Xhejdon Sanço

VIDEO | Fenomenal! Shijoni performancën e Sanços kundër Bajernit

Sport Ekspres — Sun, 04 Aug 2019 17:40:14 +0000

Xhejdon Sanço, vetëm 19 vjeç, por një lojtar i kompletuar në të gjitha aspektet. Dortmundi mundi ditën e djeshme Bajernin për Superkupën e Gjermanisë. “Vrasësi” i bavarezëve ishte pikërisht anglezi, që “rrezëlleu” me paraqitjen e tij.

Sanço ishte autor i një goli dhe dhe një asisti për Pako, duke marrë pjesë në të dy rrjetat e ndeshjes. Jo vetëm kaq por driblimet dhe vizioni i tij tejkalojnë limitet e një futbollisti normal. Me shumë mundësi do të jetë pikërisht ai, që do konkurrojë Mbapenë, në epokën e re që po nis.

Statistikat e Sanço kundër Bajernit:

81 minuta lojë
1 gol
1 asist
35 pasime
86% saktësia e pasimeve
1 gjuajtjë në portë
2 pasime vendimtare
4 driblime të kryera

Sancho’s performance vs Bayern tonight pic.twitter.com/mRQgCHjNPL

— H ?? (@HugoooG78) August 3, 2019

Perez me plan të qartë, synon një djalosh “të artë”

Sport Ekspres — Sat, 03 Aug 2019 15:18:49 +0000

Reali ka nisur të rinovojë ekipin me lojtarë të rinj dhe me shumë perspektivë. Të parët telente janë Vinisius Zhunior, Rodrigo apo Takefusa Kubo. Perez dëshiron të pasojë me një blerje akoma më të madhe. Xhejdon Sanço është ylli i radhës, që pritet të vijë në Bernabeu.
Borusia Dortmund dhe Reali gëzojnë një marrëdhënie të mirë dhe kanë bashkëpunuar edhe më parë për lojtarë të ndryshëm. Kontrata e Sanço skadon në vitin 2022. Ai nuk dëshiron të rinovojë sepse kërkon kalimin në një prej gjigantëve evropian. Kështu, Dortmundi pretendon të nxjerrë sa më shumë fitim nga shitja e tij.

Këtë verë nuk llogaritet largimi i tij. Merkaton e ardhshme Reali do të niset me një plan të qartë. Ata duan t’i japin Dortmundit Mariano Diaz, plus një shumë parash për të nënshkruar me Xhejdon Sanço. Anglezi do të ishte një nënshkrim gjigant, duke parë cilësitë e tij, që bashkë me Mbape janë kandidatë potencialë për të fituar Topin e Artë pas mbylljes së epokës Mesi-Ronaldo.

Talentet më të vlefshëm të futbollit, Sanço “sundon” i vetëm

Sport Ekspres — Mon, 06 May 2019 17:45:14 +0000

Një studim i kryer qendra ndërkombëtare e studimeve sportive ka renditur lojtarët më të vlefshëm nën 20-vjeç (të lindur nga 1 janari 1999 dhe në vazhdim).

Për të llogaritur vlerën e secilit lojtar është përdorur një algoritëm i komplikuar ku janë marrë parasysh golat, asistet, minutat dhe kampionati ku këto talente aktivizohen.

Menjëherë sapo të shikosh renditjen çka bie në sy është fakti që vendi i parë që mbahet nga anglezi Xhejdon Sanço është shumë larg konkurrencës. 19-vjeçari i Dortmundit vlerësohet me një shumë rekord prej 150 milionë eurosh, ndërsa i dyti në listë është mesfushori francez i Arsenalit, Mateo Genduzi, i cili ka një vlerë prej 70 milionë eurosh.

Nuk mund të mungonte Nikolo Zaniolo i Romës në vend të tretë dhe talenti i Bajer Levekuzen Kai Haverc, ndërsa vend ka dhe për Xhanluichi Donarumën, i cili është ende 20 vjeç. Sigurisht, është e lehtë për t’u harruar se portieri i Milanit ruan kuadratin e “djallit” që prej moshës 16-vjeçare.

EMRI KLUBI VLERA NË MILIONA EURO

Fikje, nervozizëm dhe humbja e titullit nga Dortmundi, zbulohet shkaku!

Sport Ekspres — Mon, 29 Apr 2019 09:04:08 +0000

Borusia e Dortmundit gaboi në momentin që nuk duhej. Verdhezinjtë dështuan në shtëpi përballë Shalkes, në një ndeshje që pati gjithçka brenda saj. Dhimbje e dyfishtë për Dortmundin, që humbi derbin dhe i dha një goditje ëndrrës për të fituar titullin kampion, pavarësisht se ndalesa e Bajernit mban akoma gjithçka të hapur.

Sfida nisi mirë për ekipin vendas. Gëce kaloi Borusian në avantazh pas një çerek ore. Gjermani shfrytëzoi një asist fantastik të Xhejdon Sanço dhe shënoi me kokë.

Asisti i 14-të për anglezin e talentuar, ndërsa askush nuk ka bërë më mirë se ai në këtë aspekt në kampionatet elitare. Gjatë festës së golit ndodhi edhe ndryshimi i krejt rrjedhës së ndeshjes.

Sanço u godit në fytyrë nga një çakmak nga tifozët miq të Shalkes. Kjo gjë solli irritimin e tifozërisë vendase dhe nervozizmin e lojtarëve të Dortmundit. Shalke përmbysi rezultatin në pjesën e parë, ndërsa vendasit e humbën qetësinë totalisht në të dytën.

Dy kartonë të kuq lanë Dortmundin me 9 lojtarë dhe ndeshja mori fund. U mbyll 2-4 për Shalken, që siguroi një trepikësh të artë për mbijetesën, fitoi derbin dhe ndihet krenare për faktin që fundosi armiqtë e Dortmundit në garën për titull kampion.

Mbape nuk vjen, Zidan gati t’i besojë talentit anglez

Sport Ekspres — Tue, 23 Apr 2019 12:24:25 +0000

Kilian Mbape është ëndrra e madhe e Realit të Madridit, por një transferim i tillë është pothuajse i pamundur. Paratë nuk janë problem për klubin spanjoll, madje u fol për një ofertë prej 300 milionë eurosh, por lojtari i premtoi besnikëri PSG-së.

As francezët nuk kanë ndërmend të heqin dorë nga shërbimet e fenomenit 20-vjeçar, kështu që… kalojmë të objektivat e radhës. Në skenë qarkullojnë emra si Salah, Dibala, Mane apo Zhoao Feliks. Të gjithë janë lojtarë të mëdhenj, por trajneri francez ka një dëshirë.

Ai quhet Xhejdon Sanço, 19-vjeçari i Dortmundit. Anglezi ofensiv ka “shpërthyer” sivjet, duke shënuar 12 gola në 39 ndeshje në të gjithë kompeticionet. Të shumta edhe asistet e dhuruara për shokët e tij të skuadrës.

Zidan e pëlqen shumë si lojtar dhe është gati t’ia kërkojë Perezit transferimin e tij në Madrid. Problem mbeten kërkesat e larta të verdhezinjve gjermanë. Dortmundi nuk heq dorë lehtë nga ylli i saj dhe kërkon të paktën 160 milionë euro për kartonin e tij.

“Fiksimi” i fenomenit të Dortmundit, Sanço: Nuk u besoj gjermanëve… flokët e mia!

Sport Ekspres — Tue, 11 Dec 2018 10:52:28 +0000

Xhejdon Sanço është një nga zbulimet më të bukura të Dortmundit. Anglezi ka “shpërthyer” këtë sezon, ndërsa ekipi i tij marshon drejt titullit. 5 gola dhe 7 asiste në 14 ndeshje janë një shifër fantastike për çdo lojtar, aq më shumë për 18-vjeçarin e talentuar. Në Dortmund po zbaviten pa masë me të dhe të gjithë janë të “fiksuar” pas Sanços.

Lojtari ofensiv i lindur në Londër, por me origjinë nga Trinidad Tabako, po kalon për mrekulli në Dortmund, përveç diçkaje. Ai nuk i beson shumë berberëve gjermanë! Në një prononcim për “The Mirror”, ai zbulon një detaj të veçantë.

Lojtari ka një berber personal në ishull, të cilin nuk e “tradhton” kurrë. Ata gjermanë nuk i pëlqejnë fare dhe Sanço preferon të qëndrojë me muaj pa u qethur, sesa të përfundojë në duart e tyre.

Xheidon Sanço

“Nuk u besoj berberëve gjermanë, kështu që nuk i pres flokët këtu. Kur dua të qethem, shkoj te berberi im në Angli. Jam besnik ashtu si berberi im. Qëndroj 3 muaj pa u qethur dhe këtu nuk e bëj.”

Gjatë prononcimit të tij, Sanço tregon se çfarë i ka kërkuar trajneri Favre, në mënyrë që adoleshenti të jetë gjithmonë pjesë e formacionit të kryesuesve të Bundesligës. “Pika ime e dobët është këmba e majtë, të cilën kam nevojë ta përmirësoj. Kam fituar besim te skuadra dhe po provoj ta përdor të majtën pak më shumë. Stafi teknik dhe trajneri më kanë thënë që duhet të përmirësoj të majtën, nëse dua të qëndroj në formacionin e ekipit”, përfundon Xhejdon Sanço.