Humori i kapitenit, Milner tregon ëndrrën e Krishtlindjeve të çdo fëmije

Sport Ekspres — Sat, 22 Dec 2018 13:53:46 +0000

“The Reds” siguruan fitoren e radhës në transfertë përballë Uolvërhemptonit me rezultatin 0-2. Salah dhe Van Dijk ishin autorët e golave, ndërsa Xhejms Milner ka përfituar për të bërë pak humor në rrjetet sociale.

Kapiteni i Liverpulit ka postuar një foto me autorin e golit të dytë, mbrojtësin Van Dijk. Holandezi është një “digë” në repartin difensiv të ekipit, ndërsa ka dhe një nuhatje të mirë të golit.

“Ëndrra e Krishtlindjeve për çdo fëmijë. Një përqafim për një njeri të madh të veshur me të kuqe dhe me një mjekër të lezetshme. Virxhil Van Santa, qetësisht ashtu siç të pëlqen”, komenton kapiteni i Liverpulit në faqen e tij personale.

View this post on Instagram

Every kids Christmas dream – a hug off a big man dressed in red with a funny beard ? #virgilvansanta #calmasyoulike

A post shared by James Milner (@jamesmilnerofficial) on Dec 21, 2018 at 2:38pm PST

Rrëfehet Milner: Jam rritur pa ngjyrën e kuqe, babai nuk ma lejonte!

Sport Ekspres — Thu, 20 Sep 2018 16:13:30 +0000

Shpeshherë prindërit insistojnë t’i fusin frymën e tyre të futbollit fëmijëve, duke i bërë që të vegjël tifozë me ekipin e tyre të zemrës. Ka dhe raste kur fëmijët zgjedhin vetë, por ka disa limite. Ekipit të urryer nuk i duhet përmendur emri, ose ngjyra e ekipit.

Të ndalemi te kjo e fundit. Xhejms Milner, mesfushori i Liverpulit, ka zbuluar një detaj të veçantë, që i ka fillesat që nga fëmijëria e tij.

I ati ishte një tifoz i zjarrtë i Lids Junajtid dhe ngjyra e kuqe nuk duhej përdorur kurrë në familjen e tij. Ishte ngjyra e Mançester Junajtid dhe dy tifozeritë njihen për rivalitetin e madh mes tyre. U tha u bë! Milner nuk ka veshur kurrë diçka me ngjyrë të kuqe, derisa arriti të luante me kombëtaren e Anglisë.

32-vjeçari, i cili lumturoi të atin duke debutuar në moshën 16-vjeçare me Lidsin, ka folur për temën në fjalë për “FourFourTwo”, ku tregon episodin e veçantë.

“Është e vërtetë. Tifozët e Lidsit janë rritur duke përçmuar ata të Junajtid si rivalë që ishin. E kuqja ishte e patolerueshme. Nuk kam patur kurrë ndonjë rrobë më atë ngjyrë, as një bluzë të vetme. Hera e parë që e vesha një uniformë të kuqe, ishte kur luajta me kombëtaren e Anglisë.”

Milner kujton momentin kur nënshkroi me ekipin e Liverpulit, që e ka uniformën e kuqe dhe bisedën e parë më të atin.

“Filloi të bënte shaka me mua dhe më tha se ishte hera e parë në jetë që ishte i lumtur që po më shihte me një uniformë totalisht të kuqe”, përfundon mesfushori i “The Reds”, i cili zhvilloi një ndeshje të madhe përballë PSG në Champions, ku shënoi dhe një prej golave.