xhufredi

Hysaj gjithmonë e më larg Napolit, veprimi i agjentit flet shumë

Sport Ekspres — Fri, 03 May 2019 15:55:08 +0000

E ardhmja e Elseid Hysajt duke gjithmonë e më larg Napolit. Lajmet mbi largimin e lojtarit kanë qenë të shumta, por së fundmi duket se një veprim i agjentit të lojtarit, Mario Xhufredi, i ka vënë vulën kësaj situate.

Sipas sajtit “calcionapoli24”, Xhufredi, i cili ka në menaxhim dhe portugezin Mario Rui, i ka bërë të ditur drejtuesve të klubit se të dy lojtarët e tij nuk kërkojnë që të vazhdojnë të jenë pjesë e Napolit për sezonin tjetër.

Muajt e verës do të jenë shumë të zënë për Hysajn dhe agjentin e tij. E ardhmja e shkodranit mund të jetë në Angli, ku mund ribashkohet me Mauricio Sarrin te Çelsi, ndërsa interes ka dhe brenda Italisë, më së shumti nga Interi që vuan prej vitesh për të gjetur një mbrojtës të djathtë që jep garanci.

Gjatë verës së shkuar Napoli u mundua të rinovonte kontratën e mbrojtësit, por klubi nuk arriti të kënaqte kërkesat e lojtarit.

Interes konkret nga Interi, fillon kontakti me agjentin e Hysajt

Sport Ekspres — Fri, 08 Feb 2019 18:52:45 +0000

JTek Interi po lakohet gjithnjë e më shumë emri i Elseid Hysajt. Lojtari i kombëtares shqiptare, nuk po kalon një moment të mirë te Napoli dhe zikaltrit janë gati të hidhen së sulm, pasi po përjetojnë një moment krize në repartin e krahut e djathtë të mbrojtjes.

Mbyllja e parakohshme e sezonit e kroatit Shime Vërsajlko detyroi zikaltrit të merrnin në huazim portugezin Sedrik. Mbrojtësi luzitan i është bashkuar italianëve me një opsion blerjeje për 12 milionë euro, por drejtuesit zikaltër nuk janë ende të bindur nga ai.

Këtu futet në lojë Hysaj. Një opsion shumë më i shtrenjtë, por një lojtari më i ri në moshë që nuk i mungon eksperienca në elitën e futbollit italian. Sipas sajtit të njohur “interneës.it”, drejtuesit e Interit kanë pasur ditën e sotme kontaktin e parë me agjentin e 25-vjeçarit, Mario Xhufredi. Klauzola e shkodranit është diku te 50 milionë euro, një shumë kjo e papërballueshme për financat e Interit, por përfaqësuesit e skuadrës nga Milano besojnë se presidenti i Napolit Aurelio De Laurentis do të bëj ulje të konsiderueshme.

Agjenti i Hysajt i bën presion Çelsit: Janari po mbaron!

Sport Ekspres — Sat, 12 Jan 2019 10:46:59 +0000

Agjenti i mbrojtësit Elseid Hysaj, Mario Xhufredi ka dhënë një tjetër intervistë për mediat italiane dhe është shndërruar në një nga personazhet më të dëgjuar në mediat e shtetit fqinj.

Si zakonisht, Xhufredi ka folur hapur për të ardhmen e Hysajt, me mbrojtësin shqiptar që po pret me padurim që transferimi i tij te Çelsi të kryhet. Xhufredi pranoi sot se nëse janari mbyllet dhe Hysaj mbetet te Napoli, atëherë do të nisin bisedimet për rinovimin e kontratës.

“Të dëgjosh se Ançeloti ka besim te Hysaj, është diçka shumë pozitive. Por merkato e janarit është ende e hapur dhe kemi interesim nga disa skuadra, me Çelsin si opsion shumë i pëlqyer.

Gjithsesi, nëse merkato mbyllet dhe Hysaj mbetet te Napoli, atëherë do të nisin bisedimet për të rinovuar kontratën”,- përfundoi agjenti i mbrojtësit shkodran.