Gjatë javës së kaluar, sigurisht në një gjende të dehur, Shnajder është arrestuar nga policia pasi ka dëmtuar makinën e një familje. Jo vetëm aq, por mesfushori i njohur ka bërë sh….. sipër saj.

Një prej pronarëve të makinës ka folur për “Algemeen Dagblad”, duke treguar zemërimin e tyre. Futbollisti ka paguar dëmet, por pronarët e makinës së dëmtuar, të cilët duan të mbesim anonim, kanë sqaruar të vërtetën e kësaj ngjarje të pakëndshme.

“Gjysma e lagjes u trondit nga zhurmat e forta. Unë dhe burri im hodhëm sytë nga dritarja për të parë se çfarë po ndodhte. Ne pamë një burrë sipër makinës, por nuk e njohëm. Erdhën shumë policë, madje kishte edhe nga ata me qen. Nuk ishte një arrestim i thjeshtë dhe aspak miqësor.

Makina është 10 vite e vjetër, por ka vlerë të madhe për ne. Mund të jesh futbollist, por kjo nuk të lejon të dëmtosh gjënë e tjetrit. Pastaj, ai bëri sh….. sipër makinës. Më vonë dëgjuam nga Uesli dhe agjenti i tij se nuk ishin ata që e kishin bërë këtë gjë. Diçka e tillë na acaroi jashtë mase.

Është normale të dehesh, por nuk duhet t’i bezdisësh të tjerët. Kaq të vështirë e kishte për të na kërkuar falje dhe të na sillte një buqetë me lule? Kemi 50 vite që jetojmë këtu dhe nuk na ka ndodhur kurrë diçka e tillë. Shpresoj t’i bëhet mësim.”

Shnajder ka shkaktuar një dëm që shkon në rreth 6000 euro dhe sipas “Algemeen Dagblad” ai ia ka paguar shifrën pronarit të makinës, duke u liruar nga policia holandeze. Gjithsesi, tashmë janë publikuar edhe foto të Shnajder mbi mjet.

Kur është ulur ai ka tentuar të puthë edhe një femër, ndërkohë që policia nuk e ka konfirmuar se personi i ndaluar ka qenë Shnajder, por vetëm se është ndaluar një 35-vjeçar (mosha e mesfushorit)  për shkatërrimin e një makine.

Golat e bukur të shënuar në karrierën e tij, Shnajder i ka të shumtë, por ato më të veçantit janë shënuar padyshim me fanellën e Gallatasarajit. 18 tetorin e vitit 2014, Shnajder u shndërrua në një legjendë të ekipit turk.

Holandezi shënoi dy gola brenda 3 minutave në derbin ndaj Fenerbaçes, duke i mrekulluar të gjithë tifozët e pranishëm. Dy silura, njëra më e mahnitshme se tjetra, janë padyshim kartolina më e bukur për 35-vjetorin e tij…

Megjithatë futbollisti holandez theksoi se akoma nuk është marrë vendimi për divorc dhe partnerët mund të gjejnë sërish gjuhën e përbashkët për hir të djalit të tyre të mitur.

Mesfushori fantazist ka luajtur më të dyja ekipet, ndërsa mendon se holandezët kanë shanse për t’u kualifikuar. Shnajder nuk është i befasuar nga vështirësitë që po has ekipi madrilien, ndërsa tregon dhe shkakun e kësaj forme të dobët.

CHAMPIONS – “Unë mendoj se për Ajaksin është momenti më i mirë për t’u përballur me Realin e Madridit, që nuk i shoh aq të fortë sa vitet e fundit. Ajaksi ka një skuadër shumë të re, por ka shumë kualitet dhe luan shumë mirë, sidomos në shtëpi. Do të jetë një përballje shumë e komplikuar për Realin, që sigurisht mbetet favorit, edhe pse shumë do të varet nga rezultati i ndeshjes së parë në Amsterdam. Ajaksi ka shanset e tij për t’u kualifikuar, tifozët e Realit nuk e ndjekin futbollin holandez dhe nuk i njohin mirë kundërshtarët, të cilët kanë lojtarë si De Ligt dhe De Jong, lojtarë me kualitet dhe me të ardhme.”

CR7 – “E dija se Reali ishte shumë i varur nga Kristiano Ronaldo, i cili bënte gjithmonë diferencën, prandaj nuk jam surprizuar nga vështirësitë që po has ekipi. Portugezi e merrte Realin përdore në momentet e vështira. Nëse ai do të ishte akoma pjesë e ‘Los Blancos’, Ajaksi do të kishte shumë më pak shanse për t’u kualifikuar.”