Salertinana, klubi në pronësi të Klaudio Lotitos militon në Serie B dhe është vënë në kërkim të një trajneri të ri. Sipas së përditshmes lokale “Cronache”, kryesia e klubit do mblidhet së shpejti për të përzgjedhur “timonierin” e ri të klubit.

Krahas De Biazit një tjetër emër që pëlqehet shumë është ai i Xhanpiero Venturës. Edhe pse 71 vjeç, ish-trajneri i Italisë nuk ka ndërmend të dalë në pension dhe është në pritje të ofertave.

62-vjeçari ishte pranë stolit të Polonisë, por tratativat ngecën në fund. Tashmë ai është në bisedime me Azerbajxhanin, që ishte në grup me Kosovën në Ligën e Kombeve.

Emri i De Biazit përflitet dhe si një kandidat për pankinën e Bolonjës. Filipo Inzagi po has vështirësi dhe stoli i tij është në rrezik, ndërsa De Biazi është një nga kandidaturat e përfolura për zëvendësimin e tij te Bolonja.

Aventura në La Liga nuk shkoi mirë për 62-vjeçarin italo-shqiptar, ndërsa Armenia ishte e fundit që dëshironte atë në stol. Në një prononcim për mediat italiane, De Biazi zbulon faktin që ka refuzuar ofertën e kombëtares armene, ndërsa është në pritje të një oferte serioze.

Nuk ka rëndësi klub, apo kombëtare, e rëndësishme është të jetë një projekt serioz dhe trajneri do të ishte gati të rikthehej në stol.

“Jam takuar me një Federatë, Armeninë, por e refuzova ftesën e tyre. Kam dëshirë të kthehem me një projekt serioz, sepse kam mundësinë të jap më të mirën time. Nuk ka rëndësi nëse do të jetë klub, ose kombëtare. Kam patur telefonata, por nuk dua t’i përgjigjem të parës që më vjen”, thekson Xhani De Biazi.

Në një prononcim për mediat polake, De Biazi i është rikthyer arritjeve në karrierë dhe ndalet te eksperienca me kombëtaren e Shqipërisë.

Arritjet – “Kam ngjitur Modenën dhe Torinon në Serinë A dhe pastaj jam larguar. Kur mora drejtimin e Shqipërisë, u mahnita nga pasioni i tifozëve, të cilët ishin të çmendur pas futbollit. Diçka e tillë më kujtonte Napolin në Serinë A. Kualifikimi ynë në Euro 2016 krijoi një entuziazëm të madh në vend dhe të gjithë u çmenden me arritjen dhe paraqitjet tona.”

Shqipëria – “Nuk është aspak e thjeshtë të punosh me shqiptarët, sepse ata bëhen shumë euforikë mbas fitoreve dhe unë duhet t’i mbaja me këmbë në tokë. Duhet të flasësh gjatë me to, të përkthesh dhe të kesh një humor të mirë. Zhvilluam një paraqitje të mirë në Francë dhe ishim pranë kualifikimit. Fituam me Rumaninë dhe ajo fitore u përjetua si fitimi i një Kupe Bote në Shqipëri.”

Largimi nga kombëtarja – “Kishim një grup shumë të vështirë në kualifikueset e Kupës se Botës, por nuk luajtëm një futboll të keq. Erdhi momenti për të provuar sfida të reja, të ndryshoja ambient dhe në bashkëpunim me federatën vendosëm të ndaheshim. Do të shkoja në Shqipëri për pushime, por nuk do të kisha kohë për të pushuar, sepse do e harxhoja kohën duke dhënë autografe dhe bërë foto. Kjo është një kënaqësi e madhe për trajnerin dhe lojtarët, sepse e ndjen lumturinë që u ke dhuruar njerëzve”, përfundon ish-trajneri i Shqipërisë, Xhani De Biazi.

“Është herët për të gjykuar, sepse Torino ka zhvilluar vetëm miqësore dhe ekipi nuk është akoma në kondicionin e duhur. Ekipi ka punuar mirë, por ka ndryshuar skema e lojës. Maxarri pasi krijoi njohuritë e duhura për grupin sezonin e kaluar, ka kërkuar të përmirësojë aspektet që duhet të ndryshonin, për të rritur aspektin kualitativ të skuadrës. Torino duhet të rritet, nëse kërkon të arrijë në Europë. Konkurrenca është e madhe, sepse sipër Toros janë klube me buxhet të madh, por në futboll ‘kurrë mos thuaj kurrë’.

Maxarri luan me skemën 3-5-2, por kjo skemë kërkon anësorë shumë të fortë që bëjnë mirë fazën difensive, por që duhet të nisen para dhe të kenë dinamizëm dhe këmbë të mira. Lojtarët që kryejnë këtë rol duhet të kenë dhe kualitet kur arrijnë në zonën kundërshtare. Mendoj që roli i mesfushorit të krahut në këtë skemë është një rol i komplikuar dhe delikat. Asnjëherë nuk është e lehtë të gjesh lojtarë të tillë, pasi një lojtar i tillë duhet të ketë aftësinë e mbrojtësit, por edhe kualitetin e mesfushorit.

Duke llogaritur që Torino ka dy organizatorë të shkëlqyer si: Falke dhe Ljajiç, skema e duhur është 3-4-2-1 me Belotin në majë. Nëse besohet më shumë tek Ljajiç dhe i jepet përgjegjësia që të jetë ai lojtari që bën diferencën, sepse kualiteti nuk i mungon, besoj që shumë probleme të Torinos do të zgjidheshin. Është më e thjeshtë të kesh dy mesfushorë që kontrollojnë repartin dhe dinë të nisin aksionet, sesa 3 mesfushorë që janë të adaptuar për skemën 3-5-2. Mendoj që treshja Falke-Ljajiç-Beloti do të bëjnë gjëra të mëdha së bashku.”

Mbas leksioneve taktike, De Biazi flet dhe për të ardhmen e tij.

“Kam pasur shumë propozime për të trajnuar, por asnjë ofertë nuk më ka interesuar realisht. Për momentin do të nis punën si opinionit në ‘RAI’ dhe në mes të gushtit do të komentoj finalen e Superkupës së Europës midis Real Madrid dhe Atletiko Madrid.”

Një tjetër emër i madh është afër këtij ekipi. Fjala është për italianin Çezare Prandeli. Tekniku italian është i lirë në treg pas eksperiencave jo të mira në Azi. Ai mund të marrë drejtimin e Polonisë dhe duhet të mposhtë konkurrencën e De Biazit.

Polonia u eliminua nga Kupa e Botës pas fitores me Japoninë me rezultatin 1-0. Ekipi polak zhgënjeu, pasi pritej të ishte më konkurrues, por e mbylli në vendin e fundit. Trajneri aktual nuk e ka të sigurt qëndrimin, pasi tekniku Adam Naua?ka me shumë mundësi do të largohet. Megjithatë, së fundmi ka dalë opsioni që tekniku të ketë një mundësi të dytë. Gjithçka mbetet në ajër për momentin.