Sezoni i shkuar ishte sukses i madh në fushë, por të gjithë lojtarët u larguan, me përjashtim të disa të rinjve vlonjatë. Në Vlorë kanë mbetur lojtarë që i mban lidhur kontrata, apo që nuk kanë ende oferta, sepse do të kishin ikur edhe 18-vjeçarët.

E megjithatë, Sinan Idrizi nuk dorëzohet dhe Sport Ekspres mëson se në fundjavë në Vlorë pritet të prezantohet trajneri i ri. Do të jetë Julian Ahmataj, i cili e ka pranuar ofertën e Idrizit, edhe pse e ka të qartë se do të duhet të nisë gjithçka nga zero, me një buxhet të denjë për Burrelin apo Mamurrasin.
Ahmataj do të marrë me vete stafin e tij, ndërsa nuk dihen ende detajet financiare, që në fakt nuk kanë shumë rëndësi, sepse në Vlorë nuk është se po i merr njeri paratë.

Pas prezantimit, Ahmataj do të mbledhë gjithë të rinjtë vlonjatë, si dhe do të flasë me lojtarë që i njeh personalisht, për t’i afruar me paga simbolike, por me premtimin se një vit i mirë në Vlorë do t’u hapë rrugën për klube më të pasur.

TEUTA – “E menduam që ta nisnim vrullshëm lojën. Në futboll jo gjithmonë të del ajo që ke menduar, por neve sot na doli. Golat tanë erdhën në momentin e duhur, pasi kundërshtari po na vinte me vështirësi. Mposhtëm një ekip të fortë si Teuta, ku gjëja më e rëndësishme ishte rezultati”.

LICENCIMI PËR EUROPËN – “Ne kemi për detyrë që të fitojmë ndeshjet në fushën e lojës, pjesën tjetër e kanë drejtuesit e klubit. Ne duhet të përqendrohemi te fakti që po i shërbejmë qytetit me këto rezultate pozitive. Dihet që pjesa tjetër e ekipeve, si kundërshtari i sotëm,  kanë bërë merkato në janar, ndërsa ne kemi pasur shumë largime. Ne na mbetet të bëjmë tonën në fushën e lojës”.

EKIPI – “Ky grup ka një frymë skuadre mjaft pozitive, gjë që ja bën shumë të lehtë stafit. Kam mbështetjen e lojtarëve me eksperiencë çka mi bën gjërat më të lehta për ta motivuar këtë ekip e për të bërë këto gjëra që po arrijmë tani. Përderisa jemi në vend të tretë jemi të denjë për këtë, ne flasim me pikët. Kemi vetëm 10 lojtarë që përballojnë këtë intensitet ndeshjes. Lojtarët e stolit nuk kanë eksperiencën e duhur”.

Së fundmi Emiljano Musta ka postuar në llogarinë e tij në Instagram foton e bërë nga skuadra para ndeshjes me Tiranën. Elbasanasi i ka vendosur secilit lojtar, por edhe vetes, nga një mbishkrim interesant.

Mesfushorin 17-vjeçar Rrapaj e ngacmon për moshën duke e quajtur “Biberoni”. Batha është “Pitbulli”, ndërsa Deliaj ka mbishkrimin “Labi”, ndoshta prej faktit se kjo ka qenë nofka e përdorur për të kur ishte pjesë e Tiranës, siç duket vazhdon të thërritet kështu edhe tek ekipi i qytetit të vendlindjes.

Futbollisti i skuadrës vlonjate u shpreh i kënaqur me fitoren e sotme, ndërsa shpjegoi dhe arsyen e formës së mirë që po kalon gjatë javëve të fundit.

“Është një kampionat me shumë pak diferenca. Jam shumë i kënaqur për fitoren, por jo për lojën. Gjithsesi, Tirana është një skuadër e mirë”.

MOTIVIM EKSTRA NDAJ TIRANËS? – “Nuk ka lidhje se luaj kundër Tiranës. Të them të drejtën po stërvitem mirë në Vlorë. Ambienti është shumë i qetë dhe trajneri po bën një punë të mirë. Fanella e kundërshtarit të motivon që ta mundësh, sidomos kur është një fanellë e rëndë”.

VUAJTJET NË PJESËN E DYTË – “Minutat e fundit po na plaste zemra, pasi e vuajtëm. Nuk jemi në kampionat anglez që të vuajmë kaq shumë. Me pak eksperiencë e menaxhon situatën.

SUKAJ DHE NDËRHYRJA “KUNG FU” – “Unë nuk bëj ndërhyrje ‘Kung Fu’, asnjëri nga ne. Me Sukajn folëm pak dhe tha që rrëshqiti. Ai tha se donte të shkonte te topi, por kishte humbur ekuilibrin dhe nuk e ka kuptuar pse ndërhyri ashtu.

PAGAT? – “Për situatën e pagave më mirë të pyesni presidentin”, përfundoi Batha duke qeshur.

Autorë të golave ishin Andi Hadroj dhe Lamçja, të cilët mposhtën portierin Pano Qirko. Duhet përmendur se te Flamurtari nuk e kishin as fatin me vete, pasi lojtarët e skuadrës së Ilir Dajës u ndalën katër herë nga shtylla.

Flamurtari 0 – 2  Bylis
Shënues: Hadroj, Lamçja 

Flamurtari: Qirko, Kotobelli, Veliu, Deliu, Beqaj, Ymeraj, Elton Kale, Diamanti, Qarri, Sukaj, Ribaj. Trajner: Ilir Daja

Flamurtari është në rrezik mbijetese, nuk po flas për mbijetesë në Superiore. Nëse situata vazhdon kështu rrezikohet që Flamurtari të mos ekzistojë më.

“Fajtorët janë disa. Unë nuk i di situatat fiks fare, pasi është diçka e ndërthurur, por nëse ti si administrator në pesë vite merr lojtarë me kontratat më të shtrenjta dhe lojtarët ikin të gjithë në janar unë se kuptoj këtë gjë. Të ndodhë një vit e kuptoj, por pesë vite rresht. Fundja klubin nuk e ke as pronë tënden”.

“Përse gjithë ky investim. Duhej të ishin bërë kontrata me paga më të ulëta dhe një projekt ndryshe. Pas privatizimit le të bëhej një investim i tillë. E them se rrezikon ekzistencën pasi gjithë këto dëme në fund mund t’i ngelen stemës”, përfundoi Fakaj.

Bëhet fjalë për takimin e sapo mbyllur mes Flamurtarit dhe Kukësit, ku sërish është goditur anësori. Në minutat e fundit të sfidës, tifozët e Flamurtarit goditën me shishe anësorin pranë tyre, për shkak të një flamuri lart për pozicion jashtë loje.

Ndeshja u ndërpre për disa çaste, por duke parë që ishin sekondat e fundit të sfidës, vazhdoi dhe për disa momente deri sa erdhi vërshëllima finale. Këto incidente duket se do të përcjellin të gjithë gjysmën e dytë të sezonit dhe me dënimet që “mungojnë”, pse jo…

Plot 18 pikë në 14 ndeshje, futboll modern dhe golaverazh pozitiv për skuadrën e drejtuar me mjeshtëri nga trajneri i ri Artan Sakaj, i cili shpreson të ketë një karrierë po aq të suksesshme sa ajo si futbollist.

Tashmë kampionati është ndërprerë për pushimet dimërore dhe lojtarët kanë marrë pushimet e merituara, ndërkohë që klubi ka marrë një lajm të mirë nga Bashkia Vlorë, që është edhe pronare e klubit.

Këshilli Bashkiak ka miratuar fondin prej 140 milionë lekësh të vjetër për klubin, si pjesë e projektbuxhetit për vitin 2019.

Bëhet fjalë për 60 milionë lekë më shumë se vjet, kur Orikumi përfitoi 80 milionë lekë. Ngjitja në Kategorinë e Parë ka ndikuar për rritjen e vlerës së akorduar dhe tashmë financiarisht klubi është i qetë, sepse një pjesë e shpenzimeve janë mbuluar nga fondi i bashkisë, që te Flamurtari nuk investon më, por tek Orikumi po jep kontribut të rëndësishëm.

“Në tre javët e para jemi ndeshur me dy nga skuadrat që kanë luajtur në kupat e Europës dhe kanë qenë më përpara në aspektin fizik. Jemi paksa me vonesë për shkak se kemi nisur më vonë me përgatitjet, por skuadra është në rritje, po kompletohet dhe po shtohet rivaliteti për një vend në formacion.

Fjala titull? – Nuk është besëtytni që nuk e përmendim, thjesht i marrim ndeshjet me radhë, duke parë javë pas jave. Më pëlqen dëshira dhe mentaliteti fitues i skuadrës, lojtarët po punojnë si grup, duke mësuar të vuajnë për të arritur fitoren.

Interpretimi i lojës? – Kemi gjëra për të përmirësuar, në momentin kur jemi në avantazh sidomos. Për shkak të mungesës së disa lojtarëve në linjën e parë të sulmit, si Torasa, Danilo Alvesh e Kale, kemi pasur probleme, por sërish kemi bërë mirë në aspektin e rezultatit deri tani. Nëse përmirësohemi edhe në aspektin sulmues dhe të administrimit të rezultatit, atëherë mund të themi që ky është Flamurtari që duam.

Rënia në pjesën e dytë?  – Nuk ishte problem fizik, por taktik dhe këtu marr unë përgjegjësi, sepse skuadra shpenzoi shumë energji kot dhe bëmë disa gabime që na vendosën në vështirësi. Duhet të përmirësohemi në aspektin e menaxhimit të ndeshjes dhe në këtë aspekt jemi pak të justifikuar, sepse jemi ende në punë e sipër.

Të dielën në mbrëmje (19:45) Flamurtari do të presë Kukësin dhe është një ndeshje që ngjall interesim të madh për disa arsye. Është ndeshja hapëse e sezonit dhe në Shqipëri gjithnjë ndeshja e parë mbledh më shumë tifozë se zakonisht, pasi shihet “brumi” i ekipit të ri dhe a ia vlen të shpresosh.

Së dyti, në këto ditë të nxehta vere nuk ka më mirë se të kalosh dy orë në freski, në stadium, duke u lodhur nga kafenetë pa fund që kemi në Shqipëri.

Në fund, nuk duhet harruar rivaliteti Flamurtari-Kukësi, me vlonjatët që kanë kohë që nuk e mundin Kukësin dhe këtë radhë duan tre pikë me vlerë të shumëfishtë.

Për këtë arsye, që të shtunën paradite, prej orës 10, para stadiumit Flamurtari do të nisë shitja e biletave, me çmime të pranueshme.

700 lek për tribunën qendrore, vetëm 200 lek për tribunën përballë dhe për tifozerinë mike, justifikimet për të mos shkuar në stadium nuk duhet të ekzistojnë.

Flamurtari – Kukësi
E diel, date 26 Gusht 2018 ora 19:45

BILETAT
Tribuna Qendrore – 700 lekë
Tribuna A dhe B anësore – 400 lekë
Tribuna C , D dhe Miqtë – 200 lekë