vojvoda

Gola dhe paraqitje të shkëlqyera, legjionarët duken “top”

Sport Ekspres — Wed, 26 Jun 2019 20:24:29 +0000

Sot janë luajtur një numër i madh ndeshjesh miqësore dhe shumë futbollistë shqiptarë kanë zbritur në fushën e lojës. Disa prej tyre, kanë bërë paraqitje shumë të mira, madje kanë gjetur dhe rrugën e rrjetës.

Standard Liezh fitoi 0-5 përballë Braine dhe golin e fundit të takimit, e shënoi mbrojtësi i Kosovës, Vojvoda. Dardani gjeti rrugën e rrjetës në minutën e 80’, për të vendosur rezultatin final të sfidës. Për Bazelin, protagonistë ishin dy futbollistë shqiptarë.

Skuadra zvicerane fitoi thellë 1-5 përballë Mynih 1980. Edon Zhegrova shënoi golin e katërt për Bazelin në minutën e 67’, ndërsa futbollisti i talentuar, Tician Tushi, shënoi në minutën e 74’. Golin sot e ka gjetur dhe ish-futbollisti i Skënderbeut, Agim Zeka, i cili shënoi një nga golat për skuadrën e Sitardit.

VIDEO | Lëvizje “alla-Zidan”, Vojvoda tregon klasin e tij në Belgjikë

Sport Ekspres — Tue, 23 Apr 2019 17:22:14 +0000

Mërgim Vojvoda mbetet një lojtar kyç te skuadra e Roial Eksel Muskron. Mbrojtësi i pëfaqësueses së Kosovës është aktivizuar për shumë se 2000 minuta në 29 aktivizimet që ka marrë këtë sezon.

Krahas detyrave mbrojtëse që janë gjëja kryesore për çdo mbrojtës krahu, 24-vjeçari shqiptar njihet për natyrën e tij sulmuese dhe aftësitë në driblim.

Në takimin e kësaj fundjave ndaj Vasland Beveren, Vojvoda, kreu një lëvizje “alla-zidan” për t’iu shmangur një lojtarit të skuadrës kundërshtare. Veprimi është i ka pëlqyer vetë lojtarit, i cili e ka ndarë me ndjekësit e tij në rrjetet sociale.

VIDEO | Bare shkëlqen me asist, Vojvoda gjen golin në Belgjikë

Sport Ekspres — Fri, 01 Feb 2019 21:17:19 +0000

Keidi Bare nuk e lëshon formacionin e titullarit te Malaga. Mesfushori fierak u aktivizua përsëri nga minuta e parë në takimin ndaj vizitorëve të Almerias. 21-vjeçari i mjaftuan 12 minuta për të qenë vendimtar, teksa shërbeu me një harkim perfekt, spanjollin Adrian Gonzales, i cili nuk gaboi pak metra larg portës së kundërshtarëve dhe zhbllokoi takimin.

Mërgim Vojvoda gjeti sërish rrugën e golit në kampionatin belg pas dy vitesh pritje në fitoren e skuadrës Muskronit ndaj Sporting Sharleruas me rezultatin 3 – 0 . Goditja e mbrojtësit të përfaqësues së Kosovës u ndihmua nga një devijim i kundërshtarëve, çka bëri që topi të përfundonte në rrejtë.