Në një situatë të tillë, 41-vjeçari po mendon rikthimin në Itali. Sipas raportimeve të Sportmediaset, Bufon mund të bëjë një lëvizje të papritur dhe mund të rikthehet te Juventusi, aty ku i ka të hapura dyert.

Jo më për të veshur dorezat e portierit dhe për të zbritur në fushë, por për të punuar si drejtues. Presidenti Anjeli është gati t’i ofrojë një post si drejtues në klub. Megjithatë, portieri nuk ka vendosur ende.

Agjenti i tij do të udhëtojë drejt Parisit për të marrë vesh qëllimet e klubit kryeqytetas. Dëshira për të vazhduar edhe një vit për të provuar për herë të fundit fitimin e Champions Ligës është e madhe, por ka edhe një problem.

Zërat e merkatos e lidhin David De Gean me një kalim te PSG. Spanjollit i përfundon kontrata me “Djajtë e Kuq” të Mançesterit në fund të sezonit dhe transferimi i tij në Francë do i jepte fund aventurës së Bufonit. Italiani duhet të vendosë: të vazhdojë edhe një vit duke luajtur ose të rikthehet në shtëpinë e tij, për të nisur një etapë të re në karrierën e tij të lavdishme.

Kielini ndalet dhe te dy ish-kapitenët e tij: Xhixhi Bufon dhe Aleks Del Piero. Ka luajtur, festuar, vuajtur me të dy dhe nuk mund të mos ketë përveçse elozhe për dyshen e famshme të Juventusit.

“Futbolli është një valvul shpërthyese. Shpresojmë që gradualisht të arrihet edukimi i tifozllëkut sportiv dhe jo urrejtja kundër të tjerëve. Ato shkrime nuk janë kundër një personi, janë shkrime kundër klubit. Krahasimi me Shirean më bën krenar, por ka lidhje me vlerat që tentojmë të realizojmë, më shumë se me stilin e lojës.”

“Bufon? Kam ndarë gjithçka me Xhixhin, ia kam zili aftësinë për të prekur kordat e duhura në ato momente të sezonit, kur kapiteni duhet të forcojë grupin. Xhixhi ia arrinte të futej brenda të gjithëve. Del Piero? Më ka pritur në Torino, kur isha 21 vjeç. Në muajt e parë ndihesha i papërshtatshëm midis shumë kampionëve, por Aleks është përpjekur gjithmonë të më bëjë të ndihesha pjesë e grupit”, përfundon Xhorxho Kielini, kapiteni i Juventusit.

Trajneri i druhet Napolit, por PSG ka shumë cilësi në ekip dhe mund të fitojë ndeshjen. Gjermani komenton situatën e Edinson Kavanit, ndërsa komenton dhe çështjen e mesfushorit Verrati, i cili u ndalua nga policia i dehur në timon.

Ndeshje emocionuese për Bufon, i cili rikthehet në Itali dhe në një stadium të zjarrtë. 40-vjeçari thur elozhe për Napolin dhe trajnerin Ançeloti, ndërsa tenton të ulë presionin e kësaj ndeshje. Sonte është një ndeshje e rëndësishme, por jo vendimtare sipas trajnerit italian.

TUHEL – “Napoli është një skuadër e fortë dhe kompakte, që luajnë bashkë prej vitesh. Kanë cilësi individuale dhe një mekanizëm mbrojtje të shkëlqyer. Duhet të luajmë në nivelin tonë më të lartë me shumë personalitet, siç kemi bërë në së fundmi në kampionat. Kemi lojtarë të mëdhenj në ekip dhe duam ta fitojmë këtë ‘raund të dytë’. Kemi ndryshuar shpesh sistemin e lojës kohët e fundit dhe do të shoh nëse do të përdor katër sulmues, duke u përpjekur të mos rrezikojmë shumë. Kavani? Ai ka udhëtuar me ne, është stërvitur, por të shohim nëse do të luajë. Jam në dyshim mes Rabiot dhe Draksler. Verrati? Bëri një gabim, nuk ishte diçka profesionale, por le ta hedhim pas krahëve këtë episod. Duhet të rikuperojmë Tiago Silvën, kapitenin tonë, ndërsa në portë do të luajë Bufon. Xhixhi është një ikonë dhe do të na japë një kontribut të madh eksperience, e nevojshme në Champions dhe kundër një skuadre që e njeh.”

BUFON – “Jam i emocionuar, nëse vazhdoj të luaj dhe në moshën 40-vjeçare ndodh për mbrëmjet si kjo kundër Napolit. Ndihem mirë dhe i motivuar. E njoh mirë ‘San Paolon’ dhe është e vështirë të luash këtu kundër një skuadre, që ka një lidhje të madhe me tifozët e saj dhe që më bëri përshtypje të madhe në ndeshjen e kaluar. Nuk është një ndeshje vendimtare, sigurisht që do të ishte një gjë e madhe të fitonim, por e rëndësishme është të mos humbasim, pasi ndeshjen tjetër e kemi në shtëpi kundër Liverpulit. Duhet të tregohemi kompaktë. Vitin e kaluar u frikësova se mos e humbisnim titullin për meritë të Napolit, që zhvilluan një futboll shumë të bukur. Me Ançelotin më duket se kanë më shumë ndërgjegjësim në menaxhimin e ndeshjes. Ançeloti? Karleto është një person special, një person atipik në këtë botë, i cili vlerësohet dhe arrin të fitojë prej 20 vitesh. Ka diçka ndryshe nga të tjerët, por ju them që si trajner është dhe më superior krahasuar me njeriun që është. Ishte ai që më kërkoi te Juventus. Më tha se do të qëndronte gjatë, por u largua kur unë kalova te bardhezinjtë. Vitin tjetër fitoi Champions-in kundër nesh në finale.”

Gjatë sezonit të kaluar u dënua me karton të kuq dhe tre ndeshje pezullim në sfidën e kthimit kundër Real Madrid, e luajtur me datë 11 prill. Juventus po fitonte në “Santiago Bernabeu” me rezultatin 0-3 dhe ndeshja po shkonte drejt shtesave, por një penallti e akorduar për vendasit në minutat shtesë të takimit, solli acarimin e portierit dhe gjithë bardhezinjve.

Reali shënoi, eliminoi Juven dhe nisi marshimin drejt Champions-it të tretë rresht. Bufon e ka shlyer dënimin dhe është gati për ndeshjen kundër Napolit në “San Paolo”. Portieri i famshëm italian ka

“Do të jetë një ndeshje delikate kundër një kundërshtari të nivelit shumë të lartë. Ardhja e Ançelotit ka bërë që Napoli të marrë një tjetër lloj ndërgjegjësimi, që më parë nuk ishin të sigurt që e kishin. Kam vuajtur në tre ndeshjet e para të grupit. I kam parë në televizor në dhomat e zhveshjes dhe kam vuajtur nga fakti që nuk merrja dot pjesë”, përfundon gardiani i PSG.

Karrierë e gjatë dhe shumë ndeshje, të cilat portieri nuk i harron kurrë, duke filluar nga ajo e debutimit kundër Milanit. Ishte 19 nëntori i vitit 1995, Xhixhi ishte vetëm 17 vjeç dhe debutonte me Parmën në barazimin pa gola kundër kuqezinjve të Kapelos. Dy pritje deçizive për të mbajtur portën e paprekur dhe pjesa tjetër është histori.

“Më mungonte një eksperiencë larg Italisë dhe jam i lumtur me vendimin që kam marrë. Nuk e harroj kurrë ndeshjen e debutimit Parma-Milan. Nuk harroj shumë ndeshje me Parmën, fitimin e Kupës UEFA, Kupës së Italisë dhe Superkupës së Italisë. Me Juventus nuk harroj asnjëherë gjysmëfinalet e vitit 2003 kundër Real Madrid.”

Gardiani i portës së PSG zbulon dhe tre pritjet më të bukura gjatë karrierës së tij. “Një nga pritjet më të bukura është ajo me kombëtaren kundër Paraguait. Më pas në ndeshjen Parma-Inter në rastin e Alvaro Rekobës dhe pritjen kundër Podolskit në gjysmëfinalen e Botërorin e vitit 2006.”

Ai ishte titullar në ndeshjet e Francës përballë Gjermanisë dhe Holandës dhe zhvilloi paraqitje të mira. Nga ana tjetër është Xhixhi Bufon, i cili pavarësisht 40 viteve mbi supe, ofron siguri dhe eksperiencë. Në një prononcim për “RmcSport”, Tuhel komenton mbi rivalitetin mes dy gardianëve, duke shpjeguar teorinë e tij.

“Kam bërë një zgjedhje, që nuk është përfundimtare. I thashë Areolës që sipas mendimit tim, ai është në ‘pole position” për vendin e titullarit. Ai është një produkt i klubit, PSG për të është gjithçka dhe ai dëshiron të konfirmohet në ekip. Është një situatë, që kërkon respekt dhe duhet të kapitalizohet. Duhet të ndihemi krenar, që kemi lojtarë të tillë, të cilët shpirtin e PSG dhe mishërojnë klubin”

“Ndryshon situata sa i përket Bufonit. Xhixhi është i pranishëm në çdo pjesë tonën, komunikon me lojtarët dhe përpiqet t’i ndihmojë, gjë që të bën të kuptosh se pse është më i miri dhe ka zhvilluar një karrierë të tillë. Bufon është një legjendë dhe idhulli i Areolës. Të dy kanë personalitet të fortë dhe duhet ta menaxhojmë mirë situatën. Ata e dinë se nëse tregohemi inteligjentë dhe bujarë me të dy, jam i sigurtë që do të shpërblehemi. Jam i sigurtë që Areola nuk do të jetë më i aftë se Bufon, por falë Bufon”, përfundon trajneri gjerman i PSG.

“Zgjodha të vija tek Parisi, pikë së pari, sepse ndihem akoma i fortë. Ky vendim vjen dhe nga bindja që mund t’i jap PSG-së, shokëve të mi dhe skuadrës, diçka të rëndësishme në aspektin e eksperiencës dhe entuziazmit. Unë mund të jap një dorë në këtë aspekt. Të gjithë bashkë mund të arrijmë të krijojmë një grup të madh”.

Portieri italian ndalet dhe tek Mbape. Për herë të parë u përball me të në gjysmë-finalet e Champions League para dy sezonesh. Ai ishte momenti kur zbuloi potencialin e madh të sulmuesit.

“Në fund të ndeshjes po diskutonim me Andrea Barzaljin, një nga miqtë e mi më të mirë. Ai më tha: ‘Xhixhi, në 20 vite karrierë nuk kam parë një lojtar kaq të shpejtë, që vrapon kaq shpejt me topin në këmbë. Ishte e vështirë ta markoja’. Këto fjalë kanë një peshë të madhe, sepse Barzalji, kur është i përqendruar dhe në formë, është një mbrojtës i madh. Është e qartë që Mbape ka diçka më shumë se të tjerët. Shpresoj që të vazhdojë të jetë i përulur dhe me dëshirë për t’u rritur dhe sakrifikuar. Nëse vazhdon në këtë rrugë, Kilian do të shkruajë historinë e futbollit dhe një nga faqet më të rëndësishme të këtij sporti”.

“Ka një konkurrencë të madhe në rolin e portierit dhe është shpejt për të vendosur. Diçka të tillë do e bëj kur të tre portierët Bufon, Areola dhe Trap, të jenë në formën maksimale. Ndoshta mund t’i kërkoj Xhanluka Spinelit (përgatitësi i portierëve) të vendosë ai në vendin tim…”

“Xhixhi ka një personalitet të madh dhe është një lider, diçka që i shërben skuadrës. Jam i lumtur me kualitetin e portierëve të mi dhe konkurrenca midis tyre është e madhe. Ata janë gati për të luftuar për postin e portierit të parë, por kur të vijnë të tre në 100%, do të vendos titullarin.”

Nuk ka munguar as replika e italianit. Përgjigje e prerë dhe besim te meritokracia dhe puna e tij.

“Në 24 vite karrierë nuk kam kërkuar kurrë që të jem numri një zyrtar. Gjithçka vendoset në bazë të meritokracisë dhe do vazhdoj të punoj dhe të tentoj që të rris dhe portierët e tjerë të skuadrës. Mbas gjithë karrierës së zhvilluar në Itali, dëshiroja një sfidë jashtë shtetit dhe një klub të rëndësishëm. Zgjodha Parisin dhe jam gati, pasi i dashuroj sfidat, dua të bëj një figurë të mirë dhe ta mbyll karrierën në mënyrën më të mirë të mundshme. Kjo sfidë do më përmirësojë si në aspektin njerëzor, por edhe profesional. Po përshtatem mirë dhe ndihem i lumtur me trajnerin dhe shokët e skuadrës.”, përfundon Bufon.