Xhuzepe Marota

“Interi i madh po vjen, ju tregoj marrëveshjen më të mirë dhe më të keqe”

Sport Ekspres — Sat, 06 Jul 2019 13:55:42 +0000

Bepe Marota la Juventusin për t’u vënë në krye të organizmave të Interit. Ndikimi i tij u vu re që në ardhjen e Antonio Kontes e më pas në firmosjen e lojtarëve si Diego Godin e Lazaro. Në një intervistë të gjatë për “Gazzetta dello Sport”, drejtori i përgjithshëm zikaltër qaset në shumë çështje.

Xhusepe Marota

Shprehet se Interi po kthehet dhe se lojtari më i mirë i kësaj skuadrë është Konte. Shton se pronarët po tregohen solidë dhe kanë një vizon afatgjatë. Më pas e mbyll me marrëveshjen më të mirë dhe atë më të dobët. Më e mira është Pogba, ndërsa më e keqja është në vitin 2001 kur ishte pjesë e Atalantës.

“Interi i madh po merr formë. Siç thonë njerëzit, skuadra është reflektim i klubit. Tani është një lidership dhe pronësi e fortë me një vizion afatgjatë. Ekipi do të ndjekë këtë model. Lojtari më i mirë i Interit quhet Antonio Konte.”

“Marrëveshja më e mirë në karrierën time është Pol Pogba. E morëm falas nga Mançester Junajtid dhe e shitëm te e njëjta skuadër për 115 milionë euro. Më e keqja ishte në vitin 2001 kur isha pjesë e Atalantës. Shitëm Kristian Zenoni dhe Masimo Donati te Milani për 45 milionë lira plus Xhani Komandini, që vlerësohej 15 milionë lira”, u shpreh Marota.

Përfundon “telenovela”, Marota zbulon trajnerin e Interit

Sport Ekspres — Wed, 01 May 2019 07:00:01 +0000

Antonio Konte apo Zhoze Murinjo? Asnjëri nga të dy, por Luçiano Spaleti. Interi ka qenë në një dilemë të madhe se me cilin trajner do të vazhdojë sezonin e ardhshëm, por duket se kjo çështjë është zgjidhur tashmë. Më saktë nuk ka pasur nevojë për zgjidhje. Objektivi i Interit në këtë sezon ishte pjesëmarrja në Champions dhe janë shumë afër. Kështu drejtuesit e zikaltërve janë të lumtur. Këtë e pohon vetë drejtori i përgjithshëm Xhuzepe Marota.

Italiani shprehet se nuk ka asnjë dilemë për stolin e Interit. “A e kam zgjedhur trajnerin për vitin e ardhshëm? Është Spaleti, ai ka një kontratë aktive dhe jemi shumë të lumtur me punën e tij”, u shpreh Marota. Kështu bien poshtë të gjitha spekulimet mbi dilemën se kush do të jetë trajner i Interit. Spaleti nëse e bën edhe këtë vit, do të jetë hera e dytë radhazi që i kualifikon zikaltrit në Champions. Arritje të mira këto, duke parë organikën e Interit dhe atë çka bën në merkato me rivalët e Juventusit që nuk i kursejnë milionat.

Marota drejt zyrtarizimit, Shkriniar “tremb” Interin

Sport Ekspres — Tue, 23 Oct 2018 11:29:23 +0000

Interi kërkon të përforcohet në çdo sektor dhe i shënjestruari për në janar është Xhuzepe Marota. I larguar nga Juventusi, ish-menaxheri i përgjithshëm ka një ofertë nga zikaltrit. “Suning” besojnë se me të në “bord” Interi do bënte lëvizje të mira në merkato.

Gjërat janë serioze dhe në Itali raportohet se ka edhe një akord mes palëve për të nisur bashkëpunimin. Pritet që Marota të nisë nga puna që në janar, kur Interi edhe do të futet në merkato për të bërë ndonjë lëvizje “big”.

SHKRINIAR – Mbrojtësi sllovak është një nga ma të mirët e Interit, ndaj edhe ofertat për të nga klubet më të mëdha në Europë janë të pashmangshme. Futbollisti 23-vjeçar është një nga objektivat e Mançester Junajtid.

Murinjo e deshi mbrojtësin edhe në verë, por Interi nuk heq dorë fort kollaj. I blerë për 27 milionë euro nga Sampdoria, sot Milan Shkriniar vlen trefish më shumë. Veç Junajtid, për të interesohet edhe Mançester Siti.

Interi po mundohet ta bindë mbrojtësin për të nënshkruar kontratë të re, por deri më tani nuk ka një marrëveshje. Kontrata e Shkriniar është e vlefshme deri në qershor të vitit 2022.

Menaxheri më i mirë i vitit 2018, nderohet zyrtari i Juventusit

Sport Ekspres — Tue, 25 Sep 2018 13:05:38 +0000

Administratori i deleguar i Juventusit, Xhuzepe Marota është shpallur menaxheri më i mirë i vitit 2018. Në mbrëmjen ku Kristiano Ronaldo nuk ia doli të fitonte çmimin e lojtarit më të mirë të FIFA-s, të cilin e fitoi Luka Modriç, ka qenë Marota që ka dërguar një “trofe” në shtëpinë e bardhezinjve.

Zyrtari juventin fitoi çmimin e menaxherit më të mirë të vitit 2018 në Madrid, ku ishte kreu i Ligës spanjolle të futbollit, Havier Tebas, ai që i dorëzoi çmimin. Marota fitoi duelin me menaxherin e përgjithshëm të Real Madrid, Hoze Angel Sançez. Pas fitimit të këtij çmimi, Marota u shpreh i lumtur për mikrofonat e “Sky”.

“Jam shumë i kënaqur, e gjitha kjo nuk do të ishte e mundur pa Juventusin dhe besimin që më ka dhënë presidenti në vitin 2010. Më duhet të falënderoj të bashkëpunëtorët e mi dhe ekipin e padukshëm që më mbështet”, përfundoi Xhuzepe Marota.