VIDEO | SHBA në finale: “Show” i Pulisiç dhe një befasi!

Sport Ekspres — Thu, 04 Jul 2019 09:03:11 +0000

SHBA nuk hasën probleme për të triumfuar përballë Xhamajkës dhe me datë 8 korrik do të luajë në finalen e madhe të Gold Cup përballë Meksikës. 1-3 përfundoi ndeshja për ekipin amerikan.

MekKeni i Shalkes zhbllokoi shifrat në minutën e nëntë pas një inkursioni dhe gjuajtje të bukur. Aq u mbyll pjesa e parë, ndërsa e dyta nisi me gol.

Kristian Pulisiç dyfishoi shifrat në minutën e 52’. Katër minuta më vonë, ekipi amerikan humbi një rast të pabesueshëm. Aksion i bukur, por Zardes nuk e besoi as vetë se si nuk arriti të shënojë. Xhamajka reagoi dhe rihapi ndeshjen në minutën e 69’ minuta përpara fundit me anë të golit me kokë të Nikoloson.

Për të vulosur këtë duel mendoi përsëri Pulisiç. Lojtari i ri i Çelsit shënoi sërish tre minuta përpara fundit dhe SHBA “fluturoi” drejt finales së madhe.

Xhamajka-SHBA 1-3
(Nikolson 69’ / MekKeni 9’, Pulisiç 52’, 87’)

Ylli xhamajkan i vë kusht kombëtares: Nuk vij pa vëllanë

Sport Ekspres — Sun, 14 Oct 2018 18:02:55 +0000

Leon Beili, sulmuesi i talentuar i Leverkuzenit lajmëroi javën e kaluar se do bënte paqe me federatën e futbollit të Xhamajkës, pas vitesh “konflikt” midis babait e njëkohësisht agjentit të tij dhe zyrtarëve të federatës.

Kur u mendua se gjithçka do të kishte një fund të lumtur nuk ka rezultuar kështu. 21-vjeçari ka ndryshuar sërish mendje pas një takimi me krerët e federatës: “Ata nuk e mbajtën fjalën, kështu që po largohem”, tha Beili në një prononcim për mediet vendase.

Arsyeja e prishjes së marrëveshje ishte lënia jashtë listës së kombëtares të vëllai te tij të adoptuar Kajl Batlër. Vëllai i Beilit luan në kategorinë e dytë austriake dhe nuk cilësohet në nivelin e duhur për kombëtaren nga ana e federatës, por për Beilin prezenca e tij në kombëtare është një kusht i panegociueshëm.

Beili me të vëllanë Kajl

Ndërkohë, një tjetër skenar mund të bëhet realitet. Beili, ka një pasaportë belge dhe pas dy vitesh ai mund të marrë lejekalimin nga FIFA për të luajtur me Belgjikën, një opsion ky që e josh shumë futbollistin e Leverkuzenit.