Gjatë prononcimit pas ndeshjes Jurgen Klop është ndalur edhe te gjendja e lojtarëve të dëmtuar: Xherdan Shaqirit dhe Nabi Keitas. Të dy janë rikuperuar dhe ndihen gati për të zbritur në fushën e blertë.

“Shaqiri dhe Keita kanë kryer një seancë stërvitore me ekipin. Ata nuk janë këtu, por do të vijnë nesër. Shpresoj që të luajnë disa minuta në ndeshjen e së mërkurës kundër Lionit”, theksoi trajneri gjerman për “Liverpoolfc.com”.

Në harkun e shtatë minutave futbollisti nga Gjilani shënoi dy gola duke vulosur njëkohësisht fitoren e Liverpulit dhe shkarkimin e Zhoze Murinjos.

Megjithatë, ai moment i përket së shkuarës, ndërsa e tashmja është krejt ndryshe. Shaqiri është kthyer nga lojtari i parëq që futej në fushë nga stoli në një rezervë të minutave të kohës shtesë, madje janë bërë të shpeshta ndeshjet ku nuk aktivizohet përgjatë të gjithë takimit.

Shkurti ishte muaji ku filluan problemet e 27-vjeçarit, ku aktivizua vetëm 2 herë nga stoli edhe pse axhenda e Liverpulit ishte mjaft e ngjeshur.  Mars më pas ishte krejtësisht për t’u harruar, tri herë në stol, por asnjë aktivizim, ndërsa në Prill ka marrë vetëm dy aktivizime nga stoli në katër takime.

https://www.youtube.com/watch?v=mtMgG62w8nA

GOL KUNDËR BAJERNIT ? – “Do të isha shumë i lumtur nëse do të shënoja gol në këto dy takime që kemi ndaj Bajernit. Zakonisht nuk e vras shumë mendjen kur shënoj, por do të ishte shumë e veçantë ndaj Bajernit. Nuk di të them a do festoja ose jo. Kjo do të varet nga gjendja në të cilën jam në momentin”

KUJTIMET – “Kam kujtime shumë të mira nga ndeshje me Bajernin. Momenti im më i mirë në karrierë. Ishin një periudhë prej 2 vitesh e gjysmë me shumë trofe dhe emocione. Mësova shumë atje, jo vetëm në aspektin e sportit, por edhe atë njerëzor. Krijova dhe shumë miqësi. Sa herë shkoj në Mynih ndihem si në shtëpi”.

RIKTHIM – “Një rikthim te Bajerni është krejtësisht i mendueshëm për mua, pasi Bajerni është një ekip që e kam përzemër. Nëse do të kërkonin sigurisht që do të ishte diçka shumë interesante dhe emocionuese për mua. Por tani që jam në klubin perfekt me trajnerin perfekt”.

KLOP – “Ai ka ndryshuar shumë gjëra këtu. Kur vij në stërvitje vërej që çdo punëtor i klubit nga kopshtarët te kuzhinierët e dashurojnë atë. Është njeri shumë miqësor që flet me këdo. Gjëja më e rëndësishme tek ai është karakteri i tij. Me një karakter të mirë mund arrish shumë gjëra në jetë. Ai di si të ndërtojë raporte njerëzorë”.

SHORTI ME BAJERNIN – “E dija që në moment që do ta kishim shumë të vështirë, gjithsesi mbetet një sfidë interesante. Do të përpiqemi t’i sulmojmë ata në pikat e tyre të dobëta. Duam të rikthehemi në finale ashtu si vitin e kaluar. Bajerni ishte ekipi që doja ta shmangia më shumë nga të gjithë”.

EKIPI FAVORIT – “Do thosha që Bajerni vjen si favorit në këtë takim. Ata ndoshta kanë qenë klubi më i mirë në botë gjatë viteve të fundit. Gjithmonë luajnë për të fituar trofe. Megjithatë dhe ne te Liverpuli jemi në rrugën për shkuar atje ku Bajerni ndodhet tani”.

LARGIMI NGA STOUK SITI –“Kalova tri vite të bukura te Stouk Siti. Ata më dhanë shansin për të luajtur në Premier League, por fatkeqësisht ranë një kategori më poshtë. U zhgënjeva shumë, pasi ai klub nuk e meritonte atë gjë. Por më pas pë duhej një sfidë e re dhe mu dha shansi te Liverpuli. Jyrgeni (Klop) më mori në telefon dhe më tha se i duhesha në skuadër. Nuk hezitova aspak, pasi doja të luajë për një klub të madh”.

KONTAKTI I PARË ME JYRGEN KLOP – “Vëllai im Erdini më njoftoi për telefonatën e tij, më pas Klop më dërgoi një mesazh dhe më pyeti a mund të flisnim me video-telefonatës. I thashë sigurisht dhe ishte bisedë shumë e këndshme”, përfundoi Shaqiri.

27-vjeçari i realizoi dy herë Manccester Juanjtid, ndonëse hyri në fushë si zëvendësues. Shaqiri ka folur në mediat angleze, ku ka komentuar për situatën pas atyre dy golave fantastik, që sipas tij dot jenë pjesë e historisë për të.

Anësori nuk nguron që të flasë edhe për Kosovën, duke përmendur flamujt që mban në këpucë, madje shkon deri aty sa tregon edhe domethënien, apo dhe dedikimi për golat e shënuar ndaj “djajve të kuq”. Një rrëfim interesant, pasi tani duket se ka ndryshuar mendimi i të gjithëve për shqiptarin, i cili luan për Zvicrën.

POST NDESHJA – “Pati një impakt të madh. Mund ta shoh te njerëzit që punojnë këtu. Kishim mbrëmjen për festat e fundvitit dhe çdokush vinte të më falënderonte. U surprizova shumë. Të gjithë po këndonin më pas: “Faleminderit, faleminderit, faleminderit, je një legjendë tashmë!” Ishte bukur ta dëgjoja një gjë të tillë, por unë jam një njeri që mundohem të shoh përpara. Kemi një ndeshje për të luajtur të premten dhe na duhet të marrim tre pikët”.

SHKARKIMI I MURINJOS – “Mora shumë mesazhe nga miqtë e mi pas ndeshjes. Gjithashtu pas shkarkimit të Murinjos mora shumë mesazhe përsëri, pasi të gjithë më shkruanin: ‘Kjo është për fajin tënd!’, por ky është futbolli. Nuk mendoj se Junajtid e shkarkoi trajnerin vetëm për humbjen që pësoi ndaj nesh. Gjithsesi, ajo ndeshje do të mbetet gjithmonë në historinë time”.

ECURIA – “Jam shumë i lumtur që ndihmova ekipin për fitoren. Kjo është gjëja më e rëndësishme dhe jam i kënaqur që pata një impakt të tillë në ndeshje. E dija më përpara që rivaliteti mes dy ekipeve ishte shumë i madh, por të shënoje dy gola ishte diçka fantastike. Nuk do e harroj kurrë. Ishte një ditë speciale, jo vetëm për mua, por edhe për klubin, pasi u rikthyem në krye dhe kjo është gjithnjë diçka që të bën të ndihesh mirë”.
LIVERPULI – “Kjo skuadër dhe trajneri më kanë dhënë gjithçka. Mund të shihet dhe në fushë se sa i lumtur ndihem këtu dhe ndoshta po luaj futbollin tim më të mirë. Jam një lojtar që gjithmonë dua të përmirësohem dhe kjo ka qenë lëvizja perfekte për mua. Jam i kënaqur se si po më ecën”.

LIDHJA ME KOSOVËN – “Mund ta kuptoni historinë time në takat e mia, pasi kam flamujt. Shumë njerëz e kanë keqkuptuar këtë. Kam lindur në Kosovë dhe jam rritur në Zvicër. Disa njerëz mendojnë se unë nuk po jap gjithçka për Zvicrën sepse kam flamurin e Kosovës në një këmbë, por kjo është krejtësisht e gabuar. Kjo është pjesë e madhe e historisë sime të jetës dhe gjithmonë do të jetë me mua. Flamuri zviceran është në këmbën time të majtë sepse unë shënoj me këtë këmbë. Në sfidën ndaj Junajtid shënova dy gola, nga një me secilën këmbë, kështu që ishte nga një gol për të dyja”.
LËNIA JASHTË PËR SFIDËN NDAJ CERVENËS – “E kuptova vendimin e trajnerit. Ai kërkonte përqendrim në atë ndeshje, kjo ishte arsyeja e vetme dhe ishte një vendim i drejtë, sepse vëmendja ishte më e madhe te unë se sa te ndeshja që do të luhej”.
OBJEKTIVAT – “E di se si është të ngresh trofe të rëndësishëm. Është e mrekullueshme të festosh me tifozët dhe është ëndrra ime të bëj një gjë të tillë përsëri me këtë klub. Ky është objektivi ynë. Kemi treguar se mund të jemi të duruar. Jemi në rrugë të mirë. Jemi të fortë, si në mbrojtje ashtu edhe në sulm dhe kemi balancë të mirë në ekip. Kjo është shumë e rëndësishme për fitimin e titujve”.

Ky trepikësh e riktheu Liverpulin në krye të renditjes me 45 pikë, një më shumë se Mançester Siti i vendit të dytë, ndërkohë që ekipi i Klopit është i vetmi, që nuk e ka provuar akoma shijen e humbjes pas 17 javëve.

“Xherdani vendosi ndeshjen dhe ishte e jashtëzakonshme. Ia vleu futja e tij në lojë. Shaqiri është i mrekullueshëm dhe ekstremisht i talentuar. E prisnim të ndryshonte ndeshjen dhe ai e bëri”, u shpreh Jurgen Klop, trajneri i Liverpulit, pas përfundimit të ndeshjes.

Shaqiri ishte kritikuar më parë nga Geri Nevill, ish-mbrojtësi i Mançester Junajtid. Ai e quante 27-vjeçarin si “lojtar jo profesional”, “dembel”, apo dhe si “lojtar i dobët ekipi”.

Sulmuesi i Liverpulit u shpall nga “Sky Sports” si lojtari më i mirë i ndeshjes. Çmimi iu dha nga Xhimi Karrager, një legjendë e klubit të kuq, i cili lëshon batutën kundrejt shqiptarit. “Duhet ta kishte dhënë këtë çmim Geri Nevill, por nuk donte të zbriste poshtë dhe të përballej me ty.” Lojtari buzëqeshi dhe iu përgjigj: “Ok, përshëndete nga ana ime!”

Ndeshja u dominua e gjitha nga të kuqtë e Jurgen Klop, të cilët krijuan shumë. Në pjesën e parë këmbënguljet e “The Reds”, u shpërblyen në minutën e 24-të, kur Fabinjo gjeti bukur Manen, i cili i vetëm përballë De Geas, u tregua i saktë duke çuar në avantazh të tijtë.

Gjithsesi, në minutën e 33-të, Mançesteri i Murinjos reagoi, në një ndër zbritjet e vetme në sulm për fraksionin e parë. Romelo Lukaku hodhi një top në zonë, që Alison nuk e kontrolloi në mënyrën e duhur, duke dhënë një dhuratë ideale për Xhesi Lingard, i cili vuri baraspeshën. Rezultati 1-1 ishte dhe verdikti i pjesës së parë.

Fraksioni i dytë i lojës, ishte thuajse një fotokopje e 45 minutëshit të parë, ku Liverpul dhe një herë tjetër ishte dominues, ndërsa Junajtid mbrohej. Ekipi i Klop e shtoi presionin në kërkim të fitores nga minuta në minutë dhe zgjidhja erdhi nga stoli.

Ishte minuta e 70-të, kur Nabi Keita doli nga fusha për t’i lënë vendin Xherdan Shaqirit. Djaloshit nga Gjilani i mjaftuan vetëm tre minuta për të çuar në feste të pranishmit në “Anfield”, ku shënoi me një goditje të bukur, pas një rrëmuje në zonën e Junajtid.

Gjithsesi, mbrëmja perfekte për Shaqirin nuk ishte mbyllur këtu. Shtatë minuta më vonë, ose thënë ndryshe dhjetë minuta nga aktivizimi i tij, 27-vjeçari tundi rrjetën për herë të dytë. Pas një kombinimi të bukur mes Salah e Firmino, ishte Shaqiri, i cili shënoi golin që vulosi gjithçka.

Muhamed Salah dhe Xherdan Shaqiri ishin autorët e golave të fitores, me lojtarin shqiptar që gjen golin e dytë në kampionat.

Rezultati u zhbllokua katër minuta përpara fundit të pjesë së parë, me Salah që iu shkëput mbrojtjes mike dhe shënoi një gol të stilit të tij. Në fillimin e pjesës së dytë erdhi dhe dyfishimi i “The Reds”. Xherdan Shaqiri shfrytëzoi një top të Robertson, duke shënuar një gol të bukur dhe vulosur fitoren.

Liverpuli ngjitet momentalisht në vendin e parë me një pikë më shumë se Mançester Siti, që luan nesër ndeshjen derbi përballë Junajtid të Murinjos.

Liverpul – Fulhem 2-0
(Salah 41′, Shaqiri 57′)

Në pushimin mes pjesëve, Jurgen Klop vendosi ta ndërroje, duke aktivizuar Milner në vendin e Shaqirit. Trajneri gjerman ka folur pas ndeshjes për lojtarin me origjinë shqiptare dhe ka shpjeguar vendimin e tij.

“Është puna ime ajo që ndonjëherë, duhet t’u jap lojtarëve lajme, që jo të gjithë kanë dëshirë t’i dëgjojnë. Kështu ndodhi në pushimin e ndeshjes. Shaqiri është një djalë i shkëlqyer dhe nuk pati asnjë lloj problemi. Zakonisht nuk i shpjegoj shkaqet e zëvendësimeve në pushimin mes pjesëve, por mendoj që sot duhet ta jepja një shpjegim të tillë.

Gjithsesi jam i kënaqur që e kam në skuadër dhe goditja e tij e dënimit ishte fantastike. Çfarë gjuajtje! Dhe pasimet e tij ishin të mira. Por, skuadra nuk është mësuar me atë çfarë bëmë sot. Duhet të ishte më e vështirë për Shaqirin, i cili është një lojtar i ri në skuadrën tonë, por nuk ndodhi kështu. Ai punoi dhe dha shumë.

Pati disa probleme në fazën defensive, por nuk mund të mos jem i kënaqur për fazën sulmuese. Duhet të bëjmë ndonjë modifikim të vogël, por Shaqiri u tregua i aftë dhe jam shumë i lumtur”, përfundoi Jurgen Klop.

Ai ka fituar Champions Ligën, dy tituj Kampionë, Kupën e Gjermanisë dhe Botërorin e Klubeve gjatë eksperiencës me Bajernin dhe dëshiron të ndihmojë shokët e skuadrës për t’u rikthyer te fitimi i trofeve.

“Objektivi i klubit është të fitojë diçka dhe ky duhet të jetë dhe qëllimi i skuadrës tonë. Ne duhet t’i marrim ndeshjet një nga një dhe të tentojmë t’i fitojmë të gjitha. Më pas do të mendojmë mbas fitores së një ndeshje: ‘OK, të vazhdojmë përpara dhe të shohim ndeshjen e radhës’. Kjo është mënyra për të arritur te titujt dhe shpresoj që do ia arrijmë këtë sezon të fitojmë.

Mbi të gjitha, në duam të përpiqemi të luajmë një futboll të bukur. Por, e dimë që ndonjëherë nuk vlen vetëm futbolli i bukur për të fituar, kështu që duhet të dimë si ti fitojmë ndeshjet. Kjo është e rëndësishme për të konkurruar me ekipet e tjera. Si një futbollist i ri në ekip, unë dua të luaj futbollin tim.

Shumica e lojtarëve më njohin nga fakti që kam luajtur në Premier dhe me Bajernin. Kam fituar shumë tituj me Bajernin dhe dua ta vendos eksperiencën time në funksion të Liverpulit. Jemi ekip i ri në moshë dhe dua të ndihmoj shokët për të fituar trofe”, përfundon 26-vjeçari i “The Reds”.

Para disa ditësh, ai, Xhaka dhe Litshtajner kërkuan ndjesë për gjestin e tyre, duke festuar me simbolin e shqiponjës në fitoren përballë Serbisë në Botërorin e Rusisë.

“Sigurisht, kërkoj falje, nëse njerëzit u ndjenë të sulmuar, duke e parë ndeshjen nëpër male…”, shprehej 26-vjeçari para sfidës me Islandën, ndërsa mbas fitores ai ka komentuar: “Mendoj se më keqkuptoni shpesh. Goli im ishte për malësorët, po, për njerëzit që jetojnë në male”.

Xherdan Shaqiri, Granit Xhaka, Stefan Lishtajner, Johan Zhuru, Klaudio Sulser, Jan Somer janë ulur përkrah trajnerit të tyre, ndërsa të tjerët kanë preferuar të ndjekin konferencën të ulur në një nga zona e sallës së konferencës.

Dy lojtarët me origjinë shqiptare dhe kapiteni Lishtajner kanë folur për mediat, duke iu rikthyer dhe njëherë festimit me shqiponjë gjatë ndeshjes së fituar me Serbinë në Botërorin e Rusisë. Ata kanë kërkuar falje për veprimin e bërë për herë të parë, duke mbyllur përfundimisht polemikat e krijuara.

“Do të isha budalla nëse do e bëja përsëri një veprim të tillë. Diçka e tillë nuk do të ndodhë më kurrë”, ka qenë komenti i Granit Xhakës. Për ngjarjen në fjalë ka folur edhe sulmuesi i Liverpulit, Xherdan Shaqiri. “Sigurisht, kërkoj falje, nëse njerëzit u ndjenë të sulmuar, duke e parë neshjen nëper male…”