Braziliani luan prej katër sezonesh te skuadra e “aspirinave”, ku ka qenë një titullar i padiskuteshëm. 25-vjeçari shihet si lojtari ideal për të zëvendësuar Leivin Kurzauan, i cili prej disa muajsh ka humbur vendin e titullarit te parisienët, si dhe nuk grumbullohet më as në kombëtaren e Francës.

Kartoni i Uendell vlerësohet 40 milionë euro nga drejtuesit e Leverkuzenit, por sipas medies franceze “RMC”, transferimi i brazilianit do të kryhet për jo më shumë se 30 milionë euro dhe nuk përjashtohet mundësia që në krahun tjetër të huazohet për një vit dhe talenti i akademisë Stanli Nsoki, i cili luan në të njëjtin pozicion.