Wijnaldum

45 minuta për t’u bërë hero, Uijnaldum: Isha i tërbuar me Klop!

Sport Ekspres — Tue, 07 May 2019 21:33:52 +0000

Një natë e çmendur në Liverpul, me aktorë dy emra që nuk ia merrte mendja askujt: Divok Origi shënoi 2 gola, dy të tjerë i shënoi Xheorxhinjo Uijnaldum. I pari nuk luan thuajse kurrë, i dyti e nisi nga stoli dhe u fut në pushim, sepse u dëmtua Robertson.

Pas ndeshjes Origi foli për BT Sport: “Nuk ka shumë rëndësi që shënova dy gola, sepse rëndësi ka kualifikimi. Nuk vlente asgjë, nëse shënoja gola dhe eliminoheshim. Bëmë diçka fantastike, e dinim që do ishte një natë speciale. Donim të luftonim, edhe për Firmino e Salah, Luftuam deri në fund”.

Ndërkaq, Uijnaldum u bë hero për 45 minuta: “E pabesueshme. Pas ndeshjes në Spanjë u bindëm që mund t’ia dilnim. Njerëzit nga jashtë dyshonin te ne, mendonin se nuk do ia dilnim dot, por treguam edhe një herë se në futboll nuk ka asgjë të pamundur.

“Isha vërtet i zemëruar me trajnerin, sepse më la në stol. U futa, u përpoqa të ndihmoj ekipin, jam i lumtur që e bëra”.

VIDEO: Futbolli kthehet në shtëpi, Liverpuli përsërit Stambollin 2005!

Sport Ekspres — Tue, 07 May 2019 20:57:16 +0000

Çmenduri, një natë magjike në “Anfield Road”. Liverpuli mundi Barcelonën 4-0 dhe arriti të përmbysë atë humbje 3-0 në ndeshjen e parë në “Camp Nou”, duke rikthyer shumë kujtime të bukura në kampin e të kuqve. Të besuarit e Jurgen Klop, falë dopietave të Origit dhe Vijnaldum, janë finalistët e parë për këtë edicion të Champions League, finalja e dytë radhazi për ta.

Ndeshja nisi shumë mirë për Liverpulin, që shënoi në minutë e 7’ me anë të sulmuesit belg, Origi, i cili nga një distancë e afërt dhe me portën thuajse të boshatisur, nuk e ka aspak të vështirë të shënojë. Pjesa e parë u mbyll vetëm me këtë gol, ndërsa në të dytën, shijuam një spektakël të vërtetë.

Klop bën lëvizjet e duhura në formacion dhe aktivizon Vijnaldum, me mesfushorin holandez që shënon dy gola në dy minuta, njëri më i bukur se tjetri. E për t’i vendosur kapakun një nate magjike, mendoi sërish Origi, i cili në minutën e 80’, kompletoi përmbysjen e madhe, duke eliminuar Barcelonën dhe duke çuar Liverpulin e tij në finale.

Liverpul – Barcelona 4-0 (0-3)
Origi 7’ 80′, Vijnaldum 54’ 56’

174 milje për të takuar tifozin special, mesfushori surprizon djaloshin

Sport Ekspres — Tue, 25 Sep 2018 19:37:18 +0000

Zhorzhinio Vijnaldum dhe Liverpuli i tij po bëjnë paraqitje fantastike këtë fillim sezoni. Në Premier Ligë, “The Reds” numërojnë 6 fitore në po kaq ndeshje dhe janë të vetëm në udhëheqje të ligës angleze.

Pikërisht Vinajldum, i cili në sfidën e fundit u zëvendësua për herë të parë këtë sezon në Premier Ligë, ka menduar ti bëjë një surprizë fansit të tij më të madh. Mesfushori holandez ka udhëtuar për plot 174 milje drejt veriut të Anglisë, për të shkuar drejt Njukasëllit, ku dhe jeton fansi i tij.

Djaloshi i ri është shprehur mjaft i emocionuar dhe thotë se çdo gjë që po përjeton i duket një ëndërr. Tifozi special i mesfushorit, është nga Njukasëll dhe menaxhon faqen më të madhe në rrjetet sociale të fansave të Vijnaldum. 27-vjeçari përveç surprizës së takimit me djaloshin, gjithashtu ka menduar dhe ti dhurojë fanellën e Liverpul me emrin e Vijnaldum në shpinë. Një gjest me të vërtetë për tu vlerësuar nga holandezi i Liverpul.