Xhovani Lo Çelso

Hapet ankandi për Lo Celso, tre gjigantë nisin garën

Sport Ekspres — Thu, 01 Aug 2019 13:54:36 +0000

Totenhemi është klubi që e ka kërkuar më shumë Xhovani Lo Celson. Ai është një nga mesfushorët më të mirë të La Ligas, ku ka treguar një klas të lartë me Betisin. Pas interesimit të klubit anglez, për argjentinasin ka dëshirë edhe nga dy ekipe të tjerë.
Atletiko dhe Napoli janë në kërkim të një lojtari me cilësitë e tij dhe për momentin Lo Celso është alternativa më e mirë që ofron tregu. Spanjollët janë hedhur në sulm, pas lajmit se Hames do të qëndrojë në Madrid. Atyre u duhet më shumë klas në mesfushë dhe 22-vjeçari i zotëron ato cilësi.

Deri tani në adresë të Betis nuk ka mbërritur asnjë ofertë zyrtare. Andaluzët kanë sjellë në gjirin e tyre Nabil Fekir si zëvendësuesin e argjentinasit. Kërkesat e tyre janë shumë të larta. Spanjollët kërkojnë rreth 70 milionë euro, çmim që i bën të stepen gati të gjithë klubet evropiane.

Totenhem pranë një goditjeje, plotëson mesfushën perfekte

Sport Ekspres — Sat, 13 Jul 2019 21:40:47 +0000

Totenhem dëshiron me patjetër të plotësojë mesfushën me lojtarë të klasit të lartë. Xhovani Lo Çelso është objektivi i radhës për Poçetinon, pas ardhjes së Ndombele nga Lioni. Mesfushori ka bërë paraqitje spektakolare më Betisin, duke u renditur në mesfushorët më të mirë të La Ligas.
Ishte pjesë e rëndësishme e Argjentinës në Kupën e Amerikës. Betis ka në plan të fitojë sa më shumë të ardhura nga latini. Andaluzët kanë fiksuar një çmim prej 75 milionë eurosh për 23-vjeçarin. Duhet të themi se spanjollët e morën nga Parisi për 22 milionë euro, më këto të fundit që gëzojnë 20% të kartonit të tij.

Ardhja e mundshme e Fekir nga Lioni në Betis, do i hapte menjëherë rrugën argjentinasit për t’u bashkuar me nënkampionët e Evropës. Ditët e ardhshme pritet të jenë vendimtare. Në lidhje me çmimin e lojtarit, “Spurs” do mundohen ta ulin sa më shumë, megjithëse financat e klubit janë mjaft mirë.

Lo Celso me fanellën e Argjentinës

Çmendet Totenhemi, shifër faraonike për yllin argjentinas

Sport Ekspres — Tue, 28 May 2019 18:21:01 +0000

Totenhem nuk ka afruar asnjë lojtar në dy merkatot e fundit. Ky fakt i favorizon londinezët të futen fuqishëm në këtë merkato verore. Mesfusha është reparti ku duan të ndërhyjnë drejtuesit. Largimi i mundshëm i Eriksen, ka bërë që drejtuesit e “Spurs” të operojnë për të sjellë në “Tottenham Stadium”, Xhovani Lo Celso.

Klauzola e tij është 100 milionë euro. Totenhem nuk e nis ofensivën aq lart, megjithatë nga Anglia raportohet se londinezët kanë ofruar 64 milionë euro për 23-vjeçarin. Një shifër mjaft e lartë që me siguri do e vërë në mendime klubin e Betisit.

Argjentinasi është një lojtar tepër i talentuar dhe ka treguar një nivel tepër të lartë me Real Betisin. Mesfushori ka shënuar 16 gola dhe 6 asiste në 45 ndeshje për klubin spanjoll. Është pjesë e kombëtares argjentinase në “Copa Libertadores”.

Betis arrin marrëveshjen me PSG, huazohet mesfushori

Sport Ekspres — Fri, 31 Aug 2018 09:29:21 +0000

Betis ka kryer një goditje në momentet e fundit të merkatos duke përforcuar repartin e mesfushës. Spanjollët kanë arritur akordin me PSG për transferimin e Xhovani Lo Çelsos. 22-vjeçari do të huazohet një vit në Sevilja me Betis që ka të drejtën e blerjes së tij në vitin e ardhshëm për shumën e 30 milionë eurove.

Lo Çelso ka lindur në Argjentinë, por është me origjinë italiane. Ai luan në qendër të mesfushës dhe Betis po kërkonte prej kohësh një lojtar në këtë pozicion.

Mbasi nuk arritën marrëveshjen me Rafinjën e Barcelonës, drejtuesit e klubit andaluzian kanë gjetur akordin me francezët e PSG duke afruar Lo Çelson në ekip. Lojtari ndodhet në Spanjë dhe është gati për të nisur aventurën e re me Betis, që sivjet merr pjesë në grupet e Ligës së Europës.