Xhejms Adeniji

Një histori suksesi në Azerbajxhan, shifrat e Xhejms flasin vetë

Sport Ekspres — Fri, 14 Jun 2019 18:12:59 +0000

Xhejms Adeniji bëri një sezon shumë të mirë në Azerbajxhan me skuadra e Gabala. Kampionati i parë jashtë Shqipërisë për nigerianin, i cili arriti të shënonte 10 gola. Rekordi i sulmuesi është 15 gola (9 me Laçin dhe 6 me Skënderbeun) në sezonin 2015-2016.

Këtë verë nuk i kanë munguar oferta, teksa Karabaku e ka bërë një të tillë. Gjithsesi shuma e kërkuar nga Gabala është konsideruar e lartë dhe nuk ka pasur një marrëveshje, sikurse bëjnë me dije burime të SportEkspres.com pranë lojtarit.

Xhejms u përfshi në formacionin më të mirë të të huajve në Azerbajxhan, ndërkohë që së fundmi është përfshirë në listën e atyre lojtarëve që e kanë justifikuar shpenzimin e bërë për të. Gabala një vit më parë pagoi te Skënderbeu rreth 250 mijë euro për kartonin e sulmuesit.

Asokohe vlera e tij në transfermarkt kapte shifrën e 450 mijë eurove. Një sezon në Azerbajxhan e ka çuar vlerën e sulmuesit në 900 mijë euro, dyfish nga një sezon më parë. Xhejms po përgatitet për sezonin e ri dhe mbetet për t’u parë nëse do të mbetet te Gabala, apo do të shitet në ndonjë klub tjetër.

View this post on Instagram

Talent players in APL! #transfermarkt #premierleague #football #futbol #futebol #fussball #sepakbola #voetbal #?????? #azerbaijan #qarabag #neftci #qebele #sebail #instapic #travel #aztagram

A post shared by Azerbaijan Football News (@azefoot) on Jun 13, 2019 at 8:38am PDT

VIDEO | Xhejms e Lilaj mundin Karabagun, nigeriani sërish vendimtar me gol

Sport Ekspres — Tue, 23 Apr 2019 16:09:07 +0000

Gabala ka mundur Karabagun në takimin e parë të gjysmëfinales së Kupës së Azerbajxhanit. Dy “ish”-ët e Skënderbeut, Sabien Lilaj dhe Xhejms Adeniji e filluan nga minuta e parë këtë takim.

Sulmuesi nigeriani shënoi golin e vetëm të ndeshjes në minutën 72-të, teksa finalizoi me sukses një kundërsulm të shpejtë të skuadrës së tij. Duhet përmendur se Xhejms ka bërë një sezon të shkëlqyer me Gabalën, duke qenë golashënuesi më i mirë i skuadrës, ndërsa Lilaj shpeshherë është aktivizuar nga stoli, kjo dhe për shkak se sezoni i mesfushorit korçar është shoqëruar me dëmtime të shumta.

Xhejms një “yll” në Azerbajxhan, sa shumë vlerësime!

Sport Ekspres — Tue, 12 Mar 2019 16:33:59 +0000

Skënderbeu përfitoi në verë rreth 250 mijë euro dhe Xhejms Adeniji po bën mirë në Azerbajxhan. Sulmuesi nigerian arriti të shënonte në fundjavë dy gola në triumfin kundër Sabail dhe i dha tre pikë mjaft të vlefshme skuadrës së Gabala, që do pjesëmarrjen në kupat e Europës.

Nisur nga paraqitja e bërë, Xhejms është përfshirë për të dytën javë në formacionin më të mirë të javës. Javën e shkuar ai ishte së bashku me Ansi Agollin, madje ish-kapiteni i kombëtares sonë u shpall lojtari më i mirë i javës.

Këtë herë skena ka qenë e gjitha për Xhejms, pasi është ai lojtari i javës. Këtë sezon ai ka arritur të realizojë tetë gola dhe është i dyti në listën e golashënuesve. Sezoni më i mirë për Xhejms ka qenë 2015/16, kur shënonte 15 gola në Superiore. Nëntë herë realizonte me fanellën e Laçit dhe pjesën tjetër të golave i shënoi me Skënderbeun, ekip me të cilin u shpall edhe kampion.

VIDEO | Xhejms mahnit Azerbajxhanin, Lilaj e nis nga stoli

Sport Ekspres — Sun, 10 Mar 2019 14:10:31 +0000

Tre pikë mjaft të rëndësishme për Gabala, që i afrohet me tre pikë vendit të tretë. Pjesëmarrja në kupat e Europës është objektiv për skuadrën e Sabien Lilajt. Mesfushori korçar nuk luajti titullar në takimin e sotëm dhe pati vetëm shtatë minuta në fund për të.

Skena ishte e gjitha për Xhejms Adeniji. Nigeriani, që në Superiore ka spikatur me Laçin dhe Skënderbeun, shënoi dy herë për Gabala, që mundi rivalët e Sanail me rezultatin e ngushtë 2-1. Goli i parë i Xhejms ishte mjaft i bukur, pasi sulmuesi kombinoi me një nga shokët e skuadrës dhe nga brenda zonës nuk fali.

Sulmuesi 26-vjeçar u rikthye të shënojë dhe me dy golat e realizuar e çoi në 8 numrin e rrjetave të tundura këtë sezon. Më shumë se nigeriani ka realizuar vetëm Dabo (9 gola) i Neftçi, ish-sulmues i Gabala sezonin e shkuar.

VIDEO | Gol Superioreje në Azerbajxhan, Alijev-Xhejms një dyshe perfekte

Sport Ekspres — Sat, 09 Feb 2019 19:56:09 +0000

Te skuadra e Gabalës, që militon në elitën e Azerbajxhanit, aktivizohen dy ish-futbollistë të Superiore, Rauf Alijev dhe Xhejms Adeniji. Alijev ka mbrojtur fanellën e Kukësit në sezonin 2017-18, ndërsa Adeniji ka luajtur për shumë skuadra shqiptare në periudhën 6 vjeçare të qëndrimit në Shqipëri.

Të dy futbollistët kanë qenë protagonistë sot në takimin e Gabalës në trasnfertë përballë Sabah Baku, pasi kanë krijuar golin e vetëm të sfidës. Ka qenë Xhejms ai që ka asistuar për sulmuesin alijev, i cili i vetëm përballë portierit arriti të gjejë rrjetën.

Ky gol Superioreje ka qenë shumë i rëndësishëm për skuadrën azere, pasi parakalojnë Sabah Baku në renditje dhe marrin vendin e katërt, vetëm një pikë larg vendit të tretë që mbahet nga Sabail.

Azerbajxhan, Premier League

Sabah Baku – Gabala
Shënues: Alijev 31’

VIDEO | Gol për ditëlindje, Xhejms kalon Gabalën në gjysmëfinale

Sport Ekspres — Thu, 20 Dec 2018 13:55:24 +0000

Xhejms Adeniji nuk ndalet dhe shënon sërish për ekipin e Gabalës. Sulmuesi nigerian ishte autori i golit të kualifikimit përballë Sabah Baku në ndeshjen e kthimit për fazën çerekfinale të Kupës së Azerbajxhanit.

Ekipi ku aktivohet dhe Sabien Lilaj kishte fituar ndeshjen e parë me rezultatin 1-0 në shtëpi, ndërsa Xhejms vulosi kualifikimin për në gjysmëfinale, duke shënuar në minutën e 80-të.

Ai dhe Lilaj ishin pjesë e formacionit të Gabalës, ndërsa sulmuesi i bëri dhe një dhuratë të bukur vetes së tij, pasi sot feston dhe 26-vjetorin e lindjes.

https://www.facebook.com/pfl.az/videos/292142201644118/

Zeneli njeriu asist, Lilaj dhe Xhejms festojnë në kupë

Sport Ekspres — Sun, 16 Dec 2018 13:41:08 +0000

Vendasit reaguan në pjesën e dytë dhe ishin afër realizimit të një kryevepre, por barazimi nuk u arrit. Zeneli ishte autori i asisteve të dy golave të Herenvenit. 23-vjeçari i talentuar i përfaqësueses së Kosovës dhuroi pasimet, që u kthyen në gola nga Vlap dhe Van Amersfort.

Gabala e Sabien Lilaj dhe Xhejms Adeniji fitoi në kupën e Azerbajxhanit ndeshjen e parë të fazës çerekfinale përballë Sabah Baku. Autogoli i Ivanoviç në minutën e fundit të pjesës së parë i dha fitoren Gabalës, që pret ndeshjen e kthimit dhe kërkon gjysmëfinalet. Si mesfushori i kombëtares dhe sulmuesi nigerian u aktivizuan gjatë gjithë ndeshjes dhe në fund i janë gëzuar kësaj fitore.

Pjesë e formacionit të Inter Zapreshiç ishte dhe Herdi Prenga. Mbrojtësi 24-vjeçar nuk ia doli të ndihmonte ekipin e tij të evitonte humbjen e thellë në transfertë përballë Osijekut me rezultatin 6-0. Prenga ka zhvilluar 12 ndeshje në kampionat deri më tani me Zapreshiç.

Xhejms “çmend” azerët, ky çmim e lumturon nigerianin!

Sport Ekspres — Wed, 12 Dec 2018 14:39:51 +0000

Xhejms Adeniji u shit këtë verë nga Skënderbeu dhe po bën mirë edhe në Azerbajxhan me ekipin e Gabala. Nigeriani që në Superiore ka spikatur me Laçin, por ka luajtur edhe me Bylisin dhe Tomorin, është përzgjedhur si lojtari më i mirë i muajit nëntor.

Sulmuesi ka shënuar dhe asistuar për skuadrën e tij, çka ka bërë që edhe tifozët ta vlerësojnë. Sigurisht që për këtë çmim të marrë Xhejms është shumë i lumtur. “Faleminderit Zotit për çmimin lojtari i muajit”.

“Xhejms Adeniji është futbollisti më i mirë i muajit nëntor. Goal.az publikoi një sondazh dhe ish-sulmuesi i Skënderbeut u votua më i miri i nëntorit, me 52,88% të votave”, njofton Gabala përmes faqes zyrtare.