Administratori Sinan Idrizi ka premtuar lojtarët do të marrin me këste pagat e sezonit të shkuar. Nga ana tjetër ai ka pasur edhe një takim me dy prej titullarëve të sezonit të shkuar.

Sulmuesi Xhevahir Sukaj ka postuar një foto me Idrizin dhe Andi Ribajn, duke krijuar idenë se të dy këta futbollistë do të mbeten pjesë e Flamurtarit edhe kampionatin e ardhshëm.

Duhet të kthehemi pas në 29 qershorin e 2017-ës për të gjetur golin e fundit të të kuqve në arenën e europiane. Një “predhë” tipike nga e majta e Xhevahir Sukajt zhbllokoi rezultatin në “Selman Stërmasi” kundër bullgarëve të Botev Plovdiv.

Që prej atij momenti Partizani ka luajtur shtatë ndeshje të tjera në kualifikueset e garave europiane, ku në asnjë prej tyre s’ka gjetur rrugën e golit, plot 716 minuta “thatësirë” para portës.

Janë tre futbollistë, të cilët kanë gjetur katër herë rrugën e rrjetës. Prej tyre vetëm Xhevahir Sukaj po luan si sulmues qendror. Shkodrani ka gjetur veten në Vlorë, ndërkohë që edhe një tjetër lojtar i Flamurtarit ka realizuar po aq sa ai. Edhe Andi Ribaj, i cili po luan në krah më së shumti, ka shënuar këtë vit 4 gola. Surpriza është Herald Marku i Kastriotit, gjithashtu autor i 4 golave, së bashku me Ismail Dungën e Luftëtarit.

Po Shkurtaj e Rexhinaldo, sa kanë shënuar sivjet në kampionat? Të dy sulmuesit e kanë gjetur rrugën e rrjetës tre herë, po të njëjtën shifër e ka realizuar edhe Jasir Asani i Partizanit.

Në një intervistë për “RTSH SPORT”, sulmuesi shkodran shprehet se thjesht po bën punën e tij si profesionist, ndërsa flet edhe për takimin e kësaj fundjave ndaj Luftëtarit.

“Unë jam profesionist dhe kam për detyrë që të kryej atë gjë që marr përsipër. Kam ardhur që të bëj më të mirën këtu. Falë Zotit, i gjithë ekipi po arrin të kontribuojë, kështu ndihesh dhe më i vlerësuar”.

“Shkodra dhe Vlora për mua janë dy ndër qytet më të vlerësuara te pjesa e talenteve. Gjithë jetës kanë prodhuar talente, ndaj për mua janë njësoj Shkodra e Vlora”.

“Ndeshja me Luftëtari është shumë e vështirë. Unë nuk ndaj kundërshtarët. Kukësi e kishte jetike të fitonte ndaj nesh, po aq të vështirë e konsideroj dhe ndeshjen me Luftëtarin”, përfundoi Sukaj.

Sukaj, mbrëmë ishte i ftuar në emisionin “Procesi Sportiv” në Top Channel dhe u ngacmua disa herë. Fillimisht u pyet nëse kishte pasur ndonjë mesazh nga të kuqtë:  “Nuk kam pasur asnjë kontakt me ata të Partizanit. Ndonjë shpërblim për golin? (Qesh). Ne shpikëm edhe pagesën për gol. E kishim për detyrë, sepse është ajo shprehja që kur e bën diçka të mirë, duhet ta mbash”.

Shkodrani analizon ndeshjen dhe lëshon një batutë: “E nisëm keq ndeshjen dhe më pas e morëm veten. Kukësi ka 4-5 lojtarë të mirë, por nuk mendojnë për pjesën prapa. Kështu që i kapëm, arritëm t’u shënonim një gol me fat. Na kujtoi golin e Mesit ai i yti? Një moshë jemi (qesh)”.

Pagat tema tjetër, ndërkohë që sërish ka batuta. “Xhevo, me dy gishta nuk merr lekë te Flamurtari? Nuk ka gjë, opozitë rrimë. Presidenti na ka thënë që këtë javë do ju shoh me xhepa plot. Na ka thënë që ju keni fituar pa lek, tani do ju shoh me lek. Na ka premtuar të paguhemi. Aty kemi një grup shumë të mirë lojtarësh”.

Një javë më parë Sukaj i shënoi edhe Tiranës, ndërkohë që para se të realizonte mund të dilte me karton të kuq për ndërhyrjen e bërë ndaj Erando Karabecit. Vendimin e arbitrit, sulmuesi e justifikoi kështu:  “Lojtarët që nuk janë të dhunshëm, shpesh arbitrat i falin. Sjellja ndikon”.

Në të njëjtën linjë me të ishte edhe Lorenc Jemini, ish-arbitri ndërkombëtar. Ai u shpreh se shpesh vendoset edhe me opinion, duke ditur sjelljen e lojtarëve. “E keni parë, Muzaka nuk merr gati asnjëherë kartonë. Kjo prej sjelljes korrekte”, tha mes të tjerash Jemini, i cili është i ftuar i përjavshëm në emision dhe bën specialistin e moviolës.

Para disa ditësh është kontaktuar nga Flamurtari dhe bisedimet kanë shkuar në rrugën e duhur. Sukaj ka pranuar ofertën dhe ka nënshkruar kontratën që e bën atë pjesë të kuqezinjve. Sulmuesi kështu do të pasojë Tomislav Bushiç dhe do të jetë sulmuesi kryesor i Flamurtarit.

Xhevahir Sukaj është sulmuesi që po tentohet nga vlonjatët. Burime pranë lojtarit bëjnë me dije se është në bisedime dhe ende nuk mund të konsiderohet i mbyllur transferimi i tij te Flamurtari.

Shkodrani e nisi sezonin me Laçin, por u largua shpejt. Sulmuesi është pa ekip që nga ndeshja e fazës së parë me Kamzën, por ai është gati të riniset me Flamurtarin. Cilësitë e Sukajt dihen, pasi i ka treguar në të shkuarën te Vllaznia e Partizani, si dhe jashtë vendit.

Nëse i hedhim një sy lëvizjeve në merkato, deri më tani kemi 5 të larguar e si për koincidencë bëhet fjalë për pesë sulmues.

KENDESH – Vice Kendesh u nda me Laçin pa ardhur mirë mund të thuhet, pasi sulmuesi u angazhua me ekipin kurbinas vetëm në ndeshjet ndërkombëtare, por pa mund që të lërë gjurmë. Një zgjedhje deri diku e pranueshme, përderisa u largua pa nisur kampionati, duke i dhënë mundësi lojtarit që të gjejë një destinacion të ri, por edhe drejtuesit të mos shpenzonin duke e ditur se lojtari nuk do të kishte hapësira.

NIKOLIÇ – Vetëm 40 minuta e mbajti veshur fanellën e Partizanit Stefan Nikoliç. Sulmues i cili në të shkuarën ishte diskutuar edhe për një afrim te Flamurtari, ishte një zgjedhje e gabuar nga klubi i “demave”, duke i treguar derën malazezit vetëm pas 2 ndeshjesh. Një lëvizje e gabuar, pasi as 28-vjeçari nuk arriti dot që të luante qoftë dhe një minutë në kampionat me të kuqtë.

HARBA – Haris Harba erdhi me bujë te Kukësi, me drejtuesit që e “shitën” në media si një goditje të madhe, por që në fushë ishte shumë larg pritshmërive. Një gol në Gjeorgji i dha shpresë Kukësit për kualifikim, por vetëm aq. Më pas gjithnjë në hije dhe ndeshje pas ndeshje përfundoi në stol. Divorci me Kukësin erdhi para merkatos së janarit.

SUKAJ – Xhevahir Sukaj, edhe pse një lojtar me shumë eksperiencë dhe që ka bërë mirë në shumë ekipe, te Laçi pati një aventurë vetëm 44 minuta. Shkodrani u la në tribunë në ndeshjen me Kamë ndeshjen me Kamzën dhe më pas u pa e arsyeshme që rrugët e tyre të ndaheshin.

RAHIM – Aleksandros Rahim ishte greku që duhet të bënte diferencën te skuadra e Kastriotit, por nuk mundi që të përshtatej te skuadra krutane. 25-vjeçari luajti në tre ndeshje si titullar dhe në fillimin e shtatorit u largua nga ekipi i Kastriotit. Sulmuesi duket se e kishte të vështirë në Shqipëri dhe u detyrua që të ulej e të bisedonte me drejtuesit për t’u kthyer andej nga kishte ardhur. Edhe klubi kishte leverdi në këtë pikë, pasi lojtari donte një pagë të lartë, shtëpi në Tiranë dhe transport çdo ditë.

SULMUESIT – Mbetet për t’u parë se kush do të jetë i radhës nga lojtarët ofensivë që do të marrë valixhet. Kryesit lojtarët e huaj nuk është se e përligjin atë nivel që pretendohet se kanë. Pikëpyetjet janë të shumta, pasi disa lojtar si Altiparmakovski, Shpehar, Dunga, Ngo, etj, nuk kanë bërë diferencën. Edhe në skuadrat si Skënderbeu e Partizani nuk është se sulmuesit kanë shkëlqyer, ndaj nuk përjashtohet ndonjë lëvizje e papritur.

Por së fundmi ka një çështje për të zgjidhur. Xhevahir Sukaj, sulmuesi i kurbinasve, nuk është ndjerë mirë kur i është komunikuar se nuk do të grumbullohej për takimin me Kamzën. Drejtuesit kanë qenë të pakënaqur me faktin që sulmuesi kishte dhënë një intervistë në “Panorama Sport” për derbin.

Ata prisnin që lojtari të ishte i përqendruar totalisht për Laçin në prag të një ndeshje si ajo me Kamzën, që u fitua vetëm në fund. Sukaj është një nga afrimet e rëndësishme të bardhezinjtë dhe pritshmëritë janë të mëdha.

Para ndeshjes me Flamurtarin shkodrani nuk është shfaqur në stërvitje, duke konfirmuar se ka një çështje për t’u sheshuar. Mbetet për t’u parë nëse ka vullnet për këtë, pasi marrëdhëniet mes presidentit Laska dhe sulmuesit kanë qenë të mira ndër vite.

Drejtuesit e klubit kurbinas punuan intensivisht deri në mesnatë dhe mbyllën marrëveshjet për afrimet e sulmuesit Xhevahir Sukaj dhe mesfushorit ofensiv, Ivan Galiç. Dy blerjet u zyrtarizuan nga bardhezinjë.

“Fundi i merkatos zyrtare në Shqipëri, por Laçi duket sikir është në fillimin e saj më të zjarrtë. Aktivë deri në orën 00:00, zyrtarizohen dy goditje të magjishme për sulmin tonë, që premtojnë festival golash”, shkruante klubi.

Sukaj u afrua si lojtar i lirë pas largimit nga Vllaznia dhe garanton eksperiencë dhe gola. Galiç në anën tjetër rikthehet në Kategorinë Superiore, ku më parë ka luajtur për Flamurtarin. Sezonin e fundit 23-vjeçari kroat u aktivizua në vendlindje me Cibalian.

Edhe dy vite më parë palët kanë qenë afër, por Sukaj iu bashkua më pas Partizanit. Trajneri Artan Mërgjyshi në këtë mënyrë do të ketë disa alternativa për vijën e parë të sulmit.

Redon Xhixha është njëri prej tyre dhe i riu në dy ndeshjet e para të kampionatit ka qenë titullar. Gjithashtu është afruar edhe Marijan Altiparmakovski nga Sarajevo. Sukaj e mbylli sezonin te Vllaznia. Vjet 30-vjeçari realizoi 10 gola, tetë me fanellën kuqeblu dhe dy me Partizanin.

Njëri prej tyre është mbrojtësi Renato Malota. Lezhjani, me një eksperiencë të madhe në Superiore, nuk ka gjetur akoma ekip. Ofertat nuk i kanë munguar, por ende nuk ka gjetur atë që ka dashtur dhe këto ditë janë vendimtare për mbrojtësin, i cili në Superiore ka luajtur me ekipe si Kukësi, Dinamo e Partizani.

Edhe Erjon Vucaj është ende i lirë. Mesfushori pati një ofertë nga Teuta, ndërkohë që në Europë luajti me Luftëtarin. Gjirokastritët parimisht kishin rënë dakord për të vijuar bashkëpunimin, por gjërat më pas ndryshuan. Shkëndija e Tetovës tani është një opsion.

Xhevahir Sukaj është nga ata që i ka vënë punët në vijë. Sulmuesi u rikthye në Shkodër në janar dhe u mundua të ndihmonte skuadrën e tij për të qëndruar në elitë. Në fund nuk ia doli. Momentalisht është pa ekip, por sigurisht që në Superiore do ishte një zgjedhje e mirë për shumë klube.