Wolfsburg

E kryer | Në hapat e Sanços, talenti anglez transferohet në Bundesligë

Sport Ekspres — Wed, 24 Jul 2019 17:16:49 +0000

Siç e kemi parë edhe në miqësoret e fundit Arsenali ka një brez të ri mjaft të mirë. Emil Smith-Roui është një prej lojtarëve, ku varen shpresat e një të ardhmje të ndritur për klubin londinez.

18-vjeçari tregoi një formë shumë të mirë në gjysmën e parë të sezonit me “Topçinjtë” në Europa League dhe në kupë. Gjysmën e dytë e kaloi te Lajpcigu në Gjermani, ku tregoi të njëjtat cilësi si në Londër.

Rritja e vazhdueshme e mesfushorit shtyn Arsenalin ta huazojë përsëri, në mënyrë që të mos i heqë mundësinë e të luajturit rregullisht. Siç raportohet nga mediet angleze, Volsburgu është skuadra që i dëshiron më së shumti shërbimet e tij.

Sezon fantastik për Rexhbeçajn, te Volfsburgu askush si ai

Sport Ekspres — Wed, 05 Jun 2019 14:56:50 +0000

Mesfushori shqiptar Elvis Rexhbeçaj mbylli një sezon të shkëlqyer me skuadrën e Volfsburg. Mesfushori 21-vjeçar u aktivizua në 24 takime në Bundesligë, duke u bërë një nga lojtarët me më shumë minuta në grupmoshën e tij në Gjermani.

Sezoni i mirë i mëngjarashit ka shkaktuar që vlera e tij në sajtin e njohur “transfermarkt” të pësojë një rritje prej 129%. Nga 3.5 milionë euro vlera e Rexhbeçajt ka shkuar në 8 milionë euro. Asnjë prej lojtarëve të Volfsburg nuk ka pësuar një rritje kaq të madhe.

Djaloshi nga Prizreni është ende i pavendosur për zgjedhjen në arenën ndërkombëtare. Kontaktet nga përfaqësueses të Federatave të Shqipërisë dhe Kosovës nuk kanë munguar, por 21-vjeçari e ka shprehur hapur se për momentin po pret për një ftesë nga kombëtarja gjermane.

https://www.youtube.com/watch?v=ifBU2Vn1ydo

VIDEO | Çfarë diagonale e hidhur, Rexhbecaj e mbyll sezonin me gol

Sport Ekspres — Sat, 18 May 2019 18:37:10 +0000

Volfsburgu “shkërmoqi” 8-1 Augsburgun në shtëpi. “Ujqërit” e mbyllën kampionatin në vendin e gjashtë me 55 pikë dhe sezonin e ardhshëm do të luajën në Ligën e Europës.

Autor i njërit prej golave ishte edhe Elvis Rexhbecaj. Mesfushori 21-vjeçar e nisi sfidën si titullar dhe gjeti rrugën e rrjetës në minutën e 60-të. Një gol shumë i bukur nga ana e lojtarit të talentuar.

Rexhbecaj rinovoi kontratën me Volfsburgun deri në verën e vitit 2023 para një jave, ndërsa ky ishte gol i dytë në kampionat për të në sezonin që sapo u mbyll. Djali nga Prizreni nuk ka zgjedhur akoma se cilën kombëtare do të përfaqësojë, pasi shpreson ende në një ftesë nga Gjermania.

VIDEO | Hofenhajmi ndalet në momentin e gabuar, “poker” i Volfsburgut

Sport Ekspres — Sun, 28 Apr 2019 15:21:51 +0000

Hofenhajmi nuk përfitoi nga ndalesa e Ajntrahtit të Frankfurtit për t’iu afruar zonës Champions. Djemtë e Nagelsman u befasuan në shtëpi nga Volfsburgu. 1-4 fituan me përmbysje “ujqërit”, të cilët afrohen me zonën europiane.

Hungarezi Salai kaloi vendasit në avantazh në minutën e nëntë. Hofenhajmi nuk u ndal dhe fitoi një penallti 6 minuta më vonë. Kroati Kramariç goditi shtyllën dhe humbi mundësinë për të mbyllur ndeshjen.

Volfsburgu u “ringjall” dhe arriti të barazonte ndeshjen në fundin e pjesës së parë. Miqtë shënuan edhe tre herë të tjera në 20 minutat e fundit të pjesës së dytë.

Goli i dytë i shënuar nga Vergost u ndihmua edhe nga një gafë e portierit vendas, ndërsa Volfsburgu siguroi një fitore me vlera kundër një prej ekipeve më në formë të Bundesligës.

Hofenhajmi rikthehet te humbja pas 6 rezultateve pozitive dhe renditet në vendin e shtatë me 50 pikë.

Hofenhajm-Volfsburg 1-4
(Salai 9’ / Uilliam 41’, Vergost 69’, 88’, Arnold 85’)

VIDEO | Një shqiptar hesht Gelsenkirshenin, Rexhbecaj shënon të parin me Volsburgun

Sport Ekspres — Sun, 20 Jan 2019 17:35:14 +0000

Shalke dhe Volsburgu po luajnë ndeshjen e fundit për javën e 18-të të Bundesligës, teksa momentalisht sfida është në shifrat 1-1. Për vendasit nga Gelsenkirshen shënoi Daniel Kaliguri, i cili u tregua i saktë nga pika e bardhë, ndërsa barazimin e miqve e firmosi një shqiptar.

Bëhet fjalë, pikërisht për Elvis Rexhbecajn. Mesfushori nga Prizreni shënoi golin e tij të parë me fanellën e ekipit të Volsburgut, teksa prej javësh është shndërruar në një titullar fiks dhe një lojtar kyç për skuadrën e tij.

21-vjeçari ndoqi mjaft mirë aksionin e shokëve të skuadrës, ku fillimisht topi i goditur nga Mehmedi u ndal në shtyllë dhe ishte Rexhbecaj, i cili e shtyu drejt rrjetës, duke baraspeshuar shifrat. Vlen për t’u përmendur që djaloshi nga Prizreni nuk ka luajtur për asnjë kombëtare moshash, teksa mundësitë janë tre: Shqipëria, Kosova dhe Gjermania.

E kryer/ Volfsburg “operacion” 20 milionë euro për talentin e Lionit

Sport Ekspres — Wed, 29 Aug 2018 18:32:18 +0000

Vitet e fundit kanë qenë shumë të turbullta për skuadrën e Volfsburgut. Shitja e lojtarëve cilësorë si Kevin De Brujn dhe Bas Dost ka lënë një boshllëk të madh te “ujqërit”. Në dy sezonet e fundit klubi ka rrezikuar rënien në Bundesligën e dytë, por kompania gjigante “Wolkswagen”, që ka në pronësi klubin ka ndërmend të rrisë investimet.

Blerja më e fundit e gjermanëve është talenti i skuadrës së Lionit, Maksuell Kornet. Sulmuesi 21-vjeçar, i cili aktivizohet me ekipin francez që prej moshën 17-vjeçare do të jetë përforcimi më i ri i Volfsburgut.

Sipas medies gjermane “Kicker”, negociatat për lojtarin kanë përfunduar dhe tani priten vetëm analizat mjekësore për të zyrtarizuar çdo gjë. Shuma që Lioni do të arkëtojë për Kornet është 20 milionë euro, si dhe në marrëveshje janë të përfshira dhe disa bonuse në varësi të paraqitjeve të lojtarit.

Shiriti “LGBT”, talenti i Volfsburgut i del kundër klubit

Sport Ekspres — Sun, 26 Aug 2018 20:19:50 +0000

Klubi i Volfsburgut vendosi që shiriti i kapitenit për këtë sezon të Bundesligës të ngjyroset me ngjyrat e ylberit, një lëvizje kjo që shërben për të shfaqur mbështetjen e klubit ndaj komunitetit “LGBT”. Por, ky vendim nuk ka kaluar pa polemika.

I pari që ka dalë kundër këtij vendimi të klubit ka qenë talenti kroat, Josip Brekalo. Në një prononcim për çështjen, 21-vjeçari tha: “Jam rritur në një familje ku më janë edukuar vlerat e besimit kristian dhe ai shirit përfaqëson vlera të cilat besimi im nuk i lejon. Çdo kush ka të drejtë të bëjë zgjedhjet e tij, por nuk është nevoja të përdorin simbole speciale për këto gjëra”, tha sulmuesi.

Kapiteni i Volfsburgut, Guilavogi duke mbajtur shiritin “LGBT”

Kriza e Volfsburgut, trajneri zgjat 4 ndeshje

Sport Ekspres — Mon, 18 Sep 2017 13:04:23 +0000

Andris Jonker nuk është më trajner i Volfsburgut, pasi është pushuar nga puna, së bashku me gjithë stafin e tij. Vetëm 4 ndeshje kohë i dha Volfsburgu në sezonin e ri, që shpjegon me një komunikatë për mediat: “Nuk ishte një vendim i lehtë, por pas konsultimeve të brendshme, arritëm në përfundimit se duhet të rinisim gjithçka nga e para”.

Jonker, 54 vjeç, e mori drejtimin e Volfsburgut në shkurt, ndërsa më parë kishte drejtuar akademinë e Arsenalit. Jonker ia doli të evitonte rënien nga Bundesliga pas ndeshjeve shtesë, por sezoni i ri ka nisur po aq keq, me vetëm një fitore në 4 ndeshje dhe një lojë që nuk ishte përmirësuar nga sezoni i shkuar, pavarësisht ndryshimeve të mëdha në verë.

Vendin e Jonkerit e merr Martin Shmidt, me zviceranin që ka firmosur deri në qershor 2019 dhe pas sukseseve me Maincin, klub të cilin e çoi për herë të parë në histori në Europa League, tashmë synimi është ringritja e Volfsburgut.