“Avullojnë” biletat e finales së Champions, stadium me “kollarexhinj”

Sport Ekspres — Thu, 16 May 2019 21:51:09 +0000

Finalja e Champions League mes Liverpulit dhe Totenhemit po afron. Tifozët po mësyjnë të gjithë për një biltetë, por lajmi që i shkon në vesh është se nuk ka. UEFA ka bërë një menaxhim shumë të keq për biletat e finales që do të luhet në “Wanda Metropolitano”.

Në 68 mijë vende që ka stadiumi i Atletikos, për tifozët e të dyja skuadrave janë vënë vetëm 33 mijë bileta në dispozicion. Që do të thotë se të dyja skuadrat do të kenë vetëm nga 16,5 mijë tifozë në stadium aq të madh.

UEFA një pjesë të madhe të biletave të finales e ka shpërndarë për sponsorët, si të ishte finalja e tyre dhe jo e fansave. Lajmin e bën të ditur “BBC News” nëpërmjet gazetarit Den Roan. Ky i fundit shprehet se grupimet e tifozëve të Liverpulit dhe Totenhemit kanë kërkuar bileta nga disa sponsorë për të shtuar numrin e tifozëve të skuadrave në Madrid.

“Ne kërkojmë nga Nissan, Playstation, Gazprom, PepsiCo, Banco Santander, Mastercard, Heineken & Expedia Group të na ndihmojnë në balancimin e numrit të tifozëve në stadium”, kanë treguar tifozë për Den Roan.

Rekordi i Atletikos, 50 mijë tifozë në stadium për ekipin e… femrave!

Sport Ekspres — Mon, 11 Mar 2019 14:42:27 +0000

Atletiko e Madridit do të presë Barcelonën ditën e dielë. Ndeshja do të zhvillohet në stadiumin “Wanda Metropolitana” dhe deri tani janë shitur 50 mijë tifozë!

Një shifër fantastike, duke llogaritur që po flasim për një ndeshje femrash. Futbolli i seksit tjetër po ndiqet masivisht në vendin iberik. Rekordi i tifozëve të pranishëm i përkiste janarit të kaluar.

Luhej Atletik Bilbao-Barcelona dhe në stadium ishin 48121 tifozvë, ndërsa fundjava e ardhshme do të ketë edhe më shumë. Kjo është një sfidë titulli.

Atletiko e Madridit numëron 6 pikë më shumë se vajzat katalanase dhe 50 mijë tifozët do të japin maksimumin që ekipi i femrave të Atletikos të sigurojë një rezultat pozitiv dhe të hedhë një hap drejt titullit kampion.