Mësohet se Vllaznia ka nisur bisedimet me ish-mesfushorin e kombëtares, Armando Vajushi, i cili luajti me Teutën në gjysmën e dytë të sezonit të shkuar. “Djemtë e Detit” dhe Vajushi nuk e vazhduan bashkëpunimin dhe 27-vjeçari është lojtar i lirë.

Vajushi e ka nisur karrierën e tij pikërisht te skuadra e Vllaznisë, me të cilën ka luajtur për tre sezone. Në Superiore, Vajushi ka luajtur 55 ndeshje me Vllazninë, duke shënuar 8 gola.

Shtubina u aktivizua për dy sezone me skuadrën e Laçit në Superiore, duke qenë një ndër lojtarët më të rëndësishëm. Te kurbinasit, Shtubina luajti 52 ndeshje në Superiore dhe shënoi 12 gola.

Ndërsa me Vllazninë, 32-vjeçari ka luajtur në total 8 sezone, së bashku me një aventurë 1-vjeçare te Flamurtari në mes. Një lojtar me shumë eksperiencë që ka përforcuar ekipin e Vllaznisë.

Mesfushori me shumë eksperiencë ishte ai që bëri diferencën në këtë takim, duke i dhënë fitoren Vllaznisë. Lika shihet si një lojtar i rëndësishëm për sezonin e ekipit shkodran në Superiore, pasi dhe kontrata i është rinovuar. Si Besëlidhja, ashtu dhe Vllaznia, vazhdojnë kështu përgatitjet e tyre për sezonin e ri futbollistik.

Miqësore

Besëlidhja – Vllaznia  0-1
G. Lika 20’

Behar Ramadani, i cili ishte pjesë e Luftëtarit të Gjirokastrës katër sezonet e fundit, është rikthyer në Shkodër pas 6 vitesh. 29-vjeçari ka thënë fjalët e para për faqen zyrtare të klubit.

Ai nuk e fsheh kënaqësinë e madhe që do të kontribuojë për ekipin e zemrës, ndërsa nuk harron edhe vitet e bukura të kaluara me bluzinjtë e gurtë. Ramadani është gati për aventurën e re, teksa Vllaznia siguron një përforcim të rëndësishëm.

“Normalisht gjithmonë rikthimet janë të bukura, aq më tepër kur kthehem tek këto ngjyra me të cilat jam rritur. Tashmë nuk ka më kohë për fjalë, çdo gjë duhet t’ia lëmë kohës dhe t’i futemi punës dhe të mundohemi për të dhënë më të mirën për këtë fanellë dhe për qytetin.

Ndoshta ka qenë edhe çështje fati që nuk kam luajtur shumë në Shkodër. Tek Luftëtari ka qenë shtëpia ime e dytë, e kam kaluar shumë mirë, atje kam kaluar vitet më të bukura të karrierës time i kam kaluar në atë qytet të mrekullueshëm. Sa i takon Vllaznisë vërtetë që kam dhënë shumë pak për të, kështu erdhën rrethanat por shpresoj që këtë vit të jap më tepër dhe të arrijmë ato objektiva që ka klubi.

Tek Vllaznia shoh që ka ndryshime, ka ardhur trajner i ri, po vijnë lojtarë të rinj dhe ajo që mund të them unë është se do të jap maksimumin tim. Sa u takon tifozëve, ata jo këtë vit por historikisht kanë treguar se i kanë dhënë tonin futbollit shqiptar dhe ato gjithmonë kanë kërkuar me pasë një Vllaznia sa më të mirë, konkurrente për titull dhe jo më për pjesët e tjera të kampionatit”,  është shprehur Ramadani për faqen zyrtare të klubit.

NJOFTIMI – KF Vllaznia ka bërë realitet ditën e sotme një tjetër afrim në merkato. Drejtuesit teknik kanë rënë dakord që futbollisti maqedonas Aleksandar Ristevski të jetë pjesë e skuadrës për sezonin e ardhshëm duke plotësuar kësisoj nevojat që ajo ka për përforcime në repartin e mbrojtjes.

Për rrjedhojë administratori i klubit z.Suad Lici ka firmosur sot kontratën me këtë futbollist duke e bërë tashmë pjesë të Vllaznisë për sezonin e ardhshëm si dhe do të jetë pjesë e saj edhe për periudhën e Kupave të Europës nëse ajo arrin një objektiv të tillë.

KF Vllaznia i uron mirëseardhjen futbollistit Aleksandar Ristevski dhe premton që pas tij të ketë edhe të tjerë lojtarë që do të vishen kuqeblu sepse pretendimet tona janë për ndërtimin e një ekipi cilësor për sezonin e ri futbollistik.

Futbollisti 29-vjeçar ka luajtur ka luajtur me skuadra të ndryshme të ligës së parë dhe të dytë në Maqedoninë e Veriut. Në sezonin e kaluar Ristevski është aktivizuar në pjesën e parë me  Renovën, ndërsa gjatë merkatos së dimrit u transferua te skuadra e Pobedës.

Ristevski ka marrë pjesë në seancën stëvitore të së martës pasdite të zhvilluar nën drejtimin e trajnerit Mirsad Jonuz. Ditën e mërkurë pritet që klubi të zyrtarizojë afrimin e 29-vjeçarit.

Shkupi dhe Sileksi janë vetëm dy nga ekipet me të cilat Glogorov është aktivizuar, ndërsa ka luajtur edhe me Olimpik Sarajevon në kampionatin boshnjak. Gligorov ka ardhur si dëshirë e trajnerit të ri Mirsad Jonuz dhe ka nënshkruar një kontratë 1-vjeçare në Shkodër.

Së fundmi futbollisti 29-vjeçar mbylli bashkëpunimin me Luftëtarin, ekip ku luajti për katër sezone. Zyrtarizimi nga klubi nuk ka ardhur ende, por prania e Ramadanit në seancën nuk lë shumë vend për diskutim.

Ardhja e Ramadanit zëvendëson largimin e Alsid Tafilit, i cili u largua nga Vllaznia pak javë më parë duke preferuar të vijojë karrierën më Lirinë e Prizirenit në Ligën e Parë të Kosovës.

“Vllaznia mbetet peng i politikës. Politika e keqe bën klubin e keq. Politika e ka në kthetrat e veta e nuk e lëshon për interesat e veta. Talentet të rinj po ikin vit pas viti nga akademia në drejtim të klubeve të tjera”.

“Ata drejtuesit e tanishëm po ndërtojnë një klub shumë të vogël. Mendoj se do kenë probleme të qëndrojnë në Superiore. Janë shumë mbrapa me merkato, ndërsa nuk e kuptoj as zgjedhjen e trajnerit. Se kuptoj se si ka ardhur te Vllaznia. Si mund të marrësh një trajner të huaj kur nuk ke asnjë garanci pasurore”.

“Dëgjojmë këtë kryetarin e ri të bashkisë, ose më mirë të them atë që mendon se do të jetë kryetari i ri që thotë mos firmoni asgjë, ndërkohë kryetarja e vjetër vazhdon akoma, drejtori Suad Lici nuk  e di me çfarë fondesh punon”, tha Vata.

“Arsyeja përse u afrova te Vllaznia është emri i madh dhe historia e kësaj skuadre. Sapo mu dha si mundësi nuk hezitova dhe thashë menjëherë po. Kam biseduar me drejtues të klubit dhe shpresojmë të bëjmë gjëra të mira”.

“Nuk kam shumë njohuri për skuadrën aktuale, por jam munduar të marr informacione gjatë këtyre ditëve. Do vazhdoj të punoj në ditët në vazhdim dhe besoj se të hënën ose të martën do të nisim punën për të ndërtuar një Vllazni ndryshe nga vitet e fundit. Kam marrë të gjithë mbështetjen e drejtuesve të klubit dhe jam i bindur që do ia dalim”.

“Arsyeja pse pranova dhe zgjodha të drejtoj këtë ekip është emri i madh u Vllaznisë”, është shprehur mes të tjerash Jonuz në daljen e tij të parë për mediat. Dëshira është e madhe për të bërë gjëra të mira në krye të Vllaznisë dhe për këtë ai ka premtuar se do të bëjë maksimumin.

Administratori Suad Lici ka thënë fjalët e tij dhe ka theksuar se synohet që sezoni i ardhshëm të jetë ndryshe nga më të mëparshmit. Ish-futbollisti i Vllaznisë është i bindur se kanë bërë zgjedhjen e duhur për pankinën. 

Vllaznia deri më tani ka afruar Herald Markun dhe Dajan Shehin, ndërkohë që kanë rinovuar kontratat Gilman Lika dhe Renato Malota. Gurishta, Krymi, Kruja dhe Sherri janë nën kontrata, ndërkohë që pritet të ketë edhe afrime të tjera në vazhdim.

Jonuz është 57-vjeç dhe në karrierën e tij si futbollist, ka qenë portier i disa ekipeve, si Levadikos dhe Vardarit. Trajneri është i njohur në Maqedoni, aty dhe ku e ka kaluar pjesën më të madhe të karrierës së tij si futbollist dhe si trajner. Prezantimi i tij para mediave do të bëhet pas disa ditësh dhe zyrtarizimi i tij në krye të Vllaznisë është njoftuar nga vetë klubi shkodran.

Njoftimi i Vllaznisë:

“Pas firmave në kontratë me disa futbollistë të cilët do të jenë pjesë e skuadrës për sezonin e ardhshëm futbollistik, drejtuesit e klubit kanë vijuar punën edhe në aspekte të tjera. Për këtë arsye, ditën e sotme është arritur akordi edhe me trajnerin që do të drejtojë ekipin e Vllaznisë në vijim. Njeriu i përzgjedhur për këtë arsye, është Mirsad Jonuz, një trajner shumë i njohur në Maqedoni dhe jo vetëm.

Trajneri maqedonas gjatë karrierës së tij në drejtim ka punuar me disa ekipe duke filluar nga ai i Rabotniçkit, për të vazhduar me Pobeda Prilep, para se të merrte drejtimin e kombëtares U21 të Maqedonisë të cilën do ta drejtonte nga vitet 2003-2009. Në këtë vit i është besuar drejtimi i ekipit të parë të kombëtares së vendit fqinj. Në krye të kombëtares maqedonase ka qëndruar për dy vite duke e drejtuar në 30 ndeshje.

Pas kësaj, ka punuar në krye të ekipit qipriot Nea Salamis. Ka provuar të jetë edhe drejtor teknik tek FC Horizont Turnovo në vendin e tij ndërsa në sezonin e kaluar ka qenë trajner i ekipit FC Aiginiakos në Greqi.
Me z. Jonuz drejtuesit e klubit Vllaznia kanë rënë parimisht dakord për gjithçka sa i takon kushteve të kontratës dhe ai pritet që në ditët në vijim të mbërrijë në Shkodër për të firmosur kontratën dhe për t’u prezantuar zyrtarisht para mediave. Pas kësaj, do të vihet në krye të ekipit për të filluar përgatitjet për sezonin e ri futbollistik”.

Shimaj nuk është i vetmi lojtar i akademisë së Vllaznisë që i bashkohet Besës gjatë kësaj merkato vere.  Pak javë më parë klubi kavajas zyrtarizoi firmën me mesfushorin Uheid Hoxha. Të dy këta lojtarë zgjodhën skuadrën kavajase si vendin ku do hedhin hapat e parë në futbollin profesionist.

Pas afrimeve si Herald Marku dhe Dajan Shehi, Vllaznia ka rinovuar dhe me dy futbollistët aktualë të skuadrës, kapiteni Gilman Lika dhe mbrojtësi Renato Malota.

Të dy futbollistët kanë një eksperiencë shumë të madhe në Superiore dhe bashkëpunimi i tyre me Vllazninë është një plus për ekipin shkodran. Lajmi për rinovimin e dy futbollistëve e publikoi faqja zyrtare e Vllaznisë, që lajmëroi se në ditët e ardhshme do të ketë dhe rinovime të tjera.

Nisur nga këto kushte, Gocaj ka marrë një ofertë së fundmi dhe është Besëlidhja që e do në skuadër anësorin. Trajneri Elvis Plori dëshiron të ketë në skuadër shkodranin. Edhe në të shkuarën lezhjanët e kanë tentuar atë.

SportEkspres.com mëson se Gocaj ka marrë një ofertë konkrete nga Besëlidhja, që është e gatshme të japë një shumë të konsiderueshme “cash” dhe pjesën tjetër të të ardhurave mbrojtësi ta marrë si pagë mujore në vazhdim.

Te Vllaznia kanë nisur të lëvizin së fundmi, por ende nuk ka asnjë rinovim. Gocaj normalisht do ta dëgjojë ofertën e klubit të vendlindjes dhe nëse është e duhura nuk ka arsye të ndryshojë ambient. Problemi është se ai dhe të tjerët nuk kanë kohën e mjaftueshme të presin pafundësisht që Vllaznia t’u bëjë një ofertë.

Administratori Suad Lici ishte krah tyre në momentin e prezantimit, ndërkohë që për të ka një mesazh nga ana e kryebashkiakut të ri, Valdrin Pjetri. “Administratori të jetë i kujdesshëm me blerjet që është duke bërë. Nuk është momenti për të bërë qokat në blerjet e lojtarëve që janë në rezervat e ekipeve.

Ky është i vetmi mesazh që kam për administratorin. Vllaznia nuk është e atij, as e imja, por është e gjithë shkodranëve. Nuk është pronë dhe s’mund të bëhen qoka individuale me blerje skarco. Vllaznia është aset i shkodranëve”, ka thënë Pjetri para mediave lokale në Shkodër.

Ai ka folur edhe për çështjen e privatizimit dhe të borxheve: “Orientimi do të jetë privatizimi i klubit, por duhet parë ligjërisht procedura. Nuk ndodh në ditën 0. Ka rreth 1 miliard borxhe. Për sa i përket pjesës së borxheve do të merret dikush tjetër. Do ta shohim në vazhdim. Për sa i përket lëvizjes së administratorit dhe drejtorit teknik, do ta shohim në vazhdim”.

Flamurtari është një nga ato që rrezikon më së shumti, ndërkohë që në të njëjtat ujëra janë edhe Vllaznia, Tirana e Luftëtari. Të katër këto klube i kanë sytë nga qeveria, me shpresën se do të ketë ndonjë amnisti për borxhet që kanë në sigurime.

Bëhet fjalë për shifra të frikshme, që shkojnë deri në 1 miliard lekë. Refik Halili, presidenti i Tiranës, në njëfarë mënyrë ia kërkoi diçka të tillë kryeministrit Edi Rama në takimin e bërë rreth tre muaj më parë. Asokohe u premtua shumë, por nuk u bë asgjë.

Paketa e re fiskale është një shpëtim dhe FSHF i ka bërë sugjerimet e saj në Ministrinë e Financave dhe të Ekonomisë. Nuk ka optimizëm që qeveria do t’i plotësojë kërkesat e klubeve, që rrezikojnë shumë, madje katër klube elitare të përmendura më lart rrezikojnë pjesëmarrjen në Superiore sezonin e ardhshëm.

“KF Vllaznia ashtu siç kishte premtuar, ka nisur punen për ndërtimin e skuadrës për sezonin e ardhshëm.  Për këtë arsye, pasditen e sotme janë konkretizuar edhe dy kontratat e para me futbollistët që janë përzgjedhur nga drejtuesit.

Futbollistët që  kanë firmosur janë Herald Marku që luan në pozicionin e mesfushorit dhe Dajan Shehi qendërmbrojtës. Këta dy futbollistë sezonin e kaluar kanë qenë pjesë e Kastriotit të Krujës ku kanë spikatur me paraqitjet e tyre.

Kontratat e firmosura me këto dy futbolliste janë njëvjeçare me të drejtë rinovimi edhe për një sezon tjetër.  KF Vllaznia i uron mirëseardhjen Heraldit dhe Dajani, duke shpresuar që së bashku të bëjmë paraqitjen e duhur në sezonin e ri”, njofton klubi shkodran.

“Klubi zyrtarizon zgjatjen e bashkëpunimit me Labinot Ibrahimin. Mbrojtësi dhe drejtuesit kanë nënshkruar kontratën e re e cila do të jetë e vlefshme edhe për sezonin e ri. Rinovimi i kontratës erdhi me dëshirën e të dyja palëve, ndërkohë që prej vitit 2013 Ibrahimi është pjesë e familjes së kuqe, me të cilën fitoi edhe titullin e 16 kampion të Shqipërisë”, njofton klubi i Partizanit.

Merkato në hyrje nuk ka përfunduar dhe dëshira tjetër është Erdenis Gurishta. Shkodrani është nën kontratë me Vllazninë dhe prej kohësh e di interesimin e të kuqve për shërbimet e tij. Mbrojtësi, i cili luan në të dy krahët e prapavijës dhe në qendër, ka kërkuar të dalë i lirë.

Gjithsesi deri më tani administratori Suad Lici nuk ia ka dhënë lejekalimin. Te Vllaznia atë e shohin si një nga lojtarët më të rëndësishëm dhe drejtuesit aktualë normalisht që nuk mund ta lëshojnë. Nëse drejtuesit e rinj të Bashkisë Shkodër do bëjnë lëvizje, atëherë mund edhe të ketë lajme të reja.

“Dëshira ishte që unë të qëndroja te Vllaznia, pasi isha në shtëpinë time dhe kisha vite që luaja këtu. Megjithatë, këtë vit pashë se situata nuk ishte dhe aq e këndshme për arsye zgjedhjesh e vonesash, me sa kam dëgjuar ka dhe probleme fondesh. Mu mundësia një ofertë në Kosovë. Ata më kanë vlerësuar dhe zgjodha të shkoja atje”.

“Samueli (Nikaj) është shumë i respektuar në Kosovë pasi ka arritur të çojë dy ekipe në Superligë. Mendoj se ata kanë bërë zgjedhjen e duhur, ai e njeh mirë këtë kategori. Jemi dy shkodranë, kemi punuar bashkë më parë. Mendoj se do ia kalojmë mirë andej. Janë njerëz që presin mirë dhe korrekt”.

“Dëshira normal është që të organizohen sa më shpejt e të mos mungojë menaxhimi i mirë. Të paktën të bëjnë një ekip për të paktën për mesin e tabelës. Me këto vonesa do të jetë e vështirë për merkaton”.

Nikaj, në një prononcim për RTSH Sport, është shprehur se i pëlqen më shumë të drejtojë ekip që nuk janë në elitë, por që kanë objektiva të rëndësishme. “Më erdhën 2-3 oferta, por zgjodha Lirinë e Prizrenit pasi është një nga klubet më të mira në Kosovë.

Në Shqipëri pak ndryshojnë gjërat. Kam preferuar ekipet e kategorisë së dytë, për vetë objektivat madhore që kanë për t’u ngjitur. Mund të vazhdoja në Superligë me Vushtrrinë, por objektivat nuk më bindën. Shqipëri-Kosovë i shoh si një, kemi shkëmbyer lojtarë e trajnerë prej kohësh”, është shprehur Nikaj mes të tjerave.

Në fund ai ka folur edhe për Vllazninë, që e sheh si ekipin më të rrezikuar për të lënë Superioren sezonin e ardhshëm. “Vllaznia e shoh edhe si tifoz. Është në gjendje të keqe, më keq se atë vit që ramë. Është shumë vonë në organizim. Nuk gjen ekip më kandidat se Vllaznia për të rënë. Nuk dihet kush është nën kontratë, sa lojtarë janë, kush është drejtor etj etj”, ka përfunduar Nikaj.

Tani, 46-vjeçari punon si drejtor klubin e Furtuna Dyseldorf. Në një intervistë për medien gjermane “spolx”, Pfanenshtil ka kujtuar një detaj rrënqethës në periudhën kur drejtonte një klub në Afrikë.

“Kishim një ndeshje të vlefshme për Champions-in e Afrikës. Disa minuta para ndeshjes në dhomat zhveshjes vjen një shtrigan, i cili na lyen me lëng të përftuar nga kufoma njerëzish. Mbante një ere të tmerrshme, për pak na nuk po më binte të fikët. Në fund ia dolëm të fitonim ndeshjen dhe shtrigani ishte i bindur se ia dolëm falë lëngut të tij”.

“Në Afrikë mendojnë ndryshe. Futbollistët në Europë dhe vende të kanë si synim që me paratë që përfitojnë të blejnë një shtëpi për vete dhe një të dytë për fëmijët e tyre. Atje në përgjithësi nuk janë aq largpamës sa këtu. Jetojnë për momentin, duke shpenzuar parat për produkte luksoze të ndryshme. Jeta është ndryshe atje. Një koleg im u vra me sëpatë sepse la të dashurën, ndërsa një tjetër humbi të vëllain në një aksident rrugor, filloi të qante me dënesë, por të nesërmen e kishte harruar, më tha: Zoti jep, Zoti merr.”, përfundoi Pfanenshtil.

Ditë më parë, në klubin shkodran plot zell dolën e premtuan se brenda qershorit do të vinin edhe firmat me lojtarët e kontaktuar gjatë kësaj periudhe. Deri më tani nuk asnjë afrim, ndërkohë që pjesa më e madhe e lojtarëve janë të lirë dhe mund të nënshkruajnë ku të duan.

Në kampin kuqeblu në fakt nuk është se shqetësohen shumë për këtë pjesë, pasi drejtuesit aktualë nuk i kanë në plane një pjesë të mirë të lojtarëve që mbyllën vjet sezonin në Shkodër. Gjithsesi edhe ata vetë janë në ajër dhe mund të mos vazhdojnë më të jenë pjesë e Vllaznisë.

Dihet që edhe situata politike në vend ndikon te kuqeblutë, që menaxhohen nga Bashkia Shkodër. Me një tjetër kryebashkiak gjërat mund të marrin rrjedhë tjetër dhe me siguri kështu do të ndodhë. Pikëpyetjet janë të shumta rreth klubit dhe në këto kushte padyshim Vllaznia mbetet një nga skuadrat më të rrezikuara për sezonin e ardhshëm.

Një rikthimin për mesfushorin, i cili bashkohet me trajnerin Samuel Nikaj. Në vitin 2009, pak javë pasi kishte nisur kampionati, Tafili iku nga Laçi dhe veshi fanellën e Lirisë, skuadër me të cilën fitoi kupën në Kosovë.

“Mirë se erdhe KAMPION. Sot po bëjmë hapin e parë me lojtarë të kalibrit të lartë si Alsid Tafili drejt Superligës. Alsidi është njëri ndër mesfushorët më cilësor në trevat tona dhe që ka mbrojtur me sukses ngjyrat e disa klubeve të njohura si Vllaznia (Shkodër),Partizani (Tiranë),Teuta ( Durrës) ka bëre karrierë gjithashtu në Greqi, si dhe ka qenë fitues i Kupës së Kosovës me klubin tonë në vitin 2010. I urojmë mirëseardhje Alsidit dhe suksese drejt Superligës”, njofton klubi i Lirisë.

“Sa shumë vite të bukura dhe të paharrueshme. Po të filloj me falënderime do jetë shumë e vështirë sepse duhen falënderuar  shumë persona. Do falënderoj nga zemra çdo trajner që më ka stërvitur, çdo drejtues të akademisë dhe çdo njeri tjetër që më ka ndihmuar në këto vite. Ndoshta është e vështirë të shprehem, por këto janë fjalë zemre, janë fjalë që dalin nga një person i dashuruar pas Vllaznisë.

Duke mos dashur ta zgjas shumë, do them vetëm që mbase një ditë do më humbasë mirënjohja me njerëzit ose diçka e tillë, por jam i sigurt që mirënjohja për ato ngjyra e për atë emër të madh nuk do humbasë kurrë. Emrin e Vllaznisë nuk e hedhin dot as 10, as 100, as 1000 e as 1 milion persona, sepse emri i Vllaznisë është i shenjtë.

Respekt, mirënjohje për çdo tifoz që më ka mbështetur, ndoshta edhe me një fjalë goje. Tani është koha për një hap më tepër në karrierën time, një hap që do e filloj me ekipin e mrekullueshëm të Bylis. Shpresoj të jap maksimumin tim dhe të gjithë së bashku të bëjmë një punë të mirë. Gjithmonë i juaji, gjithmonë zemrën me ju”, shkruan Qardaku.

Qardaku, vjet u shpall edhe shënuesi më i mirë në kampionatin e moshave, duke tundur 21 herë rrjetat e kundërshtarëve. Sulmuesi 19-vjeçar tanimë nis rrugëtimin si profesionist dhe do kërkojë të spikasë me Bylisin.

Vllaznia nga ana tjetër sheh t’i ikë nga duart një tjetër lojtar i formuar prej tyre. Bylisi shpreson që Qardaku të shpërthejë me ta dhe në të ardhmen të shitet jashtë vendit.

Voltana Ademi, i falet në njëfarë mënyre pasi është edhe femër, e premtoi Kategorinë e Parë dhe kuqeblutë sezonin e shkuar luajtën aty, ndërkohë që fjalët e Pjetrit nuk janë pritur mirë nga tifozët. Reagimet në rrjetet sociale kanë qenë të shumta, ndërkohë që kandidati i Partisë Socialiste e shikon zgjidhjen te privatizimi i klubit.

“Vllaznia nuk po arrin të kalojë aty ku e ka vendin. Kam marrë shumë shqetësime nga tifozë të ndryshëm dhe pyetja kryesore është: Valdrin, çfarë do të bësh me Vllazninë nesër? Në konsultë edhe me mjeshtrat e sportit, por edhe duke parë anën ekonomike, propozimi ynë është fillimi i procedurave për privatizimin e KF Vllaznia”, shprehet mes të tjerash Pjetri, i cili sa duket nuk ka informacion që procedurat e privatizimit kanë nisur dhe aksionet e Vllaznisë tashmë e kanë edhe një çmim.

Më tej ai flet për rëndësinë e privatizimit dhe bën gafën e madhe: “Vetëm atëherë ne mund të çojmë Vllazninë në Kategorinë e Parë dhe t’i japim Vllaznisë as më shumë e as më pak, por atë që meriton. Ja kemi borxh dhe borxhet duhet me i la. Koncepti ynë është që Vllaznia të privatizohet”.

Për situatën te bluzinjtë ka folur menaxheri i shumë lojtarëve të Superiores, Elton Marini. I ftuar në emisionin “Rubrika Sportive” në “RTSH“, Marini zbuloi një bisedë midis tij dhe presidentit të Luftëtarit Grigor Tavo. Ndër të tjera menaxheri zbuloi dhe faktin që Vllaznia ka arritur akordin me sulmues nga Brazili.

LUFTËTARI – “Unë përfaqësoj Realdo Filin dhe në një bisedë që kam pasur me presidentin Tavo, ai më dha garanci për detyrimet ndaj meje dhe lojtarit tim, për pjesën tjetër më dha se do të flasim pas 1 korrikut”.

VLLAZNIA – “Vllaznia është një ndër klubet që ka filluar të punojë që tani. Ata kanë gjetur akordin me dy futbollistë nga Brazili, por edhe me sulmuesin kryesor të vitit të kaluar Silvo Zhunior”.

Oferta zyrtare sot duket se ia ka “trullosur” mendjen qendërmbrojtësit shtatlartë, i cili ka folur për SportEkspres.com dhe ka saruar se si është situata në lidhje me të ardhmen e tij.  Shehi duket i dyzuar, pasi edhe pista “Tirana” mbetet e hapur për të.

“Sapo kam biseduar me drejtues të Vllaznisë, të cilët më bënë ofertë të jem pjesë e tyre për sezonin e ri. E mendoj një ofertë serioze dhe nuk e kam refuzuar, por as nuk e kam pranuar ende. Sepse duke qenë në kontakte me Tiranën, më mbetet që me këtë skuadër të madhe ta mbyll pozitivisht. Gjithsesi, asgjë nuk është mbyllur dhe do jem në kontakt me shkodranët”, deklaroi Dajan Shehi.

AGRON KAJA

Vllaznia është pjesë e grupit 10, kurse Mitrovica në grupin 2. Vajzat dardane do t’i zhvillojnë ndeshjet në Mal të Zi, ndërkohë që në grup me to janë Universitatea Olimpia Cluj (Rumani), NSA Sofia (Bullgari), Breznica Pljevlja (Mali i Zi). Vetëm vendet e para në grup kalojnë në raundin tjetër, kur marrin pjesë 32 skuadrat më të mira.

UEFA WOMEN’S CHAMPIONS LEAGUE – QUALIFYING GROUP STAGE 

Grupi 1: SFK 2000 Sarajevo (BIH, pritës), Breidablik (ISL), ASA Tel-Aviv University, ZFK Dragon 2014 (MKD)

Grupi 2: Universitatea Olimpia Cluj (ROU), NSA Sofia (BUL), Breznica Pljevlja (MNE, pritës), MITROVICA (KOS)

Grupi 3: Hibernian (SCO), Pomurje Beltinci (SVN, pritës), Cardiff Met (WAL), FC Nike (GEO)

Grupi 4: FC Minsk (BLR), Kharkiv (UKR, pritës), ZNK Split (CRO), Bettembourg (LUX)

Grupi 5: ZFK Spartak (SRB), Ferencvaros (HUN), Slovan Bratislava (SVK, pritës), Agarista – SS Anenii Noi (MDA)

Grupi 6: BIIK-Kazygurt (KAZ), PK-35 Vantaa (FIN), Flora Tallinn (EST, pritës), EBS/Skala (FRO)

Grupi 7: Apollon LFC (CYP), Sturm Graz (AUT), Braga (POR), R?gas Futbola skola (LVA, pritës)

Grupi 8: LSK Kvinner (NOR), PAOK (GER), Anderlecht (BEL, pritës), Linfield (NIR)

Grupi 9: FC Twente (NED, pritës), Gornik L?czna (POL), Besiktas (TUR), Alashkert (ARM)

Grupi 10: Gintra Universitetas (LTU, pritës), VLLAZNIA (ALB), Wexford Youths (IRL), Birkirkara (MLT)

Gjithashtu pritet të vendoset edhe në lidhje me trajnerin. Sezonin e mbylli Agim Canaj në krye të shkodranëve, por ende nuk dihet nëse vlonjate do të vazhdojë t’i drjetojë shkodranët edhe në Superiore. Me zgjedhjen e trajnerit do të mendohet edhe për rinovimet e kontratave.

PËRFORCIMET – SportEkspres.com mëson se një nga lojtarët e “piketuar” nga Vllaznina është mesfushori Herald Marku. Shkodrani, i cili spikati me Kastriotin, është një nga objektivat e kuqebluve dhe kontaktet e para mes palëve kanë nisur.

Futbollisti 23-vjeçar është produkt i Partizanit dhe për herë të parë në Superiore është aktivizuar me Tërbunin, për të provuar më pas veten në Gjermani. Këtë verë ai u rikthye në Shqipëri dhe me krutanët është aktivizuar në 23 ndeshje (20 titullar) dhe ka shënuar pesë gola.

Marku mund të aktivizohet në disa pozicione, si në treshen e qendrës së mesfushës, në krah të sulmit, por ka provuar të luajë edhe në linjën e majtë të prapavijës. Interesim për shërbimet e mesfushorit nuk ka vetëm nga Vllaznia dhe mbetet të shihet se ku do ta vijojë karrierën.

“Uheid Hoxha ka është lojtari me i ri në radhët verdhezi. Hoxha vjen nga akademia Vllaznisë dhe është një përforcim i vlefshëm për skuadrën”, njofton klubi kavajas. Hoxha te shkodranët ka qenë një nga lojtarët më të spikatur me moshat.

Sivjet ai do të ketë mundësinë të luajë në Kategorinë e Parë, ccka do t’i shërbejë të rritet dhe më pas të transferohet në ndonjë tjetër skuadër. Te Vllaznia U19 ai ka spikatur edhe me shënimin e golave, duke gjetur tetë herë rrugën e rrjetës.

POSTIMI I VLLAZNISË – Ditët e fundit po flitet shumë rreth Vllaznisë dhe pozicionit të drejtorit sportiv, z. Engin Firat. Pikërisht për këto, z. Firat përmes faqes zyrtare të klubit, dëshiron të sqarojë pozicionin e tij dhe atë se çfarë po ndodh aktualisht tek Vllaznia.

“Pas të gjitha spekulimeve në javët e fundit. kam dashur të bëj të qarta disa pika. Ashtu siç e kemi lajmëruar edhe më parë, kemi përfunduar listën e transferimit për Vllazninë në fund të prillit. Pas përfundimit të Kategorisë së Parë, administratori Lici ka filluar të flasë me secilin nga lojtarët në veçanti.

Përveç cilësisë së lojtarëve, administratori Lici dëshiron gjithashtu të jetë i sigurt për karakterin dhe anën financiare te tyre. Sepse ne nuk do të transferojmë lojtarët që janë shumë të shtrenjtë për buxhetin tonë. Disa transferta janë dakordësuar dhe ne shpresojmë që deri në fund të qershorit të përfundojmë të gjitha transfertat, duke përfshirë edhe trajnerin.

Sigurisht që askush nuk mund të presë deri në gusht për të vijuar me transfertat, sepse kjo do të shkatërronte Vllazninë. Ne jemi të sigurt se do të kemi një ekip të mirë në sezonin e ardhshëm, i cili nuk do të kalojë të njëjtin makth si 2 vjet më parë.

Për veten time, unë nuk jam problemi për Vllazninë dhe do ta mbështes administratorin Lici gjithë kohën. Për ta bërë gjithashtu të qartë për të gjithë, nuk kam interes të jem trajneri i Vllaznisë dhe nuk do të largohem për një klub tjetër në Shqipëri. Pasi Lici të përfundojë të gjitha transferimet, ne do të ulemi dhe do të flasim për të ardhmen dhe vijimësinë e bashkëpunimit tonë. Me respekt, Firat”, thuhet në deklaratën e dhënë për faqen e klubit.

LAÇI – “Besoj se po, pasi kam zhvilluar një sezon të mirë, si me gola, ashtu edhe ndeshje të luajtura. Kam ndërruar shume role në loje e kjo është diçka pozitive. Ndihem shumë mirë këtu te Laçi, sepse më përshtatet çdo gjë. Në futboll ndodh çdo gjë dhe ende nuk mund ta them me siguri nëse do të jem edhe sezonin e ri tek Laçi apo jo. Deri pas ndeshjeve të Kupave të Europës është e sigurt se do të jem pjesë e Laçit. Pas ndeshjeve europiane do flas me presidentin, por dëshira ime është të rri këtu edhe sezonin e ardhshëm”, është shprehur Shtubina.

VLLAZNIA – Ai ka folur edhe për skuadrën e qytetit të tij, Vllazninë. “Nuk mund ta shikoja Vllazninë duke luajtur në Kategorinë e Pare, sepse nuk i shkon kësaj skuadre. Besoj që Vllaznia ka ‘zënë mend’ nga gabimet dhe s’besoj që të jetë më në këtë gjendje”, shprehet Shtubina, i cili nuk e përjashton mundësinë e rikthimit te kuqeblutë.

“Pas ndeshjeve europiane do të isha i gatshëm të flisja me drejtuesit e Vllaznisë. Ia kam borxh një gjë të tillë, sepse falë Vllaznisë jam ky që jam sot. Tek kjo skuadër jam rritur, atje mësova çdo gjë nga futbolli”, shtoi anësori i krahut të djathtë.

RECETA – “Mendimi im është që të ruhet grupi dhe me disa blerje të lojtarëve cilësore që të ketë konkurrencë në ekip, në mënyrë që asnjëri mos ta ketë vendin e sigurt në formacion. Kështu besoj që skuadra do jetë më e fortë. Besoj se diçka do ndryshoje, sepse e thashë se drejtuesit do të kenë nxjerrë mësimet e duhura dhe do ta kenë kuptuar se ku kanë qenë gabimet që çuan në rënien e skuadrës nga Superliga”, përfundoi Shtubina.

SITUATA TE VLLAZNIA – “Vllaznia administrohet nga Bashkia e Shkodrës, e duke qenë se më 30 qershor janë zgjedhjet lokale, situata për vazhdimësinë është e paqartë. Unë kam edhe një vit kontratë me Vllazninë dhe kam dëshirë ta respektoj atë. Kështu më bëhet më mirë, por deri më tani askush nuk ka lëvizur për të na thënë se si do të vazhdojmë në këto kushte zgjedhore”.

OFERTAT – “Për etikë nuk po ju tregoj ekipet që janë interesuar për mua, dhe këtë nuk e bëj për presion ndaj askujt. Por një ekip në Kategorinë Superiore dhe një ekip i huaj më kanë bërë oferta, të cilat unë ia kam përcjellë klubit. Dua të qëndroj në Shkodër”.

AGRON KAJA

Disa prej tyre kanë oferta dhe njëri është Oumar Tourad Kamara, lojtari nga Guinea që ka spikatur me lezhjanët.  Drejtori sportiv i klubit Besëlidhja, Kristi Memi, e bën fakt interesimin e Vllaznisë për mesfushorin. Ai thekson se edhe dy klube të tjera e kërkojnë lojtarin e tyre, por ai do vetëm shkodranët.

“Kamara dëshiron skuadrën e Vllaznisë dhe ka anashkaluar dy ofertat e tjera nga skuadra të Superiores. Nga Vllaznia është bërë kërkesë paraprake, që ne si klub nuk e kemi kundërshtuar. Do të ulemi gjatë këtij muaji, do të flasim dhe më pas do të vendosim”, u shpreh Memi për Sportekspres.com 

Më tej ai flet edhe në lidhje me trajnerin e ri të Besëlidhjes: “Gjatë kësaj periudhe skuadra është pushim e deri tani nuk kemi patur ndonjë lëvizje të veçantë, duke përjashtuar largimin e trajnerit Vladimir Gjoni. Për teknikun e ri do vendosim brenda datës 15 qershor, pasi së bashku me të do formatojmë skuadrën për sezonin e ri. Deri tani ne si klub nuk kemi ndonjë emër konkret”.

AGRON KAJA

TITULLI KAMPION – “Vuajtjet dhe sakrificat e gjithë vitit na u shpërblyen me fitoren e kampionatit në fund. Ishte një fund i lumtur, u gëzuam të gjithë”.

STËRVITJA  – “Në stërvitemi pothuajse çdo ditë. Një seancë zgjat diku te një orë o gjysmë ose dy orë. Pjesa tjetër është kohë e lirë. Po të kemi dëshirë mund të bëjmë stërvitje ekstra. Ndonjëherë trajneri vendos të na japë një ditë pushim pas një ndeshje”.

RËNDËSIA E REGJIMIT –“Nëse nuk mban regjim kjo gjë do të pasqyrohet menjëherë në paraqitjet në ndeshje ose stërvitje. Gjithçka është në dëmin tënd”.

HAPAT E PARË – “Futbollin e kam filluar shumë i vogël, diku te 8 vjeç. Babai më thoshte se do i hyja futbollit, pasi ai i kishte luajtur vetë, dhe ky sport do më bënte mirë për shëndetin. Më pas e kuptova se mund të shkoja më larg. Daja më bëri tifoz më Brazilin. Në përgjithësi më pëlqenin të gjithë brazilianët, veçanërisht Ronaldinjo. Më pas u dashurova me Ronaldon, jo me Mesin”.

A KA ZËNKA NË SKUADËR – “Të them drejtën këtë vit kemi pasur shumë harmoni në ekip. Normalisht nuk është e thënë të rrish me 25 çuna. Mund të kesh një grup djemsh që je më i afërt. Këtë vit ka pasur shumë harmoni, prandaj besoj arritëm te ky sukses. Futbolli i njeh acarimet. Janë gjëra që ndodhin në nerva e sipër, por shuhen aty menjëherë”.

E ARDHMJA – “Nuk e di të them të drejtën. Këtu te Partizani jam në huazim. Kam dhe një vit kontratë me Domzhalen në Slloveni. Tani do shoh sa të fillojë merkato. Partizani ka të drejtë të aplikojë të drejtën e blerjes së kartonit. Në rast se jo, atëherë do kthehem në Slloveni e do vazhdoj atje”.

KOMBËTARJA – “Është një ëndërr që e ka çdo shqiptar besoj, sidomos ne që jemi marrë përherë me futboll. Nuk ka arritje më të madhe se sa të luash në kombëtare”.

MIQËSIA ME LOJTARË TË KOMBËTARES – “Po Balajn e kam kushëri, ndërsa Roshin e njoh prej Bekimit. Jam shumë i afërt me ata, komunikoj shpesh. Kur kam qenë pjesë e moshave të Rijekës, ata ishin në ekip të parë dhe më kanë dhënë një ndihmë shumë të madhe. Kalonim çdo ditë bashkë. Më kanë këshilluar si të jem më i qetë dhe si të stërvitem më shumë”.

SKUADRA E ZEMRËS –  “Unë jam formuar si futbollist në Shkodër dhe normalisht kam qenë tifoz i Vllaznisë. Vitin e parë si profesionist e kam kaluar te Vllaznia. Është normale të jem tifoz me Vllazninë. Për Partizanin kam pasur gjithmonë simpati, pasi pavarësisht se ra në kategoritë më të ulëta, u ngrit prapë dhe doli kampion. Është krenari dhe nder për ne që e arritëm ta kthenim në majë të futbollit. Kështu bëjmë që moshat e reja te bëhen tifozë me Partizanin, pasi ka shumë me Tiranën”.

THUHET SE FUTBOLLISTËT JANË TIPA TË TURPSHËM? – “Varet, nuk janë të gjithë njësoj ka dhe tipa që s’i pushon goja. Unë ndoshta hyj më shumë te të turpshmit, por më mirë të them diku në mes”.

MESAZHI PËR TË RINJTË – “Do i thosha të rinjve që të besojnë në vetvete dhe me punë e përkushtim mund të arrijmë çdo gjë”.

Në ndeshjen e zhvilluar të shtunën në stadiumin “Loro Boriçi”, vajzat shkodrane kanë konfirmuar veten sërish si kampione të kësaj kategorie. Në takimin e fundit për këtë sezon, Vllaznia ka fituar 3-1 ndaj Tirana AS.

Si kampione e Shqipërisë, Vllaznia do të marre pjesë në turin paraeleminator të UEFA Women’s Champions League. Vajzat kuqeblu prej vitesh dominojnë futbollin shqiptar dhe një pjesë e mirë e tyre janë edhe pjesë e kombëtares.

AGRON KAJA

Kështu, pas Dejvi Bilalit e Valdo Zeqajt, të cilëve u mbaruan kontrata, të tjerë futbollistë janë në prag largimi. Burime pranë klubi kuqeblu deklarojnë për SportEkspres.com se pjesa më e madhe e futbollistëve që ka Vllaznia aktualisht, si Tafili, Lika, Krymi, Sherri, Hajdari e disa të tjerëve, u mbarojnë kontratat.

Me ta askush nuk është ulur për të biseduar për sezonin e ri, ndërkohë skuadra është pushim. Këto ditë, dy futbollistë të huaj kanë deklaruar largimin, mbrojtësi rumun Dan Ignat dhe sulmuesi nigerian Kollins Eziamaka. Të dyve u mbaron kontrata me Vllazninë.

Shkak për këtë shpërbërje është menaxhimi i Vllaznisë nga Bashkia e Shkodrës, që kushtëzohet nga zgjedhjet lokale të 30 qershorit. Ndaj edhe në Shkodër të gjithë futbollistët po mendojnë të largohen dhe vetë klubi shkodran është i pafuqishëm që t’i ndalojë, përjashtuar pak futbollistë që janë në kontratë edhe për një sezon.

AGRON KAJA

“Ashtu si të gjithë, edhe ne jemi të trishtuar që kemi humbur ndeshjen finale kundër Bylis. Kishte shumë faktorë pse, por më e rëndësishmja është se javët e fundit i hapen sytë çdo ëndërrimtari. Ne e ndërtuam këtë ekip për t’u promovuar në Superligen e Shqipërisë dhe e dinim që nga fillimi se nuk ka asnjë shans që kjo të jetë një skuadër e suksesshme në Superligë. Megjithatë, ne falënderojmë lojtarët që kanë bërë punën e tyre për të dërguar Vllazninë më herët, në vendin që i përket, pra Superligë”.

“Ashtu siç i kemi thënë muaj më parë shumë herë lojtarëve, bëhet fjalë vetëm për Vllazninë dhe nuk ka asgjë personale. Kjo do të thotë që kemi nevojë për një Vllazni më të fortë dhe shumë lojtarë do të largohen nga klubi. Kjo është gjithashtu arsyeja pse kemi bërë në fillim të sezonit kontrata vetëm 1 vjeçare për shumicën e lojtarëve. Vetëm lojtarët si Krymi ose Gurishta kanë kontratë edhe për në Superlige, sepse kemi menduar që në fillim për to”.

“Por edhe lojtarët e rinj që kanë kontrata afatgjata (të nënshkruara para disa vitesh), të cilët nuk kanë kapacitet për Superlige, do të largohen, sepse ne duam vetëm lojtarë të rinj që kanë aftësi për të luajtur në të ardhmen për Vllazninë. Këtë vit ne kemi një brez të mirë në grupin e U19 dhe kemi nënshkruar tashmë me disa nga këta lojtarë. Në të njëjtën kohë, drejtori sportiv filloi që në janar interesimin për Superligën duke bërë një raport me analizat përkatëse rreth lojtarëve shqiptarë që mund të ndihmojnë ekipin”.

“Në javën e fundit ne kemi filluar të kontaktojmë me këta lojtarë. Muajin e kaluar drejtori sportiv ka udhëtuar për të parë lojtarë të huaj, financiarisht të mundshëm për ne, të cilët mund të na ndihmojnë në Superligë. Vitin e kaluar filluam shumë vonë dhe nuk kishim kohë për të përgatitur diçka. Këtë sezon ne do të jemi të përgatitur qe të mos kemi një ëndërr të keqe si ajo e herës së fundit në Superligë”, thuhet në deklaratën e FK Vllaznia.