“Më është kërkuar disa herë të them mbrojtësin më të ashpër që jam përballur dhe kam thënë Kielini. Do të thoja gjithashtu John Terry. Kielini ka shumë përvojë. E përdor trupin e tij mirë dhe pozicionohet perfekt. Kur përpiqesh të vraposh, ai e di se kur të të shkelë.”

“Gjithashtu di se kur do të të ngacmojë me fjalë për t’ju hequr ekuilibrin. Ai padyshim e di se kur duhet të kërcejë dhe të ngrihet në shpinë dhe gjithashtu kur të largohet nëse ti je mbi të. Kielini e di se ku të jetë në kohën e duhur”, shprehet ylli anglez.

Kielini ndalet dhe te dy ish-kapitenët e tij: Xhixhi Bufon dhe Aleks Del Piero. Ka luajtur, festuar, vuajtur me të dy dhe nuk mund të mos ketë përveçse elozhe për dyshen e famshme të Juventusit.

“Futbolli është një valvul shpërthyese. Shpresojmë që gradualisht të arrihet edukimi i tifozllëkut sportiv dhe jo urrejtja kundër të tjerëve. Ato shkrime nuk janë kundër një personi, janë shkrime kundër klubit. Krahasimi me Shirean më bën krenar, por ka lidhje me vlerat që tentojmë të realizojmë, më shumë se me stilin e lojës.”

“Bufon? Kam ndarë gjithçka me Xhixhin, ia kam zili aftësinë për të prekur kordat e duhura në ato momente të sezonit, kur kapiteni duhet të forcojë grupin. Xhixhi ia arrinte të futej brenda të gjithëve. Del Piero? Më ka pritur në Torino, kur isha 21 vjeç. Në muajt e parë ndihesha i papërshtatshëm midis shumë kampionëve, por Aleks është përpjekur gjithmonë të më bëjë të ndihesha pjesë e grupit”, përfundon Xhorxho Kielini, kapiteni i Juventusit.

Nuk ka rëndësi nëse përballë tij është Reali i Madridit, apo Empoli. Rëndësi ka të japësh gjithmonë maksimumin dhe të fitosh. 34-vjeçari luan me Juventusin që nga viti 2005 dhe në verë rinovoi deri në vitin 2020. Kapiteni ka fituar 7 tituj kampionë me bardhezinjtë, të gjithë rresht dhe ndodhet në kuotën e 482 ndeshjeve. Mjafton dhe një tjetër 90 minutësh dhe bëhet pjesë e 5 lojtarëve me më shumë prezenca me Juventusin.

Kundër Milanit barazoi Roberto Betegën, ndërsa tani është gati të futet në pesëshen e madhe. Kundër Spalit mund të qëndrojë pushim për të qenë i freskët për ndeshjen e Champions-it kundër Valencias në mesjavë. Sipër tij ndodhen emra si: Del Piero, Bufon, Shirea dhe Furino. Objektivi i radhës? Titulli i 8, i teti rresht dhe arritja e 500 ndeshjeve si bardhezi. Mos të harrojmë dhe Champions-in e shumëpritur.

Nevojiten 18 ndeshje për të prekur shifrën 500 dhe nëse fiton titullin këtë sezon, barazon ish-shokun e tij, Xhixhi Bufon, Ferrarin, Furinon dhe Rusetën. Por, askush nuk i ka fituar rresht si Xhorxho. Në shifrën 7 ndodhet dhe Andrea Barzalji, por ky është viti i fundit për të. Kielini ka dhe dy vite kontratë dhe mund të arrijë dhe shifrën e 9 titujve rresht me Juven. Një gjë të tillë nuk e ka arritur askush, por mund ta bëjë Kielini, i cili i kujton kështu fillimet e tij me futbollin.

“Nuk kam qenë i bukur dhe as i aftë, por isha gjithmonë prezent. Ka qenë një rrugëtim gradual, jam përpjekur të rris nivelin tim pak nga pak. Nëse tenton të hedhësh hapa shumë të lartë dhe më pas rrëzohesh, të dhemb shumë. Futbolli është jeta ime.”

“Italia nuk është akoma gati, sepse kjo është një pasojë logjike e ndryshimeve që po ndodhin dhe e kundërta do të ishte e habitshme. Gjëja që duhet të evitojmë në këto momente është që të bëjmë gjykime mbi skuadrën. Njihemi pak me njëri-tjetrin dhe trajneri po na kërkon kurajën e duhur, edhe pse mund të rrezikojmë diçka.

Nevojitet qetësi dhe është e rëndësishme të mos biem në panik. Jemi në rrugën e duhur, por është e vërtetë që kemi nevojë për një sukses të rëndësishëm. Mbi të gjitha për lojtarët e rinj dhe unë kam shumë besim tek ekipi.

Zhorzhinjo? Ai është thelbësor për ne. Loja jonë është në duart e tij, kundër Polonisë filloi të rriste ritmin dhe u pa një tjetër Itali”, përfundon futbollisti i Juventusit.