Vushtrria

Largime nga Bylisi, sulmuesi firmos në Kosovë

Sport Ekspres — Mon, 05 Aug 2019 15:40:26 +0000

Një tjetër lojtar nga Shqipëria ka vendosur të transferohet në Kosovës. Bëhet fjalë për sulmuesin Eri Lamçja, i cili ka mbyllur bashkëpunimin me Bylisin dhe ka firmosur për ekipin e Vushtrisë. Zyrtarizimi është bërë nga klubi që militon në IPKO Superliga, me anë të faqes zyrtare në Facebook:

Zyrtare: FC Vushtrria ka arritur marrëveshje me Eri Lamçja

Sulmuesi 25-vjeçar i lindur ne Elbasan, pjesë e akademisë së KF Elbasanit, duke vazhuar më pas me klubet e KF Teutës së Durrësit dhe KF Luftëtarit nga Gjirokastra, ndërsa në edicionin 2018/19 është transferuar në ekipin e KF Dritës nga Gjilani, ku pas qëndrimit 6 mujor transferohet të skuadra e KF Bylis nga Shqiperia.

Privatizimi i radhës në Kosovë, klubi i IPKO Superligës me pronar të ri

Sport Ekspres — Sat, 03 Aug 2019 15:34:42 +0000

Pas Ferizajt një tjetër klub i IPKO Superligës i nënshtrohet procedurës së privatizimit. Bëhet fjalë për skuadrën kampione të Ligës së Parë, Vushtrrinë. Me anë të një postimi në rrjetet sociale është se vendimi për privatizimin e klubit është votuar nga mënyrë unanime në sallën e kuvendit komunal.

Pronari i ri i klubit të Vushtrrisë është Bajrush Kajtazi, një biznesmen i njohur në Kosovë që ushtron aktivitet në fushën e distribucionit të produkteve të ndryshme tregtare.

NJOFTIMI I KLUBIT

Sot në kuvendin e rregullt të klubit FC Vushtrria i mbajtur në sallën e kuvendit komunal, kuvendarët e klubit unanimisht votuan pro privatizimin e klubit, me pronar të ri z,Bajrush Kajtazi pronar i firmës UNION sh.p.k

Më vonë detajet tjera…

Kastrioti nuk njeh pushime, Vushtria e mposht në miqësore

Sport Ekspres — Tue, 30 Jul 2019 18:33:41 +0000

Kastrioti duket se e ka marrë shumë seriozisht këtë fazë pregatitore. Ende pa u mbushur 24 orë nga ndeshja e fundit miqësore, krutanët kanë zgjedhur të zhvillojnë një tjetër sfidë. Të besuarit e Ramadan Ndreut këtë herë janë përballur me ekipin kosovar të Vushtrrisë.

Nuk kishte sesi të mos mungonte rotacioni në formacion me shumë lojtarë të rinj në fushë. Ky ka qenë edhe një nga shkaqet e humbjes së krutanëve. Djemtë nga Vushtrria kanë triumfuar me rezultatin e pastër 2-0. Golat janë shënuar nga një për çdo pjesë.

Formacioni i Kastriotit: Puja, Neziri, Çela, Guni, Rami, Ndreu, Tigani, Mehmeti, Ymeri, Marku, Bardhi

Miqësore

Kastrioti-Vushtrria 0-2

Shala ‘8, Ahmeti ‘75

Sytë e mendjen në Superiore, Kastrioti dy miqësore brenda dy ditësh

Sport Ekspres — Mon, 29 Jul 2019 09:32:11 +0000

Kastrioti do të zhvillojë dy miqësore brenda dy ditësh. Krutanët kanë mbyllur javën e parë të përgatitjeve për sezonin e ri. Ekipi i drejtuar nga Ramadan Ndreu do të përballet sot me Turbinën, ndeshje që nis në orën 17:30.

Në të njëjtën orë të ditës së martë zhvillohet edhe miqësorja e radhës. Kastrioti do të ketë përballë klubin e Vushtrrisë, që sapo është rikthyer në elitën e futbollit dardan. Të dy ndeshjet do të zhvillohen në kompleksin e ekipeve kombëtare në Kamzë.

Klubi krutan po monitoron edhe situatën e vështirë të Skënderbeut, Flamurtarit dhe Luftëtarit. E ardhmja e korçarëve është në dyshim, ndërsa dy klubet jugore duhet të shlyejnë brenda afatit borxhet e shumta për të siguruar pjesëmarrjen në Kategorinë Superiore për sezonin e ardhshëm.

Një situatë e tillë mban me shpresa Dinamon dhe Besën e Kavajës, por edhe klubin krutan që është i bindur se në rast të përjashtimit të ndonjë ekipi, e drejta për të luajtur në Superiore ju takon atyre si ekipi i renditur në vendin e nëntë sezonin e kaluar.

Ndryshimet në klub, Nikaj lë Vushtrrinë me falënderime

Sport Ekspres — Fri, 28 Jun 2019 16:21:31 +0000

Vushtrria është kthyer në elitën e futbollit dardan, teksa skuadra e drejtuar vjet nga trajneri Samuel Nikaj u rendit në vendin e parë dhe ngriti trofeun. Shkodrani, duke parë zhvillimet e fundit në klub, ka vendosur që ta largohet nga drejtimi i Vushtrrisë. Disa e paralajmëruar duhet thënë.

“Duke parë situatën e krijuar në klub, me tërheqjen e kryesisë, largimin e disa lojtarëve të rëndësishëm, e shoh të pamundur qëndrimin tim në klub, prandaj po tërhiqem me përshtypjet më të mira për qytetin e Vushtrrisë, për bashkëpunëtorët e mi dhe për të gjithë lojtarët pa përjashtim, pa harruar tifogrupin FORCA. Shpresoj që situata të ndryshojë për mirë dhe skuadra të vazhdojë me sukses rrugëtimin në Superligë. Respekte Vushtrri”, shkruan Nikaj.

Shkodrani mund të mbetet në Kosovë, madje shanset janë të mëdha të bashkëpunojë me një klub të madh si Vllaznimi i Gjakovës, që kërkon të rikthehet në Ipko Superliga e Kosova. Nga Shqipëria gjithashtu ka pasur një ofertë nga Besëlidhja e Lezhës.

Kamza i jep letrat, Gjonikaj me skuadër të re

Sport Ekspres — Wed, 18 Jul 2018 20:15:24 +0000

Trajnerë dhe lojtarë të shumtë të transferuar në Kosovë dy sezonet e fundit. Nëse më parë vinin nga Kosova drejt Shqipërisë, tanimë trendi ka ndryshuar. Një tjetër lojtar i Superiores pritet të transferohet përtej kufirit që ndan shqiptarët. Bëhet fjalë për portierin Fabio Gjonikaj.

“Sport Ekspres” mëson se nesër portieri do të zyrtarizohet në skuadrën e tij të re. Prej kohësh e kishte gjetur marrëveshjen, por fillimisht duhet të merrte lejekalimin te Kamza. Tashmë e ka marrë dhe do të prezantohet te Vushtrria, skuadër që pretendon të ngjitet në Vala Superliga e Kosovës.

Portieri ishte një kërkesë e trajnerit Samuel Nikaj dhe drejtuesit ia kanë plotësuar kërkesat Gjonikajt. Sivjet ai luajti titullar te Kamza pjesën më të madhe të ndeshjeve, por në fund ia zuri vendin Ilir Avdyli, portier që në Kosovë ka spikatur me skuadrën e Llapit.

Nikaj piketon një sulmues për Vushtrrinë në Shqipëri

Sport Ekspres — Sun, 01 Jul 2018 17:17:47 +0000

Para disa ditësh Samuel Nikaj postoi në rrjetet sociale një foto me portierin Erind Selmaj, i cili prej vitesh është pjesë e Vllaznisë. I ka bërë një ofertë për t’iu bashkuar te Vushtrria në Kosovë. Synimi është i qartë: të ngjiten në Vala Superliga e Kosovës.

Klubet e atjeshme dukshëm i kanë rritur pagat dhe janë të shumtë futbollistët që po lëvizin përtej kufirit. Trajneri Nikaj ka piketuar disa lojtarë nga kampionati ynë dhe njëri prej tyre luan në sulm dhe është aktivizuar në Kategorinë e Parë kryesisht.

“Sport Ekspres” mëson se ai është Anton Lleshi, sulmuesi lezhjan që sezonin e fundit e mbylli me Korabin. Realizoi tre gola me dibranët në gjysmë sezoni, kurse më parë kishte shënuar edhe dy herë me Ilirinë. Me fushë-krujasit ai ka regjistruar edhe performancën më të mirë, teksa në edicionin 2015-2016 realizonte 17 gola. Gjithashtu ka provuar të luajë edhe me Erzenin. Tanimë sulmuesi 25-vjeçar është drejt kalimit në Kosovë.