“ESPN” ka bërë një sondazh se kush janë lojtarët U-21 më të mirë të momentit. Votat e marra nga publiku janë kombinuar me opinionin e ekpspertëve të kësaj medie dhe kanë dalë në një përfundim. Tre vendet e para janë zënë nga Kilian Mbape, Xhejdon Sanço dhe Matijs De Ligt.

Francezi është golashënuesi i dytë në Evropë pas Mesit dhe e ka vendosur emrin e tij si një element potencial për të tashmen dhe për të ardhmen e futbollit.

Xhejdon Sanço është thesari i Dortmundit. Anësori 19-vjeçar është një nga më të mirët në qarkullim në pozicionin e tij dhe ka shifra të frikshme si në gola dhe në asistime. Vlera e tij në merkato kap 114 milonë euro.

Matijs De Ligt është fituesi në fuqi i çmimit “Golden Boy”. Një nga kapitenët më të rinj në histori. Mbrojtës klasi dhe një lider i lindur. Vetëm 19-vjeç.
Lista e dhjetë lojtarëve më të mirë U-21 sipas “ESPN”:

1. Kilian Mbape, PSG, Francë
2. Xhejdon Sanço, Borusia Dortmund, Angli
3. Matijs De Ligt, Ajaks, Holandë
4. Trent Aleksandër-Arnold, Liverpul, Angli
5. Kai Havertz, Bajer Leverkusen, Gjermani
6. Vinisius Zhunior, Real Madrid, Brazil
7. Frenki De Jong, Ajaks, Holandë
8. Xhanluixhi Donaruma, Milan, Itali
9. Markus Rashford, Mançester Junajtid, Angli
10. Luka Joviç, Ajntraht Frankfurt, Serbi

Dortmundi pagoi 8 milionë sterlina për kartonin e tij, ndërsa mes palëve ka një klauzolë të veçantë. Nëse gjermanët vendosin ta shesin, Siti mund të barazojë ofertën e bërë për Sançon dhe ky i fundit do të rikthehej në Mançester. Trajneri i “Qytetarëve” shprehet i lumtur për rritjen dhe paraqitjet pozitive të djaloshit të talentuar, ndërsa nuk beson se ai do të rikthehet përsëri tek ekipi i Sitit. Të paktën, sa të jetë Guardiola në stol kjo gjë vështirë të ndodhë.

“Nuk e di, në futboll kurrë mos thuaj kurrë, por me të vërtetë nuk e di. Mendoj se shkaku kryesor i largimit të tij ishte fakti që nuk dëshironte të qëndronte këtu. Kur ai nuk dëshiron të qëndrojë këtu, mendoj se nuk e ka në plan të rikthehet. Kjo është ajo çfarë më kalon në mendje në këto momente. Ndoshta rikthehet në të ardhmen, klub i ri, menaxher i ri, por nuk e di.

Ne dimë atë çfarë kemi bërë me Xheidon. Në bëmë maksimumin, por ai vendosi të largohej për në Gjermani, kështu që i uroj më të mirat. Ai po paraqitet realisht mirë atje. Sapo e ka nisur karrierën dhe shpresoj të arrijë objektivat e veta. Kjo është një shenjë e mirë për Anglinë, lojtarët po largohen dhe kjo është e rëndësishme për të ardhmen. Jam i lumtur që Sanço po luan mirë.”

Trajneri spanjoll komenton dhe situatën e Kevin De Brujn, i cili sapo është rikthyer nga dëmtimi. Belgu ka punuar gjatë periudhës së pushimit me një program të diferencuar dhe është gati për të zbritur në fushën e blertë. “Kevin është rikuperuar. Nuk e di nëse është në gjendje të luajë 90 minuta, por ai është stërvitur shumë mirë në dy javët e fundit. Lojtari nuk ndjen më dhimbje dhe është gati të rikthehet në lojë.”

Kundërshtari i radhës në kampionat është Bërnlei, që ka në portë Xho Hart. Gardiani 31-vjeçar do të zhvillojë ndeshjen e tij të parë kundër Mançester Sitin, me të cilin është aktivizuar për 12-të sezone, duke fituar dhe dy tituj kampionë. Guardiola është i sigurt për pritjen fantastike që do i dhurojnë tifozët në “Etihad Stadium”. “Nuk ka dyshime se sa i rëndësishëm ka qenë dhe është Hart për tifozët tanë. Nesër do e shihni vetë, se si njerëzit do e vlerësojnë, për atë çfarë ka dhënë për këtë klub”, përfundon Guardiola prononcimin e tij për “Telegraph.co.uk”.