West Ham United

Superofertë, Uest Hemi pranë “bishës” së Frankfurtit!

Sport Ekspres — Sat, 13 Jul 2019 10:52:23 +0000

Uest Hemi është shumë pranë një goditjeje të madhe për sulmin, sepse po mbyll bisedimet me Aintrahtin e Frankfurtit për sulmuesin Sebastien Haller. Francezi, 25 vjeç, është një ndër yjet e Frankfurtit dhe kampionatit gjerman, ku ka mahnitur sezonet e fundit.

Uest Hemi ka ofruar 40 milionë euro, shifër kolosale, por Çekanët duan patjetër sulmues, pas largimit të Marko Arnautoviçit në Kinë, ndërkohë që janë larguar edhe Endi Kerol e Lukas Perez, që do të thotë se në sulm kanë mbetur vetëm Havier Hernandez dhe Xhordan Hagill.

Haller e ka pranuar ofertën e Uest Hemit: kontratë deri në 2024, me 3 milionë euro në vit, plus bonuse. Problemi është se në garë mund të futet fuqishëm edhe Mançester Junajtid, që së shpejti do të shesë Romelu Lukakun dhe Haller do ishte zëvendësuesi perfekt.

Haller është 1.90 i gjatë, por është një sulmues shumë teknik dhe i shpejtë, i cili sezonin e fundit shënoi 15 gola dhe dha 9 asiste në kampionat. Frankfurti e bleu për 7 milionë euro nga Utrehti para 2 vitesh dhe tashmë bëhet gati të arkëtojë një shifër të paktën 6 herë më të lartë, duke treguar se është një klub i organizuar në mënyrë të shkëlqyer, sepse edhe Joviç te Reali ishte një operacion fenomenal.

Një vit luftë, më në fund Arnautoviç ikën në Kinë!

Sport Ekspres — Mon, 08 Jul 2019 10:08:18 +0000

Uest Ham Junajtid ka hequr dorë nga Marko Arnautoviç, i cili ka zgjedhur Kinën për të vazhduar karrierën. Klubi londinez e ka shitur sulmuesin austriak për rreth 23 milionë sterlina, tre milionë më shumë se sa e ka blerë nga Stoke Siti verën e vitit 2017.

“Çekiçët” e kanë zyrtarizuar gjithçka përmes faqes së tyre zyrtare: “Uest Ham Junajtid mund të konfirmojë se Marko Arnautoviç është bashkuar me kampionët e Superligës kineze, Shangai SIGP për një shifër që nuk mund të zbulohet. Austraku 30-vjeçar largohet pas dy sezoneve në Londër, përgjatë të cilëve ka shënuar 22 gola në 65 paraqitje me fanellën e ekipit tonë”.

Arnautoviç e kishte kërkuar prej gati një viti largimin, por Uest Hemi këmbënguli ta mbante. Gjithsesi ata u dorëzuan këtë verë dhe tashmë po tentojnë të afrojnë për sulmin Maksi Gomez, për të cilin Selta Vigo kërkon rreth 45 milionë sterlina.

Marko Arnautovic departs.https://t.co/uX2IhifBBD

— West Ham United (@WestHam) July 8, 2019

VIDEO | Magji e Felipe Anderson, si “dreqin” e bën këtë?!

Sport Ekspres — Fri, 05 Jul 2019 10:50:50 +0000

Felipe Anderson, sulmuesi anësor i Uest Hem Junajtid, i ka mahnitur të gjithë me një gol që ka arritur të shënojë në seancën stërvitore të ditës së djeshme. Klubi anglez ka ndarë pamjet me ndjekësit e vet në tëitter.

Anderson shërbehet në zonë dhe bën një marrje fantastike të topit dhe më pas befason portierin duke e dërguar topin në rrjetë. Një realizim mjaft i bukur i brazilianit të Uest Hemit.

Just @F_Andersoon, making it look easy… ? pic.twitter.com/Fq7Za5aNpQ

— West Ham United (@WestHam) July 4, 2019

VIDEO | “Shut the fuck up”, Arnautoviç nuk përmbahet ndaj tifozit

Sport Ekspres — Sat, 30 Mar 2019 20:16:43 +0000

Uest Hem u mund sot në Londër nga vizitorët e Evertonit. Një pjesë e tifozëve që kishin përmbushur plot stadiumin u irrituan dhe filluan të vërshëllenin lojtarët, një prej të cilëve është dhe austriaku Marko Arnautoviç, i cili u vërshëllye në kor gjatë momentit të zëvendësimit.

Në një moment të fiksuar nga regjia angleze dallohet që Arnautoviç kapet me fjalë me një fans që ndodhet vetëm pak metra larg stoli të Uest Hem.

https://twitter.com/bsiIvva/status/1112067040796385280

Nuk është nevoja që të jesh një ekspert i leximit të buzëve për të kuptuar se çfarë i ka thënë austriaku tifozit: “Shut the fuck up”.

Klop e tepron: Shënuam gol të parregullt, por arbitri na dëmtoi

Sport Ekspres — Tue, 05 Feb 2019 09:31:31 +0000

Jurgen Klop u shfaq i pakënaqur pas ndeshjes me Uest Hemin, pasi skuadra e tij u ndal në barazim. Të kuqtë shënuan të parët me anë të Mane, por anësori i takimit gaboi. Milner, i cili asistoi për sulmuesin senegalez, ishte në pozicion jashtë loje dhe u gabua.

Pavarësisht se Liverpuli i tij kaloi në avantazh me një gol të parregullt, Klop kapet me arbitrin e ndeshjes dhe ka këndvështrimin e tij për atë që ndodhi ndaj londinezëve “Shënuam në pjesën e parë, tani më thonë që goli paska qenë ‘off-side’. Kjo shpjegon paksa pjesën e dytë, sepse mendoj se arbitri u informua në pushimin e ndeshjes”, tha gjermani për “Sky Sports”.

Klop shton më tej: “Më pas pamë situata të çuditshme. Arbitri nuk bëri gabime të mëdha, por e ndalte shpesh ndeshjen dhe ia ulte ritmin. Kjo gjë natyrisht nuk na ndihmoi. Nëse dikush gabon në pjesën e parë, nuk duhet ta zgjerojë hendekun, duke gabuar sërish në pjesën e dytë”.

Duke analizuar ndeshjen, trajneri i Liverpulit pranoi dobësitë e skuadrës së tij. Mungesat ishin disa dhe më së shumti rëndonin ato të Uijndalum dhe Henderson. “Nuk ishte përformanca jonë më e mirë, pasi përballë kishim edhe një kundërshtar të vështirë. Është një barazim i merituar që ne do e marrim tani”, shtoi Klop.

Në fund gjermani tha: “Të shohim kush do jetë gati për fundjavën e ardhshme dhe të vazhdojmë përpara. Bëmë disa ndryshime në formacion gjatë javës dhe kjo nuk ndihmon në ritmin. Kjo i bën gjërat më të vështira. Disa lojtarë nuk ishin në ditën e tyre më të mirë, por kjo ka ndodhur edhe më parë dhe do të ndodhë përsëri edhe në të ardhmen. Do të merremi edhe me këtë pjesë”.

Në Angli nuk harrojnë: Vjen vendimi, Uest Hemi e pëson nga… tifozët!

Sport Ekspres — Tue, 22 Jan 2019 16:07:14 +0000

Sezoni i shkuar ishte i gjithi për t’u harruar për ekipin e Uest Hemit, i cili e mbylli Premier Ligën, duke shpëtuar në javët e fundit nga rënia dhe rrezikoi jo pak. Objektivat e klubit ishin të paktën kupat e Europës, pasi dhe në merkato ishin shumë aktivë.

Kështu, forma e keqe që shfaqën sezonin e kaluar, duket se acaroi tifozët, të cilët në ndeshjen ndaj Bërnlejt, marsin e vitit të kaluar, nuk duruan më dhe hynë në fushë, duke krijuar kaos total mes tyre dhe lojtarëve. Uest Hemi po humbiste 0-3 në momentin që tifozët pushtuan fushën, madje kapiteni Mark Nobëll apo veterani Kollins u përplasën me disa nga fansat.

Federata angleze ka dhënë vendimin për ngjarjet e ndodhura dhe klubi nga Londra është gjobitur me plot 100 mijë sterlina. Këtë sezon, Uest Hem është në kuotën e 31 pikëve momentalisht, në vendin e dhjetë të renditjes.