vrushaj

Vrushaj i papërmbajtshëm, tjetër gol në Holandë

Sport Ekspres — Sun, 24 Feb 2019 16:47:57 +0000

Sulmuesi me origjinë shqiptare Marius Vrushaj po kalon një moment të shkëlqyer në kampionatin holandez, ku u huazua gjatë merkatos së janarit nga Olimpiakosi te skuadra e Uilem II.

Futbollisti 21-vjeçar shënoi golin e parë në takimin kundër AZ Alkmar. Ky është goli i tretë i Vrushajt në gjashtë aktivizimet e para të tij në “Eredivisie”.

Vrushaj ka luajtur në të shkuarën për kombëtaren U19 të Greqisë, por që nga ajo koha kanë kaluar thuajse dy vite. Mbetet për t’u parë nëse 20-vjeccari do të hyjë në radarin e kombëtares shqiptare në të ardhmen e afërt.

VIDEO | Guri djeg shansin, Vrushaj vazhdon të shkëlqejë në Holandë

Sport Ekspres — Sat, 02 Feb 2019 20:08:05 +0000

Mario Vrushaj duket një bast i fituar i Vilem II. Sulmuesi me origjinë shqiptare vazhdon të shkëlqejë për skuadrën holandeze dhe në takimin e luajtur sot përballë Groningenit, shënoi sërish. 20-vjeçari është një rrezik konstant nga krahu i majtë për çdo kundërshtar dhe këtë gjë po e tregon ndeshje pas ndeshje, në nivelet më të larta.

Vilem II po mposhtej 0-2 nga Groningen në pjesën e parë, por që në startin e së dytës, Vrushaj hapi llogaritë e takimit, duke ngushtuar diferencat.

Në Belgjikë, Sidrit Guri luajti 90 minuta për ekipin e Ostendes, por nuk arriti të lërë gjurmë. Për më tepër, sulmuesi kuqezi u ndëshkua dhe me karton të verdhë, një ndeshje për t’u harruar për të.

Avdijaj dhe Vrushaj, projekti i Vilem II duket i shkëlqyer

Sport Ekspres — Fri, 25 Jan 2019 15:53:09 +0000

Jemi mësuar se skuadra e Ajaksit është ekipi që nxjerr talentet më të mëdhenj të futbollit holandez, por në vitet e fundit, të gjitha ekipet po ndjekin strategjinë që Ajaksi ka ndjekur prej shumë vitesh. Një nga këta ekipe është dhe Villem II, skuadër që ka dy shqiptarë në përbërje.

Mario Vrushaj dhe Dionis Avdijaj janë pjesë e ekipit holandez dhe e ardhmja e tyre duket e ndritur. Avdijaj luan që nga fillimi i sezonit me skuadrën holandeze dhe ka shënuar 4 gola në 15 takime si titullar, duke bërë një fazë të parë të shkëlqyer.

Edhe afrimi i këtij janari, Mario Vrushaj ka impresionuar me paraqitjet e tij në ndeshjet miqësore, duke shënuar një gol dhe duke asistuar dy herë në dy takime. Dy të rinjtë shqiptarë janë lojtarë shumë cilësorë dhe në rast se ruajnë këto ritme, me shumë gjasa do t’i shohim në ndonjë skuadër të madhe.

Kjo dhe për shkak të vëmendjes së madhe që ka klubi i Vilem II, që në këto vitet e fundit, ka nxjerrë dy holandezët më të shtrenjtë në histori. Virxhil Van Dajk dhe Frenki De Jong janë dy emrat që kanë dalë nga skuadra e Villem II dhe që u shitën për shifra marramendëse te Liverpuli dhe Barcelona.

De Jong dhe Van Dajk, dy lojtarët më të shtrenjtë holandezë kanë dalë nga skuadra e Vilem II