Xhixho Donaruma

PSG dhe Junajtid merkato te Milani, synohet “ylli” kuqezi

Sport Ekspres — Tue, 25 Jun 2019 13:52:34 +0000

Milani është i detyruar të shesë një nga yjet e ekipit për të qenë korrekt me FPF dhe për të siguruar para për merkaton. Kandidatët kryesorë janë Suso dhe Xhixho Donaruma.

Sipas raportimeve të fundit nga mediat italiane, PSG dhe Mançester Junajtid janë në garë për shërbimet e portierit 20-vjeçar. Kartoni i Donarumës vlerësohet rreth 60 milionë euro nga kuqezinjtë.

Leonardo synon ta marrë me vete në kryeqytetin francez, ndërsa “djajtë e kuq” e shohin si zëvendësuesin perfekt të David De Gea, të cilit i përfundon kontrata me Junajtid verën e ardhshme.

Çeh do largohet, Leno nuk bind: Arsenali hedh sytë nga Serie A

Sport Ekspres — Mon, 27 May 2019 18:24:15 +0000

Arsenali po kërkon për një portier. Kontrata e Pitër Çeh përfundon në fund të sezonit, ndërsa gjermani Leno nuk bind. Drejtuesit e klubit po punojnë për të gjetur një gardian cilësor dhe kanë piketuar një të tillë.

Ai luan në Serie A dhe është pjesë e Milanit. Flasim për Xhixho Donarumën, portierin e talentuar italian. Arsenali ka marrë informacion për të matur pulsin e kuqezinjve dhe 20-vjeçarit.

Klubi i “Djallit” nuk dëshiron të heqë dorë nga shërbimet e Donarumës, por fakti që nuk u kualifikua në Champions mund të ndikojë në shitjen e ndonjë “ylli” të ekipit. Çmimi i portierit sillet rreth vlerës 70 milionë euro.

“Topçinjtë” janë mjaftuar për momentin me një sondazh, siç raportojnë edhe mediat italiane. Drejtuesit anglezë po monitorojnë situatën, paratë nuk janë problem dhe janë gati të ndërhyjnë, nëse shohin mundësinë e një akordi të mundshëm.

De Gea nuk rinovon, Junajtid tundohet nga një italian

Sport Ekspres — Thu, 23 May 2019 15:39:46 +0000

Mançester Junajtid është në kërkim të një portieri. David De Gea nuk ka pranuar që të rinovojë kontratën, e cila i përfundon në fund të sezonit të ardhshëm.

“Djajtë e Kuq” do të detyrohen ta shesin spanjollin për të mos e humbur me parametra zero verën tjetër. Drejtuesit janë hedhur në merkato dhe kanë një preferencë. Ai është portieri i Milanit, Xhanluixhi Donaruma.

Vështirë që kuqezinjtë të heqin dorë nga 20-vjeçari i talentuar, por mungesa e kualifikimit në Champions do të detyronte klubin e famshëm të shiste ndonjë nga yjet e ekipit.

Sipas raportimeve të The Sun, Junajtid do të presin javën e fundit të Serie A dhe më pas do të vendosin për t’i bërë ofertën e parë Milanit për gardianin e portës.

Titulli dhe rivaliteti me Donarumën, Reina: Kampionati mbyllet në… prill!

Sport Ekspres — Sat, 01 Dec 2018 12:30:00 +0000

Pepe Reina është pjesë e Milanit, pavarësisht se titullar luan Donaruma. Portieri spanjoll ka folur për Sky Sport”, duke vlerësuar Juventusin. Ekipi i Alegrit është tepër i fortë dhe mund të fitojnë titullin shumë më shpejt se sa mendohet.

Në fund një koment për duelin për portierin titullar, por 36-vjeçari e pranon këtë situatë dhe nuk e ka problem të ndihmojë rivalin 19-vjeçar.

“Për fat të keq, në Serie A ka vetëm një skuadër kandidate për të fituar titullin, Juventusi. Nëse bardhezinjtë ruajnë këtë formë, ata do të shpallen kampionë përpara muajit prill. Donaruma? Është hera e parë që më ndodh të rivalizoj, pasi gjithmonë kam luajtur titullar gjatë karrierës time. Më duhet ta pranoj rolin e portierit të dytë. Jam profesionist dhe jap më të mirën time, madje po e ndihmoj Donarumën që të rritet”, përfundon gardiani i Milanit.