wladimir klitschko

Rikthim në ring? Wladimir Klitschko zbulon planet e së ardhmes

Sport Ekspres — Mon, 01 Jul 2019 16:55:56 +0000

Wladimir Klitschko ishte shumë pranë rikthimit në sportin e boksit pasi kompania mediatike “DAZN” i ofroi një çek me vlerë 50 milionë dollarë për t’u rikthyer në sportin ku së bashku me vëllain e tij Vitali dominuan për më shumë se një dekadë.

Në një intervistë për medien britanike “The Sun”, 43-vjeçari tregoi se nuk ka ndërmend të kthehet në boksin profesionist, pasi tani e ardhmja e tij është e fokusuar në rolin si promotor.

“Ndihem në paqe pas vendimit për t’i dhënë fund karrierës. Në karrierën time mësimet më të rëndësishme i kam marrë duke humbur. Asnjë fitore nuk më ka mësuar aq shumë se në ato pak raste kur kam humbur. Gjithmonë mendoja se humbja ishte një dështim total, por pas duelit kundër Joshuas kuptova se në boks ka dhe humbje dinjitoze. Tani jam i fokusuar në karrierën time të dytë si promotor me kompaninë time K2, betejat e mija vazhdojnë, por tani jo më në ring”, tha Klitschko.

VIDEO | Zjarr në jaht, momente tmerri për boksierin e famshëm

Sport Ekspres — Tue, 25 Jun 2019 11:07:00 +0000

Vladimir Kliçko dhe familja e tij kanë përjetuar momente tmerri. Boksieri i njohur ukrainas ka qenë duke shijuar pushimet në jahtin e tij në Majorka, kur një zjarr ka rënë në dhomën e motorit.

Menjëherë janë lajmëruar rojet bregdetarë, të cilët kanë normalizuar situatën shumë shpejt. Për fat të mirë nuk ka patur asnjë person të lënduar.

43-vjeçari ka postuar një video të jahtit të tij, ndërsa shkruan: “Bëni kujdes me dëshirat tuaja. Fati e teproi me dëshirën time për pak adrenalinë. Asnjë problem, jemi të gjithë mirë”.

Kliçko nuk bokson prej prillit të vitit 2017, kur u mposht nga Antoni Xhoshua. Boksieri ukrainas numëron 64 fitore dhe 5 humbje në karrierën e tij, nga të cilat 53 me KO. Një ofertë tunduese prej 76 milionë eurosh mund të rikthejë në ring për një ndeshje të fundit.

Be careful what you wish for: fate took my wish for “some #adrenalin” a bit too literally and our boat-trip Sunday night ended up in our boat #igniting and family & friends being evacuated by coast guard and fire rescue-team. No worries: we are all fine! #theroofisonfire #song? pic.twitter.com/sGN7xfG5JM

— Klitschko (@Klitschko) June 25, 2019

Wladimir Klitschko pranë rikthimit, Vitali zbulon shumën që kërkon i vëllai

Sport Ekspres — Fri, 12 Apr 2019 18:26:27 +0000

Grupi mediatik “DAZN” po bën çmos që të rikthejë në ring boksierin legjendar Wladimir Klitschko. Oferta e parë prej 40 milionë dollarësh u refuzua, ndërsa të njëjtin fat pati dhe oferta e dytë prej 80 milionë dollarësh.

Në pamje të parë, duket sikur 43-vjeçari nuk ka ndërmend të rikthehet në ring, por vëllai i tij Vitali, ka zbuluar së fundmi shumën që s’mund t’i thuhet jo.

“Kur pashë lajmet se i kishin ofruar 40 milionë dollarë, e mora në telefon dhe ai më tha që nuk ishte i interesuar. Folëm përsëri kur i ofruan 80 milionë dollarë dhe më tha se prapë nuk kishte ndryshuar mendje, por një ofertë prej 100 milionë dollarësh do ta tundonte”.

“Vendimi im është i tij. Paratë janë të rëndësishme në jetë, por vëllait tim nuk i duhet, pasi tani është në një gjendje të mirë. Ka fituar shumë para si boksier dhe ka ditur si t’i shpenzojë. Ai nuk asgjë për të provuar si boksier. Çfarë mund të them unë është se në jetë gjëja më e rëndësishme nuk është paraja, por shëndeti. Gjithsesi unë do mbështes çdo vendim që ai do të marrë”.

Klitschko rikthehet në ring, 80 milionë dollarë bindin 43-vjeçarin

Sport Ekspres — Mon, 01 Apr 2019 16:38:15 +0000

Wladimir Klitschko do të rikthehet në ring pas një mungesë 2-vjeçare. Boksieri ukrainas njoftoi dorëheqjen nga sporti pas humbjes ndaj Anthony Joshua-s, por 43-vjeçari ka marrë një ofertë që nuk mund t’i thuhej jo.

Grupi mediatik “DAZN”, i ka garantuar ukrainasit 80 milionë dollarë në këmbim të tre dueleve. Sipas medieve ukrainase, Klitschko do të ndeshet me datë 26 maj në Kiev, ndaj një kundërshtari të nivelit mesatar.

Ky duel do të shërbejë si “nxehje” për dy duelet e mëpasshme që pritet të jenë kundër njërit prej Tyson Fury, Deontay Wilder dhe Anthony Joshua.

Wladimir Klitschko reportedly set to end retirement May 26th in Kiev https://t.co/Aum9lWUirL pic.twitter.com/AFLMIYSRrC

— Bad Left Hook (@badlefthook) April 1, 2019

80 milionë dollarë për të dalë nga “pensioni”, Wladimir Klitschko në dilemë

Sport Ekspres — Wed, 20 Mar 2019 20:39:46 +0000

Legjenda e sportit të boksit Wladimir Klitschko ka dhënë dorëheqjen nga sporti prej më shumë se thuajse se dy vitesh. Megjithatë 42-vjeçari mund të rikthehet shumë shpejt në ring.

Sipas medies ruse “Sportarena”, grupi mediatik “DAZN” i ka ofruar ukrainasit një ofertë të dytë, pas refuzimi të çekut prej 40 milionë dollarësh. Kësaj radhe shuma është dyfishuar, 80 milionë dollarë në këmbim të tre dueleve.

Sipas asaj që përflitet në mediet britanike, bëhet fjalë për tre duele me boksierë anglezë. Dueli i parë është planifikuar që të ndodhë në Gjermani kundër Dillian Whyte, ndërsa më pas do të jenë sfidat ndaj Anthony Joshua dhe Tyson Fury.

Legjenda Klitschko pranë rikthimit, gati duelet me Tyson Fury dhe Anthony Joshua

Sport Ekspres — Wed, 06 Mar 2019 08:33:39 +0000

Ish-Kampioni i botës Vladimir Klitschko mund të rikthehet në sportin e boksit. Ukrainasi shpalli dorëheqjen pas humbjes me nokaut ndaj Anthony Joshua-s në vitin 2017. Arsyeja që 42-vjeçari ka të bëjë me një oferta shumë tunduese.

Kompania gjermane “DAZN” po investon së fundmi shuma të çmendura në sportin e boksit. Pak muaj më parë ky grup mediatik lidhi një marrëveshje bashkëpunimi me boksierin meksikan Saul “Canelo” Alvarez me një vlerë të pabesueshme prej 350 milionë dollarësh.

Oferta për Klitschko-n është 10 milionë dollarë në këmbim të tre dueleve. Si fillim një ndeshje ndaj anglezit Dillian Whyte dhe më pas duele me Tyson Fury dhe Anthony Joshua, dy boksierë këta që e kanë mundur legjendën ukrainase.