NDESHJA – “Rezultati nuk thotë asgjë. Nuk tregon sjelljen që ekipi bëri në këtë ndeshje. Për mua nuk është një humbje sepse skuadra tentoi deri në fund të dominonte lojën dhe ia arriti kësaj gjëje. Prisja më pak nga skuadra, por ky është vetëm fillimi”. Në mbrojtje kemi akoma shumë punë, ndërsa për sulmin nuk jam i shqetësuar. Krijojmë shumë, thjesht duhet të tregohemi efikas”.

FAZA PËRGATITORE  –“Skuadra ka punuar shumë mirë dhe kjo më gëzon. Djemtë po mendojnë e veprojnë ashtu si  unë u kam thënë. Ndeshjet miqësore na kanë shërbyer për të përmirësuar gjendjen e lojtarëve dhe për të qartësuar idenë e lojës gjatë ndeshjeve. Na u desh të punonim për të rikthyer në formë lojtarët e kthyer nga pushimet. Atmosfera në ekip është e mirë dhe më kanë pëlqyer shumë lojtarë si Borini, Çalhanoglu dhe Bilja”.

“Kur Xhampaolo më telefonoi, nuk u mendova dy herë. U tërhoqa nga futbolli dhe e dija që do të vazhdoja si pjesë e stafit. Mu dha një mundësi shumë e mirë dhe mora. Tani, jam shumë i lumtur që jam te Milani. Kisha dhe mundësinë të luaja ende për Vijarealin, ma ofruan këtë gjë, por mendova se ishte koha e duhur për ta mbyllur.

Roli im në staf? Xhampaolo më ka kërkuar të jem aktiv në seancat stërvitore, të jem pjesë e seancave së bashku me lojtarët. Mendova se i vara këpucët në gozhdë, por m’u desh ta shkulja gozhdën sërish (qesh), përfundoi Bonera.

Në rolin e numrit 10 mbrapa dy Kristof Piatek dhe Andre Silva u vendos spanjolli Suso, i cili nuk ka luajtur më parë në këtë pozicion. Kjo skemë nuk i favorizon aspak sulmuesit anësor si mëngjarashi, pasi në dyshen e sulmit kërkohen lojtarë të fuqishëm të cilët janë të aftë të fitojën duele me mbrojtësit kundërshtar.

Mbetet për t’u parë se çfarë trajte do të marrë Milani i Xhampaolos. Krahas Susos një tjetër kandidat për numrin 10 është braziliani Paketa, i cili është aktivizuar në këtë rol kur ishte pjesë e Flamengos në Brazil.