Megjithatë, nuk përfundojnë këtu ofertat për yllin e kombëtares sonë. Leganes dhe Real Vajadolid gjithashtu do të bëjnë maksimumin për të sjellë Ivanin në gjirin e tyre. Kalojmë në Angli, ku Uest Brom ka treguar interes konkret, duke takuar agjentin e lojtarit.

Anglezët janë përballur me largime në mbrojtje dhe Balliu do të ishte një vlerë e shtuar, duke parë që mbulon të dy krahët. Për momentin ofertat nga La Liga janë më tunduese, me Uest Brom që aktivizohet në Championship.

Është një ndër finalet më të mëdha në histori, pasi bëhet fjalë për një fitim kolosal, më të madh se fitimi i Champions League, përtej lavdisë, ndaj ishte një gjysmëfinale shumë e tendosur.

Vila kishte fituar 1-0 në vajtje, por Krejg Doson shënoi në minutën e 29-të dhe barazoi llogaritë.

Më pas dominim në rritje i Aston Vilës, që në pjesën e dytë bëri gjithçka për fitore. Edhe në shtesa asnjë gol, por vetëm Aston Vila ishte në fushë, ndaj nga pika e bardhë u vendos drejtësia, Vila fitoi 4-3 dhe është në finalen e madhe në Wembley, ndërsa pret fituesin e Lids-Derbi Kaunti.

PENALTY THRILLER | Jed Steer et Tammy Abraham envoient @AVFCOfficial en finale des Play Offs pour la promotion à Wembley ! ??

??????? #WBAAVL 2??-2?? | PEN. 3??-4?? pic.twitter.com/dXtq0RT8jG

— Eleven Sports (FR) (@ElevenBE_fr) May 14, 2019

Uest Brom e luajti mjaft mirë derbin e madh për 75 minuta, duke mbrojtur avantazhin e shpejtë të Duajt Gejl, ndërkohë që Vila dukej një hije e skuadrës së bukur të javëve të fundit.

Megjithatë, një gol i shkëlqyer nga Hurihejn dhe një penallti nga Tami Abraham, ku meritë në të dy rastet kishte talenti Xhek Grilish, i dhanë Aston Vilës një fitore tepër të vuajtur dhe ndoshta të pamerituar.

KTHEHET LIDSI – Në formë tepër zhgënjyese në javët e fundit, Lidsi i Marselo Bielsës duket se është zgjuar në momentin e duhur.

Sot Lids fitoi 1-0 në fushën e Derbi Kauntit, me golin e Rufe në minutën e 55-të, ndërsa Derbi protestoi ashpër më vonë, pasi iu dha dhe iu hoq një penallti, pas diskutimit mes arbitrave.

Javën e ardhshme do të luhen ndeshjet e kthimit, spektakli është i garantuar.

Verdiktet ishin dhënë thuajse të gjitha që javën e shkuar: Noruiçi dhe Shefild Junajtid shkojnë direkt në Premier Ligë, ndërkohë që Noruiçi është shpallur kampion, pas fitores 2-1 sot në fushën e Aston Vilës.

? #ncfc pic.twitter.com/di192RBOfw

— Norwich City FC (@NorwichCityFC) May 5, 2019

Ndërkaq, lajmi i ditës ka qenë kualifikimi për në play-off i Derbi Kauntit, që drejtohet nga Frenki Lampard. Me pak vuajtje, Derbi mundi 3-1 Uest Bromin dhe fitoi duelin në distancë me Midëllsbrou, që mbetet jashtë gare për një vend në Premier Ligë.

Pas pak ditësh do të luhen gjysmëfinalet dhe janë sfida të mrekullueshme: Lidsi i Marcelo Bielsës do të sfidojë Derbin, ndërsa Uest Bromi do të ndeshet me Aston Vilën. Fituesit do të ndeshen në Wembley për një vend në Premier Ligë.

Historikisht në play-off ka pasur shumë surpriza dhe favoritët rrallë kanë triumfuar. Lidsi në këtë moment duket i rrënuar fizikisht, Derbi ka shumë entuaziazëm, Aston Vila ka ekipin dhe mesfushën më të mirë, Uest Bromi ka goxha eksperiencë në ekip.

Këmba e tij mbështetësë rrëshket në momentin e fundit dhe topi nuk lëviz asnjë metër. Skuadra kundërshtare arrin të largojë sferën nga zona e rreptësisë dhe Suonsi shpërdoron një shans të artë. Celina ka qenë një nga lojtarët më të mirë në “Championship” këtë sezon, pasi ka qenë lojtari më i rëndësishëm për Suonsin, por pas gafës së sotme, të gjithë e kanë kritikuar.

Të jesh një futbollist profesionist, e aq më tepër të luash në kampionate prestigjioze si Premier Ligë apo Liga e parë franceze, jo domosdo do të thotë që t’i kesh xhepat plot. Rasti që do t’iu servirim më poshtë është i pazakontë, të paktën për botën e futbollit. Viktor Anikebe akuzon në një postim në “Instagram”, ish-shokun e tij të ekipit që nuk i ka kthyer një borxh prej 10 mijë paundësh.

Ish-lojtari i Evertonit, Uest Bromuiç dhe Sandërlendit, ka bërë një postim në rrjetet sociale, duke i bërë thirrje ish-shokut të tij të skuadrës, Stefan Sesenjo, që t’i kthejë paratë që ky i fundit i ka marrë borxh. Por, nuk mbaron këtu, pasi siç thotë Anikebe, lojtari nga Benini, i detyrohet dhe lojtarit të Sëlltik, Mulumbu.

Nigeriani ka luajtur së bashku me Sesenjon për tre vite tek Uest Bromuiç deri në vitin 2016, ku pjesë e ekipit ishte gjithashtu dhe Jusuf Mulumbu. Duket se marrëdhëniet miqësore mes lojtarëve janë prishur së fundmi, të paktën kështu duket nga postimi i fundit i Anikebes në llogarinë e tij në “Instagram”.

Postimi tashmë është fshirë, por sulmuesi dukej i nervozuar jashtë mase me Sesenjon, pasi ky i fundit ishte zhdukur totalisht, duke mos i dhënë asnjë qindarkë mbrapsht, as atij, as Mulumbut.

“Ky njeri, Stefan Sesenjo më detyrohet 10 mijë sterlina. Unë kam kohë që e ndjek, por ai nuk më përgjigjet as në telefon dhe nuk më kthen mesazh. Më ka mbyllur çdo formë kontakti. Ai gjithashtu i detyrohet 10 mijë të tjera dhe Jusuf Mulumbut, të cilit ende nuk ia ka kthyer. Ky është problemi me vëllezërit tanë afrikanë. Ata pretendojnë të bëjnë një jetë luksoze, ndërkohë kanë borxhe që nuk i kanë kthyer. Në qoftë se ndonjë nga ju e njeh atë, ose ka ndonjë mundësi të kontaktojë me të, ju lutem thojini që të më kthej mbrapsht ato dreq parash. Varfanjak m***!”, ka mbyllur postimin e tij i xhindosur Viktor Anikebe.

Stefan Sesenjo ka pasur një karrierë të pasur me shumë klube, ku është aktivizuar, ku bie në sy PSG e Montpelier në Francë. Lojtari afrikan nga Benini së fundmi aktivizohet me Gençerbirligin në kategorinë e dytë turke.