vejle është mundur në takimin e fazës “play-out” 2-0 nga Hobro. Skuadra ku luan futbollisti shqiptar kishte fituar 1-0 në vajtje, por është befasuar në shtëpi dhe ka zhgënjyer totalisht, duke u mundur në shtesa.

Me këtë disfatë, Vejle është djegur përfundimisht, sepse zbret një kategori më poshtë, ndërsa Hobro ka edhe një shans tjetër për të mbijetuar, sepse do të luajë me një nga ekipet e divizionit 2 në finalen play-off.

Mesfushori u shit verën e vitit 2017 te Vejle BK në Danimarkë dhe më 30 qershor i përfundon kontrata me klubin aktual. Kjo ka bërë që te Partizani të tentojnë ta “joshin”. Nuk dihet nëse mes palëve synohet një bashkëpunim vetëm për ndeshjet e Europës, apo edhe për më gjatë.

Sigurisht dëshira e Ramadanit është që të vijojë të luajë në një kampionat më të fortë se Superiore. Aktivizimi në takimet e Champions League do ishin  një reklamë e mirë për mesfushorin, por mbetet për t’u parë nëse do të ketë një marrëveshje.

SHIFRAT E RAMADANIT – Mesfushori, pas largimit të Adolfo Sormanit u la në stol në disa ndeshje. Në sezonin e parë në 31 ndeshje me Vejle dhe vetëm një herë e nisi nga stoli. Ramadani ishte një nga pikat e forta të skuadrës danezë, që siguroi ngjitjen në elitë.

Këtë sezon ai ka spikatur me kilometrat e bëra, duke qenë një nga futbollistët që vrapon më së shumti në kampionat. 26 ndeshje ai i ka luajtur me Vejle, 24 prej tyre nga minuta e parë. Për t’u rikthyer në Superiore, ai me fanellën e Partizanit luajti 32 ndeshje (22 titullar) në sezonin 2016-2017.

Një duel për topin sjell që një ndër lojtarët e Vejles (skuadër ku aktivizohet Ylber Ramadani) të rrëzohet në tokë në dhimbje e sipër. Fillimisht, arbitri nuk e ndal lojën, por më pas ndryshon mendje dhe i bie bilbilit në mënyrë që stafi mjekësor të futet në fushë.

Pasi situata qetësohet, arbitri i jep topin lojtarit të Vejles, Jurçenko, i cili për të respektuar rregullat e pashkruara të “Fair-Play” duhet që normalisht ta kthente topin te skuadra kundërshtare, pasi këta të fundit kishin kontrollin e topit në momentin e ndalimit të lojës.

Mirëpo, mesfushori i Vejles shënjestron portën dhe shënon duke përfituar nga dalja e portierit. Zemërimi i lojtarëve të Arhus është i madh, por situata qetësohet shumë shpejt kur skuadra vendase merr vendimin për të shlyer veprimin e Jurçenkos dhe i hap portën kundërshtarit në mënyrë që të rivendoset baraspesha në 1 – 1.

Veprimi është për t’u duartrokitur pasi Vejle rrezikon seriozisht rënien nga kategoria dhe presioni që shoqëronte këtë ndeshje ishte i lartë. Fatkeqësisht skuadra ku aktivizohet Ylber Ramadan u mund me rezultatin 4 – 2.

Edhe për Ylber Ramadanin gjërat nuk po shkojnë mirë. Me largimin e Adolfo Sormanit ka ndryshuar situata për mesfushorin e kombëtares. Vejle, e vendit të fundit, ka fituar sot me rezultatin 4-1 ndaj Sonderjyske. Ish-futbollisti i Partizanit qëndroi në stol përgjatë 90 minutave, sikurse edhe mesfushori Arbnor Muçolli. Ky i fundit është pjesë e Shqipërisë U21.

Te Rejnxhërs duhet të presin që Eros Grezda të shpërthejë. Skocezët sot fituan 0-3 kundër Madheruell. Sulmuesi anësor i kombëtares zbriti në fushë në minutën e 79-të në vend të Dejvis. Stiven Xherard e shijoi fitoren nga tribuna, për shkak se ishte i pezulluar.

Këta tre të fundit kanë dalë sot në stërvitje, por më vonë se pjesa tjetër e ekipit. Ndërkohë, nisur nga gjendja e krijuar, Panuçi ka vendosur të ftojë edhe tre lojtarë të tjerë raporton Superport. Njëri luan në prapavijë dhe ai është Kastriot Dermaku.

Gjithashtu listës i janë shtuar mesfushorët Keidi Bare dhe Ylber Ramadani. Kështu grupi i kombëtares bëhet më i plotë. Më parë është zëvendësuar edhe Thomas Strakosha dhe në vend të tij është ftuar Gentian Selmani i Laçit.

Shqetësimi i vetëm për momentin është Bekim Balaj. Shkodrani ka pasur një problem muskulor dhe besohet se do të jetë gati për ndeshjen e së premtes me Turqinë. Sigurisht do të jetë nën vëzhgimin e mjekëve dhe do të zhvillojë terapi intensive.

Ditën e sotme Vejle kishte një transfertë të vështirë ndaj Esbjerg, por skuadra ia doli që të shkonte në minutat shtesë me një rezultat 1 – 1. Megjithatë, nuk ishte e shkruar që Ramadani me shokë të dilnin nga ky takim me pikë.

Në minutën e 92-të, portieri i Vejles bën një çmenduri “alla-Karius”, duke i dhuruar topin lojtarit kundërshtar që i vetëm me portën e boshatisur nuk gaboi. Me vetëm tre minuta të mbetura, skuadra e mesfushorit shqiptar e pati të pamundur të baraspeshonte rezultatin edhe pse kundërshtarët ishin me 10 lojtarë.

Te Vejle, Sormani mori me vete dhe Ylber Ramadanin, të cilin e kishte nën urdhrat e tij në kohën që drejtonte Partizanin. Gjithashtu, me danezët, aktivizohet dhe lojtari i kombëtares sonë U-21, Arbnor Muçolli.

Meddelelse fra Vejle Boldklub: https://t.co/rF5rIxKrQL #sldk #VejleB pic.twitter.com/vp6KKo0RD1

— Vejle Boldklub (@Vejle_B) March 5, 2019

Kujtojmë, Sormani e nisi në mënyrë perfekte aventurën e tij në Danimarkë, pasi arriti që ta ngjisë Vejlen në elitë e futbollit danez, pasi e mori nga kategoria e dytë.

Mungesa e Ramadanit u ndje dhe Vejle u mund me rezultatin 3 – 1. Në përfundim të 90 minutave, trajneri Adolfo Sormani shpjegoi dhe arsyet e mungesës së Ramadanit.

“Ndjente lodhje, ishte i ngarkuar. Nga të dhënat që kishim, kuptuam se nuk po jepte më të mirën në ndeshjet e fundit dhe e gjykuam që t’i jepnim pushim për rimarrë veten”, tha Sormani.

Lodhja e Ramadanit mund të shpjegohet dhe nga fakti që 22-vjeçari ishte lojtari që kishte përshkruar më shumë kilometra në të gjithë kampionatin danez, fakt ky i nxjerrë nga një studim i bërë në muajin janar nga federata daneze.

Trepikësh i rëndësishëm për Veljen, që fitoi në shtëpi përballë Sonderyskjes me rezultatin 2-0. Ylber Ramadani dhe Arbnor Mucolli e nisën ndeshjen si titullarë, ndërsa mesfushori 19-vjeçar u zëvendësua në minutën e 69-të.

Fitore arriti dhe Karabaku i Ansi Agollit, i cili nuk ishte pjesë e formacionit të ekipit. Kampionët e Azerbajxhanit mposhtën ekipin e Symkait me rezultatin 0-2, duke barazuar me pikë kryesuesit e Nefçi Bakusë, të cilët kanë një ndeshje më shumë për të zhvilluar.

Tani ai po bën mirë në Danimarkë dhe ekipi i tij vrapon aq shumë sa për kilometrat e bëra ia kalon vetëm Brondbi që mesatarisht vrapon 123,746 kilometra/ndeshje. Vejle BK regjistron 123,329 km/ndeshje.

RAMADANI – Mesfushori është maratonamak. Në Danimarkë deri më tani nuk ka vrapuar askush sa ai, madje të tjerët kanë edhe më shumë minuta se Ramadani. 223779 metra ka përshkuar futbollisti i kombëtares. Po të bësh një mesatare se vrapon Ramadani në 90 minuta, shifrat është spektakolare: 13,487 metra.

Në fakt në klubin danez nuk habiten shumë, pasi Ramadani merr pjesë në aksionet mbrojtëse dhe ato sulmuese. Ai nuk rresht së vrapuari dhe po të bësh një krahasim edhe me lojtarët e Premier League, shifrat e Ramadanit janë më të larta. Kristian Eriksen ishte lojtari që vjet vraponte më shumë dhe regjistroi shifrën mesatare 12,331 metra për 90 minuta. Sikurse shihet, Ramadani është superior në këtë aspekt.

Me interes pritej të mësohej se kush do ta zëvendësonte atë për këto dy ndeshje, por nuk do të ketë ndonjë tjetër lojtar që do të afrohet. Të paktën këtë ide të lë të krijosh njoftimi i fundit i Federatës Shqiptare te Futbollit. Thirrja e Kaçes pas largimit të Sadikut duket se do të jetë lëvizja e vetme.

“Mesfushori i kombëtares shqiptare, Ylber Ramadani është dëmtuar në dorë dhe për këtë arsye nuk do të jetë në shërbim të trajnerit Kristian Panuçi për dy ndeshjet e radhës së kombëtares me Skocinë e vlefshme për UEFA Nations League në datë 17 nëntor ora 20:45, e cila do të luhet në stadiumin ‘Loro Borici’ dhe në ndeshjen miqësore ndaj Uellsit më datë 20 nëntor ora 20:00 në ‘Elbasan Arena’. Kujtojmë që Ramadani aktivizohet në radhët e ekipit Vejle Boldklub në Danimarkë”, njofton FSHF.

Mesfushori ka pësuar një dëmtim të hënën në ndeshjen kundër Horsens, që Vejle BK e fitoi 3-1. Ai qëndroi në fushë deri në fund, edhe pse pati dhimbje. Futbollisti 22-vjeçar ka pësuar një frakturë në dorë dhe mbetet jashtë kombëtares për këto dy ndeshje të muajit nëntor.

Një ditë më parë ai ka bërë një ndërhyrje në dorë dhe pas ndeshjeve të Shqipërisë pritet të jetë gati për ekipin danez. Mesfushori është një nga lojtarët më të rëndësishëm te Vejle BK.

Verën e shkuar klubi danez e bleu nga Partizani dhe ai dha kontributin e tij që Vejle BK të rikthehej në elitë. Këtë sezon është aktivizuar si titullar në 14 ndeshje, duke munguar vetëm një herë.

Sa i takon Gavazajt, ka ndodhur si zakonisht dhe me përfundimin e 45 minutave të para është zëvendësuar. Ndeshja në ato momente ishte 0-1, teksa Mirançuk kishte realizuar në minutën e 22-të. Fernandez dhe Eder shënuan edhe dy herë të tjera për Lokomotivën.

Nga minuta e parë me Vejle BK e nisi edhe mesfushori Ylber Ramadani. Skuadra daneze e mesfushorit të kombëtares u mposht 1-0 nga Hobro në transfertë. Ish-lojtari i Partizani qëndroi në fushë deri në minutën e 74-t. Një minutë më parë u aktivizua mesfushori Muçoli, i cili nuk arriti të ndryshojë diçka në lojën e Vejle.

Ramadani, si zakonisht e nisi nga minuta  e parë dhe e mbylli takimin në fushën e blertë. Titullar ishte edhe Arbnor Muçolli, i cili është pjesë e Shqipërisë U21. Mesfushori qendror luajti vetëm 56 minuta. Ndryshe nga dy lojtarët e mësipërm, Kristal Abazaj tek Anderlehti akoma nuk ka debutuar në një ndeshje zyrtare.

Sulmuesi anësor nuk ishte përfshirë në 18-she nga ekipi belg për transfertën me klub Bryzh. Anderlehti u mposht me rezultatin 2-1. Humbje edhe për Arbër Zenelin. Herenveni i tij u mposht me rezultatin 3-5 nga Fejnordi, ndërkohë që sulmuesi anësor luajti deri në minutën e 72-të.