I zakonshmi Bekali: Dibala një xhuxh, Morutan më i fortë se Modriç

Sport Ekspres — Wed, 03 Oct 2018 11:41:33 +0000

Xhixhi Bekali është një personazh i famshëm i botës së futbollit, i njohur për deklaratat e tij të “çmendura”. Kreu i klubit më të madh rumun, Steauas së Bukureshtit, ka shpërthyer në konferencë për shtyp, duke krahasuar talentin Olimpiu Morutan me dy lojtarë kalibri si: Paulo Dibala dhe Luka Modriç.

19-vjeçari, i cili u transferua nga Botosani te Steaua në dhjetor të vitit të kaluar, shihet si një nga talentët më të mëdhenj të futbollit rumun dhe presidenti nuk përmbahet kur flet për të. Morutan bën pjesë te lojtarët më të mirë në botë dhe çmimi i tij mund të prekë shifrën e 100 milionë eurove sipas Bekalit.

Olimpiu Morutan

“Nëse Steaua arrin të kualifikohet në Champions dhe Rumania bën mirë në eliminatoret e ardhshme, çmimi i Morutan shkon në 100 milionë euro. Dibala është 26 vjeç dhe është një xhuxh 1.65 metra i gjatë, ndërsa Morutan nuk është jashtë listës së 11-të lojtarëve më të mirë në botë. Morutan është dyfish më i fortë se sa ishte Modriç në moshën e tij”, përfundon Xhixhi Bekali për “Gsp. Ro”.

Qaka debuton me fitore bindëse: Këtu ndihem si në shtëpi

Sport Ekspres — Mon, 03 Sep 2018 20:32:14 +0000

Kamer Qaka u prezantua ditën e djeshme te skuadra Iashit, por kjo nuk e penguar që ta fillojë direkt si titullar ndeshjen e tij të parë. Qaka luajti 90 minuta të plota në fitoren 3-0 të Iashit ndaj Konkordias.

Rikthimi në ekipin ku spikati në kampionatin rumun, duket se e ka gëzuar jashtë mase mesfushorin e kombëtares tonë, që përjetoi disa javë tejet të sikletshme te Steaua e Bukureshtit. Në intervistën pas ndeshjes Qaka deklaroi.

“Jam shumë i lumtur që jam rikthyer te Iashi, këtu ndihem si në shtëpi. Çfarë ndodhi, ndodhi. Rëndësi ka që tani jam këtu dhe asgjë s’ka ndryshuar. Nuk kam asgjë për të thënë për situatën time te Steaua me presidentin Xhixhi Bekali”…