Tifozët i kanë vënë vizën dhe shitja e tij duket e pashmangshme. Uanda Nara ka folur pas ndeshjes së mbrëmjes së kaluar për “Tiki Taka”. Agjentja dhe gruaja i ka dalë në mbrojtje argjentinasit, ndërsa konfirmon dëshirën për të qëndruar edhe sezonin e ardhshëm tek Interi.

“Penalltitë i humbet ai që ka b… për t’i gjuajtur. Mauro është i ftohtë, por i qëllon edhe Mesit e Ronaldos t’i humbasin penalltitë. Mos harroni që ka shënuar dy penallti të rëndësishme pas rikthimit.

Interi arriti objektivin. Ishte një ndeshje me shumë emocione. Të jesh interist do të thotë se zemra funksionon për mrekulli. Tani boll më, le të mendojmë për sezonin e ri.

Fishkëllimat për Ikardin? Ndonjëherë nuk mjafton një gol i shënuar Barcelonës, Totenhemit, tre gola në derbi dhe 124 gola në moshën 26-vjeçare. Ndonjëherë askush nuk i jep dum kur ti luan i dëmtuar. Ndonjëherë futbolli të vë para provave të rënda. Ndihem krenar që Mauro është një burrë i madh, përpara se të jetë një futbollist i madh”, përfundon Uanda Nara.

 

View this post on Instagram

 

A volte non basta un gol al Barcellona, al Tottenham, 3 goal nel derby, 124 goal a 26 anni. A volte nessuno si rende conto di chi gioca con dolore. A volte il calcio ti mette a dura prova. Ma per me e per noi l’unica cosa che conta è l’orgoglio di sapere che sei un grandissimo uomo prima di essere un grandissimo giocatore. Sempre fieri di te e di vedere i tuoi occhi illuminati giocando per la squadra che ami. @mauroicardi grazie a tutti per sempre tanto amore ??

A post shared by Wanda nara (@wanda_icardi) on May 26, 2019 at 3:09pm PDT

Mauro Ikardi u rikthye te goli, pasi u tregua i saktë nga goditja e penalltisë. “gol pa vlerë” e kanë cilësuar dy komentatorët e Sky: Daniele Adani dhe Rikardo Trevisani.

Menjëherë ka reaguar gruaja dhe agjentja e argjentinasit me anë të një instastory”. “Inutile la reconcha de tu hermana”, ka shkruar Uanda Nara. Që do të thotë, pa vlerë është p…. e motrës tënde.

Uanda ka reaguar duke fshirë postimin, ndërsa ka vendosur të përgjigjet në këtë mënyrë për komentin e dyshes së Sky. “Adani tha se ishte një gol i padobishëm, por nuk ishte i tillë. Goli ishte i rëndësishëm për Ikardin dhe situatën që po kalon”, përfundon modelja latine.

Andate ancora dietro a questa meretrice pic.twitter.com/GwKOhY5RhN

— Vito (@VitoM_1) May 19, 2019

Ngjyra bardhezi e fotografive lidhet me transferimin e sulmuesit te Juventusi dhe ultrasit zikaltër janë të bindur për diçka të tillë. Agjentja e argjentinasit sqaron të vërtetën, ndërsa ka një koment edhe për barazimin pa gola kundër Udinezes.

“Fotot me Mauron janë vetëm për punë, asgjë tjetër. Vendosëm t’i bënim bardhezi, por mesazhi nuk ka asnjë referencë. Unë punoj me rrjetet sociale, jetoj me këto poza dhe nuk është aspak problem për Mauron. Nuk ishte momenti i duhur? Nuk e zgjedhim ne shkrepjen e pozave, por janë edhe dy foto që nuk janë publikuar akoma. Një set fotografik nuk hedh poshtë 130 gola dhe Ikardi nuk ka harruar të luajë futboll. Në ndeshjen kundër Udinezes mungon një penallti. Mauro e ka këmbën e nxirë, nuk e kuptoj se si nuk e përdorën VAR-in“, përfundon Uanda Nara.

Ai sugjeron që Interi duhet të largojë nga ekipi dyshen Ikardi-Perishiç, madje nuk duhet të ketë asnjë dyshim për diçka të tillë. Më pas një replikë me Uanda Narën, gruan dhe agjenten e Mauro Ikardit, si dhe një koment për golin e Raxha Naingolan kundër Juventusit.

“Interi duhet të bëjë vetëm diçka në qershor: duhet t’i nisë për shtëpi Ikardin dhe Perishiç. Është një problem i thjeshtë. Rrëmujën e bëri i pari Perishiç dhe më pas  ti (i drejtohet Uanda Narës, e cila i përgjigjet se po flet miku i Spaletit). Miqtë e mi ndodhen në Bari. Nuk kam miq në botën e futbollit. Goli i Naingolan? Çfarë gafe e Shezinit…”, përfundon Antonio Kasano.

Bashkëshortja dhe njëkohësisht agjentja e ish-kapitenit të Interit deklaroi për këtë të fundit se do të qëndrojë në Milano, ndërsa një koment pati edhe për Juventusin e Kristiano Ronaldon.

“Ikardi qëndron? Sigurisht. Lautaro titullar? Janë zgjedhjet e Spaletit. Ai ka për detyrë të zgjedh më të mirët, për të mirën e Interit. Juventusi? Ronaldo ka firmosur për tri vite, do e shohim në fund nëse ka qenë i suksesshëm. Ndoshta fiton vitin tjetër në Champions.

Gjithçka që mund të bënte në Champions e bëri në ndeshjen ndaj Atletikos. Do të ishte bukur të shihje një ekip që t’i rivalizojë. Nuk më pëlqen 1-1, por mund të pranohet ndaj Romës, aq më tepër kur na çon edhe më afër objektivit tonë për Champions.”

Ajo është shprehur se ndihet shumë e lumtur që Ikardi është kthyer tashmë me skuadrën dhe jep mendimin e saj për ndeshjen ndaj ekipit të Etrit Berishës.

“Atalanta është një ekip shumë cilësor dhe kanë bërë një ndeshje mjaft të mirë. Ishte një rezultat i mirë për të dy ekipet. E gjithë familja jemi të gëzuar teksa shikojmë Mauron të bëjë atë çka ai do më së shumti. Ishtë një nga ndeshjet më të mira të tij me zikaltrit”, përfundoi Uanda.

Gruaja-agjente tregon dëshirën e madhe të argjentinasit. Ai ka vetëm një gjë në mendjen e tij: rikthimin në fushë me Interin dhe rikthimin te shënimi i golave. Gjithçka varët nga trajneri, i cili pritet t’i japë një shans ish-kapitenit për ndeshjen e ardhshme.

DËSHIRA – “Mauro është gati për të luajtur, tani gjithçka varet nga trajneri. Ai pret që të zbresë në fushë dhe po punon vetëm për këtë gjë. Mauro është mësuar me polemikat dhe nuk mendon për kritikat. Ai dëshiron të luajë dhe shënojë për Interin, kështu që është i përqendruar ekskluzivisht në atë që dëshiron të bëjë.”

RAPORTI ME SHOKËT – “Varet si e sheh situatën, ndoshta nga brenda shihet ndryshe. E përsëris, Mauro dëshiron të rikthehet dhe të shënojë gola për Interin. Me Lacion qëndroi në tribunë me një kamera mbi kokë. Ai dhe djemtë e tij mbështetën ekipin. Të njëjtën gjë ka bërë edhe në shtëpi, kur nuk kemi shkuar në stadium. Ai është i lidhur dhe kujdeset për shokët, nuk ka nevojë ta përsëris diçka të tillë.”

Bisedimet me Marotën po shkojnë mbarë dhe palët janë shumë afër pajtimit. Uanda tregon problemin e vërtetë, që nuk janë deklaratat e saj, por zërat e panjohur që vijnë nga brenda klubit.

“Të gjithë flisnin për krizën e Interit, por isha e sigurt që ekipi do të reagonte dhe do të fitonte. Kam biseduar me Marotën dhe jemi shumë afër paqes. Problemi në gjurin e Mauros është real, por ai po përpiqet që ta lërë pas krahëve. Nuk ka asnjë problem me shokët e ekipit. Takimi me Spaletin? Nuk di gjë, nuk e di se çfarë kanë biseduar.

Mauro nuk ka patur asnjë ditë të lirë dhe është stërvitur çdo ditë me problemin e dëmtimit. Kjo tregon se ai vendos Interin mbi gjithçka. Problemi është që të gjithë e krahasojnë Mauron me mua. Ajo çfarë mendoj unë ndryshon me mendimin e tij. Nuk është një problem parash. Problemi nuk janë deklaratat e mia, por fjalët që vijnë nga brenda klubit. Duhet të fillojmë të përmendim emra dhe mbiemra, sepse nuk po merremi vesh“, përfundon Uanda Nara për “TikiTaka”.

Mbrëmjen e së martës, Uanda Nara u shpërblye me një çmim për rolin e saj si agjente dhe si bashkëshorte dhe pas marrjes së çmimit, ajo foli mbi botën e futbollit, rolin e gruas, si dhe bëri një urim dhe për vajzat e saj.

FUTBOLLI – “Do vazhdoj të them atë që mendoj. E di që bota e futbollit është pak e vështirë për një femër, por do të vazhdoj të them gjërat që mendoj, me të cilat normalisht, njerëzit mund të jenë dakord apo jo.”

FAMILJA – “Jam nënë e pesë fëmijëve, dy prej tyre janë vajza dhe shpresoj që ato të gjejnë një burrë si bashkëshorti im, i cili më mron mua edhe pse është më i ri se unë. Nuk jemi dakord me gjithçka, por gjithsesi ai më dëgjon. Kam punuar që kur kam qenë fëmijë. Një femër duhet të jetë gjithmonë femër. Duhet të punojë dhe të jetë gjithmonë e pavarur.”

I pranishëm ishte dhe Paolo Nikoleti, një figurë shumë afër ish-presidentit Morati. Avokati ka marrë pjesë si përfaqësues i çiftit Ikardi dhe ka pohuar dëshirën e Mauros që situata të zhbllokohet.

Takimi tripalësh ka dhënë sinjale pozitive dhe të dy palët dëshirojnë ta kapërcejnë këtë situatë. Rikthimi i sulmuesit në fushën e blertë nuk dihet akoma se kur do të ndodhë, por ai duhet të bëjë edhe diçka tjetër.

Marota i ka kërkuar argjentinasit që të sqarojë çështjen dhe në dhomat e zhveshjes. Sjellja e tij ka lënë të pakënaqur një pjesë të lojtarëvë dhe Ikardi duhet të sqarohet me ta, të marrë konfirmimin e grupit dhe pastaj mund të rikthehet në fushën e blertë dhe golat e shënuar.

“Bëhet fjalë për një takim të përzemërt, që synon gjetjen e një zgjidhje në interes të të gjithëve”, shkruan klubi zikaltër. Ky është një hap pozitiv drejt zgjidhjes së një situatë, që është zgjatur shumë dhe që po mban peng prej kohësh ambientin zikaltër.

Pasojat vihen re dhe tek ekipi, që ka harruar të fitojë, është parakaluar nga Milani në renditje dhe rrezikon seriozisht kualifikim në Champions Ligë për sezonin e ardhshëm.

Ikardi vazhdon të mos aktivizohet dhe refuzon të luajë, duke u justifikuar pas një dëmtimi plot dyshime. Klubi ka bërë hapin e vet me anë të Marotës. Tani është moment që Mauro të tregojë si ai komandon dhe vendos për vetën e tij e jo Uanda.

Siç citon “Corriere dello Sport”, Marota i ka konfirmuar 26-vjeçarit faktin që Handanoviç do të vazhdojë të jetë kapiteni i ekipit dhe ka asnjë shans që klubi të tërhiqet nga vendimi i tij. Takimi ka dhënë sinjale pozitive dhe qëllimi kryesor për momentin është rikthimi i lojtarit nën urdhrat e Spaletit dhe në fushën e blertë.

Uanda Nara është rikthyer të veprojë dhe të flasë në rrjetet sociale. Agjentja dhe gruaja e ish-kapitenit të Interit ka filluar të ndjekë klubin e Realit të Madridit në “Instagram”. Më parë ishte Mauro, ai i cili nuk e kurseu një “like” për festën e Juventusit pas fitores me Napolin, ndërsa tashmë është Uanda që i “shkel syrin” klubit madrilien.

Juventusi dhe Reali i Madridit janë dy klubet favoritë për blerjen e 26-vjeçarit dhe Uanda komentoi para disa ditësh në këtë mënyrë mundësinë e kalimit të burrit të saj në Madrid. “Nuk është e vërtetë që Mauro nuk u transferua në Madrid për fajin tim. Kemi shumë respekt për atë klub”, komentoi agjentja, e cila ka replikuar me një fans në Twitter.

Tifozi zikaltër ndihet i shqetësuar për derbin e Milanos (luhet me 17 mars) dhe mungesën e Ikardit, duke akuzuar Uandën për këtë situatë. “Unë nuk vendos, nuk kam bërë asnjë zgjedhje. Kush merr vendime mban përgjegjësitë. Unë kam për detyrë të rregulloj gjërat dhe të gjej zgjidhjen më të mirë për një vendim të pavlerë sipas mendimit tim. Të përqafoj dhe faleminderit… edhe nëse të kanë bërë të besosh të kundërtën, atëherë bravo”, përfundon Uanda Nara.

Sulmuesi argjentinas ka nisur një “luftë” me klubin. Drejtuesit dhe trajneri Spaleti vendosën t’i hiqnin shiritin e kapitenit, ndërsa Ikardi është kapur pas një dëmtimi të mëparshëm dhe nuk po pranon të zbresë në fushë.

Në prononcimin e dhënë për “TikiTaka”, Kasano ia vë gjithë fajin Uanda Narës, agjentes dhe gruas së lojtarit. Deklaratat e saj kundër të gjithëve kanë shkaktuar problemet, ndërsa sulmuesi po tregohet fëmijë me kapjen pas dëmtimit. Në fund merkato dhe një koment për Ivan Rakitiç. Kasano e vlerëson shumë kroatin dhe do nisej menjëherë për ta marrë për Milano, ndërsa i preferuari i tij mbetet Luka Modriç.

SHKAKU – “Uanda e krijoi gjithë këtë katastrofë dhe e futi Ikardin në telashe. Me deklaratat dhe postimet e saj në rrjetet sociale, ajo i krijoi Mauros një tokë të djegur përreth. Ajo flet shumë, flet për të gjithë dhe krijon probleme. I hoqën shiritin e kapitenit dhe do të ketë një shkak për këtë. Nuk janë të çmendur tek Interi.”

DËMTIMI? – “Gjëra të tilla i bëja kur isha 20 vjeç. Tani është një situatë pa kthim prapa. Dëmtimi në gju nuk ishte kaq i rëndë më parë dhe Mauro luante. Me heqjen e shiritit u rikthye dhe dhimbja në gju. Aman me këto skema… Unë isha zëvendëskapiten i Romës, por Spaleti erdhi dhe më tha: ‘Nuk do jesh më, pasi nuk je një shembull’. Kishte të drejtë. Më pas më shpjegoi gjërat që priste nga unë dhe bëri mirë. Nëse është sjellë kështu dhe me Mauron, ekziston një shkak. Nëse nuk kthehet të luajë, ai duhet të largohet në verë. Vazhdon të diskutohet një çështje e tillë vetëm prej Uandës.”

MERKATO – “Rakitiç është një lojtar i nivelit ndërkombëtar. Ai është një kampion dhe do nisesha tani për ta marrë, por e shoh të vështirë që Interi ta blejë atë. Megjithatë, mua më pëlqen më shumë Luka Modriç.”

Siç raporton “Marca”, Ikardi mund të transferohet te Reali në fund të sezonit, për një shumë jo më të madhe se 100 milionë euro.

Uanda Nara, agjentja e lojtarit, ka dhënë një prononcim për gazetën spanjolle, duke mohuar zërat që Ikardi nuk mund të kalojë te Reali për fajin e saj.

“Kemi shumë respekt për Realin e Madridit. Gazetat thonë që Mauro nuk mund të transferohet në Madrid për fajin tim, por kjo nuk është aspak e vërtetë”, sqaron Nara.

Uanda Nara, agjentja dhe gruaja e sulmuesit, ka reaguar në emisionin “TikiTaka”, duke insistuar se argjentinasi e ndjen shumë fanellën dhe Interin. Të gjithë po e bëjnë të duket si një përbindësh, por ai është ndryshe dhe ka rrezikuar dhe shëndetin për të dhënë kontributin e tij për ekipin zikaltër.

“Në futboll ka shumë padrejtësi si: penalltia e Fiorentinës, qëndrimi i Perishiçit te goli i Politanos dhe mbajtja e Ikardit në shtëpi me gjithë këtë dhimbje që po ndjen. Po e bëjnë të duket si një përbindësh, por ai nuk është i tillë. Mauro ka respekt për të gjithë, për ngjyrat dhe bluzën e Interit. Ikardi është një interist i vërtetë dhe klubi i heq shiritin e kapitenit atij që e ndjen më shumë se të gjithë! Të thuash që është ndëshkuar për atë që kam thënë unë në TV është e tmerrshme, sepse flas këtu si një analiste. Nuk mund të lihet jashtë grupit, sepse Mauro e ndjen fanellën. Shumë mjekë janë habitur që ai ka zbritur në fushë i dëmtuar për Interin”, përfundon Uanda Nara.

Ky vendim i drejtuesve të klubit u mirëkuptua dhe u pranua nga pjesa më e madhe e tifozëve, ndërsa Ikardi dhe gruaja agjente e tij, Uanda Nara, u “tërbuan”. Argjentinasi vendosi të mos luante kundër Rapidit të Vienës në Ligën e Europës me pretekstin se ishte i dëmtuar. Ikardi i është nënshtruar kontrolleve mjekësore, që nuk kanë zbuluar ndonjë dëmtim të tij.

“Mauro Ikardi i është nënshtruar sot rezonancës magnetike për dhimbjen në gjurin e djathtë. Kontrollet nuk treguan ndryshime të rëndësishme në krahasim me testet e kryera përpara fillimit të sezonit aktual”, shkruan Interi në deklaratën zyrtare. Rreth këtij lajmi ka reaguar dhe Uanda Nara, e cila ka postuar në rrjetet sociale.

“Polemikë e re, mund të mbyllni me këto budallëqe. Mauro ka luajtur gjithmonë, edhe kur nuk ka qenë në maksimum. Nuk e mbani mend ndeshjen kundër Lacios në Romë, ku asnjë mjek nuk i këshilloi që të rrezikonte, por ai zbriti në fushë për Interin dhe Champions Ligën”, përfundon agjentja dhe bashkëshortja e 26-vjeçarit.

“Nëse gruaja ime do të thoshte ato gjëra që ka thënë Uanda, do e përzija nga shtëpia”, është ajo çka ka thënë zyrtari i Federatës Italiane të Futbollit Gjithsesi, ish-mbrojtësi i Milanit ka kërkuar ndjesë për situatën e krijuar. Kostakurta ka sqaruar gjithçka në një intervistë për Corriere della Sera.

“Nuk e mohoj atë që kam thënë. Ishte një frazë e vetme brenda një diskutimi më të gjerë mes kolegëve mbi rolin e Uanda Nara. Prokuratorët (meshkuj) të Zanetit, Bergomit, Maldinit apo Del Pieros ju siguroj që nuk do ia lejonin kurrë vetes të lëshonin deklarata si ato të Uanda Narës. Kam kritikuar prokuratoren Uanda Nara, pavarësisht gjinisë. I gjithë diskutimi sillej në këtë linjë”, ka deklaruar ish-milanisti.

Shprehja “do e përzë nga shtëpia” nuk ka qenë e duhura dhe Billi e pranon: “Jam dakord, kam gabuar dhe kërkoj falje. Një frazë të tillë nuk do ta dëgjoni më kurrë. Dua të jemi qartë: i dua femrat në futboll. Puna ime në Federatë e dëshmon diçka të tillë. Patricia Paniko tek ekipi U15 e kam propozuar unë. Nuk pretendoj se jam në pararojë, por diçka të vogël e kam bërë. Çfarë më ka thënë gruaja kur e ka parë videon? Mendoj se e ke dreqosur Billi”.

“Disa njerëz thonë se shiriti i kapitenti i pakuptimtë, por për Mauron (Ikardin) ishte s’i të hiqnin njërën këmbë se sa thjesht krahun. Ai vesh fanellën me kaq shumë krenari dhe nëse do të nevoja në të shkuarën për të zgjedhur midis parave dhe fanellës ai do të zgjidhte gjithmonë fanellën”

“Nuk më dhanë asnjë paralajmërim. Jam gjithmonë në kontakt me klubin, por e mora vesh lajmin për heqjen e shiritit të kapitenit nga një postim i klubit në rrjetet sociale. Kam pasur pak më parë një takim që zgjati tre orë për drejtuesit, por s’ma përmendën kurrë këtë”

“Mauro ka shënuar 120 gola me këtë fanellë dhe kur askush nuk ishte më besim, ai ishte i pari që merrte topin dhe çonte skuadrën përpara, pasi ai beson te kjo skuadër. Mbetemi jë familje interistësh, s’ka rëndësi nëse ai është në fushë ose jo”.

“Interi është familja ime, dhe kështu kur ndodhi incidenti kur më goditën makinën me gur, të parët që mora në telefon ishin njerëzit e klubit. Ikardi në atë momente ndodhej në gjumë, pasi ishte stërvitur pasdite. Nuk kemi në plane të largohemi pa asnjë dyshim”, tha Nara.

Pikërisht lidhur me interesin e këtyre të fundit, prestigjiozja spanjolle “Marca”, raportoi ditët e fundit, që Reali u tërhoq nga interesimi për Ikardin, si pasojë e Uanda Narës. Agjentja dhe njëkohësisht bashkëshortja e sulmuesit, reagoi me një postim në llogarinë e saj në “Twitter”, duke thënë se lajmet janë krejtësisht false. Në postimin që ajo e fshiu disa minuta pasi e postoi, shkruhej:

“Versioni që është dhënë për Realin është një gënjeshtër. Ndoshta koha do ta provojë diçka të tillë, ashtu siç u provua, kur thashë që për Ikardin, pati një interes të madh nga një ekip italian. Më trajtuan si gënjeshtare dhe një muaj më vonë ishte vetë drejtori i atij ekipi që tregoi për interesin mbi Ikardin.”

Të gjithë po flasin për këtë çështje, por akoma nuk ka asnjë zgjidhje. Palët janë të ndarë: nga një anë klubi dhe nga ana tjetër Ikardi dhe Uanda Nara, gruaja dhe njëkohësisht agjentja e tij. Të ndarë janë dhe tifozët, pavarësisht se shumica janë lodhur me zvarritjet e bëra dhe i kanë dhënë të drejtë drejtuesve.

Lojtarit nuk i ka pëlqyer aspak veprimi i klubit dhe ai refuzoi të merrte pjesë në ndeshjen e Ligës së Europës kundër Rapidit të Vienës, me pretekstin që ishte i dëmtuar.

Tensioni është në kulm dhe gjatë mëngjesit të sotëm ka ndodhur një ngjarje e rëndë. Uanda ka qenë duke udhëtuar me fëmijët e saj, kur është goditur nga një gur. Episodi i hidhur ka ndodhur në afërsi të Komos. Panik dhe frikë e madhe për familjarët e Ikardit, por fatmirësisht nuk ka patur pasoja.

Shkaqet e ngjarjes nuk dihen akoma, por ky veprim i turpshëm lidhet lehtësisht me acarimin e ndonjë tifozi interist. Agjentja e 26-vjeçarit (i mbush të martën) është një personazh, e cila nuk pëlqehet nga tifozëria dhe shumica e tyre e bëjnë atë shkaktarë të situatës së krijuar.

Tashmë situata është përkeqësuar shumë dhe ky sulm me gurë ndaj familjarëve të Ikardit mund të sjellë krisjen përfundimtare të raporteve të golaedorit me klubin e Interit dhe tifozërinë zikaltër.

Tani edhe Uanda Nara i hedh benzinë zjarrit, sepse bashkëshortja-agjente e kapitenit të Interit ka komentuar fjalët e Spaletit dhe ka lëshuar një akuzë të fortë ndaj Interit.

“Spaleti nuk e kishte me mua, unë nuk kam folur për rinovim. Kur klubi më takoi, ishte për t’u njohur më mirë. Do doja që Mauro të ishte më i mbrojtur nga skuadra, sepse ka raste që dalin gjëra të këqija nga brenda.

“Prioriteti është Interi, nuk kam bere asnjë telefonatë për të kërkuar rinovimin. Nuk kemi ngut, Ikardi ka edhe dy vite në kontratë”, deklaroi Uanda për Tiki Taka në Italia 1.

Për sa i përket mungesës së golit për Ikardin, bukuroshja argjentinase komentoi: “Diskutime boshe, Mauro shënon gjithmonë. Në Parma shënoi Lautaro, por edhe Ikardi bëri një lëvizje të shkëlqyer në atë moment. Ndoshta Spaleti duhej ta fuste Lautaron më herët, sepse ai dhe Ikardi janë miq, nuk ka rivalitet mes tyre dhe trajneri duhet të përfitojë”.

Ndërkaq, Uanda nxjerr blof Interin, sepse për gjobën prej 100.000 eurosh për Ikardin, pas kthimit me vonesë nga Argjentina, tha: “Nuk ekziston”. Gënjen Interi, apo Uanda?

“O Zot. Prindërit dhe vëllezërit e mi nuk e kuptoj se si një djalë i mirë dhe inteligjent që gjithmonë kishte në mendje familjen (para saj sigurisht), u tjetërsua nga një person si ajo, dhe më e keqja është se ajo përpiqet ti tregojë njerëzit se i intereson për familjen tonë, duke bërë sikur qan, por gjithçka është në interes të kamerave”, shkroi e motra e Ikardit.

Është një fakti i ditur prej kohësh që Mauro Ikardi nuk ruan më kontakte të afërta me familjen e tij dhe është e qartë që familja e tij mendon se krisja midis tyre ka filluar për shkakun e bashkëshortes së lojtarit.

Nara jep mendimin e saj dhe për Ivan Perishiç. Kroati nuk ndihet i lumtur në Milano dhe kërkon largimin. Nara beson se shkaqet mund të jenë personale, pasi nuk ka një shpjegim tjetër.

“Kemi një drejtues të sinqertë, i cili bisedon dhe të jep shpjegimet e duhura. Nuk kemi biseduar për shifra, Interi ka prioritete të tjera dhe Ikardi është kapiteni. Mauro insiston gjithmonë në faktin që kërkon të lërë mënjanë protagonizmin e tij dhe dëshiron vetëm te ndihmojë skuadrën. Marota më pëlqen, më duket një person i sinqertë dhe sot e tregoi diçka të tillë. Kjo është ajo që kemi nevojë, pasi në futboll ka shumë hipokrizi. Ai të sheh në sy dhe të thotë të vërtetën. Perishiç? Nuk është hera e parë që e akuzojnë se ka luajtur dobët. Ndoshta Ivan kërkon të largohet për shkaqe personale”, përfundon Uanda Nara.

Uanda Nara është gruaja dhe menaxherja e kapitenit të Interit. Në një rrëfim për “Caras’, ajo tregon për profesionin e saj. Në Itali është e vetmja femër që mbron të drejtat e një futbollisti. Futbolli ka shumë para, por dhe hile, pabesi dhe Uanda tregon se profesioni i saj bazohet më shumë në punën pas krahëve, por tashmë është mësuar, pavarësisht se ajo preferon një tjetër stil pune.

“Unë fitoj të njëjtën përqindje që fitojnë dhe menaxherët e tjerë. Unë nuk përfitoj nga burri im, sepse ajo që është e Mauros është dhe e imja. Nuk dua të flas për shifrat e mia, kështu që nuk i ushqej zërat e kolegëve. Jam e vetmja bashkëshorte që e luaj këtë rol në Itali. Sipas mendimit kolektiv, gruaja e një futbollisti duhet të qëndrojë në shtëpi, duhet të kujdeset për fëmijët, të ofrojë mbështetjen e saj dhe të qepë gojën. E shohin si një gjë të çuditshme faktin që një grua mbron të drejtat e një burri dhe ulet të diskutojë për kontratat.”

“Mauro më ka dhënë një rol që mendonte se e meritoja dhe askush nuk më dhuruar asgjë. Flas spanjisht, italisht dhe anglisht. Tani që janë ndërruar pronarët e klubit kam filluar të mësoj dhe pak gjuhën kineze. Ka shumë para në lojë, por dhe shumë hile. Unë jam shumë e drejtpërdrejtë dhe prej vitesh lëviz në një botë ku punohet më shumë pas shpine sesa ballë për ballë. Me mua Mauro ka rritur kohëzgjatjen e kontratave të tij me 85%, disa janë kontrata 10-vjeçare dhe të tjera për tërë jetën.”

Ajo beson se firma mbi kontratën e re do të vijë brenda kësaj jave, ndërsa jep mesazhe të shumëfishta në prononcimin e dhënë për “Tiki Taka”.

“Ikardi nuk u furnizua shumë me topa kundër Sasuolos, por kjo mund të ndodhë. Flitet sikur është gjithmonë ai fajtori, por tashmë është mësuar me një gjë të tillë, pasi është kapiteni. Zërat e rinovimit nuk e shpërqendrojnë, pasi një kampion si ai nuk e ndjen presionin. Ai di të tregohet i ftohtë dhe këto gjëra nuk e shqetësojnë. Si Mauro si unë nuk kemi kërkuar asgjë, por gjithmonë unë jam e keqja… Kur klubi do të vendosë se është momenti i duhur për të na telefonuar, do të përgjigjemi dhe do të ulemi të bisedojmë.”

“Ekziston gatishmëria për të qëndruar gjatë tek Interi. Kam marrë sinjale pozitive, shpresoj të jetë java e duhur. Telefonin e mbaj hapur dhe për mua rinovimi do të kryhet me 100%, edhe pse nuk kam biseduar me askënd. Nuk më pëlqen kur thonë që ambienti i Interit varet nga rinovimi i Mauros, sepse kjo do të thotë që Interi është një klub i dobët dhe kjo nuk është e vërtetë”, përfundon Uanda Nara.

Më pas erdhi vendimi i klubit, që ka programuar një takimi midis Xhusepe Marotës, administratorit të deleguar të Interit dhe Uanda Narës, agjentes së Ikardit. Klubi është gati t’i bëjë një tjetër propozim Narës me shpresën që negociatat të mbyllen me akord.

Por, disa fjalë kanë qarkulluar se klubi i ka kërkuar kapitenit të përfaqësohet në takim nga dikush tjetër dhe jo agjentja aktuale. 25-vjeçari ka zgjedhur të përgjigjet në rrjete sociale, duke bërë të qartë që ai nuk heq dorë nga agjentja dhe gruaja e tij.

“Dua të sqaroj se jam shumë, por shumë i lumtur dhe i kënaqur me punën që kemi bërë deri më tani. Për shkak të kësaj, do të jetë gjithmonë Uanda, ajo që do të mbrojë interesat e mia deri në fund të karrierës”, përfundon komenti i goleadori të Interit.

#MI9 pic.twitter.com/VM9mvNNLDe

— MauroIcardi (@MauroIcardi) January 10, 2019

Ndërkohë, nga ana tjetër është agjentja dhe njëkohësisht bashkëshortja e argjentinasit, Uanda Nara. Siç raportohet së fundmi, Uanda ka kërkuar që në rast rinovimi, Ikardit duhet t’i dyfishohet paga, pra sulmuesi duhet të përfitojë nga kontrata e re plot 9 milionë euro, duke u bërë një ndër më të paguarit në Serie A. Por nuk përfundon me kaq.

Përveç dyfishimit të rrogës vjetore, agjentja e Ikardit, kërkon dhe që klauzola të rritet dhe jo të hiqet nga kontrata. Pra, në rast se klauzola nuk hiqet nga kontrata e re, 25-vjeçari do të ketë mundësi që në muajin korrik të largohet nga Interi, pasi në rast se një klub paguan klauzolën, drejtuesit zikaltër do të jenë të pafuqishëm për të mbajtur në ekip kapitenin e tyre.

Pak ditë më parë agjentja dhe njëkohësisht gruaja e “bomberit”, Uanda Nara, deklaroi në një emision televiziv se negociatat janë ende shumë lartë. Komentet e gruas së sulmuesit lanë një shije të keqe te drejtuesit e klubit zikaltër, që kërkon që detajet e bisedime të mbahen brenda dyerve të familjes zikaltër. I fundit që ka reaguar për këtë çështje ka qenë legjenda zikaltër Havier Zaneti, i cili në një intervistë për “Radio DeeJay”, i dha një këshillë bashkëkombësen së tij.

“Është një çështje respekti. Çdokush duhet të respetojë pozicionin që mban. Gjëja më e rëndësishme është se Mauro (Ikardi) është i gëzuar. Kjo gjë dallohet sa herë që ai shkel në fushë dhe tregon se çfarë është i aftë të bëjë”.

“Murinjo do të ngelet gjithmonë një trajner i madh. Ai bëri mirë në Madrid dhe te Mançesteri ku fitoi disa trofe, më pas hasi shumë vështirësi në menaxhimin e grupit. Të gjithë trajnerët kalojnë momente të vështira, por duke e njohur mirë atë, mund të them se ai do të kërkojë të rikthehet në majë sa më shpejt të jetë e mundur”, përfundoi Zaneti.

Pak ditë më parë, me Vandën replikoi dhe drejtori teknik i Interit, Auzilio, i cili tha se nuk duhet të komunikohet nëpërmjet rrjeteve sociale, por gjërat duhet të thuhen në mënyrë personale. Lidhur me këto polemika, ka folur dhe ish-agjenti i Ikardit, Ablan Moreno, i cili ka folur ashpër ndaj bashkëshortes dhe agjentes së Mauros, duke thënë se Vanda Nara shqetësohet vetëm për paratë dhe nuk do t’ia dijë për rinovimin apo për futbollin.

“Ikardi ka dhënë shumë në fushë si sulmues. Sidoqoftë, ai ka një influencë të keqe në krah, e cila mendon vetëm për paratë. Puna e tij në fushë është fenomenale dhe ai është rritur shumë në futbollin italian, sepse mentalieti i tij dhe trupi i tij janë perfektë për Serinë A, por Vanda Nara shqetësohet vetëm për paratë dhe jo për imazhin dhe vlerat e kapitenit të Interit.

Çdo agjent mund të flasë për rinovimin, por mënyra se si e bën është mjaft e rëndësishme. Nuk mund të thuash që këto janë numrat e Ikardit dhe të vendosësh çdo gjë në rrjetet sociale. Ata duhet të shkojnë te drejtuesit e Interit dhe të flasin, në vend që të postojnë gjëra në internet”, ka përfunduar ish-agjenti i argjentinasit.

Bashkëshortja/agjente e sulmuesit argjentinas, Uanda Nara, ka qenë si zakonisht pjesë e emisionit Tiki Taka në Italia 1 dhe natyrisht Maurito ishte personazhi i ditës.

“Interi e dominoi ndeshjen dhe fitoi me meritë. Ikardi beson gjithnjë, deri në fund, ndaj jam e bindur që po ta pyesnin në minutën e 90-të, sërish do thoshte që fitonte Interi. Dëgjoj të thuhet që Ikardi duhet të luajë më shumë për ekipin dhe të ndihmojë shokët, por unë mendoj se ai duhet të qëndrojë më shumë në zonë”.

“A mund të synojë Interi titullin? Nuk e di, por nuk është larg Juves dhe më duket se po e ndjekin mirë Spaletin, po bëjnë gjithçka si duhet”.

“Ikardi kaloi Vierin si shënuesi më i mirë i Interit? Kishte gjithë javën që më fliste për rekordin e Vierit dhe fiksimin për ta kaluar. Ishte një stimul madhor për të dhe ia doli mbanë”.