xamax

VIDEO | Përmbysje historike në Zvicër, Ksamaks kryen me sukses misionin e pamundur

Sport Ekspres — Sun, 02 Jun 2019 17:39:35 +0000

Takim i dytë i ndeshjes “Play Out” të Superligës Zvicerane ka dhuruar një nga përmbysjet më të bujshme të historisë së futbollit. Ksamaks vinte në këtë transfertë pas një humbje 4-0 ndaj Araut, për habinë e të gjithëve ekipi vizitor shtangu të zotët e shtëpisë në stadiumin e tyre duke mos i lejuar të drejtën e ngjitjes në Superligën Zvicerane.

Minutat e para të takimit u karakterizuan me tension të lartë. Plot pesë kartonë të verdhë u përdorën në më pak se 20 minuta. Më pas fillon përmbysja e radhës me Ksamaks që shënon tri gola para mbylljes së fraksionit të parë.

Një gol tjetër vjen në pjesën e dytë dhe ndeshje kalon në kohën shtesë, ku rrjetat mbeten të paprekura. Skuadrat i drejtohen goditjeve të 11-metërshave, ku lojtarët e Ksamaks nuk gabojnë në asnjë prej penalltive të tyre, ndëra Arau “djeg” biletën për në Superligë për shkak të një penalltie të humbur.

The winning penalty from Serey Die…#AARXAM pic.twitter.com/FssXCThSAt

— Craig King – ?????????????EN (@FootballSwissEN) June 2, 2019

?? On reste en Raiffeisen Super League !!!
Tous sur l’Esplanade du stade de la Maladière pour fêter le maintien et le retour de l’équipe : food-truck, musique et animations vous attendent ! ??#OnNaRienLâché #OnPeutFêter #Neuchmontada #Xamaxada pic.twitter.com/gsv566YtJ0

— Neuchâtel Xamax (@XamaxFCS) June 2, 2019

“Dritë në fund të tunelit”, Fejzullahu rigjen formacionin në Zvicër

Sport Ekspres — Tue, 12 Feb 2019 17:25:54 +0000

Arbnor Fejzullahu siguroi një kontratë 1-vjeçare me ekipin Nëshatel Ksamaks, klubi ky i sapongjitur në Superligën zvicerane. Ish-mbrojtësi i Partizanit iu dha një mundësi për të treguar veten në një ndeshje miqësore ndaj Sportingut të Lisbonës, ku paraqitja e mirë u shpërblye me një kontratë.

Eksperienca e parë në një kampionat perëndimor nuk shkoi ashtu siç Fejzullahu e kishte menduar. Në gjashtë muajt e parë në Zvicër, 25-vjeçari u aktivizua vetëm tri herë në kampionat, ku në vetëm një rast nga minuta e parë.

Megjithatë, 2019-ta duket se do të jetë një vit shumë më i mbarë për futbollistin nga Presheva. Në dy ndeshjet e para pas pushimit dimëror, Fejzullahi ka rigjetur një vend në formacion, duke u aktivizuar si titullar në humbjen 2 – 1 përballje kampionëve në fuqi të Jang Bojs dhe në fitoren në fundjavë kundër Luzernës.

VIDEO | Lenjani dhe Ademi gjejnë golin, minuta ka dhe për Kukelin

Sport Ekspres — Sun, 10 Feb 2019 19:11:43 +0000

Shqiptarët që luajnë në Zvicër janë të shumtë dhe thuajse në çdo javë, nuk mungojnë të bëjnë rolin e protagonistit. Këtë javë, Lenjani ka arritur të gjejë rrugën e rrjetës, duke konfirmuar momentin e mirë që po kalon.

Mëngjarashi kuqezi ishte në vendin e duhur dhe në kohën e duhur për të shtyrë topin drejt rrjetës, barazuar rezultatin. Ky gol i Lenjanit në minutën e 25’ ishte shumë i rëndësishëm për Sionin. Minuta në këtë sfidë pati edhe për shqiptarin tjetër, Blerim Kukeli, që ka lënë pas problemet fizike dhe është rikthyer në fushat e blerta. Mesfushori kuqezi zëvendësoi Aleks Song në minutën e 72’.

Rrugën e rrjetës e ka gjetur edhe Kemal Ademi. Sulmuesi i dha avantazhin skuadrës së Ksamaksit në minutën e 25’, duke i hapur udhë suksesit së skuadrës së tij. Fejzullahu dhe Xhemaili luajtën po ashtu titullarë.