Falenderime për të gjithë si një kapiten i vërtetë nga ana e mbrojtësit, duke filluar nga Çelsi, klubi i tij i zemrës, ku kaloi 11 sezone si profesionist, por dhe klubet e Notingam Forest dhe Aston Vila, me të cilët ka përjetuar eksperienca të shkurtra.

E ardhmja është pankina, por Terri nuk e ka ndarë akoma mendjen, nëse do të marrë drejtimin e ekipit U23 të Çelsit, apo do t’i bashkohet francezit Tieri Henri në stolin e Aston Vilës.

“Pas një karriere të gjatë prej 23-vitesh vendosa t’i them lamtumirë futbollit të luajtur. Më duhet të falënderoj shumë persona: gruan time Tori, fëmijët e mi Samer dhe Xhorxhi, prindërit e mi dhe vëllain tim. Pa sakrificat e tyre, këshillat dhe dashurinë, asgjë nuk do të ishte e mundur. Në moshën 14-vjeçare bëra zgjedhjen për të firmosur me Çelsin. Nuk e harroj kurrë mbështetjen e tyre. Nga drejtuesit te tifozët, keni qenë më të mirët në botë. Falënderoj trajnerët, presidentët dhe shokët e skuadrës me të cilët kam ndarë 717 ndeshjet e mia. Ka qenë një nder të jem kapiten. Falënderoj dhe Notingam Forest dhe Aston Vilën. Tani fillon një kapitull i ri i jetës time dhe jam gati për sfidat e reja”, përfundon 37-vjeçari, i cili ka fituar pesë herë Premier Ligën, katër kupa të Anglisë, tre kupa të Ligës angleze, një Champions Ligëd dhe një Europa League.

 

View this post on Instagram

 

THANK YOU ??

A post shared by John Terry (@johnterry.26) on Oct 7, 2018 at 12:20pm PDT

Fundjavë impenjative për ish-kapitenin e “Bluve të Londrës”, i cili të premten ishte në Francë, duke ndjekur “Ryder Cup”, ndërsa të dielën ishte i pranishëm në Moskë. Ai përfitoi të shihte ndeshjen mes Spartakut të Moskës dhe Rostovit, ndërsa klubi rus e përshëndeti në rrjetet sociale.

Terri u pa të bënte disa foto me tifozë të Spartakut dhe kjo vizitë shton mundësitë e arritjes së një akordi mes tij dhe klubit. Pavarësisht se mbrojtësi refuzoi kontratën e Spartakut, ai theksoi që ka një raport shumë të mirë me drejtuesit rusë.

Gruaja dhe fëmijët ishin një nga shkaqet që ndikuan në refuzimin e ofertës së disa javëve më parë, ndërsa Terri mund të ketë ndryshuar mendje. Ai ka një ofertë dhe nga Aston Vila për të punuar si trajner dhe lojtar i ekipit, por 37-vjeçari është në dilemë dhe akoma nuk e ka përcaktuar të ardhmen e tij.

I sigurtë është fakti që Terri nuk ka udhëtuar tre orë me avion për të ndjekur thjesht një ndeshje të Spartakut të Moskës. Lojtari e ka shprehur gjithmonë dëshirën për të luajtur dhe një sezon dhe mesa duket ai dhe klubi rus kanë provuar dhe njëherë për të arritur akordin mes tyre.

??? ?? ???????! ???? ????? ??????? @otkritiearena! ?#????????????? #????????? pic.twitter.com/9viKv1Xz9V

— FC Spartak Moscow (@fcsm_official) September 30, 2018

Trajneri italian ka folur për situatën në fjalë para ndeshjes me Kardifin dhe mirëpret rikthimin te Çelsi të një emri të madh si Xhon Terri, i cili është një simbol i “Bluve të Londrës”.

“Nuk ka dyshim që Xhon Terri do të ishte një pikë referimi për mua, por dhe për të gjithë. Gjithçka varet nga ai, por unë jam munduar ta ndihmoj. Herën e fundit që bisedova me të, më tha se dëshironte të luante dhe për një sezon, por të shohim se çfarë do të ndodhë në orët e ardhshme.

Titulli? Mançester Siti dhe Liverpul janë pretendentët kryesorë, ndërsa ne kemi nevojë për një hap tjetër, për të qenë në nivelin e tyre. Është shumë e vështirë dhe e them me ndershmëri këtë gjë”, përfundon trajneri italian i Çelsit.

Në fundjavë zhvillohen zgjedhjet për presidentin e ri të Sportingut dhe nëse fiton kandidati Pedro Madeira Rodrigez, Terri mund të bëhet pjesë e projektit të tij. Mbrojtësi kërkohet dhe nga Aston Vila, që vendosi të mos rinovonte më të në fundin e sezonit, por klubi ka ndërruar drejtues dhe trajneri, Stiv Brus, kërkon shërbimet e mbrojtësit për të përforcuar ekipin, që ka grumbulluar vetëm 9 pikë mbas 6 ndeshjeve të para.

Megjithatë, Xhon Terri është i prirur të transferohet në Portugali, vend në të cilin kalon pushimet familjare dhe është i lidhur shumë. Atë e intrigon projekti i Rodrigezit, i cili është kandidati kryesor për të qenë kreu i ri i Sportingut të Lisbonës. Ai dëshiron të luajë në Europë dhe mund të bëjë diçka të tillë me Sportingun, që është pjesë e fazës së grupeve të Europa League, ku ka rënë në grup me Arsenalin, Karabakun dhe Vorskla Portavën.

“Nëse do të isha president përpara javës së kaluar, Markizio dhe Jaja Ture do të ishin lojtarët tonë. Nëse do të doja, do të prezantoja tre lojtarë që sot, por nuk mund të tejkaloj limitet. Po negocioj me një mbrojtës të majtë, një sulmues, një kampion të madh dhe të tre janë pa kontrata. Terri? Ai është një kampion, i cili nuk do të vijë për të fituar ndeshjet zyrtare, por dhe ato të stërvitjes. Nuk mund ta paguaj me shifrat që përfliten, por jemi shumë afër zyrtarizimit të tij si lojtari i Sportingut”, zbulon kandidati Rodrigez, i cili ëndërron Ranierin në postin e trajnerit, por i jep besim dhe trajnerit aktual, Zhoze Peseiro, i cili e ka nisur në mënyrën më të mirë të mundshme kampionatin, duke marrë tre fitore dhe një barazim në katër ndeshjet e para.

“Peseiro është zgjidhja ideale për momentin, por Ranieri është personi i duhur për këtë klub. Kemi folur bashkë dhe më premtoi që do të fitojë titullin nëse bashkohet me ne”, përfundon Rodrigez. Mbetet për të pritur ditën e shtunë dhe nëse Rodrigez fiton zgjedhjet, atëherë, Xhon Terri do të jetë lojtari më i ri i ekipit nga Lisbona.