Pronari i klubit anglez, Mel Morris, i ka ofruar 33-vjeçarit të vijojë karrierën me skuadrën që militon në Championship, ku krahas të luajturit futboll do të jetë ndihmës-trajner Filip Koku. Holandezi do të ishte një mentor perfekt për hapat e parë të Runit në rolin e trajnerit.

Megjithatë, ka një pengesë të madhe që e pengon këtë lëvizje. Kontrata e Runit me amerikanët  e DC United mbaron pas një viti e gjysmë dhe gjasat që klubi amerikan ta lërë të lirë lojtarin pa një kompensim financiar janë të pakta.

Runi e ka shprehur shumë herë se dëshiron që pas futbollit të luajtur të provojë veten si trajner dhe përgatitjet për këtë i ka filluar duke marrë licencat e para si trajner.

FUTBOLLI NË AMERIKË DHE E ARDHMJA –  “Jam dashuruar mbas futbollit. Jam marrë me këtë sport të gjithë jetën time. S’di të bëj gjë tjetër. Kur ta lë sportin do të mbaroj certifikatat për t’u bërë trajner dhe më pas do të shikoj se çfarë mundësish do të më jepen. Kam dhe dy vite kontratë. Në varësi të gjendjes time fizike do të vendos nëse do të vazhdoj ose jo. Nuk mendoj se do të rikthehem të luaj në Angli. Para pesë vitesh nuk do e mendoja kurrë se do të luaja në Amerikë. Më mungon Liverpuli. Kur luaja me Junajtid rikthehesha atje çdo fundjavë. Para se të vija këtu kisha një ofertë shumë më mirë nga një klub kinez, por zgjodha të bëja atë çfarë ishte më e mira për familjen time. Mendoj se njerëzit këtu në Amerikë e vlerësojnë më shumë se në Angli privatësinë e futbollistëve. Nuk më shqetëson askush kur dal me familjen”.

FILLIMET NË LIVERPUL – “Mbrapa shtëpisë sime kisha një fushë futbolli. Shkoja aty ccdo mëngjes para se të nisesha për në shkollë. Mamaja më bërtiste çdo herë që më shikonte aty. Më pas u futa në akademinë e Evertonit. Ishte e vështirë në fillim, prindërit më shoqëronin për në stëvitje, por duhet të merrnim tre autobusë. Nuk kisha kohë për të ndenjur me shokët. Besoj se do ia kisha dalë të bëhesha futbollist edhe nëse nuk kisha kaq shumë talent, asnjëherë nuk kam lënë pas dore stërvitjen”.

BOKSI – “Boksi është sporti që mua më ka pëlqyer më shumë ta shikoja. Babai im më ka rritur me këtë sport. Xhaxhai im ka një palestër boksi në Kroksteth (lagjja në Liverpul ku ka lindur Runi) që e menaxhon prej më shumë se 30 vitesh. Fatmirësisht nuk isha dhe aq i mirë në këtë sport dhe vendosa të luaja futboll. Mendoj se ishte zgjedhja e duhur (qesh).  Për një farë periudhe shkoja njëkohësisht në stërvitje boksi dhe futbolli. Them se kjo gjë më ka ndihmuar për të forcuar fizikun që në Premier League të duhet medoemos. Isha 16-vjeç dhe luaja kundër mbrojtësi të fuqishëm si Sol Kembëll Martin Kioh. U surprizova kur edhe në Amerikë, shumica e lojtarëve në skuadër nuk i njohin boksierët e tanishëm. Jam rritur me yjet e boksin e viteve 90, tani shumë njerëz nuk njohin as Uajlldër, Golovkin ose Kanelon”.

NOKAUTI NGA FIL BARDSLI – “Gjithmonë më ka pëlqyer që të praktikoja boksin në shtëpi. Babai e ka nxjerrë kushedi sa herë nokaut vëllanë tim, për mua ishte diçka e zakonshme. Atë natë kisha dalë me Fil Bardslin dhe kur u kthyem në shtëpi vendosëm dorezat, por fatkeqësisht ndodhi ajo që e kanë parë me miliona vetë në video. Në fakt kur rashë nuk ngela pa ndjenja, video thjesht ndalon në atë moment. U ngrita dhe vazhduam të luftonim. Në fund i thamë vetes, çfarë dreqin po bënim. Mua gati sa mu thye hunda, ndërsa ai po nxirrte gjak nga goja. Ish-trajneri im Luis Van Gal ma kujtonte shpesh atë histori, shkrihej së qeshuri sa herë përmendej si temë”.

“Të shohësh Junajtid në këtë gjëndje bëhet gjithnjë e më e vështirë. Kur Solskjaer erdhi bëri një punë fantastike. Lojtarët patën një liri nga ai dhe ata e donin atë. Por papritmas për disa arsye ata nuk bënë mirë dhe kjo i kushtoi shumë.”

“Mund ta përballoj faktin që Liverpuli fiton Champions-in. Ata e kanë fituar pesë herë dhe nuk do të ishte dramë po ta fitonin për të gjashtën herë. Por as nuk dua ta mendoj fitimin e Premier Ligës nga ai klub”, përfundoi ylli anglez që aktualisht aktivizohet me DC United në kampionatin amerikan “MLS”.

33-vjeçari ekzekutoi në mënyrë perfekte në minutën e 27-të një goditje dënimi, duke shënuar golin e pestë personal këtë sezon. Runi gjithashtu ka kontribuar edhe me 3 asiste për shokët e skuadrës, me DC United që udhëheq konferencën e Lindjes në vendin e parë, me 17 pikë pas 9 javësh.

Në një intervistë për “TALKSPORT”, ish-sulmuesi i “djajve të kuq” u shpreh se shpresonte që garën për titullin kampion ta fitonte Mançester Siti.

“Shpresoj që Mançester Siti ta ka kalojë vijën e finishit para Liverpulit. Nuk do të mund ta përballoja të shikoja ata teksa fitojnë titullin, do të ishte një makth për mua e çdo tifoz tjetër të Evertonit”.

“Mbaj mend që ata fituan Champions-in në vitin 2005 dhe sot e kësaj dite flitet akoma për atë arritje. Nuk mund të duroj të dëgjoj tifozët e Liverpulit të flasin për një trofe në 10 ose 15 vitet e ardhshme”, përfundoi Runi.

Anglezi shënoi plot tre gola, ku fillimisht u tregua i saktë në minutën e 34-t nga pika e bardhë e penalltisë. Në fundin e pjesës së parë mposhti me një parabël portierin kundërshtar për herë të dytë, ndërsa në minutën e 65-të plotësoi tripletën pas pasimit perfekt të Morenos.

Uejn Runi është një legjendë e “Djajve të Kuq” dhe golashënuesi më i mirë i historisë së klubit anglez. Sulmuesi i është rikthyer dhe njëherë marrëdhënies së vështirë midis Pol Pogba dhe ish-trajnerit Zhoze Murinjo.

33-vjeçari ka folur për “ESPN”, duke shpjeguar mendimin e tij. Francezin e njeh prej kohësh, e ka parë të rritet, e vlerëson shumë dhe tregon shkakun e raportit të keq midis tij dhe trajnerit portugez.

“E njoh mirë Polin dhe e ndjek që kur ishte pjesë e të rinjve. E kam parë duke u rritur, ka shumë potencial dhe cilësi fantastike. Nëse nuk ke një raport të mirë me trajnerin është e vështirë të japësh maksimumin, sidomos kur beson se trajneri po kontrollon çdo gjë tënden dhe çdo hap që hedh. Pogba duhet lënë të luajë i lirë, të pasojë topin, të provojë gjërat që ka në kokë, sepse dy-tre pasime të tij krijojnë raste të rrezikshme për të shënuar. Këto kufizime besoj se kanë qenë shkaku i marrëdhënieve të vështira me Murinjon. Mendoj se ‘përplasja’ e një lojtari me një trajner plot ego nuk sjell rezultate të mira. Ka ndodhur pikërisht kjo gjë”, përfundon Uejn Runi.

Sulmuesi i “DC United” akuzohej për gjendje të dehur dhe sharje në publik, pas dërgimit në rajon, 33-vjeçari pagoi një gjobë modeste prej 25 dollarësh dhe u la i lirë.

Arrestimi i lojtarit ndodhi para dy ditësh dhe lojtari u mundua ta mbulonte këtë incident, por një përditësim i të dhënave nga uebsajti i rajonit të policisë, ku Runi u procedua, bëri që foto e arrestimit të lojtarit të bëhej publike.

Filth. @LuchoAcosta94 ?? @WayneRooney. ?#DCU | #DCvNYC 1-0 pic.twitter.com/ySspwwO2jF

— D.C. United (@dcunited) October 21, 2018

Sulmuesi anglez shënoi golin e parë që në minutën e tetë, ndërkohë që në të 74’ nuk fali nga pika e bardhë e penalltisë. David Vija realizoi për miqtë, por ishte sa për statistika. Festë për DC Junajtid dhe Runin, pasi siguruan pjesëmarrjen në “play-off”.

Keep. It. Rollin'. #DCU | #DCvNYC 3-0 pic.twitter.com/nOoyxW8gFo

— D.C. United (@dcunited) October 21, 2018

Ish-lojtari i Mançesterit ka dhënë një kontribut të madh, teksa jo vetëm ka shënuar 12 gola, por edhe ka asistuar në gjashtë gola të shokëve të skuadrës. DC Junajtid në korrik ishte në vendin e fundit dhe gradualisht i ngjit në renditje.

Edhe Los Anxheles Galaksi është një hap larg “playoff”-it. Ibrahimoviç i hapi rrugë fitores kundër Minesotas, teksa shënoi golin e parë të takimit gjysmë ore pasi kishte nisur ndeshja. Në fund takimi u mbyll me rezultatin 1-3 në favor të skuadrës së suedezit.

LA Galaksi është vetëm tre pikë larg fazës “play-off”. Ata duhet të fitojnë të dielën kundër Hjuston Dinamo në shtëpi dhe në letër duket një ndeshje e kalueshme, pasi edhe kundërshtari nuk ka ndonjë objektiv.

https://www.facebook.com/MLS/videos/753649141637904/

Kalimi përtej oqeanit duket se i ka bërë mirë 32-vjeçari, që është rikthyer të shënojë  ashtu si vite më parë me “djajtë e kuq”, ku fitoi dhe nofkën “makineria e golave”. Mbas 18 ndeshjes, Runi ka shënuar 10 gola, ndërsa “kryevepra” e radhës erdhi në ndeshjen ndaj Torontos.

Pure class. @WayneRooney midweek magic. ?#DCU | #DCvTOR 1-0 pic.twitter.com/zhYwM0JZTG

— D.C. United (@dcunited) October 18, 2018

Një goditje dënimi nga më shumë se 30 metra u mor përsipër nga Runi, i cili nuk zhgënjeu duke i kujtuar të gjithë të pranishmëve se është një legjendë e gjallë e këtij sporti. Falë Runit, DC Junajtid ka arritur të renditet në fazën “playoff”, diçka e jashtëzakonshme, pasi tre muaj më parë ndodheshin në vendet e fundit të renditjes.

Ish-kapiteni i kombëtares angleze shpenzoi plot 13 sezone si një lojtar i Mançester Junajtid dhe rezultatet e fundit të ekipit nga “Old Traford” e kanë shqetësuar jo pak. Runi është rikthyer të flas për ish-ekipin e tij, ku për shumë kohë ishte një idhull për tifozët. Anglezi ka dalë në mbrojtje të trajnerit Murinjo, teksa nuk e sheh si fajtorin e vetëm për ecurinë e Junajtid.

“Trajneri ka një rol shumë të rëndësishëm dhe mund të ndryshojë shumë gjëra, por në fushë janë lojtarët ata që duhet të japin më të mirën. Mendoj se është faji i të gjithëve, pak nga të gjithë janë fajtorë, por Murinjo vihet menjëherë në shënjestër si gjithmonë. Është një nisje e vështirë, por ata duhet të ringrihen dhe të përmirësohen. E njëjta gjë ka ndodhur në kohën kur unë isha pjesë e Junajtid dhe trajner ishte Van Gal. Personalisht mendoj se trajneri në atë kohë na përgatiste për ndeshjet në mënyrë brilante, por ne në fushë nuk prodhonim lojë të mirë”.