Inter ka vendosur të aktivizojë klauzolën e riblerjes për ta bërë përsëri të tyrin. Megjithatë, rumuni do vazhdojë të jetë pjesë e Xhenoas me formulën e huazimit. Verën e ardhshme portieri do të vijë në “San Siro” për të mos u larguar më dhe për të marrë “frenat” e portës si zëvendësues i Handanoviç.

Lojtari ka ndërprerë menjëherë pushimet me arritjen e marrëveshjes dhe është nisur më avion drejt Xhenoas për të firmosur. Vitin e kaluar i riu italian luajti i huazuar te Frozinone ku në 27 aktivizime në Serie A shënoi pesë gola.

Në bisedimet midis krerëve të klubeve është rënë dakord për një klauzolë riblerje, por s’kemi të bëjmë më një klauzolë ligjore, thjesht një akord verbal.

Trepikësh i artë për ekipin bergamask, që triumfoi në fushën e Sasuolos si pasojë e punimeve që do të kryhen në stadiumin e saj. 2-1 fituan vendasit me golat e Barrou dhe Kastanje, ndërkohë që Berat Gjimshiti dhuroi asistin e golit të dytë.

Dy gola të shënuar brenda shtatë minutash i kanë dhënë avantazhin e dyfishtë ekipit bergamask dhe parakalimin e Interit, që ka për të zhvilluar ndeshjen kundër Kievos.

20-vjeçari Barrou shënoi golin e parë në minutën e parë të pjesës së dytë. Sulmuesi nga Gambia mori një asist perfekt nga holandezi De Run dhe dërgoi topin në rrjetë.

Shtatë minuta më vonë, Atalanta dyfishoi shifrat. Berat Gjimshiti u bë protagonist me asistin e dhuruar për Kastanje, i cili nuk gaboi nga afër portës dhe dërgoi topin në rrjetë.

Xhenoa reagoi dhe shkurtoi rezultatin një minutë përpara fundit të ndeshjes. “Veterani” Pandev gjeti rrugën e rrjetës pas një aksioni shumë të bukur të miqve. Koha ishte e pakët për të tentuar më shumë dhe Atalanta hodhi një tjetër hap të sigurt drejt kualifikimit në Champions.

65 pikë numëron ekipi i Gjimshitit dhe Berishës, që renditet dy pikë supër Interit dhe gjashtë sipër Milanit, me dy ekipet milaneze që kanë për të luajtur një ndeshje më shumë.

23-vjeçari është pjesë e Xhenoas që nga muaji janar, ndërsa kartonin e tij e zotëron Betis. Sulmuesi është i huazuar në Liguria, aty ku ka shënuar 3 gola deri tani.

Lacio dëshiron ta marrë në huazim dhe e sheh si lojtarin e duhur për të krijuar një dyshe me Çiro Imobilen. Sanabria mendohet si një alternativë shumë e mirë edhe nëse largohet Felipe Kaisedo.

Tani pritet vetëm akordi me ekipin spanjoll dhe sulmuesi, i cili zëvendësoi polakun Piatek, mund të vazhdojë të luajë në Serie A, por tashmë në kryeqytetin italian.

Sulmuesi nuk luan prej muajsh, trajneri vlerëson punën e Bepe Marotës dhe analizon çështjen. Të gjithë kanë humbur, por për të mirën e Interit të gjithë duhet t’ia nisin nga zero. Fjalët nuk kanë rëndësi, nevojitet vetëm punë, stërvitje, djersë dhe një fitore kundër Xhenoas.

SITUATA – “Humbjet krijojnë gjithmonë mundësi për t’u rritur, pasi shtohet vëmendja. Mbetet hidhërimi i humbjes me Lacion, por kemi mundësi për të studiuar dhe për të punuar më mirë për ndeshjen me Xhenoan. Pres një lojë të ashpër nga ana e ekipit të Prandelit. Do të na duhet ta interpretojmë perfekt ndeshjen. Duhet të jemi gati fizikisht dhe pastaj të shfrytëzojmë teknikën tonë. Kemi kualitetet për ta fituar këtë ndeshje. Do të ketë disa ndryshime. Ata që nuk luajtën kundër Lacios janë stërvitur mirë.”

EKIPI – “Ndihemi më mirë, kemi rikuperuar futbollistë dhe kemi mundësi të ndryshme që na bëjnë të fortë. Dëmtimet e pësuar në ndeshjet e kombëtareve mbeten të vështira për t’u kapërdirë. Nuk është asnjëherë e thjeshtë të zëvendësosh Lautaro Martinezin dhe De Vrij. Duhet të jem i kujdesshëm nga sinjalet që më japin futbollistët.”

XHENOA – “Ata janë një skuadër e stërvitur mirë dhe kanë bërë gjëra të mira në ndeshjet e fundit. Të gjitha ndeshjet deri në fund të kampionatit janë të rëndësishme. Renditja është ngushtuar dhe na duhet rezultat pozitiv. Prandeli po nxjerr në pah cilësitë e tij dhe të ekipit që drejton. Do të jetë një betejë plot duele kundër Xhenoas. Duhet të kemi temperament dhe përgatitje fizike.”

IKARDI – “Mauro është grumbulluar për këtë ndeshje. Marota ka bërë një punë vendimtare. Ai bëri që palët të arrinin në një konfrontim real dhe jo virtual. Kjo gjë i jep mundësinë Ikardit që të ndihmojë skuadrën. Skuadra, tifozëria dhe trajneri janë tre komponentë, të cilët kanë zemër, sy dhe veshë. Ikardi vlen shumë për ne, më shumë se Mesi me Ronaldon bashkë, por me paktin që të përfshihet brenda skuadrës dhe të djersijë.

Nga kjo histori kemi dalë të gjithë humbur, askush nuk ka fituar. Le të rinisemi nga vendi i tretë dhe të arrijmë objektivin Champions me ndihmën e tifozëve tanë të jashtëzakonshëm. Do hasim vështirësi, por të bashkuar mund t’ia dalim. Ikardi nuk është në gjendje të ndihmojë ekipin nga jashtë, por ta karikojë nga brenda.”

KONTESTIMI I ULTRASVE – “Mauro është impenjuar në stërvitjet e fundit dhe mund të rifitojë besimin e tifozëve. Ai u stërvit të dielën, ndërsa të hënën luftoi fort në stërvitje bashkë me shokët. Ka djersitur dhe tifozët i kuptojnë sinjalet korrektë. Të gjithë duhet të punojmë për të mirën e Interit. Ne profesionistët që paguhemi nga klubi duhet të rreshtohemi në anën e klubit, skuadrës dhe tifozëve dhe jo një lojtari të vetëm.”

IKARDI TITULLAR? – “Nuk vlen shumë forma fizike, vlen koka. Mauro ka bërë reagimin e duhur. Kemi nevojë për një sulmues, jemi më të fortë me të. Ai do të luajë në formacion, të shohim më pas kur do e heqim nga loja, nëse do e zëvendësojmë.”

Megjithatë me anë të 35 milionë eurove që do të përfitohen nga shitja e 23-vjeçarit, në klub priten të vijnë dy përforocime të bujshme. Sipas “Sky Sports”, presidenti i Xhenoas Enriko Preciozi po përpiqet t’i sigurojë trajnerit Çezare Prandeli shërbimet e kroatit Marko Pjaca dhe paraguaianit Antonio Sanabia.

Pjaca ka luajtur në pjesën e parë të sezonit te Fiorentina, ku nuk përmbushi pritshmëritë e klubit vjollcë. Ndërkohë, Sanabria është prej disa vitesh pjesë e Betisit në Spanjë, por këtë vit, sulmuesi nuk ka pasur shumë minuta dhe një rikthim në Itali, është i mirëpritur nga lojtari.

Sipas sajtit “tuttojuve.com”, klubi xhenovez ka rënë dakord të paguajë 18 milionë euro për të rikthyer Sturaron në klubin e tyrë. 25-vjeçari do të firmosë një kontratë me kohëzgjatje për sezone.

Ky sezon filloi mbrapsht për Sturaron, pasi nuk arriti të luante për asnjë minuta gjatë huazimit të tij te Sportingu për shkak të disa dëmtimeve muskulore që e përndoqën për muaj të të tërë.

Me anë të një postimi në Instagram, Piatek i ka bërë një kërkesë drejtuesve të Ligës, që t’ia faturojnë atij golin dhe jo si autogol të qendërmbrojtësit të Atalantës, Rafaele Toloi.

“Jam shumë i lumtur për fitoren kundër Atalantës. Por, mu prish pak gëzimi, kur mora vesh në fund të takimit se në golin e parë nuk mua dha autorësia. Besoj se goli duhet të quhet mua dhe shpresoj që Liga e Serie A të ma rikthejë. Forca Xhenoa”.

Episodi i golit

Piatek është kryesuesi i listës së golashënuesve në Serie A me 13 gola, dy më shumë se ndjekësi më i afërt, Kristiano Ronaldo.

Një gafë e portierit Olsen u dha avantazhin miqve në minutën e 17-të. Gjithçja u vu në baraspeshë nga një goli i Fazios, por Xhenoa gjeti golin e dytë me Hijlemark pak minuta më vonë. Në limitet e pjesës së parë talenti holandez Xhastin Klajvert barazon shifrat në 2 – 2.

Një aksion me pasime të shpejta konkretizohet siç duhet nga Kristante, i cili i jep avantazhin të tijve. Në pjesën tjetër të takimit, ekipi roman u tërhoq mbrapa për të ruajtur rezultatin, diçka që e bënë shumë mirë, pasi miqtë nga veriu i Italisë nuk mundën të barazonin shifrat.

Prandeli ka firmosur deri në vitin 2020, ndërsa prezantimi i tij do të bëhet nesër. “Klubi i Xhenoas i ka besuar drejtimin teknik të skuadrës ish-trajnerit të kombëtares italiane, Çezare Prandelit. Duke i uruar më të mirën në punën e tij trajnerit të ri, klubi i uron mirëseardhjen dhe zëvendësit Gabriele Pin dhe gjithë stafit që plotësohet nga: Valter Vio (përgatitësi atletik), Marko Fumagali dhe Lorenco Ciuli. Prezantimi i Prandelit do të bëhet me datë 8 dhjetor në orën 11:30″, shkruan komunikata zyrtare e klubit të Xhenoas.

Rreth trajnerit të ri ka folur dhe Enriko Preciozi, presidenti i klubit xhenovez. “Prandeli do t’i rregullojë gjërat në ekip dhe jam i bindur që do ta mbyllim kampionatin në pjesën e sipërme të tabelës. Po ndjekim disa lojtarë dhe do të ndërhyjmë në janar për të përforcuar skuadrën. Është një moment i vështirë, unë nuk dorëzohem dhe do ta kalojmë këtë situatë”, komenton Preciozi.

Një situatë e tillë ka sjellë reagimin e tifozëve të Xhenoas, konkretisht grupimit të “Curva Nord”. “I duam të mirën Xhenoas, nuk do të rreshtim kurrë së mbështeturi ekipin, por durimi ynë ka mbaruar”, komentonin ultrasit xhenovezë, dy ditë para ndeshjes.

Ata akuzojnë presidentin, Enriko Preciozi, për shkarkimin e Balardinit dhe rikthimin e Juriç në stol. Pasojat? Gjashtë ndeshje pa fitore dhe rënia e dukshme në renditje. Gjatë ndeshjes kundër Napolit, ata kanë nxjerrë një pankartë, kundër Preciozit. “Preciozi, herët apo vonë, edhe ti do të vdesësh, ndërsa Xhenoa, kurrë!”

Ultrasit nuk kanë kursyer as Miguel Veloson. Mesfushori portugez është i martuar me vajzën e presidentit dhe në momentin kur emri i tij është thirrur si pjesë e formacionit, tifozët kanë shpërthyer në fishkëllima dhe ofendime.

Xhenoa gjeti e para avantazhin me anë të Kuames, i cili shfrytëzoi një krosim të Romulos dhe mposhti Ospinën me një goditje me kokë. Në këtë gol nuk mund të shpëtoj pa faj mbrojtësi shqiptar Elseid Hysaj, i cili pati një moment përgjumje dhe harroi të markonte siç duhej lojtarin nga Bregu i Fildishtë.

Reshjet e vazhdueshme bënë që të mos flitej më për futboll dhe gjyqtari Rosario Abiso çoi skuadrat në dhomat e zhveshjes në minutën e 60-të. Pas një pushimi që zgjati rreth 10 minuta, ndeshja rifilloi dhe Napolit i mjaftuan më pak se dy minuta për të barazuar rezultatin me anë të Ruiz.

Goli i përmbysjes erdhi në minutën 86-të. Mbrojtësi Biraski çon topin në rrjetën pas një dyluftimi me Albiol. Lojtarët vendas pretendojnë për faull nga spanjolli, por gjyqtari e quan golin të rregullt. Me këtë fitore Napoli është përkohësisht tre pikë larg kryesuesve të Juventusit, që nesër kanë një transfertë të vështirë ndaj Milanit në “San Siro”.

Masimiliano Alegri foli para mikrofonit të “Sky Sports”, duke u munduar të merrte vetëm gjëra pozitive nga ku 90-minutësh, duke e konsideruar si një rezultat që largon euforinë nga skuadra që ai drejton: “Xhenoa u tregua një skuadër e guximshme. Ata nuk e lanë lojën t’u ikte nga duart dhe na shënuan. Rruga drejt titullit ka gjithmonë ndeshje të tilla. Nga mesi i pjesës së dytë, ekipi e kishte mendjen te ndeshje ndaj Mançesterit,kjo nuk është gjë e mirë”.

“Ky barazim na bën mirë, kthehemi më këmbë në tokë. U gjendëm në vështirësi në disa kundërsulme të kundërshtarit dhe nuk arritëm ta diktonim ne rrjedhën e lojës siç bëjmë zakonisht. Një hap fals që shërben si mësim”, përfundoi trajneri i Juventusit.

Dy janë emrat në listë: Kristof Piatek i Xhenoas dhe Pepe i Lilës. 23-vjeçari polak është i preferuari dhe siç citon iberikja “Sport”, Barcelona ka bërë ofertën e saj. Drejtuesit e klubit katalanas kanë ofruar një shumë midis 50-60 milionë eurove për golashënuesin e Serie A.

Për Piatek interesohen shumë klube me Napolin dhe Romën mbi të gjitha. Klubi i De Laurentis ka ofruar 35 milionë euro dhe ka fjalën e presidentit të Xhenoas, ndërsa verdhekuqtë kanë arritur akordin me agjentin e sulmuesit.

Barcelona i ka kaluar të gjithë për momentin, sepse ka bërë ofertën më të lartë. E vështirë për Preciozin të refuzojë shumën e ofruar dhe një ëndërr për polakun të transferohet tek ekipi i Mesit

Siç citon “Corriere dello Sport”, Monçi, drejtori sportiv i verdhekuqve, ka arritur akordin me menaxherin e 23-vjeçarit. Nga ana tjetër, Napoli ka ofruar 35 milionë euro për kartonin e tij dhe dëshiron ta mbyllë tratativën që në janar.

Presidenti i Xhenoas kërkon që lojtari të qëndrojë në ekipin e tij deri në fund të sezonit, por Enriko Preciozi i ka dhënë fjalën homologut të tij të Napolit, Aurelio De Laurentis. Nëse vendos ta shesë Piatek, Xhenoa do të bisedojë në fillim me Napolin.

Nga ana tjetër Roma ka akordin me menaxherin dhe pritet një garë e fortë midis dy klubeve. Xhenoa ndodhet në pozita të favorshme dhe shpreson që lojtari të vazhdojë të shënojë. Për Piatek interesohen dhe klubet e Juventusit, Barcelonës, Atletiko Madrid dhe garës i është bashkuar dhe Borusia Dortmund.

Piatek nuk e harroi vesin e golit as në kombëtare, ku shënoi golin e parë të ndeshjes në humbjen e Polonisë me rezultatin 2-3 përballë Portugalisë. Juventus, Bajern Mynih dhe Napoli kanë shprehur interesin e tyre, por siç citon “Gazzetta dello Sport”, Napoli e ka seriozisht dhe është gati të bëjë maksimumin për të siguruar shërbimet e sulmuesit.

Ançeloti dhe De Laurentis kanë mbetur të impresionuar nga paraqitjet e polakut dhe sensi i tij i golit, por Xhenoa dëshiron të përfitojë sa më shumë dhe i ka vendosur çmimin lojtarit. Presidenti Preciozi kërkon 60 milionë euro për kartonin e lojtarit, por homologu i tij te Napoli e cilëson këtë shifër tepër të lartë dhe ofron deri në 25 milionë euro.

Megjithatë, tratativat vazhdojnë dhe Napoli ka një tjetër plan për të bindur lojtarin të zgjedhë ekipin e Ançelotit. Te Napoli aktivizohen dy lojtarë të tjerë polakë si: Milik dhe Zielinski, të cilët do të bëjnë maksimumin për të bindur Piatek të bashkohet me ta te Napoli.

Enriko Preciozi, presidenti i Xhenoas, dëshiron ta mbajë lojtarin deri në fund të sezonit të Xhenoa, por nuk e përjashton mundësinë që ta shesë në janar për ta mbajtur huazim deri në verë. Shumë klube interesohen për Piatek, duke filluar nga Juventus.

Në garë është futur dhe Bajerni i Mynihut, ndërsa në dyert e Xhenoas ka “trokitur” dhe Napoli. Trajneri Karlo Ançeloti është interesuar personalisht për sulmuesin polak, me Napolin që është gati të paguajë 40 milionë euro për golashënuesin më të mirë të Serie A për momentin, citon “Gazzetta dello Sport”.

Kroati Juriç ka përpara veten një detyrë të vështirë, pasi ka në katër ndeshjet e ardhshme do të ketë tri transferta “ferri” kundër Juventusit, Milanit dhe Interit.

?? Il Genoa Cricket and Football Club comunica che il tecnico Davide #Ballardini è stato sollevato dall’incarico di allenatore della prima squadra.

Comunicato stampa ?? https://t.co/wIHcAVUWxV pic.twitter.com/zoVFhETdd3

— Genoa CFC (@GenoaCFC) October 9, 2018

Vendasit gjeten shumë shpejt golin e avantazhit me anë të sulmuesit të momentit. Kristof Piatek shënoi me kokë në minutën e gjashtë, duke realizuar golin e nëntë në kampionat. Polaku 23-vjeçar ka shënuar në të gjitha ndeshjet në këto shtatë javë dhe objektivi i radhës është arritja e rekordit të një emri si Gabriel Batistuta.

Ish-sulmuesi i Fiorentinës ka shënuar gol në 11 ndeshje rresht në Serie A, ndërsa Piatek i duhet të shënojë në katër ndeshjet e radhës për të barazuar rekordin e argjentinasit.

Reagimi i Parmës nuk vonoi dhe dukalët gjetën golin e barazimit me anë të Luka Rigonit në minutë e 16-të. Siligardi krosoi një top nga goditja e këndit dhe Rigoni barazoi sfidën. 10-të minuta më vonë Parma gjeti golin e avantazhit. Kësaj radhe ishte Rigoni, i cili i ktheu reston Siligardit dhe ky i fundit mposhti portierin Radu.

Parma nuk u ndal dhe mbylli ndeshjen pas katër minutash. Barila lëshoi një top të bukur në zonë dhe Çeravolo goditi me kokë, duke shënuar golin e tretë për ekipin e tij. Pjesa e dytë nuk kishte më gola, pavarësisht tentativave të Xhenoas për të rihapur takimin, që u mbyll me fitoren e Parmës.

Xhenoa – Parma 1-3
(Piatek 6′ / Rigoni 16′, Siligardi 26′, Çeravolo 30′)

“Do të jetë shumë të vështirë të kap rekordin e Batistutës, që ka shënuar në 11 javë radhazi. Në vazhdim do të kemi ndeshje ndaj skuadrave të forta si Interi dhe Juventusi, ku të jepet vetëm një shans për të shënuar. Gjithsesi do ta provoj, dua të shënoj në çdo ndeshje”, tha shënuesi më i mirë i kampionatit italian.

E ARDHMJA – “Në fund të sezonit të kaluar e dija se do të kaloja në një kampionat të fortë, por kam vetëm dy muaj e gjysmë te Xhenoa duhet të presim edhe gjashtë muaj të tjerë për të parë se si do shkojnë gjërat”, përfundoi polaku.

Piatek është përshtatur në futbollin italian më shpejt sesa mendohej dhe në mënyrë të pabesueshme. Klube të mëdha europiane janë vënë në ndjekje të tij, madje flitet për një largim të sulmuesit në merkaton e janarit, por presidenti i Xhenoas, Enriko Preciozi, ka refuzuar në mënyrë kategorike shitjen e lojtarit, i cili ka një kontratë deri në vitin 2022 me klubin xhenovez.

“Vetëm ta mendosh shitjen e Piatek është një çmenduri. Unë jam shumë i lumtur me të. E dinim që kishte cilësi të mëdha, është një talent i lindur, por nuk do të tregoja të vërtetën, nëse do të thoja që ‘E dija se do të shënonte kaq gola’. Megjithatë, mund të them që ne nuk nënshkruam direkt kontratë me të. E kam parë të luajë dhe ai është një sulmues, i cili shënoi 21 gola në kampionatin polak në sezonin e kaluar, në të gjitha llojet e mënyrave”, përfundon kreu i klubit të Xhenoas.

I fundit lojtar që kishte arritur të bënte këtë gjë është një sulmuesi tjetër nga Europa lindore. Bëhet fjalë për legjendën e Milanit Andri Shevçenko, i cili në sezonin e largët 1999/2000, tregoi që në fillim se nuk ishte një sulmues çfarëdo .

Mbetet për t’u parë nëse 23-vjeçari nga Polonia do ta mbajë ritmin e shkëlqyer të fillimit të sezonit. Ndërkohë, dikush që duhet të shqetësohet në këto momente është Arkadiuz Milik, i cili mund të mos jetë më titullar në sulmin e kombëtares polake përkrah Robert Levandovskit.

23-vjeçari ka përfunduar në radarët e Barcelonës, por Piatek është i përqendruar të ndihmojë ekipin e tij dhe nuk i beson fjalëve që qarkullojnë.

“Nuk po mendoj për nisjen e mirë të sezonit, por vetëm të punoj në stërvitje dhe jam i përqendruar te ndeshja me Lacion. Nuk ka asnjë sekret, punoj fort në çdo stërvitje dhe bëj atë që më kërkon trajneri.

Polakët e Sampdorias më kanë folur për qytetin e Xhenovës dhe e kam kuptuar që do të ishte fantastike të jetoja në këtë qytet.

Nuk e di nëse është i vërtetë interesimi i Barcelonës, por unë mendoj se jo. Nuk jam Levandovski i ri, sepse unë luaj me Xhenoan dhe ai me Bajernin e Mynihut”, përfundon Kristof Piatek për “Sky Sport”.

Duke i shtuar dhe katër golat e shënuar përballë Leçes në ndeshjen e Kupës së Italisë me datë 11 gusht, Piatek është ngjitur në kuotën e shtatë golave të shënuar në tre ndeshje (Xhenoa ka për të zhvilluar dhe sfidën e shtyrë me Milanin). Polaku ka shënuar në tre ndeshje me shumë se çdo sulmues i Xhenoas gjatë sezonit të kaluar, duke parakaluar Lapadulën (6 gola), Pandev (5 gola) dhe Laksalt (4 gola).

Por, Piatek, i cili shënoi 32 gola me Krakovian në 63 ndeshje në elitën e futbollit polak, ka vendosur një rekord sa i përket pesë kampionateve kryesore në Europë. Për momentin, vetëm Sarabia i Seviljes ka shënuar shtatë gola, por sulmuesi spanjoll ka arritur atë shifër në 9 ndeshje të zhvilluara mes kampionatit, para eliminatoreve të Ligës së Europës dhe finales së Superkupës së Spanjës. Mbas tyre renditen emra të frikshëm si: Levandovski (6 gola), Benzema (5 gola), Aguero (5 gola), Mesi (5 gola) dhe Mbape (5 gola).

Është vetëm fillimi i sezonit dhe futbollistë të mëdhenj do të parakalojnë Piatek, por ai po shijon momentin e artë dhe Xhenoa është e lumtur për zgjedhjen e bërë për ti besuar majën e sulmit.

Sampdoria-Fiorentina do të zhvillohet me datë 19 shtator, ndërsa Milan-Xhenoa me datë 31 tetor.

“Presidenti i Ligës së Serisë A vendosi shtyrjen e ndeshjeve Sampdoria-Fiorentina dhe Milan-Xhenoa, duke përmbushur kërkesat e klubeve të Xhenoas dhe Sampdorias pas tragjedisë që goditi qytetin e Xhenovës me datë 14 gusht. Ndeshjet do të rikuperohen në këto data: Sampdoria-Fiorentina me datë 19 shtator dhe Milan-Xhenoa me datë 31 tetor. Oraret e ndeshjeve do të shpallen më vonë”, shkruan Liga e futbollit në komunikatën zyrtare.