william saliba

Goditja e radhës, një “gjigant” francez i bashkohet Arsenalit

Sport Ekspres — Thu, 25 Jul 2019 16:14:04 +0000

Arsenali ia ka dalë të fitojë duelin e merkatos me “fqinjët” e Totenhem duke siguruar firmën e talentit francez Uilliam Saliba. Blerja e futbollistit 18-vjeçar nga Sent-Etien është zyrtarizuar nga klubi londinez nëpërmjet rrjeteve sociale.

William will spend a season back on loan at @ASSEofficiel before joining our squad next summer.

?? #SalibaSigns

— Arsenal (@Arsenal) July 25, 2019

Kartoni i Saliba ka kushtuar 27 milionë paundë. Krahas shumës marramendëse Sent-Etien përfiton shërbimet e lojtarit në formë huazimi për sezonin e ardhshëm. Saliba debutoi në moshën 17-vjeccare me ekipin francez dhe iu deshën vetëm pak muaj që të tërhiqte vëmendjen e klubeve më të mëdha të Europës.

Francezi ka një gjatësi prej 193 centimetrash dhe luan më së shumti si qendërmbrojtës, por te Sent-Etien është aktivizuar në disa raste si mbrojtës i djathtë.

Arsenal fiton derbin e merkatos, “rrëmben” dy objektivat e Totenhemit

Sport Ekspres — Wed, 17 Jul 2019 14:23:46 +0000

Arsenal-Totenhem është një ndër derbet më të zjarrta të Londrës. Tifozeritë urrehen me njëra-tjetrën dhe rivaliteti në fushën e blertë është i madh. Sezoni i ri nuk ka nisur ende, por dueli në merkato midis këtyre dy klubeve është shumë i fortë.

Dy janë objektivat e përbashkët dhe në të dy rastet po triumfon Arsenali. Të paktën për momentin. Dani Sebajos është i preferuari i madh. Arsenali e kërkon në huazim, ndërsa Spurs janë gati t’i blejnë kartonin.

SEVILLE, SPAIN – JANUARY 13: Dani Ceballos of Real Madrid CF in action during the La Liga match between Real Betis Balompie and Real Madrid CF at Estadio Benito Villamarin on January 13, 2019 in Seville, Spain. (Photo by Aitor Alcalde/Getty Images)

Real Madrid preferonte versionin e dytë deri para pak ditësh, por paraqitjet pozitive të mesfushorit ofensiv në Europianin U21 kanë stopuar spanjollët. 22-vjeçari ka potencial dhe mund të shërbejë për të ardhmen.

Sebajos preferon Arsenalin për dy arsye. E para ka të bëjë me faktin që Unai Emeri i premton një vend titullari, ndërsa te Totenhemi do luftojë fort për ta fituar. E dyta ka të bëjë me dëshirën e madhe. Një sezon pozitiv me “topçinjtë” e rikthen në Madrid. Sebajos beson fort se do vijë momenti kur do të rikthehet titullar i Realit.

Sky Sport News raporton se akordi final është drejt konkretizimit. Ka mbetur për t’u dhënë vetëm miratimi i Zinedin Zidan që Sebajos të transferohet tek Arsenali. Aty ku mund të mbërrijë edhe Uilliam Saliba.

I lindur në Francë dhe me origjinë nga Kameruni, vetëm 18 vjeç, aktivizohet si qendërmbrojtës dhe sezonin e kaluar është aktivizuar në 19 ndeshje me St Etienin. Saliba ishte pranë kalimit te Totenhemi, por oferta prej 27 milionë sterlinash e Arsenalit ka bindur lojtarin dhe klubin francez.

Sërish diferencën po e bën dëshira e lojtarit. Si Sebajos dhe Saliba preferojnë kalimin tek ekipi i Unai Emeri përpara transferimit te finalistët e Champions Ligës.

Totenhemi çmend Arsenalin, talenti francez ndërron destinacion

Sport Ekspres — Fri, 12 Jul 2019 13:24:18 +0000

Qendërmbrojtësit francez Uilliam Saliba i ka mjaftuar vetëm një gjysmë sezoni si profesionist për të tërhequr vëmendjen e klubeve më elitare të Europës. Lojtari i Sent-Etien është vetëm 18 vjeç dhe mbylli sezonin e kaluar duke marrë vlerësime për paraqitjet në qendër të mbrojtjes.

Klubi më i interesuar për 18-vjeçarin ishte Arsenali. Përfaqësuesit e “topçinve” negociuan për javë të tëra me skuadrën franceze, por këto biseda kanë rezultuar të kota, pasi së fundmi një ofertë e Totenhemit ndryshoi gjithçka.

Skuadra londineze ka ofruar 30 milionë euro në një këst të vetëm. Sipas medies franceze “RMC”, kjo ofertë është pranuar menjëherë nga Sent-Etien dhe ditën e nesërme do të nënshkruhet kontrata e transferimit.

Saliba u aktivizua në 16 ndeshje të kampionatit francez, ku më së shumti luajti në qendër të mbrojtjes. Sezoni që lamë pas ka qenë fantastik për futbollistin shtatlartë, i cili nga një i panjohur u kthye në një lojtar stabël të skuadrës së Sent-Etien dhe të grupmoshave të Francës, ku nuk ishte ftuar asnjëherë më parë të shkuarën.

Ndizet Arsenal, arrin marrëveshjen me zbulimin e Ligue 1

Sport Ekspres — Mon, 08 Jul 2019 18:40:56 +0000

Arsenal ka arritur marrëveshjen me Sant Etien për të transferuar Uilliam Saliban. Francezi kërkohej me ngulm nga Unai Emeri dhe sot vjen lajmi se është arritur akordi me klubin francez. Saliba është vetëm 18 vjeç dhe luan si qendërmbrojtës.

I riu do të zbarkojë në “Emirates Stadium” në këmbim të 30 milionë eurove që do shkojnë në arkat e Sant Etien. Saliba ka shfaqur aftësi të jashtëzakonshme dhe Arsenal është kapërcimi i madh në karrierë.

Ai ka ardhur në një klub ku nuk kanë aspak frikë të aktivizojnë talente të rinj. Emeri pritet ta integrojë në ekipin e parë dhe në varësi të paraqitjeve të tij edhe ta bëjë pjesë të pandashme e formacionit kryesor. Në ditët në vijim pritet zyrtarizimi i kësaj marrëveshje.

Nga kategoria e pestë në Emirates, Arsenali shpenzon një mal me para për “të panjohurin”

Sport Ekspres — Thu, 20 Jun 2019 09:50:56 +0000

Arsenali duket se do të finalizojë blerjen e parë të kësaj merkatoje, me “Topçinjtë” që do të shpenzojnë plot 30 milionë euro për Uilliam Saliba.

Ndoshta shumica prej jush nuk e kanë dëgjuar kurrë këtë emër. Saliba është mbrojtës i ekipit të Sant-Etien dhe deri në dhjetorin e shkuar luante në kategorinë e katërt franceze. Pjesa e dytë e sezonit që lamë pas ishte edhe koha kur Saliba shpërtheu.

18-vjeçari ka luajtur 16 sfida me Sant-Etienin, duke u kthyer në një lider në mbrojtje dhe tashmë sipas gjasave do të firmosë me gjigantët anglezë për 30 milionë euro. Saliba ka debutuar sezonin e shkuar me ekipin e dytë të Sant-Etien në kategorinë e pestë, kohë kur ishte vetëm 17 vjeç.

Gjithsesi, vetëm një vit nga debutimi i tij në kategorinë e pestë franceze, Saliba do të firmosë me Arsenalin. Me punë dhe besim, duket se gjithçka është e mundur…

Arsenali nuk e harron “vesin” e Venger, gati goditja e radhës

Sport Ekspres — Mon, 17 Jun 2019 15:25:44 +0000

Arsenali ka qenë ekipi i parë anglezi që fillojë të transferojë masivisht lojtarë nga kampionati francez. Gjithçka filloi me Arsenal Venger, i cili kur u vu në krye të “topçinjve” afroi në ekip Tieri Henri, Nikolas Anelka dhe Silven Uiltord.

Për më shumë se dy dekada Arsenali vazhdoi të jetë ekipi i preferuar i francezëve në Angli. Edhe pse Venger është larguar, kjo strategji vazhdon të jetë pjesë e filozofisë së klubit londinez.

Francezi më i fundit që do t’i bashkohet “topçinjve” është mbrojtësi i Sent Etien Uilliam Saliba. Futbollisti 18-vjeçar ka rënë dakord për të vazhduar karrierën në Angli ku e pret një kontratë 5-vjeçare. Sent-Etien ende nuk ka dhënë “Ok” për lëvizjen, por mediet franceze janë të sigurt se akordi është vetëm çështje ditësh.