Pas ndeshjes kundër Fulhem, foli mbrojtësi Kajl Uolker, i cili analizoi ndeshjen, rivalitetin me Liverpulin dhe sfidën e këtyre të fundit kundër ish-ekipit të tij, Totenhemit:

“Ishte një ndeshje e shkëlqyer, duke marrë parasysh se të gjithë lojtarët luajtën për kombëtaret e tyre. E rëndësishme që morëm tri pikët. Liverpul-Totenhem? E kemi ne timonin. Nuk i shikoj ndeshjet e kundështarëve, pasi sjell ters. Do të luaj me fëmijët e mi dhe shpresoj që Liverpuli të lërë pikë. Për mua, e rëndësishme ishte të transferohesha te Mançester Siti dhe që të fitoja trofe. Është një nder për mua që jam në këtë skuadër dhe drejtohem nga trajneri më i mirë në botë. Besoj se titulli kampion do të vendoset vetëm në sekondat e fundit” tha Uolker.

Mbrojtësi 27-vjeçar nga Shefilldi do të veshë fanellën me numër 2 dhe tha pas firmës: “Pres me padurim të nis aventurën e re. Pep Guardiola është një ndër trajnerët më të respektuar në botë dhe mendoj se ai mund të më ndihmojë shumë për të rritur nivelin tim”.

Sky Sports raportoi që në fillim të muajit se Uoker ishte objektiv real i Sitit, por gjithçka u ndal kur u fut në lojë Dani Alvesh. Gjithsesi, braziliani zgjodhi PSG-në dhe reagimi i Sitit ka qenë i fortë, duke shpenzuar një shifër rekord, që ka lumturuar Totenhemin, sepse trajneri Mauricio Poçetino ka pasur probleme me Uokerin kohët e fundit.

Totenhemi e bleu Uokerin për 5.9 milionë sterlina në vitin 2009, e huazoi një sezon mes QPR-së e Aston Vilës dhe prej vitit 2011 i ka besuar tërësisht krahun e majtë të mbrojtjes.